يرحم قلب طيب  

سقانا حبه.. حنان وآمان 

نوره لسة باقي و سره فينا ساري 

يرحم قلب جماله حي  

احتمى من الموت ف ضل ذكرى

ذكرى .. قوية، عنيدة، 

ذكرى سيرة ف عمر الزمان، لسة وليدة،  

يدوب كتبت سطر من شبابها 

سطر كان أغلى من الدهب والماس 

سطر محفور ف قلب كل الناس

سيرة عمرها تلاتة وعشرين سنة، شابة عفية 

صرخت بعلو الصوت ف وش الموت

وفضلت عايشة .. 

عاشت ف ضحكة باقية وكلمة دافية

ولمعة كانت ف عيونه صافية .

مات ! مين قال مات ؟

ده لسة جماله حي 

وحبه ف القلب ضي 

ولسة الأمل ف التلاقي  

نتقابل ونحكي، نضحك ونبكي 

نبكي الدَمع المداري 

ونضحك بفرحة اللقا من تاني 

بس آآه لو نتقابل تاني