ح٢١
♦♦♦♦♦♦♦♦♦♦♦♦♦♦♦♦♦♦♦♦♦♦♦
ولما تكون بدأت تتحسن من فترة صدمات صعبه وفجأة تتنكس فأقل من كام دقيقة !
ده الى حصل مع تقى الى بدأت تتحسن وترجع لحالتها الطبيعيه بفضل الله ثم حسن جنبها، كانت مش مستعدة خالص لاقوى مواجهه ممكن تواجه بيها مامتها
بتفتح الباب ع اعتقاد انه حسن
تقى : ثواااانى يا سووونة، بقوم بالعافيه استنااانى(فتحت فوجئت انها مامتها)
الام:(بصه زعل) سونة! لا ياست تقى انا ماما مش سونة
كشرت تقى ووسعتلها الطريق تدخل ، دخلت وبصت ع حركة تقى الصعبه فالمشى
الام: انتى مالك ؟ انتى كويسة
بصت تقى باستغراب ع مامتها وضحكت باستهزاء ...
تقى : انا كويسة !! غريب السؤال ده ياماما
انتى كويسة
تصدقى حلو ..انتى كويسة
الام: كفاياكى بقى استهزاء بكلامى ، احترمينى انا امك
تقى : انتى الى تقوليلى عاملة ايه ، كوبسة مع جوزك الى بعتى الدنيا عشانه
اولادك اخبارهم ايه واخدة بالك منهم كويس
مهتمه بحياتهم
عارفه مين بيعمل ايه
هتسافرى ، هتغيرى جو
هتسيبى البلد ....احكى انتى ياماما
الام: تقى ! لو كنت غلطت زمان مش بالضرورة ابدا كل م تشوفينى تقطعى فيا كده
تقى :،غلطتى زمان !(صوتها على ) غلطتك زمان انا دفعت فاتورتها
انا كنت بموت من اسبوعين كنتى فين
انا اتفضحت فمصر كلها كنتى فين
كنتى فييييييين !!!
وهى بتزعق ،كان الباب بيتفتح وحسن بيدخل مستغربهم
ومستغربينه!!
♦♦♦♦♦♦♦♦♦♦♦♦♦♦♦♦♦♦♦♦♦♦♦
"ماشاء الله عليكم يا اخوات ، بإذن الله نستعد للمسابقه الاسبوع الجاى
والله الموفق والمستعان"
زميلة جميلة : انا حاسة انك ان شاء الله الى هتفوزى بيها وهيدخلو بيكى المسابقه الكبرى بتاعت دور التحفيظ الباقيه
جميلة: يارب يارب ربنا يوفقنى واقدر
زميلتها:هتقدرى بإذن الرحمن، انتى مش واخدة بالك انك ففترة وجيزة ملكتك فالحفظ كانت سريعه والشيخه فرحانه بيكى جدا
ع فكرة لو خلصتى حفظ المصخف الشريف كامل بالطرق
هيعينوكى هنا
جميلة: والله بدعى ربنا ليل ونهار ، اتعين هنا وانفع غيرى زى ما قال رسولنا الكريم
زميلتها:انتى طيبة وبنت ناس وتستاهلى كل خير ياجميلة، بقولك ايه
جميلة:خير
زميلتها: كنت عايزة اسألك سؤال شخصى كده ممكن
جميلة: اتفضلى
زميلتها:يارب بس مكونش بحرجك
جميلة: لا عادى قولى
زميلتها: هو انتى مخطوبة ؟
جميلة: ( اتاخدت وفكرت كتير تجاوب بايه ) ليه عندك عريس ليا
زميلتها: بصراحه ودوغرى كده ، انا ابن عمتى عنده اعاقه زيك فالنظر (،سكتت حست انها مدب)
اسفة ضرير يعنى
وكان بيدور ع بنت حلال تصونه تصون عرضه، انا ع طول فكرت فيكى وقولت اشوفك
جميلة: ( هتقووووول ايه) معلش ممكن نتكلم فالموضوع ده بعدين عشان انا لازم اروح دلوقتى لاخواتى لوحدهم فالبيت
سابت ايديها وعدت لوحدها الطريق وكملت مشوارها بتفكر فاللى لا كان ع البال ولا الخاطر
♦♦♦♦♦♦♦♦♦♦♦♦♦♦♦♦♦♦♦♦♦♦♦
الام:هو انتو اتجوزتو ولا ايه
حسن:اتجوزنا ! لا طبعا دى بنتى ...اقعدى انا حفهمك
الام: تفهمنى ايه ؟شاب وعازب وفسن التلاتينات وقاعد مع بنتى فشقه واحدة وتقولى اقعدى
حسن: (ببرود) وكنتى فين ياطنط قبل انهاردة تعرفى بنتك فيها ايه ؟
بتعمل ايه
مين معاها
فحضن مين؟
الام:اخرس! مكانش عشمى منك ياحسن تقول كده ده انا بقول انك اخوها
حسن: ياطنط انا جيت ع تقى وقولتلها توصلك، بس توصلك ازاى ولا انتى ولا عمى تعرفو عنها حاجه
عارفين حقوقكم لكن واجبتكم لا
هى محتاجه ايه
مش بنتكم دى
ولا احنا فالحين نقضى لحظات حلوة سوا ومنتحملش العواقب!
الام:انت ازاى تكلمتى كده
حسن: عشان مينفعش غير كده ، لازم تفوقو عالحقيقة انتى وعمى
نتيجه استهتاركم بيها
انتى انشغلتى بجوزك وبولادك منه ونسيتى تقى
وهو الفلوس والفلوس ثم بعده الطوفان
طب وهى .....دى بنت
مسألتوش نفسكم هى عايزة ايه
بتعمل ايه ولا بيتعمل فيها ايه
الام:انا بنتى متربية احسن تربية
تقى:مع احترامى ليكى الى رباها امى الله يرحمها وانا ، انتو كنتو فين
ال٨سنين الى قعدتهم معانا ربيناها فيهم
لكن سنين مراهقتها وشبابها مين يوجهها
ممكن تجاوبينى
اجاوبك انا واوفر عليكى
تقى الى وجهها الفيس بوك
تقى:بس ياحسن !
حسن:واحد حيوان ابن جزمة ضحك عليها باسم الحب والاهتمام واتجوزها وهجيب امه قريب من تحت طقاطيق الارض ان شاء الله ومش هسيبه
تقى:كفاية ياحسن
حسن: رجعت بمصيبه من هناك واتفضحت عالنت وكل الناس شافت بنتك
ونهشت لحمها
تقى:(صرخت )كفااااااااااية كفااااااااااية
وقعت عالارض فاقدة وعيها
جرى عليها حسن وحضنها بسرعه ،بس العجيب موقف مامتها حاولت تقرب ناحيتها
مقدرتش
مشيت وخرجت .....
♦♦♦♦♦♦♦♦♦♦♦♦♦♦♦♦♦♦♦♦♦♦♦
النهار والليل....بقو واحد
عند جيلان
عايزة تفوق من الكابوس وتحس انها كانت بتحلم وتصحى ع صوت وحيد وهو بيصحيها بعد ماسافروا سوا
وكأن مفيش حاجه حصلت
لكن دى مش الحقيقة،ساعات كتير بننكر الى احنا فيه بحلم فخيالنا البعيد عشان نعرف نعيش
ماجى
كانت ع عكس تصرفاتها وانفعالاتها طول الوقت مع جيلان اختها،بقت احن
واهدى
والمفروض ان ده عادى منها، بس مش عادى بالنسبة لجيلان
الى بتعافر معاها ومش عايزة تخرج
جيلان:مش عايزة اخرج ياماحى قولتلك ،اعتذرى لماريانس وقوليلها بجد مخنوقه
ماجى:يعنى ايه خطوبة بنت خالتك مش هتحضريها كمان
فيه ايه ياجيلان انتى اقوى من كده
ايه الى حصل يعنى
جيلان:اه صحيح ايه الى حصل يعنى ، واحد وحبيته وشوفت فيه الامل الى اعيش عشانه
واتمسكت بالحياة والحب
وفجأة قومت ع قلم
وايه الى حصل يعنى
ماجى: ممكن تحدديلى فخسارتك فجوازتك من الحيوان ده
جيلان:قلبي انكسر، اتنصب عليا
فلوسى راحت
واتجوزت للابد ...مافيش طلاق منه
وهو فين اساسا
وحياتى وقفت كده
ادى خسارتى ياستى
ماجى: قلبك ياستى بكرة تنسى ، اتنصب عليكى بسبب نشفان دماغك
فلوسك بقى ف زى م بيقول دكتور المجانين بتاعك جه دورنا نرد جميلك معانا واحنا اهلك
اما طلاقك فسيبى الموضوع ده عليا
جيلان: وانتى عرفتى منين ان حسن قال كده فعلا
ماجى: عشان الدكتور اللاسع ،الاستاذ شيزوفرينيا زى ما بيقولو
ع اتصال بيا من ساعه الى حصلك
وبيدينى اوامر حضرته اعمل ايه ومعملش ايه معاكى عشان حالتك النفسية
وبندبر سوا ازاى نخرجك من الى انتى فيه
تمام كده
جيلان: انتى صحيح عايزة تساعدينى ؟؟
ماجى: جيجي انا اختك، مش عدوتك
لما جوزتك اول مرة ده عشان انتى اجمل لو كنت جميلة زيك كنت اتجوزته انا
ولما ساعدت ف انك تخلصى منه ويموت
عشان كنت عايزامى تعيشى حياتك بقى وشبابك والى احنا عايزينه منه يحصل وخلاص
لكن عمرى م كنت ضدك
ولما موفقتش ع جوازك عشان كنت عارفه ان اى حد هيعرف بالثروة الى ورثتيها هيطمع فيكى
جيلان: ليه انا مش من حقى احب اتحب
ماجى: من حقك بس ميكونش عارف ب الى وراكى ....يلا قومى اغسلى وشك
والبسي يلا نغير جو
(شاورت عالسلسلة الى لابساها جيلان) ازاى ربنا فقلبك وبالك وزعلانة كل ده
يلا ياشيخه
هنتأخر
♦♦♦♦♦♦♦♦♦♦♦♦♦♦♦♦♦♦♦♦♦♦♦
كام يوم عدو ع جميله فتفكير فالموضوع الى هى اتفجأت بيه ده
تعمل ايه
تقوله
جوزها ....بس ده عالورق
لكن لازم يعرف ،لأ ميعرفش وهى هتتصرف
هى مش بتحب تفرض نفسها عليه ابدآ
كل ده كان بيدور فتفكيرها ، ووصلت فالنهاية انها تصارحه
وجه ميعاد انه يحاسب المدرسين بتوع اخواتها
واستنت ع احر من الجمر
ولما مشيو ندهتله ، ودخلو قعدوا فأوضه الصالون لوحدهم
حسن: خير يا جميلة
جميلة: خير ان شاء الله ، انا...
انا متقدملى عريس
حسن: (قام وقف)نعم !
جميلة: فيه ايه
حسن: ده منين وفين وشافك امتى
جميلة: متقلقش مشافنيش،اصله ضرير زيي
دى قريبته الى طلبتنى ليه ومستنية الرد
حسن: واية المطلوب يعنى ، تتجوزى وانتى متجوزة !
جميلة: ده جواز ع الورق بس
حسن: فهمت ،خلاص دورى خلص
دلوقتى ولازن تعيشى حياتك
يعنى اطلقك وتتجوزى بجد وتخلفى وهكذا
جميلة ساكته
حسن :عن اذنك يا جميلة
قام مشى من غير سابق انذار ومقالش جملة مفيدة ، مفيش غير انها بس حست انه فطريقته كان بيغير عليها
رضيت بالمر الواقع ورجعت لتفكيرها وقرارها انها ترفض، ووسط انشغالها
بالطبيخ ومساعدة اختها ليها فالمطبخ
كانت بتدوق الاكل والباب خبط
فتح اخوها
اخو جميلة: عمو حسن ياجميلة عايزك
جتله بلهفة متدارية ...
جميلة: خير ياحسن اتفضل
حسن: لا انا نازل ع طول (مسك كف ايدها ولبسها دبلة دهب ع ادها بالظبط)
جميلة: ايه الى لبستهونى ده
حسن: دى دبلة، قوليلها انا مخطوبة
او مكتوب كتابى
ومسمعش كلمة عرسان دى تانى
جميلة فرحت اوووووووووووووى وكالعادة دارت بوشها الهادى الملائكى
حسن: ارجو انى مكونش عملت كده غصب عنك
جميلة: (ابتسمت) عمرك م عملت حاجه غصب عنى ابدآ ياحسن من يوم ماعرفتك
حسن: ابدآ
جميلة: ابدآ
اخواتها وافقين بيتفرجو عليهم ومبتسمين ببراءة
حسن ابتسم وافتكر لما باسها ،يعنى معنى ذلك انه مكانش غصب عنها
ميل مسك كف ايدها و باس الصباع الى فيه دبلته
ورد فعلها كان نفس رد الفعل الابتسامة الهادية والخدود الحمرا ورعشه الايد
حسن: هسيبك بقى ، (مشى ورجع كانت هتقفل)
جميلة
جميلة: نعم
حسن ،: هو انا ايه فحياتك
جميلة: انت سندى ياحسن ، لما كانت الدنيا بتيجى عليا
مكانش فيه حد جنبي
دلوقتى معايا بعد حما ربنا ...انت
وهو انا اقدر اقول ايه ع واحد وعززنى من الشارع خلانى اميرة!
حسن قلبه فرح لاول مرة يحس بانه حاجه كبيرة فحياة حد
وترجم فرحته ببوسه ع جبينها ولاول مرة يعملها مع جميلة
وسابها ومشى
كانت جميلة فدنيا تااااااانية فاقت ع صوت اخوها
اخوها: ع فكرة مشى يا جميلة ، وبعدين انتو عملتو زى الافلام لازم يبوسك عالسلم يعنى
وافرض حد شافكم
جميلة: اتبرجلت )يخربيتك ادخل انت وهى هتفضحونى ، ادخلو
♦♦♦♦♦♦♦♦♦♦♦♦♦♦♦♦♦♦♦♦♦♦♦
"وااااااااااااو ، ايه الفيلا الجامدة دى
دى جامدة جمدان السنين يامعلم "
حسن: جامدة جمدان السنين ، انتى متأكدة انك لسه راجعة من امريكا ولا من الباطنية
تقى:هههههه اسكت دى حجات اتعلمتها من العيال الى فالجروب الى كنت بدخله زمان
الله يحرقهم
حسن: والله يحرقهم كمان طب اسكتى المفروض انك بنوتة محترمة كيوت عشان حبيبة دى لما بتتعصب بتاكل ناس
تقى:بس واضح انها بنت ناس اوى يا اسطا
حسن:اسطا !! وجبتى دى منين يا معلمة
من الجروب برضو
تقى :لا دى فاليوم المشؤم الى خدت فيه حبوب نزيف وقولت اسقط نفسي ، كانت قالتلى بنت عم رضوان ع واحد بيبع برشام شمال فالمرج
ركبت المترو
روحت سمعت بنت بتقول لصاحبها بحبك يا اسطا ركزت معاهم وكتمت الضحكة راح قالها وانا كمان يامعلم
حسن: (بيبصلها بإزدراء) طب هتكتمى عالرابيش الى فتحتيها دى ولا نروح
احنا فحفلة محترمة
تقى :لا خلاص سكتت اهو
حبيبة جت عليهم ترحب
حبيبة: حسن !مبسوطة كتيىر انك جيت ، مين دى (وشها اتقلب)
حسن: دى قريبتى تقى
حبيبة: (بقرف وغيرة) هاى
تقى: هاى
حسن: كانت عايشة ف امريكا لسه راحعة ، قولت تغير جو هنا
قولتلها تعالى نحضر حفلة واحدة محنونة طلعت من السرايا جديد
حبيبة: (مسكت البرتوفلى بتاعها )اتلم بدل م افتح دماغك
تقى :هههههههههه
حبيبة: دى رابع حفلة اعملها من ساعة م رجعت،(انكشته عمد وخدته من تقى )اسكت عملت كل الى اتفقنا عليه
حسن: طيب انتى جرتينى وراكى والغلبانة الى جاية معايا دى
حبيبة: اووووووف ياحسن تروح تاخد درينك ولا حاجة ،(بصت ورا لتقى ) Have nice time
تقى:(ضحكت بغلاسه واتريقت عليها ومشيت لوحدها تتفرج عليهم وتشرب درينك
♦♦♦♦♦♦♦♦♦♦♦♦♦♦♦♦♦♦♦♦♦♦♦
هو كان مستنى اللحظة دى من اول م عرف برجوعها
او من اول م ظهرت فحياته من جديد
ضحى وحسن ....فكافية
حسن: وحشتينى ع فكرة
ضحى :(ابتسمت ) وانت كمان ياحسن
حسن: ليه كل ده ، من اول م فوقتى مكلمتنيش ليه
ضحى: انا من اول ما فوقت وانا معاك يا حسن
حسن:معايا ازاى بس، قولى كلام مفهوم
ضحى: حفهمك ...يوم الحادثة
انت بعد مانا فقدت الوعى انت سبتنى عالارض ومشيت
افتكرت انى موتت
حسن: انتى عرفتى ازاى
ضحى: هقولك ،متستعجلش
بعد م انت مشيت
كان فيه عالطريق بنت دكتورة اتعطلت طبعا بسبب الحادثة
نزلتلى ع طول بعد م انت مشيت كانت جت الاسعاف
طلعت معايا لحد المستشفى
البنت دى صاحبه عمرها ماتت كده السنة الى فاتت ومقدرتش تنقذها
لكن انا حظى كان حلو
قدروا ينقذوا م يمكن انقاذه، الخبطة الى خدتها ع دماغى عالارض
سببتلى نزيف فالمخ
وجسمى كله اتكسر
دخلت الانعاش ، وكانت هى معايا لحظة لحظة
كلمت اهلى
وكانت طول الوقت شايفه صاحبتها دى فيا، عملولى عمليه فالمخ
ووقف النزيف
بس قصاد كده ، عصب الحس فنخاعى الشوكى فمكان ما فجسمى اتقطع بدون قصد من الدكتور فالعمليه لانها كانت عملية دقيقة جدا
فضلت فغيبوبة فترة كبيرة، اكتشو ان رجل اليمين ماتت
حسن وشه اتغير بحزن
ضحى:انت زعلت ، يااااه ده كرم ربنا كبير
م قدرش ليا الموت عشان ارجع اكفر عن اى ذنب فات مكنتش اعرفه
وكتبلى الحياة من جديد ،بس عاقبنى عقاب خفيف وفرحانه انه جه فالدنيا مش الآخره
انكتب عليا اعيش بطرف صناعى طول عمرى
وابقى عاجزة وبحمد ربنا ع هديته دى اوى
حسن: (مسح دمعه من عيونه) الحمدلله انك بخير ومش مهم اى حاجة تانى
البنت بقى الى انقذتك
ضحى: بقت افضل اصدقائى ،هى الى حكتلى الى انت عملته لانها كانت شايفاك من عربيتها
حسن: والحجاب؟
ضحى: حبيت اكفر عن كل ذنب اقدر اشيله من حياتى ، اتحجبت
وقطعت صلتى بأى شاب سواء صداقه او زمالة
بقيت بصلى وانا قاعدة
وبقرأ قرآن
لكن حاجه واحدة مقدرتش ابطلها....حبك ياحسن
لما حكتلى البنت دى انك كنت فحالة هيسترية...وانك علقت البورتريه بتاعى فعيادتك
وده عرفته صدفة وفرحنى اوى
حسيت ان كل حاجة اتشفيت منها الا مرض حبك
مكنتش بعمل غير انى اكون معاك من بعيد لبعيد...وانا الى كنت ببعت المسجات
وكانت بتوصلنى الفويس مسج بتاعتك...شتيمة وقلة ادب ههههههه
لكن اخر واحدة لما قولتلى
"لو كنتى انتى ، قولى وريحينى"
عرفت انك منستنيش وعرفتنى من كلامى ،زاد حبك فقلبي
بس مينفعش اقرب اكتر من كدة لانى بقيت بخاف ربنا فتصرفاتى
وكمان محبتش اتقل عليك بيا تانى واحملك ذنب حبي
حسن: اوعى تفتكرى انى هربت وسبتك وعيشت حياتى ، انا مبعرفش اواجه فراق حد بحبه
بابا وماما لما راحو يأدوا فريضة الحج
رجعو فصناديق
مصدقتش
مقدرتش استقبلهم
ولا اقف اخد عزاهم مع انى ابنهم الكبير
سافرت ومعرفتش حد انا فين وقفلت ع نفسي عياط مستمر ونوم
وده الى حصل لما كنت فاكراك ......
انا اعتقلت واتعذبت ومكنتش شايف غير صورتك قدامى، حتى من فترة كنت هفقد حد عزيز عليا
وعدت ربنا ارجع عن كل شئ يغضبه بس هى تقوم بالسلامة
وحلفت باهلى وبيها وبيكى رغم انى كنت فاكر انك ميته، فكرة مواجهه صعبة عليا مبقدرش وببان ندل
حتى فرح اختى ...رغم انه فرح
بس دى سلمى حتة من قلبي
مستحملتش انها تمشى وتشاورلى وتركب العربية مع عريسها وتسيبنى واروح من غيرها
وادخل ملاقيهاش فالشقه
مشيت قبل م الفرح م يخلص
وسبتها
ضحى: سبت اختك!!
حسن: اغلى الناس عندى محبش اودعهم ،وانتى منهم
ضحى: اوعى ترهن نفسك عليا
اول مرة انا فرضت نفسي ع حياتك
دلوقت انت مش مجبر خالص....
حسن: انا عمرى م عملت حاجه اجبرت عليها ، ودلوقتى انا الى مختار وجودك معايا
مش انتى
مالك بتبصى حواليكى ليه
ضحى: مستنيه صاحبتى تروحنى
حسن: ومروحكيش انا ليه
ضحى: لا اخاف ع صورتك حد يشوفك ، يقول دكتور حسن بهيبته كان ماشى مع واحدة عاجزة
حسن: عاجزة ! طب قومى
ساعدها تقوم وخرج بيها انكشها كانت فرحانه اوى
ضحى: ياحسن انا مشيتى صعبه مترهنش نفسك بيا
حسن: بس بس بلاش كلام خايب ولو ع مشيتك اهو ، (شالها ع ايديه مرة واحدة ضحكت بصوت عالى والناس بصت عليهم )
ضحى: يالهوى يادى الفضايح، نزلنى وحياة سلمى اختك
حسن:لأ تؤ ،، ايه حد مستغرب ! الى عايز يعمل حاجة يعملها
بطلو ام الروتين الى انتو فيه
كان معدى بتاع ورد وفل ومناديل
الولد: ورد يابيه ،فل يابيه
حسن: هات كل الى معاك وخد (خدهم لبس اعقاد الفل ضحى ومسك الورد ومشى يغنى بصوت عالى )
مافيش بتاع نعناع بالمرة
يابتاع النعنع يا منعنع....يامنعنع
هات هدية لل متدلع ..يتدلع
ضحى :ياحسن نزلنى عيييب ههههههه
حسن: لا (كمل اغنية) يابتاع السكر يا مسكر
يا مسكر ...يا مسكر
ليل نهار فحبيبى بفكر
ضحى :نزلنى يا شيزوفرينيا اااااااااااا يالهوووووى
حسن:نوووووووووو، يابتاع السمسم يامسمسم
ضحى: طب امشى بالراحه يا حسن هقع
حسن: والله اجرى بيكى انا بقولك اهو
ضحى: لا بلاش متتجننش بقى
حسن: بلاش !طب اهو
(بيجرى بيها )
ضحى:(بصوت عال. جدآ) ههههههههههه مجنووووووووون ياشيزوفرينيا
بحببببببببببببببببببك بحببببببببببببك ????????
يا اجمل مافيا يا حسن ، يا حياة الروح وجوه الروح يا حسسسسسن ????????
♦♦♦♦♦♦♦
ح٢٢
"انتى مستغربانى ومش مستغربة تصرف اخوكى يعنى"
سلمى: انا مش فاهمة ايه لعب العيال ده ياعنان، يعنى ايه تمشي وتسيبي البيت
ده انتى طول عمرك عاقله
عنان:خلااااااص فاض بيا، لاعقل ولاغيره
وصلت ان محمد يتهمنى ويشك فيا
انا مراته
ده احنا متجوزين عن حب ولاناسي
سلمى: انا لحد دلوقتى مش عارفه ايه سبب الى حصل ده ،ليه اتخانقتو ولا سيبتى البيت وازاى يحصل كده من فترة ومعرفش
غير لما اعدى عليكى بالصدفه ومش الاقيكى فالبيت
عنان: انا خلاص مكنتش هرجعله تانى ، اخوكى ماصدق امشي
سلمى: طب فهمينى الاول ايه الموضوع
عنان: الاستاذ اخوكى المحترم اتهمنى فحسن
سلمى: حسن مين
عنان:حسن اخوكى يا سلمى ، اتهمنى انى بحبه
سلمى: بتحبيه !!!!!
♦♦♦♦♦♦♦♦♦♦♦♦♦♦♦♦♦♦♦♦♦♦
اللقا المستحيل !
ماجى وحسن شبه من اكبر المستحيلات يتقابلو ،بس كله عشان خاطر جيلان ومصلحتها
حسن: هههههههههههه لا بجد مش قادر مضحكش
معلش انا اسف هههههههه
ماجى:لما اخاف ع اختى ده شئ يضحك
حسن: وهو الى عملتيه ده اسمه خوف! ده انتى قضيتى عليها
ماجى:بس عالاقل الى عملته جه فمصلحتها، وكل شئ هيرجع لاصله من تانى
عشان تبقى تسمع كلامى بعد كده
انا رفعتلها قضية بالتوكيل الى هى عملته ليا زمان ،بس هى مش هتعرف دلوقت
حسن: رغم انه كان صاحبي بس يستاهل ، لانه مقدرهاش صح
ماجى: ممكن اقوم بقى لانى عندى حجات كتير تشغلنى انهاردة
حسن: اتفضلى ياستى
فالوقت الى قامت ماجى من مقابلة حسن ...كانت جيلان فالتواليت الخاص فاوضتها
بتعيط وماسكة فايدها اختبار حمل !
من برة مامتها بتخبط
الام:جيلان...ياجيلان
مش بتردى ليه
جيلان:(بتمسح دموعها)مافيش ياماما انا هطلع اهو
طلعت جيلان وعيونها مكسورين من العياط
الام:مالك يا جيجي شكلك مش طبيعى
جيلان:(حضنتها وبتعيط) مفيش .....مفيش
♦♦♦♦♦♦♦♦♦♦♦♦♦♦♦♦♦
سلمى : انتو. الاتنين بتستعبطو ،عشان ده مش وقت جنان خالص
فيه بيبى بينكم جاى فالسكة
وانتو بتستهبلو بكلام فارغ
عنان:انا ولا محمد يسلمى خليكى حقانية، ازاى يتهمنى اتهام فظيع كده
حسن مش اكتر من اخويا وهو عارف وبحبكم اوى وربنا العالم
عشان كده بهتم بأموره وامورك ...غلطت يعنى انى قولت نسمى الولد حسن
سلمى:ياعنان محمد بيغير عليكى موت بتغيظيه ليه
عنان:والله م بغيظه، عادى انا بعز حسن ياسلمى زى اخويا الله
هو كل من تعز اخو جوزها يبقى بينها وبينه حاجه
سلمى: تلاقيكى فمرة قولتى حاجه ع حسن فمن ساعتها محمد شايلهالك
خلى بالك محمد ده سوسة اوى بيدكن يعنى
اغلب مشاكله مع حسن زمان ان حسن بيعمل الحجات بحسن نية وهو يشيلهاله ولما يتخانق معاه يطلع القديم والجديد
عنان:انا مقولتش حاجه ع حسن غير مرة ،كنت بهزر مع محمد وبقوله ياقفل من البيت للشغل ومن الشغل للبيت والصلاة فالبيت وتقعد قدام التلفزيون زى الى عنده ١٠٠سنة بص ع حسن اخوك سفر وخروجات ودمه خفيف وكل شوية فحته وكل ساعه بحال
ده الى هتتجوزه دى مش هتحس بملل الزواج ابدآ
سلمى: ههههههه الله يخرب عقلك ده انتى عمتيها خالص
بصى متجيبيش سيرة حسن قدام محمد فمقارنات وبتاع لان هو ع اد م بيحبه بس بيغير منه
عنان:هيغير منه ع ايه ، ده حتى محمد مدير حسابات فبنك معروف
ومحترم وتعاملاته محترمه وعمره م شرب حاجه تغضب ربنا ولا عرف اصحاب وحشه
سلمى:وع اد كده حسن كانت الناس بتستلطفه عن محمد ، رغم ان حسن من يومه بلوة
بس فالاخر طيب ع فكرة
محمد معملش حاجه فحد ولا اذى حد ودايما بابا وماما يدعوله لكن سوسة هههههه لئيم
عنان: حاسة انى مكنتش اعرف جوزى قبل كده ، بس تعرفى كلام فسرك
جنان حسن بيعجبنى اوى
فاكرة الى عمله زمان وهو بيحضر الماجستير ههههه ساعة البت اياها دى
لكن محمد كل حاجة بالورقه القلم ماشى عالصراط المستقيم
سلمى :ع فكرة بقى لو اتجوزتى حد زى حسن مش هتتهنى يوم لانه هوائى وعمرك م ترسيله ع حال
وبيعشق حاجه اسمها البنات كان هيجننك بنزواته
خليكى فمحمد واد ابن ناس وطيب ومطرح م تحطيه يتحط
عنان:ههههههه طبعا انا بموت فمحمد هو انا عندى كام محمد يعنى
بس لو يبطل غيرته وسوء فهمه دول
سلمى: ده كده بيحبك ياهبلة، لما توصل لاخوه يبقى بيعشقك
انا هقولك تعملى ايه عشان تتصالحو
وبلاش تسمى البيبى حسن فكرى ف اسم تانى
عشان انا الى هسمى الاسم ده
عنان:ههههههههه قولى يافليسوفه
سمعآ وطاعة
♦♦♦♦♦♦♦♦♦♦♦♦♦♦♦♦♦
"الهانم الكبيرة نازله يا ست حبيبة"
حبيبة: ميرسى يا دادة ...
ست كبيرة فالسن ،لكن ارستقراط !
لمعه مجوهراتها فالنور وهى نازلة مع خبطة شوزها بثقه، تعمل هيبة جامدة
خلت حبيبة تقوم من عالفوتيه واقفه مستنياها
مامت حبيبة: ايه الى جابك ؟
حبيبة: مامى ....مامى انا عارفه انى غلطت
وبعدين يعنى لما اغلط لازم تسامحونى انتو مامى وبابى لما انا اغلط تسامحونى مش من اول غلط تحاسبونى وتقاطعونى
مامت حبيبة: هى دى غلطة تغتفر يا حبيبة!
تتجوزى من ورانا ابن السفرجى الهلفوت
خليتى سيرتنا ع كل لسان
وفالاخر تهربي ومحدش يعرف مكانك وهو يتجوز عليكى فبيتك وفيلتك
حبيبة: انتو عرفتو منين
مامت حبيبة: انتى بنتنا ،الوحيدةبعد الى حصل لاخوكى
ازاى منعرفش بيحصل معاكى اول باول
حبيبة: ماما كل حاجة رجعت زى م كانت ، انا خلعته ومن اول جلسه ورجعت حاجتى وطردته هو والحيوانه مراته زى الكلاب
مامت حبيبة: عايزانا نسامحك يا حبيبة (نظرة عتاب)
حبيبة: اه
مامت حبيبة: روحى لباباكى ،ارفعى راسه فشركته
قوليله انك ندمانه قصاد الناس
قوليله انك هتبقى معاه وهتساعديه فشغله
خلى ميحسش انه لوحده
حبيبة لما سمعت اخر كلمتين من مامتها رمت نفسها فحضنها وعيطت،حتى مامتها مستحملتش وعيطت برضو
حبيبة: ماما انا حصلى كتير اوى فبعدى عنكم ، واتعلمت درس مش ممكن انساه
مهما حصل الدم مش بيبقى مية ،ودى صلة هتفضل للابد معاهم وفيهم
♦♦♦♦♦♦♦♦♦♦♦♦♦♦♦♦♦
بتتمشى فالحسين ...ضحى وصاحبتها الى بعتها القدر تنقذ حياتها
ضحى:الاحساس الى نسانى روحى ، ونسانى كل حاجة وحشة قبله عيشتها
انا بعشق حسن وحروف حسن يا هاجر
هاجر: انا عمرى م شوفت حد صادق ووفى فحبه لحد ادك كده يا ديدا ، تفتكرى هو بيحبك بقى
ضحى: بصى....هو مقالش
بس لما شالنى وغنالى قدام الناس ومش اتكسف انى عاجزة وماشية معاه وبيعاملنى فمنتهى الرقه
والحنية ..انا بحس فيه بالامان ويمكن يكون هو معنى الامان عندى نفسه يا هاجر
هاجر:طيب مش المفروض بقى يطلب منك الجواز بقى ولا ايه
ضحى : جواز ! كان ينفع زمان
لكن انا دلوقت
هاجر: انتى احسن من اى حد ياضحى
ضحى:مش هنضحك ع بعض بكلام مجاملات ياهاجر، حسن بعد كل ده من غير جواز يوم مايتجوز يتجوز واحدة بطرف صناعى
يعنى يصوم يصوم ويفطر ع بصلة
هاجر: لا طبعا ازاى تقولى ع نفسك كده، هو هيلاقى منين حد يشيله فعنيه زيك
ضحى: هو قبل الحادثة ، كان مخبيلى مفجأة ومعرفتهاش
يمكن كان هيطلب ايدى
لانه قالى لما شافنى فالمرسم ،انتى كنتى فين
ازاى تسيبينى متعذب كل ده
هاجر: يعنى تفتكرى هيجدد عرضه
وهاجر بتتكلم ضحى لفت نظرها حاجه معينه جريت عليها ....
ضحى:لو سمحت ممكن لو جبتلك صورة تنحتهالى بالفضة زى الشغل الى انت عامله ده
هاجر:هتعملى ايه
الراجل:اه يا آنسة تحت امرك
طلعت ضحى صورة حسن من الشنطة وفتحتها للراجل ...
ضحى: عايزة زى دى بحجم طبيعى فضه ،ومتقلقش فالمبلغ الى هتقول عليه
الراجل:عنينا يا آنسة ،اسبوع وتعالى استلميها
هاجر: مجنونة بحسن بتاعك ، يلا نشوف هنتغدى فين
ضحى: لو يتمنى الدنيا بحالها تكون فإيده ..ده هو نورعينى
هاجر: يالهوووى جننك خلاص وشكلى هتعدى من جنانك قريب وامشى اكلم نفسي
ضحى: ههههه اوعدك لو قابلتى زى حسن فيوم هتعملى اكتر منى
هاجر: لا مش عايزة اقابل انا كده تمااام
♦♦♦♦♦♦♦♦♦♦♦♦♦♦♦♦♦
"ما قطعتم من لينة او تركتموها قائمة على اصولها فبإذن الله وليخزى الفاسقون"
اخت جميلة جايه جرى من البلكونة ،،،
اختها:جميلة، ياجميلة عارفه شوفت مين
جميلة:صدق الله العظيم.... نعم شوفتى مين
اختها: عمو حسن ومعاه بت حلوة خالص نازله من عربيته وطالعين ع فوق،وكانو بيضحكو وحاطط ايده ع كتفها
جميلة:(سرحت واتضايقت) طيب خلاص روحى شوفى كنتى بتعملى ايه
اختها مشيت وبانت ع جميلة ملامح الضيقه ...سكووت ودماغها دوشة
فيها مليون كلمة عكس بعض
قطع تفكيرها العميق ف مين دى وتبقاله ايه، لاجابة منطقية خالية من الاحساس
بترد ع نفسها وتقول
"انتى صدقتى نفسك من الاهتمام الى هو. عامله انك تبقيله حاجه؟ مجرد جواز عالورق
وهو حر فحياته"
كانت تقى طالعه معاه لشقتها مش ماسكة نفسها من الضحك نهائى ....
تقى : لا وشوفت فاكرانا اتجوزنا، بس انت جبت مفتاح الشقه منين خليتها تشك فينا
حسن: خدته بليل قولت الصبح اجى ابص عليها من غير م اقلقك عشان عارفك بتنامى الصبح
تقى:اه والله يا حسن فيك الخير
حسن: طب دخلى الاكياس دى مطبخك لحد م اتوضا واصلى ماشى
تقى انبسطت من التزامه ودخلت الاكياس المطبخ وبدأت تحضر العشا ...
وفوسط انشغالها بالتحضير خرجت له مرة واحدة
تقى:مقولتش هتشرب ايه جمب الاكل ؟ ممممم لسه بتصلى
كانت داخله ورجعت تراقبه وهو بيصلى وتسرح فشكله،متغير خالص
خاشع لله
كأنه فدنيا لوحده ...هاااادى اوى
ابتسمت ودخلت تكمل تحضير ....ولما قربت تخلص طلعت لاقته خلص صلاه وبيختم فيها
قعدت قدامه عالمصلية راح مسك ايدها وكمل تسبيح على صوابعها
تقى: ايه الى انت بتعمله ده
حسن: الرسول عليه افضل الصلاة والسلام كان بيختم الصلاة ع يد السيدة عائشة ، طبعا وليه المثل الاعلى بس هو أسوتنا الحسنة يعنى
تقى:بس انا مش مراتك عشان تختم ع ايدى يعنى
حسن: (ابتسم بهدوء) عايز اشاركك الحسنات..غلطان انا
تقى:انت فعلا يا حسن مش هتروح تانى النايت ومش هتشرب تانى
حسن: انتى شايفه ايه ؟
تقى:شايفاك مختلف ١٨٠درجه عن الاول،بس خايفه ترجع للى كنت فيه
حسن: انا الى قررت اشرب
وانا الى قررت ابطل ...لما حد بياخد قرار بنفسه إتأكدى انه بيبقى أده
ومحدش بيغصب عليه فيه
تقى :(بدلع ) وانت كنت بتروح هناك ليه اصلا، عشان الرقاصه!
انا برقص احلى منها
حسن: (قرصها فخدها) ياشيخه!
تقى: اه والله تحب تشوف ! طيب
قامت ترقص وتعمل حركات هبلة خلته يضحك عليها جامد
حسن: طب بس اقعدى ياهبلة
تقى: انا هبلة ؟؟ ماشى ياحسن مخصمالك
حسن: لا خلاص متزعليش
تقى: لا مش هكلمك(قايمة)
حسن: (بيقعدها) خلاص مينفعش تزعلى منى واسيبك يا تكتك
تقى:تكتك برضو طيب هضربك ياحسن لو قولتها تانى
حسن: طيب تكتك وتكتك وتكاتك وتكتوكة
تقى :(بتضربه) طيب اهو
حسن وهو بيضحك من ضربها فيه فجأة صرخ !
حسن: اااااااااااااه
تقى: ايه انت هتستعبط بتصرخ بجد ده انا ايدى بسكوته
حسن: (وشه احمر فجأة وعيونه برئت ومسك جنبه ) ااااااااااااااه
تقى :(اتلهت وطلع بيتألم بجد) حسن يا حسن مالك
حسن: ف....فيه ...ااااااااه
فيه علبة زفت
دوا فالجاكيت بتاعى ...هاتيها بسرررعة بسرعه
تقى:(مخضوضة لونها اتخطف) حاضر ...حاضر
قامت جابتها العلبة فاضية ،حسن مسكها طبقها من الالم بإيدة وبيضرب برجله فالارض
تقى:حسن مالك بس (حضناه) يارب اعمل ايه انا دلوقت
حسن: اطلبي...الصيدلية
هاتى الدوا ده بسرعه يلا(بعصبيه)
تقى:ياحسن مالك طيب ، ده دوا بتاع ايه يا حسن
حسن :بسرعة بموووووت
تقى متلخبطة جريت بموبايلها طلبت الصيدلية وملت اسم الدوا ،كل دا وحسن فعلا بيموت
بيضرب برجله الارض وبيتلوى فمكانه ووشه احمر وعروقه ظهرت وماسك جنبه وبعد فوران من التشنج والالم ...حسن سكت!
تقى لاحظت بسرعه خلصت الاوردر ، وجريت عليه خدته فحضنها
تقى: حبيبى ...حبيبى قوم معايا
قوم
(انفجرت فصراخ بدموع)
حسسسسسسسسسسسن !!!!!
♦♦♦♦♦
ح٢٣
الساعة واحدة بليل ...
راجل غريب كان فشقه تقى ، بعتته الصيدلية لما اتصلت تانى وقالت ع الى حصل لحسن
يحاول يسعفه
اداله حقنه وقالها ع مواعيد الادوية وخارج ...
تقى :لكن انت متعرفش هو تعبان من ايه ؟ وليه ااغمى عليه
عامل الصيدلية: تقريبا بيشتكى من تعب فالكلية من فترة ، لان واضح من المسكن القوى الى بياخده
انه بيعانى منها من مدة والمسكنات الضعيفة مبقتش تجيب نتيجه
ربنا يشفيه...سلامو عليكم
دخلت تقى اوضتها مكان م حسن نايم ع سريرها، مسحت ع جبينه بايدها
ومسكت ايده باستها وهى بصاله وقاعدة تحت رجله
وكلمته وهو نايم
تقى:انت عايز تمشى وتسيبنى زيهم ! انا مش هسيبك تمشى يا حسن
انت كل حاجة فدنيتى
بابا وماما واخواتى واصحابي...ازاى تبقى تعبان ومحدش فينا عارف طول المدة دى
عمرى م اتخيلت انك تبقى بالقساوة دى ع نفسك
طيب وانا !
تكتوكة..بنتك وحبيبتك واختك الصغيرة
انا مش حسيبك تروح منى يا حسن سامعنى ولا لا !
كلهم حاجه وانت حاجه تانية ..
قامت ناحية الشباك وبصت للسما بتترجى ربنا
تقى : يارب، هو عمل حجات كتير عصاك فيها
وانا كمان
بس احنا عايزين رحمتك هو لو حصله حاجه انا ممكن اموت
لا!
انا هموت فعلا ..اشفيه يارب وميطلعش عنده حاجه وحشة
ده انت الغفور الرحيم
دموعها نزلت ع خدها ببطئ ورجعت بصت ع حسن وهو نايم
فضلت تبقى جنبه او بالادق
تحت رجله ساندة راسها ع دراعها
وقاعدة عالارض ..ونامت
ولما فاق حسن الصبح وشاف تقى كده جنبه ،اتخض وصحاها
حسن: انتى نايمة كده ليه
تقى:(ابتسمت) انت بقيت كويس يا حسن
حسن: انتى ازاى تنامى عالارض ؟
تقى: انا معرفتش افارقك وانام فالاوضه التانيه ، نمت هنا جنبك عشان لو فوقت وفاى وقت احتاجتنى
حسن: طيب قومى يلا
تقى: انت كويس يا حسن بجد
حسن: والله كويس..متتخضيش كده عادى
تقى:انت عندك ايه ياحسن
قام حسن وبيعدل شعره فالمرايه وبيلبس الجاكيت بتاعه..
حسن: تعب عادى بييجى كده وباخدله دوا ،مش حاجه يعنى
تقى:لا يا حسن متكدبش عليا ، انت عندك مشكلة فالكلية ومن زمان انا عرفت
قولى ربنا يخليك
حسن: (ميل بهدوء ناحيتها) محدش يعرف بالى حصلى ده اى ان كان مين لا سلمى ولا مرات محمد
سامعه
تقى: يعنى ايه ؟نتفرج عليك وانت بتموت
حسن: ومعرفتكم مش هتزود يوم زيادة فعمرى ياتقى
تقى: (ابتدت تنهار) يوم زيادة فعمرك ! انت بتموت يا حسن (بتعيط )
قولى وحياتى عندك
حسن: (جرى يهديها) انا مش فيااى حاجه ،شيلى الافكار دى من دماغك
بس لو عايزة تحافظى ع معزتى ليكى محدش يعرف حاجه..انا نازل عايزة حاجه
تقى سكوت ودموع
حسن: هجيلك بليل.. سلام
اول م قفر الباب وقف وهو ماسك المقبض بيفكر حاول يتماسك قدامها ،لكن هو اكتر واحد عارف هو فيه ايه
ومدارى ...بس مفيش حاجه بتستخبي للنهاية
♦♦♦♦♦♦♦♦♦♦♦♦♦♦♦♦♦
"صباح الخير عليكم جميعآ"
بثقه برنسيسات , دخلت حبيبة شركة باباها وكلهم مستغربين
مبتسمة اوى رغم هما عارفين المشاكل الى بينها وبين باباها
دخلت مكتبه ..
السكرتيرة الخاصه:مدام حبيبة ، جبريل بيه فاجتماع حاليا ممكن تستنيه
هطلب لك حاجه تشربيها
وقفت حبيبة تستنى فالفراندا وولعت سبجارة وع استعداد للمعركة بكل حماس
وناوية تكسب
وترجع ثقه باباها ليها ...
وهى واقفه ،دخل شاب وسيم وشكله مستعجل
الشاب:لو سمحتى جبريل بيه...
السكرتيرة: حبريل بيه عنده اجتماع مهم ممكن تاخد ميعاد بالمقابلة فيوم تانى
الشاب: لا انا لازم اقابله انهاردة
السكرتيرة: انهاردة حضرته مشغول جدا
(قاطعتهم حبيبة)
حبيبة:me Excuse
فيه ايه ؟ هى قالتلك هو مشغول جدا ممكن تاخد ميعاد فيوم تانى
الشاب: وحضرتك مين لو سمحتى
حبيبة: انت بنت جبريل بيه ، مدام حبيبة (بكبرياء)
السكرتيرة: مدام حبيبة ممكن حضرتك تستريحى لحد م جبريل بيه يخلص الميتينج بتاعه
حبيبة: ثوانى بس وخليكى فشغلك دلوقت ، ها حضرتك عندك اعتراض
الشاب:لا طبعا معنديش انا بس عايز جبريل بيه فموضوع مهم جدا ميتأجلش
حبيبة: انت ممكن تقولى , انا بنته الوحيدة ومديرة اولى لاعمال الشركة دى وكل شركاتنا
الشاب:تمام مفيش مشكله
نقدر نتكلم فين
حبيبة: اتفضل معايا
السكرتيرة استغربت ، وبعدين رجعت لشغلها عادى
لكن جيلان كانت محتاسة فمصيبتها الجديدة ،والى مش استنت لحد بليل عشان تفجرها لحسن
راحتله المستشفى
واستنته ...
حسن: خير يا جيلان ، مالك ف حاجة حصلت
جيلان: (بانهيار) انا حامل يا حسن ، حامل
حسن: طيب اهدى بس اهدى
دخل عليه وائل مكتبه وهو مع جيلان
وائل احنا قالبناها كافتيريا العشاق ومقابلات ولا ايه ؟ اعتقد ان دى مستشفى محترمة يا دكتور حسن
حسن: لا حول ولا قوة الا بالله ،الدكتور وائل !
ماله ومالى
وائل: بقول يعنى الكلام الجانبي ده والقعدات بينفع فالكافيهات والحتت الى انت عارفها
لكن هنا
عيب ميصحش يا دكتور
جيلان: خلاص يا حسن انا هقوم واجيلك العيادة بليل
حسن: استنى يا جيلان خليكى مش هتمشي
جيلان: لأ معلش عشان متحصلش مشاكل ليك هنا فالشغل
حسن: اقعدى مفيش حاجه هتحصل ده فنجرى بق
وائل:بقولك ايه احترم نفسك
حسن: تعرف تحل عن دماغى ولا مش هتعرف
وائل:احل !!(بص لجيلان ولحسن) حاااااااضر هحل
مشى وائل وكملت جيلان ...
حسن: واية الى مخليكى منهارة كده ! من فترة سمعت ففيلم كلمة عجبتنى اوى
ليه الكابوس المزعج الى خايفين منه ، منحاولش نخليه حلم جميل بنعيشه
جيلان: حلم جميل، بتسمى لما اعرف انى حامل من نصاب وحرامى وبدل م ادور ع حاجه تخلينى اخلص منه ومن جوازته للابد
لأ تطلعلى حاجه تربطنى بيه اكتر
حسن: وجت الحاجه دى هنعترض
جيلان: انا هنزله مش عايزاه
حسن: قام وقف بعصبيه ) اوعى تعملى كده انتى فاهمة ، البيبى الى انتى مش عايزاه ده
ممكن يكون بكرة ليكى امل وفرحه خير انتى متعرفيهوش
انا امنعك تنزلى البيبى حتى لو ايه الى هيحصل
دخلت دكتورة فايزة مكتبه بعد م سمعت اخر كلمتين منه !
الدكتورة فايزة: حسن....عايزاك فمكتبي حالآ
♦♦♦♦♦♦♦♦♦♦♦♦♦♦♦♦♦
اخت جميلة الصغيرة، داخلة لجميلة اوضتها تصحيها من النوم عشان تروح الدار تحضر المسابقه
اخت جميلة: جميلة ! اصحى عشان تلحقى المسابقه
(بتهزها لاحظت ان جميلة سخنه اوووى )
ايه ده ! انتى عيانة يا جميلة
يالهوووى
خرجت برة لاخوها
اخو جميلة: فيه ايه
اختها:جميلة عيانة اوى ولازم تاخد دوا
اخو جميلة: انا معرفش اروح اشترى منين
اختها:من تحت ، عمو حسن سايب فلوس
خدها وروح اسال فين بيتباع الدوا وهاته وتعالى يلا
اخوها: حاضر
♦♦♦♦♦♦♦♦♦♦♦♦♦♦♦♦♦
فايزة: حسن،مش معناه ابدآ معاملتى ليك انك تعمل المستشفى ملتقى لمقابلاتك الشخصية
حسن: دكتورة فايزة، وائل حد سماوى اوى من ناحيتى وللاسف قالك طبعا وحضرتك جايه مشحونة عليا
فايزة: حسن، قولتلك مليون مرة انتقى كلامك والفاظك معايا
وائل مقالش غير ان معاك جيلان الى كانت محجوزة هنا قبل كده
لكن انا سمعت بودنى وللاسف كنت بدافع عنك لاخر لحظة
حسن: سمعتى ايه صدقينى فهمتى غلط
فايزة: اومال ايه الصح
حسن: هقول لحضرتك ....
♦♦♦♦♦♦♦♦♦♦♦♦♦♦♦♦♦
شرح الحكاية كلها حسن للدكتورة فايزة ،واتفهمت الموضوع
لكن ع بال م رجع مكتبه ، لقى جيلان مشيت وسابتله مسج عالواتس
انها هتحاول تجيله بليل العيادة وأسفه ع الى حصل فشغله بسببها
تابع حسن حالاته وجلساته فالمستشفى لحد مواعيد انصرافه منها
هو طلع يتغدى فمكان وكان فالطريق بيرد ع تقى الى كانت هتموت من القلق عليه انه كويس وتمام
ومش تعبان من حاجه
فالوقت ده كان محمد بيفتح باب شقته ، راجع بعد يوم شغل مرهق
يريح شوية وكالعادة مالوش نفس يتغدى طالما عنان مش موجودة
واكل سندوتشات فالشغل مع زمايله
دخل وقعد عالكرسي مخنوق... سمع صوت غريب جديد فالشقه !
زقزقه عصافير
قام لقى قفص شيك فيه عصفورين متعلقين فالريسبشان ...سرح معاهم وفرح
ونسي نفسه وهو بيدلعهم ويكلمهم
ومرة واحدة ايدين حنينه ناعمة لفت حوالين عيونه وغمتهم..
محمد: عنان!
عنان:(بتضحك وفتحت عيونه) فيه حد معاك فالشقه هنا غيرى ؟ صحيح دلوقت انا وانت بس
لكن كمان ٣شهور هيبقى ف بيبى سكر كده شبه باباه وحمش زيه
معانا
محمد :(بزعل مصطنع) جبتى العصافير تصالحينى
عنان: عشان عارفه انك بتحبهم اوى ، متزعلش منى
مكنتش اقصد الى فهمته
حسن اخويا وبس
لكن انت جوزى وحبيبى وابو ابنى وعمرى الحلو وحكاية حبي الوحيدة
وحياتى كلها
محمد:(ابتسم) انا الى اسف ياعنان ، معلش كنت عصبي عليكى
وجرحت اخويا فغيابه
عنان:(مسكت ايده باستها) انا مش زعلانة منك خلاص ،عايزاك تغير هدومك عشان تيجى تساعدنى فالفاهيتا الى بعملها وكباب الحلة
محمد: اه انتى راجعه ع طمع بقى طيب مش هساعدك يا ام عبدالرحمن
عنان:عبدالرحمن ! وااااااو اسم جميل والله، افهم من كده ان بغض النظر عن عبد الرحمن
مش هتساعدنى
محمد:(كتف ايديه) تؤ
عنان:خلاص مافيش غدا ...(مشيت قدامه مشية بتغيظه بيها )
محمد: انتى صدقتى ولا ايه انا تعبت سندوتشات ، فين البصل
عنان:ههههههههههههههه يلا يا حبيبى يلا
♦♦♦♦♦♦♦♦♦♦♦♦♦♦♦♦♦
حسن بعد الغدا ، طلع عالنادى لعب ماتش اسكواش مع واحد صاحبه
وبعدين جاتله مكالمة من بنوتة يعرفها بتعزمه ع خطوبة اختها انهاردة وعايزاه ييجى يغنى مجاملة
حسن مكدبش خبر رجع عشان ياخد دوش ويغير ولبس واتهيأ للمناسبه
وهو طالع قابله اخو جميلة جاى من تحت فايده كيس ادوية
حسن: انت جاى منين(باهتمام)
اخو جميلة: كنت فالصيدلية ، جميلة عيانه من الصبح ومراحتش المسابقه بتاعتها
حسن: (بخطفه) جميلة عيانة ! تعالى
دخل شقتهم ودخل اوضتها لقى اختها بتعملها كمدات
حسن: (مسك ايديها بحب) مالك
جميلة: عادى دور وهبقى كويسة هو الواد ده مجابش الدوا لسه
اخوها: انا جبت واحد تانى غير الى جبته الصبح بيقولو ده احسن
حسن: وازاى محدش يقولى
اختها: اكشف عليها ياعمو مش انت دكتور
حسن: (ابتسم لبرائتها) لا يا حبيبتى انا مش بكشف ع التعب بتاع جميلة بكشف ع حجات تانيه
وسعيلى كده يا حبيبتى
قامت اختها وهو اتحسس نبضها ودرجه حرارتها لقاها مرتفعه
حسن: قومى البسي يا جميلة هوديكى دكتور
جميلة: مش مستاهلة ،روح انت لشغلك شوية وهبقى كويسه
حسن: متعانديش فصحتك مفيش حاجه اهم من صحتك
جميلة ابتسمت
حسن: وبعدين حرارتك عالية فعلا يلا قومى البسي عبايتك وهستناكى برة
خرج حسن وقامت تغير جميلة لبسها وطلعتله ،خدها ونزلو ع اقرب دكتور
كشف عليها وكتب الادوية ورجع بيها ونسى المشوار الى هو رايحه لما لاقاها عيانه اوى كده
طلعها لحد سريرها وقعد جنبها
جميلة: تعبتك ياحسن
حسن: تعبتينى ازاى وانتى مراتى ....(ارتبك) احم
عالورق بس مسؤله منى ،عايزة اشوفك تعبانة يعنى واسيبك
جميلة: ربنا يخليك ، انادلوقت احسن
روح انت شوف كنت بتعمل ايه
مش عايزة اعطلك
حسن: انامش ورايا حاجة، وحتى لو عندى انتى اهم
جميلة: (سكتت ورغم ان عيونها متحجرة لكن دمعت)
حسن: انتى بتعيطى (مسحهم)
جميلة: لا ده يمكن من السخونه
حسن: لا انتى بتعيطى ،مالك فيه حاجة مضايقاكى
جميلة: كنت عايزة اقولك حاجه بس عارفه انه مش من حقى
حسن: اتكلمى يا جميلة وقولى الى عايزاه
جميلة: انت قولتلى انك ساكن لوحدك قبل كده واخواتك متحوزين صح
حسن: اه
جميلة: بس اختى شافت معاك واحدة امبارح وطلعتو هنا سوا ..هو انت اتجوزت!
حسن: اتجوز !! لا طبعا دى بنت انا مربيها اتولدت ع ايدى
لو اتجوزت زمان كنت جبت ادها
ومفيش بينى وبينها حاجه ، عايشة لوحدها وغلبانة مالهاش حد
جميلة: (بطريقه غيره) انت دايما حنين بتعمل معروف فالناس
حسن: (ابتسم بذهول) جميلة ،انتى بتغيرى عليا ؟؟
جميلة: ( وشها احمر واتكسفت وخبته واتلفتت بعيد)
حسن: (جاب وشها لناحيته بايده) ردى عليا بتغيرى!
اخت جميلة قاطعتهم ودخلت ..
اختها:عمولو سمحت اخرج برة لحد م اساعد جميلة تغير
حسن: لا روخى انتى دلوقتى يا حبيبتى هى قاعدة معايا
خرجت اختها
حسن: تسمحيلى ممكن بس اساعدك بدل اختك انا فتغيير هدومك
جميلة: (اتخطفت) لا يا حسن الا كده مينفعش
حسن: مستكترة ليه عليا اقرب منك ، انتى قولتى قبل كده انى عمرى م غصبتك ع حاجة
جميلة: ايوة
حسن: لو هغصبك توافقى ...يبقى بلاش
سكتت جميلة ،قام بهدوء حسن من جنبها وراح ناحية الباب وقفته جميلة وهى بتناديه
جميلة: حسن ..ياحسن
حسن: نعم
جميلة: (جت ناحيته بتحاول تعرف مكانه من ريحته ) انا وافقت ع جوازنا عشان اخواتى
وكانت شركة بينى وبينك
لكن دلوقتى ...
جه ناحيتها بلهفه ومسك ايديها الاتنين
جميلة: حسن !
معرفش لو قولتلك انى ...
حسن: جميلة ، انتى الحسنة الى فدنيتى وربنا كافئنى بيها
من اول م ربنا حطك فطريقى من غير حساب
وبعدين كتبلى انى لاول مرة اجرؤ ع خطوة عمرى م فكرت فيها كانت معاكى ، مكدبش عليكى انتى بوجوك حاجة كبيرة فحياتى
جميلة: (لاول مرة تسند راسها ع صدره ) خايفه ابوحلك بسرى اندم ، لاكون وقعت نفسي فالى مش من حقى ،هو انا هصدق النعمة الى خلتنى فيها وابص لفوق
حسن:(شالها ع ايده ) جميلة ...انا محتاجلك
وعايزك !
ابتسمت جميلة واستسلمت ليه ،خدها لسريرها وميل لاول مرة يبوسها
مرفضتش وبالعكس
اعترفت بالى جواها وهى لفه ايدها ع شعره
"بحبك اوى ....اوى "
♦♦♦♦♦♦♦♦♦♦♦♦♦♦♦♦♦
٣ايام ....
وحسن مش مفارق شقه جميلة ، لكن كان لازم يروح شغله بقى
اول مرة ينزل من عش الزوجية ع شغله ،كان مبسوط اوى
حاسس بإحساس حلو مغيرن تمامآ للأحسن
وبعد يوم شغل كمعتاده ...
وبعد اخر جلسه فعيادته كان ف معاد مع ضحى وعدت عليه فعيادته ...
ضحى: غمض عيونك
حسن: ايه هتلاعبينى استغماية
ضحى: غمض بقى عشان خاطرى
حسن: حاضر ياستى ...اهو
غمض عيونه وفحأة فتحها ع صورته بالفضه !
فتح بوقه مذهول ومسكها .
حسن: انتى اتجننتى خلاص ، ايه يابنتى الجمال ده كله
ضحى: شوفت بقى ، ولو اقدر اعملها دهب اعملها هو حسن يتاقل بكنوز الدنيا
حسن: وحياة ربنا م هصادف حد حبنى زيك ، هاتيها كده
دى تتعلق فشقتى عشان تبقى قدام عيني
ضحى: انا مبسوطة عشان فرحتك يا فرحتى
حسن: طبعا فرحتينى ، يلا بينا بقى
ضحى :يلا يا حبيبى ، حسن عايزة اقولك ع سر كل الناس عارفاه
حسن: قولى
ضحى: ( قربت ناحيته ومسكته من ياقه القميص بدلع) بحبببببك وبموت فيك
حسن: ( لف ايده حوالين وسطها) هقولك انا ع سر لسه الناس هتعرفه
ضحى:قول
حسن: انا عايز اتجوزك !!
صحى سابت ايدها واتفجأت واتصدمت جدآ بعدت ورا وهى بصاله
ضحى: نتجوز!
حسن: وحالا تقولى لاهلك وتاخديلى معاد ، ابقى غلطان ومش بفهم لو سيبتك تضيعى من ايدى تانى
ضحى: (لفت واتدله ضهرها ) طبعا ده احمل يوم فعمرى انك تطلب ايدى
حسن: ايه مش موافقه ؟!
ضحى: لا طبعا .....انا بتمناك من زمان ،بس انت متأكد من قرارك ده
تربط نفسك بيا وانا ....عاجزة
حسن: انتى فعينى احلى البنات
ضحى: تستغرب لو قولتلك انى
موافقه يا حسن ،بس عندى شروط
حسن: اؤمرى
ضحى: طبعا انا مطولش ان حد زيك يتجوزنى انا بحالتى دى وعشان كده
جوازنا هيبقى ع ايد مأذون بس فالسر
متروحش لاهلى دلوقت
حسن: غريبة يا ضحى
ضحى: بص:السعادة دايما فأى حاجة بعيد عن الناس وعن عيونهم
خلينا فالاول فالسر نتقابل زى المراهقين سر
كل حياتنا تبقى سر ليا وليك
ونضحك عالناس الى فاكرانا يدوب متصاحبين ، ولما نزهق
نقول للناس
ومفيش فرح، مش انت صاحب فكرة محدش له عندنا حاجه
خلاص
مدام انا وانت هنبقى نقول للناس ليه
انا لما حبيتك مخدتش رأى الناس
ها ....موافق
حسن: انا ممكن اعملك فرح فمكان بعيد عن هنا
ضحى: لالالالالالالالا انا فرحى هو انت ، انت كل حاجة اخترتها حلوة يا حسن
حسن: بقيتى شيزوفرينيا خالص انتى كمان
ضحى: مين عاشر القوم ! ها موافق
حسن: جدا ...بس عايز اقولك ع حاجه الاول لازم تعرفيها
ضحى: مش عايزة اعرف حاااااجه نهائى غير فرحتى الى انا فيها دى ،، ياحسن انا حاسه انى لسه فغيبوبة
ولو اعرف ان صورتك بالفضة هتخليك تنطق كنت عملتها من زمان
حسن: ههههههههههههههه ، ممممم دى مش مواعيد مأذون نهائى
انهاردة نسهر سوا
بكرة الصبح ...نكتب الكتاب وتعملى حسابك بما ان هنتصرف كأننا مراهقين
هتهربي من البيت الساعه ١٢ الضهر
ضحى: (مبتسمة) ليه
حسن: سيبيها ع جوزك بقى ،ولا اقولك تروحى تنامى وتفكرى من بكرة حياتك هتبقى عاملة ازاى...اوك
ضحى :لا خلينى معاك انهاردة وبكرة ،مش هعدى لحظة من غيرك بعد انهاردة
حسن:طب يلا يا شيزوفرينيا 2قدامى وطلعتى اجن منى
ضحى: عايزين نروح مكان نحتفل بآخر يوم عزاب ههههههههه
يارب مصحاش من الحلم الجميل ده ابدآ واقدر اقوم الصبح وانا بكامل قوايا العقلية ههه
وخلاص يا حسن حلمى اتحقق يا حب عمرى من امتى وانا بستناک
♦♦♦♦♦♦♦♦♦
ح٢٤
رشة من مية البحر ع ضحى ...
كان حسن بيعاكس ضحى وهى بتجرى عالشط وهو ماسك ايديها ...
ضحى :(بتضحك بصوت عالى ) بس ياحسن هههههههههههه
حسن: لا مش بس
ضحى: هغرقك والله ...يعنى مش هتسكت
طييييب
اخدته ودخلته للبحر وغطسته وطلع غطسها هى وكانت هتغرق بس كان قلبها بيدق بفرحه مش عادية
اللعب والهزار مع ٢عرسان فالهونى مون زى دول ، لازم ينسيهم الوقت
لكن مش بينسي الاحساس بالجوع ابدآ
خرجو الاتنين من المية للفندق الى نازلين فيه يتغدوا
ضحى: هطلع اغير هدومى وجاية يا روحى
حسن: اوك وانا مستنيكى
ضحى: حسن (ميلت باسته) دى عشان تستنى
(باسته تانى )ودى عشان تفكر فيا لحد م ارجع
حسن: ههههههههههه
طلعت ضحى لاوضتها ، كان حسن اخد شنطته الخاصه والى فيها الموبايل مقفول من ساعة م وصلو للغرقانة فشرم الشيخ
فتحه واستقبل مسجات وفويس مسج بالهبل ، كان اهمهم سلمى الى بعتت يطمنها مكلمهاش بقاله يومين
وتقى الى هتتجنن عليه هو فييين من ٥ ايام ومش فشقته
من قبل حتى م يتجوز ضحى ....ايام شهر عسل جميلة ????
حسن: الو
ايوة يا لوما
سلمى: ياحسن حرام عليك ، لما تختفى كالعادة قولى انت فين ولا قافل فونك ليه
حسن: حبيبتى انا مسافر كام يوم وراجع بغير جو متقلقيش
بطل القلق الى عمال ع بطال ده ورثتيه من المرحومة ماما
سلمى: طيب يا حسن ،اجازة سعيدة
تكلمنى كل يوم تطمنى عنك متنساش
حسن: حاضر سلام يا حبيبتى
خلصت مكالمة سلمى وجه دور تقى
حسن: تكتك !
تقى: تكتك ايه وزفت ايه ياعم انت، فينك اصلا يا حسن
حسن: مسافر يومين وراجع فيه ايه
تقى: طيب مش تقولى قبلها
حسن: اقولك ليه هو انتى مراتى يابت انتى
تقى: لا ياعم مش مراتك ،بس من يوم تعبك وانا دماغى متاكله عليك
ف بليييييز تطمنى انك كويس وبخير
حسن: متقلقش ياتوت ، انا كويس والله م هيحصلى حاجه
انا زى القرد اهو
تقى: قولى صحيح مسافر ليه مرة واحدة كده فيه ايه
حسن: مجنون! ههههههههههههههه
تقى: اقفل يا حسن عشان انت مستفز سلام
حسن: هههههههههه سلام يا تكتك
وجه دور المكالمة الى كانت شغلاه اصلا من البداية ،لكن قال يطمن سلمى وتقى الاول
دور جميلة
الزوجة الاولى ....
عند جميلة ..كان الموبايل الى حابه وعلم اخواتها عليه بيرن عالتربيزة
جرى اخوها
اخوها: ايه ده بصى اقرى ح. حسن
اختها: ايوة هات نفتحه ونخلى جميلة ترد
اخوها: طيب ،الو
ازيك ياعمو
اه احنا كويسين
جميلة.... جميلة جوه بتصلى
هوديلها التلفون ترد عليك هى خلصت
دخل وودالها الفون
اختها:عمو حسن يا جميلة
جميلة: (بهدوء) السلام عليكم
حسن: الو ، ايوة يا جميلة
عاملة ايه
جميلة: الحمدلله يا حسن كويسة
حسن: واخبار اخواتك ايه كويسين
جميلة: اه بخير
حسن: انا مسافر كام يوم وراجع ، لو عوزتى حاجه ابعتى للبواب وهو يجيبهالك
انا سبتلك فلوس ماشى
جميلة: كتر خيرك يا حسن ، انت مش مخلينا عايزين حاجه
حسن: لو عووزتى اى حاجة خلى حد من اخواتك يبعتلى مسج او كلمينى انتى
ماشى
جميلة: حاضر ..تسلملى وربنا يباركلك
حسن: طيب ...هسيبك انا بقى
سلام
جميلة: وعليكم السلام ورحمة الله
قفلت كان الاكل جهز ونزل وكانت كمان ضحى غيرت ونزلت
ضحى: ايه رأيك فياااا؟
حسن: ده عشان فسحه بعد شوية
ضحى: اها
حسن: قمر ،يلا بقى نتغدى عشان انا ميت من الجوع
ضحى: سلامتك يا حبيبى
♦♦♦♦♦♦♦♦♦♦♦♦♦♦♦♦
فالمكتب الخاص بيها فالشركة الرئيسية كانت قاعدة بتتناقش فمشروع
مع ...مدحت!
حبيبة: برافو يابشمهندس بصراحه اول مرة اخد بالى من كل النقط دى
مدحت: انا بعمل دراسة جدوى للموضوع ده من كتير حضرتك وقولت اعرضه ع جبريل بيه
حبيبة: تمام اوى حقيقى انت عبقرى
مدحت: اشكرك يا مدام حبيبة ، رضاكى عن المشروع ده فحد ذاته نجاح ليا
حبيبة: اشكر مجهودك الرائع متشكرنيش انا
مدحت: ربنا يخليكى ، وامتى هتعرضيه ع جبريل بيه
حبيبة: حالآ...ثانية واحدة
قامت حبيبة وراحت لمكتب باباها...
حبيبة: بابى !
الاب:ادخلى يا حبيبة
حبيبة: بابى هاخد من وقتك ١٠ دقايق بس
الاب: اتفضلى ياستى
حبيبة: (حطت الورق)مشروع الباشمهندس مدحت ،اكتر من رائع
ده عبقرى يابى
اخد الورق وقلب فيه بمساعدة حبيبة بانها توصل فكرة مشروعه الى هتكبر شغلهم
وعجبه جدا وكلف حبيبة تتابع معاه
وكانت مبسوطة جدا ، اخدت الورق ورجعت له
مدحت: ها !!
حبيبة: حلو اوى عجبه جداااااااااآ كلفنى اقوم انا بمتابعت
ونقدر نقوم بيه من بكرة
مدحت:بجد !
حبيبة: الفضل كله يرجع لعبقريتك بصراحه
مدحت: انا بعمل دراسة من سنين عليه واخيرا الحمدلله نجحت
حبيبة: من سنين ! ازاى
مدحت:انا اصلا استاذ فكلية الهندسة ،وكان ده احد احلامى الى كنت حابب احققها بعيد عن مهنة التدريس
وعرفت ان جبريل بيه بيفتح مجالات للشباب وتقديم مشاريع لتوسيع نشاطات الشركة
وكانت فرصتى الحمدلله
حبيبة: وااااااو يعنى انت اصلا دكتور فالجامعه ممممممم
مدحت: طيب ينفع نكمل كلامنا وتقبلى عزومتى عالغدا
حبيبة: (مبتسمة) ياريت !
♦♦♦♦♦♦♦♦♦♦♦♦♦♦♦♦
حفلة كبيرة
بمناسبة مرور ١٥ سنة ع افتتاح الفندق ، واتعرف صدفه انهم عريسان
وكانت مفجأة ليهم ان اتعمل لهم فرح
يعنى ضحى هربت من فرح فالقاهرة ...قدريآ اتعملها فالغرقانة !
لبست فستان بعتوه ليها وهو لبس بدلة وكان احتفال رائع
بس محاولش يرقصها كتير عشان اعاقه رجلها وميحرجهاش ، لكن ضحى من فرحتها دموعها كانت سابقه ابتسامتها
حسن كان مرة من مرات قليلة مبسوط!
ومسك المايك وغنالها ، حتى السياح الى جت من كل حتة فالعالم شاركتهم فرحتهم
ضحى: اقرصنى لاكون بحلم
حسن: ههههه لا صاحية متخافيش
ضحى: بقى الناس دى كلها بتحتفل بيا ، انا وانت
حسن: شوفتى بقى ،وفرح ولا كان ع بالك
ضحى: انا بقيت مراتك يا حسن ، يالهووووووى قلبي هيوقف من الفرحة
حسن: طيب بالراحة متتحركيش كتير عشان رجلك
ضحى: كلى فداااك ياروحى
انا عايزة اغنيلك
حسن: هو انتى بتعرفى تغنى ! صوتك حلو يعنى
ضحى: لا بس هغنيلك وهخلى الكون كله يسمعنى بحبببببك
جريت زى الاطفال برغم مشيتها الضعيفه ومسكت المايك وقالت عالاغنية الى عايزاها وشغلو موسيقاها
وهى بدأت تدندن بصوت عالى وثقه
ضحى: مين جوه قلبي، غيرك ياقلبي
هو انت زيك بقى فى
هو انت زيك فالدنيا ديا مش سهل ابدا تلاقيه
ده انت فاهمنى...اقربلى منى
وحبيب قلبي الى بموت فيييه???? (باسته قدام الناس)
فرح بيها حسن ، وعشان يرقص وياها من غير م يحرجها ويكمل فرحتها
شالها ورقص وهى بين ايديه زى الاميرة
حسن: طيب بتعيطى ليه دلوقتى
ضحى: نفسي اموت دلوقت
حسن: (اتدايق ) ليه ياضحى بس
ضحى: اموت وانا فأكتر وقت فرحانه فيه ياحسن ،عمرى فحياتى م فرحت كده
حسن: طب كفاية دموع، انا هنا عشان انتى تفرحى
افرحى بقى
مش تفرحى تعيطى تزعلى تعيطى
ضحى: بعيط دموع فرح اتمنتها من ربنا ييجى اليوم الى افرح فيه واعيط من كتر الفرحه ماهى مالية قلبي
حسن: بس اقولك ع حاجه
ضحى: ايه
حسن: صوتك حلو بس محتاج شوية تمرينات ،شكلى هدخلك فرقتى
ضحى: ههههههه اه دخلنى واشتغلكم رقاصه
حسن: رقاصه بالحجاب ! يلا يا ضايعه
ضحى: ههههه حبيبى
♦♦♦♦♦♦♦♦♦♦♦♦♦♦♦♦
من يومها...
وهى متواصل ليل ونهار ليل ونهار
بتحاول توصل لنتيجه ، ايه الى عند حسن
تقى من كتر السهر والتفكير كان شكلها كأنها عيانة من مليون سنة
مش بتوصل لحاجه من خلال بحثها عالنت غير الامراض الخبيثة والعياذ بالله
مش عايزة تصدق ان حسن عنده حاجه زى كده ، بتقنع نفسها انه تعب عادى فالكلى وهيروح ان شاء الله
لكن قلبها مش مصدق
فمرة اغلى الناس يروح من بين ايديها وهى واقفه ، ده شئ رافضه قبوله
ولحد اخر نفس ليها هتحاول توصل وهتساعده
بس. ازاااى ؟
♦♦♦♦♦♦♦♦♦♦♦♦♦♦♦♦
حفلة شوى وفلكلور بدوى
اليوم الاخير فاسبوع العسل بتاع ضحى وحسن ...
وع سبيل التأقلم عالجو ، لبس زيهم الرسمى وهى لبست برضو واتصورو سوا
حضروا معاهم ، غنو اغانيهم ورقصو رقصاتهم
واكلو وياهم
بعد رحلة سفارى ممتعه ...
والى يسأل حسن ساعتها ايه اكتر حاجه مفرحاك فالرحلة ...هتبقى ضحكة ضحى وبسمتها الى مش رايحه من وشها
وكان برضو مش مقصر فحق كيانه الاول جميلة.
كان بيكلمها ع طول وبإستمرار ، وكان العادى بتاع جميلة تطمنه عليهم وعليها
وتقفل
وهى جواها مليون كلمة حب ليه واشتياق
ده حتى بان عليها لما كانت بتناولها اختها اللبس تحطه فالغسالة علشان تغسلها
وعرفت قميص حسن من ريحته
ورفضت تغسله وبقت تاخده فحضنها كل ليلة
هو فيه حد ممكن يرزق بكل الحب ده !
حتى لو كان عاصى ربه ، لكن الحساب عند ربنا مش عند العباد
ومن كان منكم بلا خطيئه ...فليرمها بحجر
يعنى كلنا اخطاء وخير الخطائين التوابين زى م عمل حسن بالظبط
تاب عن كل شئ عن ارادة
ورجع لربنا ...
وبليل
فسويت ضحى وحسن...
ضحى: (نايمة ع صدره) قولتلهم هطلع رحلة مع صحباتى اغير جو
وافقو ع طول
من ساعة الحادثه وهما بيعملو اى حاجة يرضونى ويسعدونى بيها
شئ من التعويض
ميعرفوش ان تعويضى هو حسن
حسن: (باسها فجبهتها بحنيه) بس ليه مرضتيش ياصحى نقولهم
ضحى: ماهو مسيرنا نقولهم، وتتقدملى رسمى ونعمل فرح وحجات ومحتاجات
انا حابة فالاول اخد فرحتى بيك كاملة
وبعدين تبتدى الرسميات...لانى اكتر واحدة تؤمن ان الشئ الى بتدخل ف الناس بيبوظ
حسن: ممممم براحتك الوقت الى هتبقى حابة اروح لاهلك انا موافق
ضحى: ياحسن انت كتير عليا ، هما اصلا هيستخسرو واحد زيك فيا واحدة معاقه ووو
حسن: ضحى ! اخر مرة تقولى ع نفسك كده
انتى فعينى بقلبك الطيب ده اجمل واحسن بنات الدنيا
ويمكن انتى بإعاقتك دى احسن متى مليون مرة
الانسان مش بهيئته...بقلبه ومعاملته
وانتى اصدق بنوتة عرفتها
ضحى: عارف نفسي ف ايه
حسن: ف ايه
ضحى: فشئ يربطنى بيك اكتر
حسن: اعمل ايه اكتر من انى اتجوزتك ، نبدل دم بعض
ولا ابروز قسيمة جوازنا ع صدرى
ضحى: تؤ !مش فاهمنى
مش نبدل دم بعض...نشترك بدم بعض فحاجه واحدة
بيبى!
حسن: (اتغير وخبى ) لا ياستى انا. مش عايز بيبهات دلوقت ، مش عايز حاجه تكبرنى
ضحى: ممممم عايز طول عمرك انت البنات الحلوة تبقى حواليك وتعاكسك صح
حسن: اييييوة بالظبط كده
ضحى: طيب ايه رأيك انا عايزة بيبى دلوقت وهدبسك ومش هخلى ولا بنت تبصلك
تانى
حسن: دلوقت! وده انتى هتشتريه ولا مخبياه ورا ضهرك
ضحى: هههههههه هقولك ( شدته من ياقته)
حسن: اد الحركة دى ؟ طيييب هوريكى
ضحى: هههههههههههه
♦♦♦♦♦♦♦♦♦♦♦♦♦♦♦♦
"انت فين من الصبح"
حسن: لسه واصل، ازيك يا جيلان
جيلان: فيه ايه انا مش فاهمة حاجة ، قضية ايه دى وانت وماجى عارفينها
حسن: دلوقتى هتعرفى كل حاجة
ماجى: طب يلا بينادو على الجلسة
جلسة كانت سرية ...محامى وماجى وجيلان وحسن
القاضى:الدفاع يتفضل
المحامى: سيدى تسمحلى فى عجالة اشرحلك ملابسات القضية للسيدة جيلان عبد النور
تبدأ من طرف الخيط
المدعى عليه
السيد وحيد مسيحه ....
جيلان: (باستغراب)وحيد !
♦♦♦♦♦♦♦♦♦♦♦♦♦♦♦♦
سلمى وعنان خرجو سوا مع تقى يشتروا حجات البيبى ولوازمه
ويتغدوا بالمرة
وطول الوقت كانو عنان وسلمى هما الى بيتكلمو وتقى سرحانه.
سلمى: يابنتى سرحانه ف ايه
تقى: هاه !، حكاية كده شغلانى
عنان: غمزت لسلمى) شكلها حكاية حب
تقى: والنبي ياعنان انا مش فايقالكم ، انا خرجت بس عشان سلمى صدعتنى من المحايلة
سلمى: انا صدعتك!الحق عليا عايزة اخرجك من كتمة البيت ورخامته ياغلسه
عنان: يابنتى فيه ايه السرحان ده ، مالك
تقى: مفيش ياجماعه، انا همشى معلش
سلمى: استنى هنا رايحه فين هنتغدى الاول
تقى: معلش لو قعدت هيبقى دمى تقيل بصراحه، انا حتى هتمشى للبيت مخنوقه شوية
سلمت عليهم ومشيت
عنان: اقطع دارعى البت دى بتحب
سلمى: جايز
♦♦♦♦♦♦♦♦♦♦♦♦♦♦♦♦
"ادلة بوقع جريمة الزنا من السيد وحيد مسيحه لهذة السيدة مجهولة الهوية بالصور والمحادثات
مما يؤدى الى بطلان عقد الزواج منها وبموافقه الكنيسة بيوم ...... الموفق بتاريخ .....
بوجوب حكم الطلاق بعد اثبات جريمتى الزنا وسرقة الانسة ماجى عبدالنور
وقد تم القبض عليه بمطار القاهرة فساعته وتاريخه
وهذا ماهو مثبت بمحضر الشرطة متلبسآ بجريمته ومتحفظ عليه بقسم .....
القاضى: بعد سماع اقول المدعية والدفاع،الحكم بعد المداولة
جيلان: (بصوت واطى ومذهوله) وحيد عمل كل ده ،وانت كنت عارف يا حسن
حسن: كان لازم نجيبلك حقك ، وبصراحه ماجى السبب
وع فكرة هو هنا فمصر مقبوض عليه وفلوسك محولهاش ولا حاجة برة زى م قال
كانت معاه
جيلان: بس الكنيسة مش هترضى اتطلق ، الكنيسة مش بتطلق بسهولة كده
القاضى هيرفض الدعوة انا متأكدة
حسن: انفائلى خير بس
ماجى : سسسسس المستشارين جم
القاضى : بعد المداولة حكمت محكمة ال..... فى يوم ..... للقضية رقم .....
قامت جيلان واقفه ومتأهبه وحسن جنبها
القاضى: بقبول دعوى الطلاق السيدة جيلان عبدالنور من السيد وحيد مسيحه
رفعت الجلسه (خبطة المطرقه)
جيلان من ف حتها حضنت حسن بلهفة وكانت ماجى مبسوطة اوى
جيلان: انتو خبيتو عليا كل ده
ماجى: وفلوسك فالحفظ والصون ، عشان تصدقينى وتسمعى كلامى
لما اقولك انه نصاب وكلب
جيلان: عملتى امتى كل ده ياماجى
حسن: ماجى حست بان سرعة جوازك من وحيد فيه ان لانة كان لسه عارفك
من يدوب
قابلته ووقعته وعرفت انه طمع فيكى لما سأل عنك فكل مكان حد يعرفك فيه
حاولت تعمله خطة توقعه فشر اعماله
وانها موافقه يتجوزك بشرط ياخد فلوسك وتاخد ماجى نصها
وفعلا يوم سفره ماجى كانت محضرة حاجة من مجوهراتها وحطتها فالشنطة الى معاه
واتقبض عليه فالمطار
ماجى:لكن موضوع الزنا ده ، فانا الى دبرته هو معملش حاجه لكن عشان الكنيسة توافق بتطليقك منه
جيلان: انتى جدعه اوى(حضنتها)
حسن: نرجع بقى . نهتم بنفسنا تاكلى كويس اوى عشان البيبي
ومتفكريش فالافكار السخيفه دى
هتعيشي عشانه هو
وفلوسك رجعتلك اهيه وحريتك اخدتيها
جيلان: انا متشكرة اوى يا حسن ، انت بجد صديق هايل
بس قولى ليه شكلك مرهق كده وعيونك تحتها الهالات جامدة كده
ماجى: (بقرف) فعلا ليه كده انت بتدمن حاجه
حسن: (بغلاسه) لا نزلت الصبح من غير م اصلح الميكاب بتاعى
ماجى: (بصوت واطى ودت وشها الناحية التانية) سخيف اوى
جيلان: ههههههه ربنا يخليكو ليا انا بجد فرحانه اوى ، وانت كمان تاخد بالك من نفسك لحسن مش عاجبنى خااالص
حسن: (ميل ع ودنها) بينى وبينك انا مطحون فحاجه هقولك عليها ههههههه
جيلان: مدام حاجه كويسة يبقى طمنتنى عليك
ماجى :يلا بقى هنبات هنا
جيلان: سلام يا حسن ابقى كلمنى
حسن: حاضر ...سلام
اليوم ده كان لسه راجع حسن من شرم ومحتاج يريح شوية قبل م ينزل العيادة
رجع وهو بيدندن مع نفسه
لقى تقى مستنية عالسلم !
تقى: فونك مقفول، ١٠ ايام معرفش عنك حاجه
وانا دماغى هيشلها التفكير والقلق عليك من يوم الى حصل
حسيت انك جاى انهاردة وكان شكى فمحله
حسن: طيب قومى متقعديش كده
تقى: حسن ! انت هتقول دلوقت انت عندك ايه ومش هسيبك
عشان انت كده بتموتنى بالبطئ
زمان قولتلى قولى سرك اقولك سرى
هتقول يا حسن ومن غير نقاش يا اما وغلاوتك عندى همشي ومش هتشوف وشى تانى
تختار ايه
حسن سكت وحس انها بجد تعبها القلق عليه
حسن: انا هقولك ع كل حاجة ،بس وعد
تسمعى
وبس
فاهمة
تعالى .......
♦♦♦♦♦♦♦♦
ح٢٥
دخلت تقى وقعدت عالفوتيه فالصالة ، عيونها مش متشاله من ع حسن
نهائى
متحمسه تسمع
منتظرة
متأهبه
كذا شعور جوه بعض بيوصلو لنتيجه واحدة...تعرف الحقيقة
قعد قدامها حسن حط راسه بين كفيه وفكر شوية ورفع راسه ليها
حسن: عايزة تعرفى ايه
تقى: كل حاجة ، انت فاهم
مخبي مرضك عندك ايه
سرك ايه ياحسن؟
حسن: وايه الى هتستفاديه
تقى: هستفاد ياسيدى انى اخد قصتك واطبعها وانشرها فالسوق
ملكش دعوة هستفاد ب ايه
انا عايزة ارتاح من التفكير
دماغى مولعه
حسن: ليه يعنى ياتقى ، انا مجرد جارك
موتت ..حييت
عادى ايه الى هيفرق فالدنيا
تقى: (عيونها فيها دموع) انت بتقول ايه ؟! يعنى ايه مجرد
يعنى ايه الى هيفرق ايه
انت بابا الى فتحت عينى لاقيته
انت اخويا الى سمع مصببتى وشالها وحالف ليجيب حقى
انت ماما الى اكلتنى وسرحت شعرى وعلمتنى المشى
انت صاحبي الى بنحكى سوا وندردش ونلعب ونهزر سوا
انت كل حاجة ل تقى ...ماما وبابا الحقيقين لو حصلهم حاجه هزعل بس عشان ده المفروض
لكن من قلبي مش هيفرق
انت الى تفرق
انت اغلى م عندى من ناس...انت كل الناس يا حسن
قابل ده بقى ولا مش قابل
شئ يرجعلى
المهم دلوقت اعرف فيك ايه وحكايتك ايه بالظبط
اصرار تقى ع معرفه الحقيقة ، خلى حسن يشعر لاول بالرهبة
عارف رد الفعل ومش عايز يتحمله
بيهرب منه ٣٨ سنة
لكن لازم يريحها لان شكلها منهار...سكت وجه قعد جنبها
مسك ايديها زى العادى
وحضنها بحب ،شئ من الاطمئنان
حسن: الى هقوله دلوقت حكاية منسية
انا نفسي ناسيها
بس الالم بيفكرنى فكل دقيقو
محدش يسمع ومحدش يعرف ،انا وثقت فيكى كأنى بكلم نفسي
تمام؟!
تقى: (مسحت دموعها) ماشى
♦♦♦♦♦♦♦♦♦♦♦♦♦♦♦♦♦♦♦♦
"هههههه بتهرج مش عارفه ليه مش مصدقاك"
مدحت:ليه طيب
حبيبة: حساها واسعه شوية، ازاى يعنى روحت خطبت واحدة خطبولك اختها
واتجوزتو هههههههه طيب واختها انت لسه بتحبها بقى
مدحت: لا والله مقدرش اقولك اه او لا، بس هى ست كويسة وممتازة يعنى
وبالوقت العشرة خلتنى مستغناش عنها
حبيبة: مممم ممتاز التأقلم عالوضع ده ذكاء
مدحت: واختها بقت اختى خلاص بقى
حبيبة: بس انت متروحش ليه تخطبها من نفسك بدل التدبيسة الى حصلت معاك دى
مدحت: والله اهلى حبو يعملو الخطوة دى لوحدهم من غيرى عشان يفرحونى وكده
بس ده نصيبى
حبيبة: مبسوط ؟!
مدحت: الحمدلله عندى ريماس بالدنيا
حبيبة (سرحت) انا كمان كنت هخلف بنت، بس
مفيش نصيب
مدحت: لسه العمر قدامك وربنا يرزقك بالذرية الصالحه يارب
حبيبة: انا خلعت جوزى اصلا ، ودلوقت مش مرتبطة
وخلاص شيلت الارتباط من دماغى
فكرة ان حياة الست توقف ع راجل دى فكرة فكسانة موووت
الست تقدر تكون كل حاجة لوحدها ...من غير راجل يعنى
مدحت: دى فكرة ممتازة ،ومدام انتى متوافقه ومتصالحه مع نفسك ع كده
يبقى ربنا يوفقك
حبيبة: (ابتسمت) يارب
مدحت: اتعشم اكون اخ ليكى او صديق لو حبيتى بعيدآ عن الشغل
حبيبة:cours Of
انت بقيت كده خلاص ..ع فكرة انا حابة اشوف بنوتك
عايزة اكون انا وهى اصحاب
مدحت: ان شاء الله قريب عيد ميلادها ويبقى شرف ليا لو جيتى
حبيبة: طبعآ انا حابة كده موووت
♦♦♦♦♦♦♦♦♦♦♦♦♦♦♦♦♦♦♦♦
جميلة ..بتحسس تشوف الجرس باب الشقه فين وبترن
فتحت اختها ودخلت
جميلة: السلام عليكم
اختها: اهلا يا جميلة ، تعالى شوفى معانا الفيلم ده حلو اوى
جميلة: هدخل اغير الاول واصلى ،تعالى ساعدينى
اخوها: البواب جاب لحمة وفراخ وخضار ولبن وحجات من السوبر ماركت
بعتها عمو حسن
وانا حطيتهم فالتلاجه
جميلة: طيب ماشى . .عمو حسن مجاش؟
اختها:لأ خالص
جميلة: (بقلق) ربنا يسترها معاه، تعالى يلا
♦♦♦♦♦♦♦♦♦♦♦♦♦♦♦♦♦♦♦♦
حسن: الموضوع من اوله ،متعلق ببنت
اول واخر واحدة اقولها بحبك
ومن ساعتها قفلت باب قلبي بالضبه والمفتاح
عشان تعرفى انا عندى ايه وليه مخبي
لازم تسمعى الحكاية دى
تقى: احكى يا حسن كل الى ييجى فبالك
حسن: (سكت وعض ع شفته) حنين !
بس مش فيها ولا ليها اى حنين
الفترة الى كنت بسقط كتير فثانوى، واعيد عشان مستهتر
او وخدانى الدنيا
حبيت اعمل كل حاجة نفسي فيها وده جه ع دراستى
لما دخلت الجامعه بطلوع الروح
اداب علم نفس
قولت مش بطال..دخلت وبدأت اسقط واعيد وهكذا
جه الوقت الى امى ميلت ع ايدى تبوسها انى اشوف صالحى وابطل الى بعمله
نويت المذاكرة ع حق
ذاكرت وبدأت تقديراتى تعلى فالجامعه
واخر سنة رتبت عالدفعه
كانت امنيتها تشوفنى حاجه كبيرة ، وانا بعمل الدراسات العليا
ماتت
هو وابويا
ملحقوش يشوفونى حاجه
كنت فالماجستير،حسيت ان ربنا بيقولى لو هتعمل لامك فهى ماتت
اعمل لنفسك
كملت بس وانا متحطم، وكالعادة حسن مش بيوقف عنده الجنان
كنت بحب اعمل اى حاجة جديدة وغريبة
كنت لسه مجبتش العربية
وبركب مواصلات عادى ، اتعرفتع ولد فالبنزينة
معرفتوش انى من مستوى كويس وكده لا
انا من قاع المجتمع
بقيت اسهر عنده وكان صاحبي اوى
وفمرة قولت اعمل تجربة ،جابلى شغل ع اتوبيس اجرة المها
تباع سواق ههههه (ضحكة بحسرة)
عجبتنى الفكرة المحنونة وبقيت اعمل كده
والفوطة البرتقانى واللبس الزبالة يا سلااام كنت ف أقصى مراحل سعادتى وانا بتجرد
من شخصيتى الحقيقة
لحد م شوفتها بتركب كل يوم الاتوبيس تروح الجامعه،بقيت حافظ الوقت الى بتيجى ف
تابعتها
عاكستها
استجابت
لاقيتها واخدة بالها هى كمان
وبعدين اتعرفنا ،مقولتش ليها حقيقتى
وفرحت انها حبتنى ع عيبى ،مع ان الشغل مش عيب
بس بنوتة فالجامعه تحب تباع سواق
مش منطقية!
لما لاقتها متمسكه بيا كده ، فاجأتها بالحقيقة وورتلها كل حاجة
عن حياتى بجد
حبيتها اوى ؟
اه اتجننت بيها وهى كمان ...اه كان حبي ليها زايد لدرجه اننا كنا بنعدى الحدود سوا
كانت دايما تدى من غير مقابل
وبقت لما تحب تتريق تقولى لم الاجرة ..ازاى هتبقى دكتور وتعمل كده فنفسك
كانت بتحب جنانى
اول مرة غنيت كان ليها ، عرفت الباند كله بتاعى عليها
تقى: (ضمه رجلها لصدرها وبصاله) كنت هتتجوزها ؟
حسن: انا اتقدمتلها فعلا ، روحت لاهلها وطلبتها
اتفقنا ع معاد الخطوبة
وكنت هقول لاخواتى
لكن حصل الى مش فالحسبان، اصل عمرك م تقدر حاجه ع ربنا
المكتوب مكتوب مهما روحت او جيت
هتاخد نصيبك
تقى: ايه ؟
♦♦♦♦♦♦♦♦♦♦♦♦♦♦♦♦♦♦♦♦
اخت جميلة: ايه رأيك يا جميلة ده فيلم حلو اوى
البنت مش بتشوف زيك
والواد اسمه نور وحلو زى عمو حسن
هى بتمشى ايدها ع وشه عشان تشوفه
وطلع حلو اوى
اخوها:هى قالت انه طلع حلو اصلا،
اختها:اسكت انت ، ابقى اعملى كده مع عمو يا جميلة هتلاقيه حلو خالص
جميلة: (بهدوئها المعتاد وابتسامة) مش لما ييجى عمو حسن ابقى اعملها
اخوها:هو مسافر كتير ليه كده ده وحشنى
جميلة: هو جاى ، انا حاسة انه
جاى ان شاء الله
♦♦♦♦♦♦♦♦♦♦♦♦♦♦♦♦♦♦♦♦
اول مرة تمسكنى كريزة كلى كنت معاها فالسينما، زى م حصل قدامك
فوقت لاقيت وشها متغير والناس حواليا والف سلامة ومش الف سلامة
قالتلى مالك يا حسن لازم تكشف نشوف مالك ،انا الاول مهتمتش
بس تانى مرة بقى دى كانت يوم قراية الفاتحه
والفاتحه متقرتش
روحت لدكتور كشفت عملت تحاليل واشعة
متصدمتش من مرضى اكتر من صدمتى فرد فعل حنين
تقى: عندك ايه ؟
حسن: عندى كلية ميتة اتولدت بيها، وكليتى التانية فيها فشل كلوى
وضعفت طبعا لان جسمى كله قايم عليها
تقى: (رد فعل ضربت ع خدها كذا مرة ورا بعض لدرجه انه قام هداها ومسك ايديها لان وشها احمر
وانفجرت فالعياط)
حسن :(بعصبية وصوت عالى ) فيه ايه يا تقى!
تقى: ياريتنى موتت قبل م اسمع كده منك ، ياريتنى بدالك
لا يا حسن
انا اتمنيت من ربنا يطلع معندكش حاجه
طلع عندك بلاوى
حسن: (مسكها من ايديهابعنف) اسمعينى ،انتى مش احن من ربنا
تقى: ونعم بالله (بتمسح دموعها) كمل ايه كان رد فعلهابقى الهانم
حسن: (نفخ) ابدا عرفت وبدأت معاملتها تتغير
جينا نحدد معاد تانى للخطوبة وعشان اعرف اخواتى
قالتلى بالنص
"حسن ...انا بحبك ونفسي اقضى العمر جمبك
بس دلوقتى الامر اختلف
انا كنت عايزة اعيش حياتى وياك
لكن مبقاش ارملة بعد كام سنة من جوزانا
للاسف موضوعنا مش هقدر اكمله ..ولو كملت هيبقى كأنى بحس ناحيتك بعطف مش بحب
اعذرنى
انا عايزة احب حياتى واعيشها، لكن مرهنش نفسي ع واحد
انا اسفه
بيموت بمكابرته ومش عايز بتعالج"
انا بقى من يومها مسلمتش قلبي لواحدة ،اعرف ع اد م اعرف لكن محبش
كل شغل تروحه انتقمت منها ف كأن سبحان الله بتوقع فطريقى
صدفه
وكل جوازه ليها
اخر مرة شوفتها وسمعت صوتها الى بيخنقنى
جاتلى العيادة من فترة وبتعاتبنى ليه بهد حياتها
اصل انا اتسببت فطلاقها فيوم فرحها...وبرضو صدفه
تقى: عملت ايه يا حسن
حسن: كتبت ورقه لعريسها قولت فيها خليها تعتذرلك لانى اخدت كل حاجة فعهدى من مدام حنين المحترمة
متستاهلش اسمك لانها مش هتصونه
دى واحدة كدابة ، اه صحيح اخبار الحرق الى كان فضهرها ايه ؟
قولها تسلملى عليه
مشيت وانا سامعها بتطلق كنت مبسووووط
تقى: انت بالقساوة دى يا حسن!!! مش مصدقه
حسن: (بعصبية) واحدة وعايرتنى بأنى مريض
وجايالى العيادة تقولى انت مموتش لحد دلوقتى ليه
عايزانى اعمل ايه ؟؟؟؟
عيونه دمعت مسحها بسرعه عشان ميبانش صعفه قدام تقى
تقى: (خافت من صوته العالى وبصوت هادى) الحيوااااااااانة ! هى هتلاقى زيك فين
عشان كده كنت بتشرب يا حسن
بتشرب وكليتك تعبانة
حسن: وكملت عليها وخلاص المسكنات مش بتجيب نتيجه، بس انا مش بشرب عشان حد
انا محدش يقدر يطفينى
انا بس حسيت ان مفيش حاجه ابكى عليها ، غير علاقتى بربنا عشان كده رجعت
تقى: انت لازم تعمل العملية ، لازم ندورلك ع كلية وتاخدها ان شاء الله باى تمن
لو طولت اخد فلوس من ورا بابا وده حقى
بس انت تعيش
لازم متقعدش تحت رحمة غسيل كليتك يا حسن
حسن: (بعصبيه ماسكها من دراعها) اسمعى ! انا محدش يقولى لازم
انا حر
اموت فالوقت الى ربنا هيعوزنى فيه
ولاهعمل عمليات ولا زفت
ومش هستنى منكم تقولولى اعمل ايه
وحسك عينك سلمى تعرف ولااى حد هطلع عينك ياتقى
تقى: بص انا مستحمله تضربنى تانى لو ده هيرضيك
لكن تموت لأ
مش هسيبك يا حسن
حسن: اطلعى فوق ياتقى دلوقت عايز اقعد وحدى ممكن
تقى: حسن!
حسن: اطلعى ياتقى مش مستحمل حد معايا، كنت كويس وفكرتينى ونكديتنى
الله يسامحك
اتفضلى لو سمحتى
طلعت تقى وهى بتعيط بحرقه ودخلت شقتها تدبدب فالارض زى العيال الصغيرة
وقعدت ورا الباب تعيط
وهى بتكلم نفسها
"مش هسيبه يموت، وحياته عندى م هسيبه"
♦♦♦♦♦♦♦♦♦♦♦♦♦♦♦♦♦♦♦♦
جنبه وجعه اوى ...والمسكن ولا الحقن بقت تجيب نتيجه معاه
فعيادة دكتور خيرى درويش اخصائى امراض الكلى والمسالك البولية
دكتور حسن من زمان وبيتابع عنده
وبعد الكشف وحسن بيقوم من ع سرير الكشف ورايح ورا الدكتور
ع مكتبه
دكتور خيرى: قولي انت جاى ليه يا حسن
حسن: ابدا عايز اعرف المسكنات مش بتجيب نتيجه ليه
دكتور خيرى: هاه! مسكنات ايه
الى انت فيه ده اسميه موت ..بس بشياكه
حسن: (سكت وبص فالارض) حضرتك انا عايز تكتب ع مسكن اقوى وخلاص
الدكتور خيرى: اه مسكن يخفف عنك الالم اخر كام يوم فحياتك، مش عندى يا حسن
انت دكتور وعارف المسكنات
اختارلك نوع ترتاحله يبقى صديقك المرحلة الاخيرة
قام حسن مكشر وماشي
الدكتور خيرى: اسمع يا حسن ،انت زى ابنى
ومن زمان انت متابع عندى
حرام اشوف شاب ناجح وكويس زيك بيموت واسكت
لازم تعمل العملية يا ابنى بأسرع م يمكن
ده لمصلحتك
حسن: (هز راسه) اوك يا دكتور ، عن اذنك
خرج حسن مش متضايق ابدا، عارف ان فنهايته
بس حابب يسيب اثر حلو عند الكل
طول الوقت قلبه كان بيدق ناحية تقى ،بيفكر فتقى
بيعمل مليون حاجه فاليوم وبرضو تقى مش سايبه باله نهااااائى
لهفتها وخوفها
قرر يتناسي شوية
وطلع ع سلمى وبوكيه ورد كبير مستخبي وراه وهى بتفتح الباب
سلمى:مين ؟!
حسن: (طلع من ورا البوكيه) بخ!
سلمى: حبيبى (نطت فحضنه)
دخلو سوا وهى مزقططه من الفرحه ...
سلمى:ياسلام ، اخيرا دبحو القطة الى مخوفاك تيجى عندى
حسن: اه هما قالولى دبحوها فجيت ههههه وحشتينى
سلمى: مش اكتر منى يابكاش
حسن: كنتى لابسة ورايحه فين ، اوعى اكون عطلتك
سلمى: لا ده انا كنت رايحه لمحمد عنان تعبانة وخايفين تولد فالسابع
حسن: اه صحيح هى حامل ف ايه
سلمى: ولد اخوك قال يسمى عبدالرحمن
حسن: طب يلا قومى نروحلهم
نزلو وفالطريق اشترى هدوم بيبى كتير ولادى وشوزات مقطقطه والسرير بتاعه
والنموسية
وبورنوس صوغنن وخدو كل الحجات دى وع محمد
محمد :كتير الى انت عامله ده يا حسن والله
حسن: انا عمه الوحيد الاستاذ عبدالرحمن الى هيشرف قبل اوانه ، امسكى نفسك يا ولية
عنان:هههههه مش قادرة يا حسن شكله هينزل ابن سابعه
بس عارف احلى حاجة جبتها السرير
فعلا لسه مش كنا جبناه
حسن: عشان لما يكبر تقوله ليه عمو حسن هو الى جابلك اول سرير تنام فيه يابيدو
سلمى: ياعم ابقى قوله انت بنفسك ،تعالى بصى افرجك بقية الحجات يا عنان
حسن وقف سرح مع كلمة سلمى ومحمد واخده وداخلين الفراندا يتكلمو وغير معاملته الشديدة معاه نهائى من وقت مشكلته مع عنان
قضى وقت حلو مع اخواته ، ونزل يتمشى فالبلد شاف
اكسوسريز نحاس وفضى محل كبير لسه بيفتح، اشترى طقم شيك نحاس غالى
ولفه كادو
وعالمرسم لقاها بترسمه وياها عالبحر ،غمى عيونها وباسها فودانها ع طرحتها
لفت ضحى وحضنته اوووووووووووووى رغم انه مسبهاش غير كام ساعه
ضحى: وحشتنى مووووووووووت موووووت
حسن: انتى اكتر يا ديدا ،بصى بقى انا جايبلك ايه
هو يارب ذوقى يعجبك
بس انتى ذوقك احلى طبعا انتى فنانة وانا دكتور اللاسعين
ضحى: مانا كنت واحدة من ملاحسيك فيوم تنكر ، ورينى بقى
فتحت العلبة وعجبتها اوووى وصممت يلبسهالها
وقعد وياها شويه اتفرج عاللوحه الجديدة
وهو ماشى ..
حسن: متتأخريش هنا وروحى بدرى
ضحى:بتخاف عليا يا حسن
حسن: انتى مراتى لازم خوفى كله يبقى عليكى ، (باسها) تسمعى الكلام
ضحى: حاضر
حسن: مشى وهو بيشاورلها باى ورجع تانى ) ديدا!
ضحى: نعم
حسن: (بالمشاورة قالها بكرة لأ ،بعده مستنيكى وبعتلها بوسه فالهوا ومشى)
وقفت ابتسمت اوى وحضنت بايديها الطقم الى جابه
طلع اشترى لنفسه حجات ولوازم لكن الغريب انه اشترى من البرفيوم بتاعه
ازازتين!
ورجع ع جميله ، والهوليلة بتاعت اخواتها كل مرة
عليه وهداياهم
وابتسامتها هى الهادية الصافيه
وبعدين دخل الاوضه ليها ..
حسن: عارف انك بتحبي نوع البرفيوم بتاعى جبتلك واحدة ترشيها لما...
اوحشك!
بيبص عالسرير لقى قميصه ..
حسن: ده انا نسيته هنا ولا ايه
جميلة: لا (ارتبكت) كنت هغسله
حسن: (ابتسم ومسك ايدها باسهم) عاملة ايه
جميلة: كويسة بوجودك
حسن: آسف ع غيابى الفترة دى
جميلة: المهم انك رجعتلى بالسلامة
حسن: انا اصلى مخنوق شوية انهاردة ، فقولت اجى عندك ارتاح
انا اصلا برتاح لما بشوفك
جميلة: طول الوقت بدعى ربنا فصلاتى دعوة واحدة
يجعلك ضهرى ويجعلنى راحتك ????
حسن: (مسح ع خدها بحب)
جميلة: البت اختى شافت فيلم قالتلى البطلة زيي لمست حبيبها ع وشه عشان تقدر تشوفه
حسن: حبيبها!!
جميلة: انا نفسي اشوفك زى م قلبي شايفك ، (حسست جميلة ع وشه بالراحه وهى مبتسمه مسك ايدها باسها وخدها فحضنه اوى )
حسن: احلف ب ايه ان الراحه بلاقاها هنا
جميلة: هنا بيتك ومكانك، وانا وكل حاجة فيا
علشانك ياسندى فالدنيا
♦♦♦♦♦♦♦♦♦♦♦♦♦♦♦♦♦♦♦♦
وتانى يوم بليل ....
بعد جلسة كانت لسعد وعالعادة كانت كلها اكتئاب ويأس ، مشى حسن ومكملش
كانت شاغله باله تقى الى زعلها امبارح
خبط ع بابها...
تقى: حسن(بزعل)
حسن: انا آسف ع اسلوبي معاكى امبارح ...ممكن ادخل
تقى: تعالى ، انا لسه كنت بجهز عشا
حسن: كبرت يا تكتك وبقيت بتعرف تطبخ
تقى: (بابتسامة صفرا) ممممم دوق وانت تعرف
حسن: لا مش عايز ادوق لحسن تكونى حطالى سم ولا حاجة
تقى: ياسلام ليه بقى
حسن: عشان زعلانة منى هتنتقمى
تقى: خلاص يا حسن انسي
حسن: مش هنسي غير لما تقبلى اسفى
تقى: مش هقبل غير لما تعمل العملية وتبقى كويس ومعيش ع كابوس انك هتروح منى (خرجت من المطبخ وخرج وراها)
حسن: تؤ!(وشه اتغير) ممكن لو سمحتى بلاش السيرة دى
تقى: طب ليه عايزة افهم ، الحل ف ايدنا
هتنبسط لما تموت ونموت وراك يعنى
حسن: ياستى الاعمار دى بتاعت ربنا ، تعالى هنا بقى وحشتينى (شالها)
تقى: ههههه طب نزلنى لانى والله مخصماك
حسن: هرميكى من البلكونة والله
خرج وهو شايلها وفعلا بيهددها
تقى: اعااااااااا يالهوووووى هتموتنى بجد يا حسن ،خلاص مصالحاك مصالحاااااااك
حسن: (نزلها) بس كده ناس مبتجيش غير بالعين الحمرا
تقى: طيب اقعد يلا عشان ناكل سوا
اتعشوا سوا وهما بيهزروا مع بعض كالعادة والضرب ورش الكاتشب فوش بعض
والميه
وقدام التلفزيون
حسن: عايز اسألك سؤال ، انتى ليه مش بتعرفى تنامى بليل
تقى: بخاف من الليل وانا وحدى ، عندى عدم احساس بالامان دايما
بالنهار بحس بوجود الناس
فبنام
حياتى مشقلبه متاخدش فبالك
حسن: ولو فيه حد معاكى ؟
تقى: انام عادى ، انا بحب اللمة والناس زهقت من الوحدة
حسن: طيب انا انهاردة مش نازل شقتى، هقعد هنا وانتى نامى جوة براااااحتك خالص
تقى: بجد!!
يعنى انت هتقعد معايا انهاردة هييييييه
وقفت تتنطنط زى الاطفال وهو بيضحك عليها ..
وفعلا جه وقت النوم ومن سنين تقى منامتش فالوقت ده وارتاحت كده وحست بالامان
ونام برة ع كنبة مريحه حسن عادى كأنه الحارس بتاعها
وفوسط نومها صحيت مفزوعه من حلم وحش
تقى: حسن!!!!
حسن فاق وجرى فتح باب اوضتها ودخل جابلها مية وهى بتاخد نفسها بصعوبه كده من الخضه
وحضنها
تقى: (بتعيط) انت مش هتموت يا حسن ، مش هتموت صح
حسن: طيب صلى عالنبي بس واهدى مفيش حاجه
تقى: حلمت انك...بعد الشر موتت
وانى بصوت انا وسلمى
حسن: ايه الدراما دى ، يبقى عمرى طويل ياستى نامى بقى
تقى: مش هعرف انام تانى خلاص مش قادرة
حسن: اهدى انتى واطفى النور ، وهتعرفى
تقى: لا خلينى معاك ، مش عايزة انام والله
حسن: يووووه ياتقى لازم تتعبي قلبي معاكى زى زمان خلاص قومى
قامت وعملت نسكافيه ...
حسن: خلاص انا كده هنزل ، اشرب النسكافيه الاول
مدام مش هتنامى
تقى: (اتخضت ومسكت ايده ) لأ !! خليك معايا
حسن: مالك خايفه اوى كده يا تقى سيبيها عالله
تقى: حسن، انا بعد الى عرفته روحى بدأت تروح منى
حاجه كبيرة فحياتى وهتضيع انا مش عارفه اركز ولا اعيش عادى
حسن: يعنى هو انا مثلا لو مو...
تقى: (قفلت بوقه) اوعى تقولها ، انت بإذن الله هتعيش
ومش هشوف فيك حاجه وحشة ابدآ
حسن:حاضر
تقى: (حبت تغير الموضوع)طالبة معايا اعمل كيكة شيكولا ، تساعدنى !
حسن: مممم يلا ورانا ايه ،بوظى الدايت بوظى
حضروا طلبات الكيكة ومقاديرها سوا وعملوها وطبعا بعد لخبطة الدقيق والعجين والشيكولا
بس كان حسن مستغرب نفسه انه كان بيراقبها طول الوقت وهى بتعملها وبتزوقها ومش عارف ليه
تقى: ياسلام يا سلام تسلم ايدك يا توتا بقى ،كانت جامدة
حسن: فعلا تحففه ، كيكة شيكولا ٣ونص الفجر حاجه حلوة هتخلينا نبقلظ ان شاء الله
تقى: عادى عادى كبر ، انا هنام بقى ،حاسه بأمان جامد اوى عشان انت موجود ومش هتسيبنى
حسن: طيب روحى يلا ،(مسك جنبه بس بيدارى الالم )
رايحه ناحية اوضتها ونداها ...
حسن: اوعى تحلمى بحاجه وحشة تانى ، انا هنا معاكى ومش هسيبك
رجعت وجريت ناحيته زى الطفلة ،شافته بيتألم ومدارى والدليل وشه الى اتغير ومسكته لجنبه
حضنته وبدأت تبوسه بجنون وكانت اول مرة تعملها ...
والغريب ان حسن مستغربش وبادلها !!
ومكانش الشعور الابوى العادى ولا اخوية ولا الكلام الفاضى ده المرة دى ، لا لا لالا فيه حاجة غريبة
وحسن حسمها ...!
حسن: (رفع وشها ليه) بحبك ياتقى ! بحبك اوووووووووووووى روحى هتطلع عليكى
تقى: بموت فيك والله (بتعيط) وهموت عليك يا حسن
انا اتأكدت انى بحبك
والله العظيم بحبك
حسن: بعتذرلك وبتأسف ع كل تصرف عملته معاكى وحش ، وانى حبيتك فوقت انا بروح فيه
بس لو بجد بتحبينى
بلاش تفتحى سيرة تعبى تانى
تقى: حاضر ، مش هفتحه تانى
بس انا عايزاك جنبي ومعايا ومتبعدش عنى ثانية ولا تحرمنى منك انت فاهم !
حسن: طيب انا دلوقتى لازم انزل لأن كده خلاص ، كنا بنضحك ع نفسنا لكن ....
انتى فاهمة
انا همشى بقى
فتح الباب وخارج ونازل جريت وراه ووقفت عالسلم
تقى: وانا الى كنت خايفه لاكون بحبك ولا حاجة يا اسطا
حسن ضحك ووقف يرد عليها
حسن: واذا كنت انت خايف تحب، فأنا بدوب فيييك يامعلمى ..مش هما قالوها كده فالمترو هههه.تصبحى ع خير
دخلت تقى وبتقفل الباب
حسن: انتى يابت ! عشان لو نمت ومصحتش
تعرفى ان حسن مقالهاش غير ليكى ...بحبك
بحبگ يا قلب حسن ????????
♦♦
هبة سامي علي
دينا سعيد عاصم
د. راقية جلال محمد الدويك
د. محمد عبد الوهاب المتولي بدر
محمد محمد جاد محسن
سهر محمد رمضان صيام
هند حمدي عبد الكريم السيد
محاسن علي عبد الرحيم أحمد (مقلد)
خالد عبد الرحيم خضير العامري
د. سمر ابراهيم ابراهيم السيد
د. نهله عبد الحكم احمد عبد الباقي 
زينب حمدي 
د. عبد الوهاب المتولي بدر 
ياسر محمود سلمي 
د. نهى فؤاد محمد رشاد 
د. شيماء أحمد عمارة 
م. اشرف عبد الصبور الكرم 
حنان صلاح الدين محمد أبو العنين