ح٦
حسن داخ وهى بتتكلم وراسه لفت،
وهو بيقول بلسان تقيل
" الله يحرقك يا بعيدة!"حد يل
يلحقنا
وهوبا!!
وقع عالسرير قصادها.....!
من ستر ربنا عليهم ...كان معدى دكتور وائل بيمر ..وبص ع اوضة حبيبة من شباكها الازاز
وفوجئ منظرهم
الاتنين واقعين عالسرير وشكلهم فاقدين الوعى..
بسرعة... دخل وجس نبضهم لاقاهم متلجين ، رفع سماعه التليفون
وائل: الو....الوو
ايوة
الاسعاف بسرعه ..يلا مفيش وقت
الاسعاف جت وبسرعه الاتنين اتنقلو وفالكشف اتعرف انه اغماء نتيجه هبوط حاد فالدورة الدموية
لوجود ميكروب فالمعدة
والاتنين فغسيل المعدة..كان موبايل حسن مبطلش رن
الموجود مع وائل
لكن وائل كان مشغول بكلامه مع الدكتورة فايزة الى واقفه مستغربة ازاى ده حصل
الدكتورة فايزة: ازاى يحصل كده..مريضة تسم الدكتور بتاعها!
وصلت ازاى للمخدر ده ؟ والكمية دى
وائل: مش عارفين يا دكتورة ؟ لما يفوقو هنسألهم..المشكلة انها هى كمان شربت منه
يعنى مش بتقصد تسمم حسن بس
الدكتورة فايزة: انا مشكلتى دلوقتى مش انها هى كانت كمان شربت السم، ازاى وصلت للحجات دى
حبيبة دى بالذات كل حاجة فأوضتها بتكون بأشرافى
وائل: انتى هتقوليلى يا دكتورة ! دى عذبتنى عذاب السنين فعلاجها
وبرضو مافيش فايدة
(بيطلع فون حسن) يوووووه
الدكتورة فايزة: فيه ايه
وائل: موبايل سى حسن مش مبطل رن من الصبح..اقفله واريح
الدكتورة: لالا..شوف مين يمكن حد من اخواته لحسن يقلقو عليه
رد وقولهم انه فالمستشفى...
جيلان الناحية التانية:.
جيلان: ايه!! مستشفى تانى؟
طب ليه؟
طيب ..طيب انا هجيله حالا
قامت جيلان تحضر نفسها عشان تخرج لحسن..وهى بتظبط الميكاب بتاعها
دخلت ماجى اوضتها!
ماجى: ايه هتنزلى فين بدرى كده ؟
جيلان: (بترد من غير اهتمام) خارجه ياماجى..فيه مانع
ماجى: بصى..خروجك الكتير ده يجيب الكلام
انتى دلوقتىست ارملة
وجوزك لسه ميت قريب
ومينفعش...
جيلان: اه جوزى الى مات بفعل فاعل صح عشان اورث بسرعه وهدف الجوازة يبقى مكسبه قريب
ماجى: بقولك ايه !
اسمعى
خروجك كتير للدكتور المجنون الى اسمه حسن ده ..ومرواحك عنده العيادة مش هيعدى ع خير
جيلان: (رفعت حواجبها بأستنكار) ده انا بتراقب بقى!
ماجى: خطواتك انا عينى عليها كويس.. واوعى تكونى فاكرة انك بتتصرفى بمزاجك
جيلان: ماجى... الى كنتو عايزينه حصل
واسم العيلة انا انقذته
وانا بس الى ضحيت ولوحدى
دلوقتى..محدش له اى سيطرة فتصرفاتى (زقتها شوية) عن اذنك
خرجت ....وماجى متنرفزة منها
بس برضو ناوية متسيبهاش فحالها!
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
بوكية ورد كبير ... وجواه ملفوف لوحه كبيرة بشريط احمر
النيرس: ده عشان حضرتك يا دكتور
حسن: اوك شكرا
جيلان: الف سلامة ياحسن..ع فكرة
الشغلانة دى هتجيبك ارض
حسن: هههههه بس بحبها اعمل ايه ؟
جيلان: لكن لازم تكون حريص عن كده،ازاى تأمن لها تشرب حاجة عندها
من غير م تقلق
حسن : جزء من شغلنا..الثقة يا جيلان (بيتعدل بالراحه)
وبعدين هى شربت معايا مشكتش لحظة
جيلان: انا شوفتها فالاوضة الى قبل منك..بنوتة امورة جدآ ع فكرة
ونايمة كده
فيها براءة غير طبيعيه
حسن: عارفة الى بتقولى فيها براءة غير طبيعيه دى ..مشيبانى ولسه مقولتش كلمتين
موقفه المستشفى ع رجل
جيلان: بس اكيد البنت دى فى حاجة مأثرة فيها لدرجه انها تنتحر
حسن: سيبك منها ..المهم
شكرآ ع اهتمامك بجد
انتى حد جدع اوى
جيلان: يا حسن انا مصدقتش لما الدكتر زميلك قالى فالفون! قولت هو حسن ده موعود معايا بالمستشفيات ولا ايه
حسن: ههههههههههههه (وهو بيضحك بص عالبوكيه الى فيه لوحة)
استأذنك ياجيجي تجيبلى بس اللوحة الى جوة البوكيه الى هناك ده
جيلان: اوك
قامت جيلان وجابته وبتدور جوه الورد ع الكارت..
جيلان: مافيش كارت مع الورد (بتناوله اللوحة)
اتفضل
حسن: فرد اللوحه لقاها صورته !
بورترية بصورته مرسومة بالفحم وكلها بفحم اسود
م عدا جزء من تحت عند قلبه فيه نقطة حمرا
جيلان: ايه ده! غريب اوى البورتريه ده
والى راسمه مش كاتب اسمه ولا اى حاجة
حسن بيركز فيه وابتسامة خفيفه ع وشه..
جيلان: وبعدين ده ولا دى عرف منين انك هنا؟
تقريبا محدش بلغ حد عندكم
جيلان لاحظت ان حسن مش مركز معاها ومركز فالرسمة
جيلان: ممممممم ده الدكتور سرحان عالاخر!
طيب انا هقوم امشى
وابقى اتصل بيك اشوف هتطلع امتى ..اوك
حسن: (مركز مع اللوحة) اوك يا جيلان
جيلان: باى يا جميل
مشيت جيلان..لكن حسن كانت عنيه متعلقه بكل خط وصل التانى فالرسمة
وعمل صورته بالابداع ده!
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
وبعد اسبوع..
كانت فيه حجات كتير اتغيرت.،ضحى مبقتش تيجى العيادة
لانه قالها لازم تعترف لحبيبها بحبها وتعمل خطوة ايجابيه.اما جيلان لسه معركتها قائمة مع ماجى اختها
وتنهار جدآ لحد م تتكلم مع حسن فون
او تروح جلستها وتمشى عالعلاج بتاعه عشان يخطو خطوة جديدة فعلاجها
وانهيارها العصبى
لكن تقى ..كانت ع اد ماهى وحدها اوى ، وبعيدة عن الكل
كانت بتكتفى بأنها تتكلم مع سلمى كل يوم فون
وتنزل تتمشى لوحدها فالبلد، عشان تبطل اعتماد ع حسن فكل حاجة
زى م قالولها..وخلاص بقالها حياته
ومعادتش الطفلة الصغيرة الى بضفاير
حبيبة بقى
كانت اول جلسه ليها مع حسن بعد الى حصل، بقى فيه حرص شديد فكل حاجة تدخل اوضتها او تطلع
لتوقعاتهم بأى شئ خطير ممكن تعمله
ودلوقتى مع حسن......
حبيبة: انت زعلان انى كنت هموتك!
حسن: لا برضو يا شيخه هزعل ليه ؟ده حتى هزارك خفيف عالقلب
بس بقولك ايه المرة الجاية متخليهاش سم
افتحى دماغى بماسورة حديد..اصلى بحب الاكشن
حبيبة: انت بتتريق!! (بعصبيه)
حسن: ياستى انا واحد قصدى خير والله، اخلصك من اللسعان الى انتى فيه ده
واخليكى ترجعى لحياتك الطبيعيه عادى
غلطت؟
حبيبة: اصلك مش فاهم حاجة..الناس الى برة دول
عيشتك وسطهم هى الى هتتعبك
لازم تموت..(سرحت) او تعيش معانا هنا
انت عارف!!
حسن: عارف ايه
حبيبة: انا الى جيت هنا برجليا .. محدش جابنى
حسن: اها..وبعدين
حبيبة: وبعدين لما جيت لاقيت محدش بيسأل عنى خالص
خالص
كأنهم م صدقو خلصو منى
حسن: هما مين؟
حبيبة: هما !! (سرحت لثوان وبعدين رجعت لواقعها) وانت مالك!
داخلك ايه
يلا قوم من هنا
(قامت من مكانها وبدأت تزوقه لبرة لدرجة انه كان هيقع )
حسن: فيه ايه يا مهبوشة الله يخربيتك (بيتزق واتخبط فالحيط)
حبيبة: لا لتحسب اننا هنتصاحب مثلا وهكلمك و احكيلك
يعنى
يلا برة برة
حسن: خلينى مرة لله تعالى اكمل ام جلسة يخربيتك
حبيبة: مش هسمحلك.قال جلسة قال
ده انت الى محتاج جلسات
وكهربا كمان
حسن: انا محتاج جلسات كهربا يا مهبوشة يابنت المهابيش
حبيبة: انا مهبوشة !! انا بتقول عليا كده
(فكت شريطة شعرها ولفتها ع رقبته)
يلا مووووووووت موت وخلصنى منك
حسن: يابنت المجا..مجانين سيبينى (بيكح ) الحقونى
(بيخبط عالازاز وعدت عاملة النظافه ودخلت بسرعه تخلصه من ايدها ورنت جرس المديرة ..)
الدكتورة: ايه ده فيه ايه ؟؟ فيه ايه
حد يلحقو من ايدها
بشق الانفس حسن اتنجد من ايدين حبيبة ..ودخل بسرعه وائل بحقنه مهدئة فوريدها
عشان تهدى
حسن بياخد نفسه بالعافيه وبيبص لها وهى بتهدا وبتنام..
وائل: م قولتلك ..قولتلك متنفعكش
عملتلى فيها الرجل المستحيل
اشرب يا حلو
الدكتورة فايزة: حسن! سيب حالة حبيبة فورآ
وانا هشوف مين من الدكاترة الى يقدر يتعامل معاها..ولو اضطريت اشوف مصحة تانية غير بتاعتنا تروحها
دى بقت خطر جدآ
حسن: دكتورة فايزة..انا مصمم اكمل متابعتى ليها
الدكتورة فايزة: بعد كل الى حصل! يابنى كانت هتموتك مرتين
حسن: وده الى مخلينى عايزة اكمل..ارجوكى يا دكتورة
وائل: سيبيه براحته يا دكتورة..عقله فراسه وعارف خلاصه
حسن: ايوة بالظبط كده ..وهفضل وراها برضو
وائل: يبقى حاول تبنيلك تربة من دلوقت..لان بالشكل ده
بينك وبين عزارئيل الخطوة الجاية
حسن: طب ياخويا فالح اوى، متبقاش تيجى تقرالى الفاتحه
وائل: لا وليه هقراها من دلوقت..(رفع ايده) بسم الله الرحمن الرحيم
حسن بصله بقرف ومشى ع طول
بليل واقف فبلكونته ...بيشرب سيجارة
طلعت تقى فنفس الوقت من غير سابق ترتيب..وبدأت تكح من دخان السيجارة
حسن:(بص لفوق) الف سلامة يا تكتوك، ايه الى مصحيكى لحد دلوقت
تقى: انا اصلا مش بنام غير الصبح.خلاص اتعودت
وانت مالك فيه حاجة قلقاك لدلوقتى
حسن: لا خالص ..بفكر بس فحالة متابعها هتجيب اجلى
تقى: البنت الى اسمها حبيبة دى
حسن: اه ..هو انا قولتلك؟
تقى: مش معقول يا ابيه انت بتنسى جامد اوى
انا كنت معاك اصلا لما بقيت تتابعها وحكتلى
حسن: اه اه فكرتينى.. معلش يابنتى بقى حكم السن
تقى: هههههههههه
وهما بيضحكو جت مسج لحسن ..طلع فونه
تقى: ايه ؟
حسن: تقريبا مسج
تقى: هو فيه لسه حد بيبعت مسجات دلوقتى ..دى ناس قديمة اوى
حسن فتح المسج وهو مبتسم ع كلام تقى..لقى نفس الرقم الى بعتله من فترة مكتوب
"نفسى اقولك ع الى بيا ..نفسى اقولك كلمة واحدة ♥"
حسن المرة دى اهتم..وحس بحاجة غريبة
واكيد كل دى مش صدف..كانت فالوقت ده تقى مركزة معاه اوى من فوق
تقى: من مين المسج؟
حسن: يخربيت التطفل..وانتى مالك يا حشرية
تقى: حشرية!! طييييب شوف مين يكلمك تانى ياخويا
سلام
دخلت وقفل باب البلكونة وراها
حسن: انتى يابت ياعبيطة انتى ..يابت!
عيلة فعلا
تقى من فوق بصوت عالى" بس متقولش عيله"
حسن: هههههههههه يا مستشفى المجانين الى انت فيها يا حسن
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
درامز وجيتارات ..والات عزف كتير
وشباب واقفه بتتحضر
باسم: عايزين نولع الفرح يا حسن
حسن: هنولعه يا زميلى .. هنزيط امه
باسم: اه ده كيمو حبيبنا ودخل القفص عايزين نوجب
حسن: ده انا مفضى نفسى انهاردة بالذات عشانه، اهنيه واقوله البقاء لله بالمرة
الجواز مش سهل انت عارف
باسم: هههههههههه
الفرح كانت ف مركب كبيرة .. وحسن وفرقته مستعدين عشان يفرحو صاحبهم، وبدأ الحفل
غنى جميل وجو حلو
ورقص وزيطة وفرحة كبيرة
وحسن الى يشوفه وهو بيغنى مع صحابه بيبقى شخصية تانية غير اى حد متعود عليها
وفاندماج الفرح ..وحسن متقدم فرقته ماسك الجيتار وبيغنى وهما وراه
جه وقت الرقصة السلو
باسم: نغنى ايه ؟ احنا عاملين حسابنا لاى اغنية تقول عليها
صاحبهم 1: شوف حسن يقول ايه
صاحبهم 2: يلا ياجماعه العرسان اتضايقو من الركنة
حسن: يلا اجمل نساء الدنيا
باسم: يادى صابر وسنين صابر
صاحبهم 1: قديم يا حسن..تعالى حاجة اجنبى
صاحبهم 2: ياناس يلا كنا ات فقنا قبل الفرح
باسم: اى حاجة غير صابر يا حسن كده كيمو هيطلقها وقتى
حسن: بتقول حاجة يابا؟
باسم: لا ياشبح معاك..يلا
1
2
3
وبدأو يغنو اغنية اجمل نساء الدنيا مع انطلاق الساكسفون..بهدوء والعرسان فالنص بيرقصو والاضواء موجهه عليهم هما وبس
وبشاعرية تامة اجتاحت جو الفرح
اجمل نساء الدنيا جوه عيونك انتى
اجمل نساء الدنيا انتى يا حبيبتى
خدنى الغراااااااام خدنى لحكاية حب حلوة..عيشت فيها
دوقت فيها اجمل حياة
حسن هيمان اوى وبيغنى بأحساس..وزمايله معاه
والفرح كان شكله جميل جد..وفجأة
خطوات هادية
جدآ ودخلت مابين الحضور الى واقفين حوالين العرسان ..ضحى!
حسن شافها ونزل من عالبيست وهو بيغنى .. والاضاءة متباعه فوسط الضلمة
ومشى لحد ضحى بابتسامة جميلةومسك ايدها وهوبيقول
" احساس جميل جوايا اكبر.من الغرام
والى ما بينى وبينك
اكبر من الكلام
احساس جديد..خدنا لبعيد..مالوش حدوووووود"
ضحى ارتبكت جدآ ومتحكمتش فدموعها نهائى وهو بيعمل كده واتحول الفرح يتفرج عليهم بدل العرسان، وهو بياخدها من ايدها وبيرقصها ويغنى فالمايك
ضحى بتبص حواليها ومكسوفه جدآ وبتضحك والدموع ع وشها مش مصدقه
ومقدرتش تمسك نفسها من انها تحضنه بلا وعى وهو بيقول بهدوء
" اجمل..من كل النساء" وبيشاور ع البنات الى حواليه
وانتهت الفقرة بأن اتحولت الانظار ليه هو
مش للعرسان
خلصت الاغنية وضحى بتبصله ومش مصدقه نفسها..
ضحى: انا..انت ازاى
انا..بحبك اوووى
حسن: كنت عارف ومستنى تقوليها
عذبتى نفسك وعذبتينى معاكى
ضحى: طب وانت ؟ بص انا مش مستعجلة
يكفى انا بحبك
وانت حبنى ع مهلك
بعدين خالص
اهم حاجة انك عرفت
ومش هنام متدايقه تانى
حسن باصصلها وهو مبتسم
ضحى: انت سيبت كل البنات دى وكل الدنيا دى وغنتلى انا
حسن: انا قولتلك قبل كده...خديه من دنيته وقوليله
ضحى: يعنى انا صح ؟
حسن: انتى ع طول صح
ضحى: طيب ارجع كمل الى كنت بتعمله..وانا هقعد هنا اسمع صوتك
واحاول اصدق الحلم الى انا شايفاه بعينى ده
حسن: امسحى دموعك يلا واسمعى الاغنية الجاية دى منى
ليكى
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
رجع حسن وكان حاسس بشعور جميل وغريب ، ووقف كعادته يدندن فالبلكونة
نظرآ لان الفرح خلص متأخر ومش راح اى مكان من الى بيروحه
طلعت تقى برضو وهوبيدندن..بس المرة دى مقصودة وكانت مستنياه
تقى: الله الله شكلك مستكنيص عالاخر
حسن: مستكنيص!! ده كلام واحدة المفروض عاشت ف لوس انجلوس 13 سنة
تقى: بس كنت بدرس فالجامعه العربية وغير كده كنت بكلم ناس كتير عرب ومصريين عالسوشيال ميديا
حسن: ممممممم (رجع يدندن تانى)
تقى: بقولك ايه ..ماتيجى تقولى انت مستكنيص كده ليه
وايه الى مظبط دماغك كده
حسن: تعرفى انى اول مرة احب اتكلم مع حد..تعالى يابت
والله م هكسفك
تقى: انزلك؟!
حسن: لا استنى هنقعد ف أرض محايدة
تقى: فين؟
حسن: انزلى بس
تقى نزلت وحسن طلع من شقته فإيدة مج النسكافيه والناحية التانية السيجارة
حسن: السلم! هنقعد هنا
تقى: ومالو..وآدى قاعدة ولاحد طالع ولانازل
حسن: هاه ياست تقى عايزة تعرفى ايه ؟
تقى: (قرصته فخده) مالك
حسن: هو انا شكلى متغير ولا حاجة
تقى: شكل واحد بيحب
حسن: (قرصها من ودانها بخفه) وانتى عرفتى شكل الى بيحب منين ياعفريته!!
تقى: الله بقى يا ابيه..انا ماشية ف 22 سنة
ازاى مش هعرف
حسن: ابيه من اولها!! بلاش تفصلينى انا بقولك اهو
تقى: لا خلاص قول قول اسفه يا حسن
يا سونة
ياقمر
حسن: بكش ..يخربيت كده
ابدآ ياستى فى بنوتة
بتتعالج عندى
تقى: غير حبيبة ؟!
حسن: هو مفيش غير حبيبة بعالجها..ربع بنات مصر بعالجهم
ومتقاطعنيش تانى
تقى: حاضر..كمل(بشغف)
حسن: بنوتة بعالجها كانت بتحب حد وده سبب تعبها
موجوعه اوى ، عايزة تقوله بس مش قادرة خايفه تقوله يصدها
عانيت معاها تعترفله
تقى: وبعدين
حسن: وبعدين...طلعت انا ياستى
الشخص الى بتحبه!
تقى: لأ!! (بشغف وباساله بأبتسامه) وبعدين
حسن: عرفت انهاردة كنت بغنى ففرح صاحبى وجت.. عارفة انا بكون فين وامتى بالخطوة
انا حسيت من اول م بعتت بورترية فالمستشفى ليا صورتى
وهى قالتلى انها بتحب الرسم
قبل كده وخريجة فنون جميلة
تقى: مستشفى!! مستشفى ايه يا حسن الف سلامة عليك
حسن: ويعنى هو انتى سألتى ياختى ؟ المهم
لاقتنى من غير م احس بغنيلها هىونزلتلها
وخدت ايدها من وسط كل الناس ووجهتلها الكلام
تقى: (مبسوطة) كنت حاسس ايه قول قول
حسن: معرفش..احساس جميل محستوش من زمان
تقى: الله! كمل
حسن: وبس قالتلى انا بحبك ومش عايزة منك تحبنى
تقى: بس شكلك هتبتدى ع فكرة
حسن: (زقها بصباعه فمناخيرها بهزار) غلطانة!
فهمتى غلط
انا عجبنى الموضوع..وحبها ليا
ولسه هنشوف
تقى: ايوة نشوف.. الله يا ابيه
اخيرآ بقى هتحب وتتجوز (بتتنطط فمكانها زى الاطفال)
حسن: ايه الفرحة دى كأنك م صدقتى تخلصى منى
تقى: اخلص منك ايه.هو انا لسه اتلميت عليك
بس الحكاية ان حياتك ملخبطة وعاوزة بنت ترتبها
وتقى بتتكلم فونها رن ، بصت وكنسلت
حسن: م تردى
تقى: دى ماما..بترنلى 24 ساعة
حسن:وليه مش بتردى
تقى:مش عايزة ارد ،هى امتى افتكرتنى
حسن: (حب يغير الموضوع)انا مستغرب واحدة عايشة ف امريكا وحاطة التون بتاعتها وجعت قلبى اليسا؟!!
اعترفى يابت انتى مكنتيش ف امريكا ولا حاجة
كانتى فالدويقة هنا
تقى: (ابتسمت ابتسامة صفرا مخبية حاجة) ماهو محدش بيحد تون لفون الا لو كان حاسسها وبيحبها
(قامت وطالعه) تصبح ع خير يا حسن
حسن: ياخوفى عليكى من السر الى مخبياه..لا متكونيش قده
ح٧
تقى: (ابتسمت ابتسامة صفرا مخبية حاجة) ماهو محدش بيحط تون لفون الا لو كان حاسسها وبيحبها
(قامت وطالعه) تصبح ع خير يا حسن
حسن: ياخوفى عليكى من السر الى انتى مخبياه، لا تكونى مش قده !
تقى: (ببصه حزن) ومين قال ان عندى سر
حسن: تربيتى فيكى..هى الى قالت
تقى: اه صحيح..كنت عايزة حجاتى الى عندك فالدولاب
حسن: تؤتؤتؤ
تقى: يا سلاام! ليه بقى
حسن: دول بتوع بننوتى ان شاء الله ..الى هخلفها
انتى خلاص راحت عليكى وقريب هجوزك
تقى: وهتجوزنى كمان ! طيب ماشى
حسن: وع فكرة ، لسه عندى اول كشكول جبتهولك اعلمك تكتبى ازاى
كان خطك وحشششش
تقى: ( نزلت درجتين سلم وخبطته فدراعه) يا وحش يا حسن..وغلس كمان
حسن: هخليه ذلة عندى للامور الى هيتجوزك
واقوله بص ع عبط مراتك
تقى: (نزلت جرى وراه وهو جرى منها) طب اوعى من وشى عشان متضربش
حسن: تضربى راجل اد ابوكى..والله وحقيتى التربية يابنتى مكنش العشم
تقى: هههههههه تصبح ع خير يا بابا حلو كده
انا اسفه
حسن: ايوة كده اتعدلى ...سلام يااحلى تكتوكة
تقى: يلام يا سونة (بعتتله بوسه فالهوا وطلعت ورجعت تانى بسرعه قبل م يقفل الباب)
بقولك
حسن: نعم
تقى: بكرة لو خرجت مع موزتك تحكيلى عملت ايه بالتفصيييييييل
حسن: اوام خلتيها موزتى ..ههه حاضر ياستى
تقى: هى اسمها ايه صحيح
حسن: ضحى
تقى: اوووووكـ يا برنس ..اسيبك بقى تعيش الانتعاش
باااااااااى
حسن: بااااى يا بنوتة
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
وتانى يوم..
ضحى وحسن ...كانو فمكان اول مرة تدخله ضحى فحياتها
ديسكو !!
كان عايز يخرج كل الى جواها ويخليها تفرح ..وهما سوا
ضحى: انا اسعد بنت فالدنيا
حسن: ليه عشان المكان حلو والاغانى مش كده ..ده من احلى الاماكن الى بروحها
ضحى: لا..عشان معاك طبعآ
حسن قاعد مش ع بعضه بيرقص فمكانه
حسن: تعرفى ترقصى عالاغنية دى
ضحى: انا بتكسف اوى
حسن: لا متتكسفيش يلا
شدها من ايدها ودخل البيست ورقصو سوا رقصة كأنهم متدربين عليها، حتى الكابلات الى كانت بترقص جنبهم
ركزت معاهم ووسعت وعملو دايرة حواليهم
فستان ضحى كان بيطير حواليها وهى بتضحك بصوت عالى وهى فايد حسن زى العروسة ..وهو كان مبسوط جدآ
كأنه بيعيش احساس حب جديد
وهما بيرقصو كلمته بصوت عالى
ضحى: اول مرة احس انى شايفه واحد تانى غير الانسان الى بموت فيه من زمان
حسن: بصى اسمعى الحتة الجاية دى بتقول ايه فالاغنية
ضحى: انا مش سامعه ولا شايفه غيرك
حسن: لا ركزى كده هتجاوب ع كلامك
"خلينا واضحين .فرق دايمآ بين حاجتين
وبين وانا عادى وهادى وبين
وانا ملهووووووووووووف"
ضحى ضحكت بصوت عالى وفكت عن الاول ورقصت باحتراف عن الاول كأنها مش شايفه حد..
ضحى : انااااااا...بحببببببك اوووووووووووى
حسن: (ضمها ليه فالرقصة وميل ع ودانها) انتى قمررررررر
ضحى: انا مش عايزة ابطل رقص ولا اصحى من الى انا فيه ده
انت مفتاح سعادتى يا حسن
اسمع انت بقى الحتة الى فالاغنية دى منى ليك
"مكتوبلى القاك..مكتوبلى اكمل وياك
من غير م تقولى خلاص بان ايه جوااااااااك "
حسن: (شالها ولف بيها ) اهى الاغنية قالت كل حاجة اهو
ضحى: وانا مش مستعجلة انك تقول اى حاجة..هو انا كنت احلم بالفرحة الى انا فيها دى
بحبك يا حسن..بحبك يا حسن بحبببببك يا حســـــــــــــــــــــن!!!
حسن: لا كده الجنان عدى حده هههههههه
ضحى: وحبيبى اول من يعالجنى ..انت سبب جنانى
فآخر الاغنيه ضمته اوى وقالت بهدوء وهى فحضنه مش كان غير فيه صوت تسقيف الى حواليهم بس والاغنية بتهدى
ضحى : " قولتلك يا وجع روحى فعشق روحك...دلوقتى بقولك يادوا روح وفرحة قلب
يادنيا جميلة ربنا كتبهالى اسمها حسن ♥
رجعو مكانهم بعد م خلصت الاغنية ورقصتهم المجنونة..
ضحى: لو حد جه وحلفلى من شهر انى هقعد معاك القاعده دى وهرقص وياك
وكمان هتغنيلى
مكنتش هصدق
حسن:وانتى ايه الى مخليكى للدرجه دى متعلقه بيا ياضحى ؟
ضحى: معرفش..من اول مرة شوفتك وانت بتغنى وعينك جت بالصدفه فعنيا، انت بصتك بصة حد ع اى حد من جمهوره
لكن بالنسبة لى كانت كأنك بتفتح قلبى بمفتاح نظرتك دى
وبتقولى انا هدخل من غير سابق انذار
حسن: كلامك حلو يا ضحى ..يعنى فنانة وبترسمى
ضحى: وبكتب خواطر كمان..كنت متبعاك خطوة خطوة
لحظة بلحظة
لو سيبت بالى فالصحيان..تيجى ف احلامى
حسن: وجيتى فعلا عشان تتعالجى من حبك ليا ؟
ضحى: انا كنت م صدقت اوصللك وجازفت وقولت يعاملنى مجنونة مش مهم
بس بدل من بعيد لبعيد يبقى قدامى..اكلمه ويكلمنى
اشوفه وقت م احب
اسمع صوته
حسن: يااااااااه ..مش يمكن مكونش الانسان الى استاهل حبك ده ياضحى
ضحى: انت!! ازاى
واذا مكنتش انت الى تستاهل حبى مين هيستاهله
حسن: بس انا مش الشخص الكويس اوى الى بنتيله صورة فخيالك
ضحى: مهما كان..هتفضل فعينى احسن حد فالدنيا
حسن:احسن حد!! (اتنهد)
طيب وراكى ايه انهاردة
ضحى: انهاردة انا معاك وبكرة وبعده ...لحد م تزهق منى
وارجع اشوفك من بعيد لبعيد تانى
ويكفينى يومين اقضيهم فسعادة مكنتش احلم بيها
حسن: وليه حاسة انى ممكن ازهق منك؟
ضحى: عشان انا الى بحبك يا حسن مش انت
فيها فرق
حسن: طيب مانا معاكى اهو ..وبعدين ليه خلاص حسمتى انى ممكن محبكيش
ضحى: وحتى لو محبتنيش..يكفينى اى حاجة منك
حتى لو الدقيقتين الى رقصنا فيهم انهاردة دول
هيبقو بال 27 سنة عمرى كله
حسن ركز ف ضحى اووى وابتسم ..
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
خطوات مرتبكة..بتقدم خطوة
وتأخر 2
ووقوف من بعيد فى ارتباك...كانت جيلان!
واقفه قدام مخيم كبييييير عبارة عن كافيه ومطعم وسهرات وكل حاجة
كان قالها عليه حسن
وهى بتبص من بعيد بتكلم نفسها ..
" حسن قالى اخرجى عن مألوفك..عن يومك العادى
اتعرفى ع ناس جديدة..ايوة
انا لازم اخد الخطوة دى"
دخلت جيلان ..محتارة تقعد فين، شباب وبنات قاعدين سوا
الى بيشرب شيشة
والى بيرقصو
والى بيقول شعر وناس حواليه معجبين باللى بيقوله
اختارت مكان بعيد عن كل ده وقعدت فيه ..وجه الويتر
ويتر: افندم حضرتك
جيلان: ممكن لمون ؟
ويتر: اوك يافندم
جيلان بعنيها لفت المكان كله بتتفرج عليه وقطع سكوتها صوت رجالى جنبها ع طول!
وحيد: ايه رأيك تهاجرى معايا ؟؟
جيلان: افندم!!
وحيد: هعيد السؤال تانى ..تهاجرى معايا
جيلان: ههههههههههه (خبت بايدها بوقها وقالت فنفسها) هو انا موعودة بالمجانين ياربى
وحيد: هاه! مقررتيش
انجزى
جيلان: انت مين اصلا ؟
وحيد: انا واحد قرفان من البلد والى فيها ..ولاقيتك قاعدة لوحدك حسيت انتى كمان زيي
رغم انى اول مرة اشوفك هنا
بس قولت اهو القرفانين يتلمو ع بعض..ونهج ونسيبهالهم مخضرة!
جيلان: كده مرة واحدة هههههههههه
وحيد: اومال ع مرتين .. انا وحيد
خريج سياحة وفنادق
وبقالى 6 سنين بشتغل شغله مش عجبانى فحتة مش عجبانى
مع ناس مش بطيقهم
وانتى ؟
جيلان: ههههه انا جيلان خريجة كلية عمرى م اشتغلت بيها
وبشتغل حاجة مش تخصصى
ومع ناس برضو مش شبهى
وادينى عايشة
وحيد: طيب تمام..احنا شبه بعض اهو
جيلان: هههههههههه
الويتر جه وحط اللمون عالتربيزة..
الويتر: تؤمرى بحاجة تانية يافندم؟
وحيد:(مد ايده وشرب اللمون) اه..هاتلها واحد تانى عشان ده انا هشربه
جيلان بصاله بإستغراب اووووى
وحيد: بقولك ايه انا شكلى صليت فساعه كانت العدرا سمعانى
احنا شكلنا هنتقابل كتير اوى
الفترة الى جاية لانى بصراحه وش
مش سايبك بعد انهاردة..
جيلان: تعرف مين جابنى انهاردة ؟!
وحيد: لأ
جيلان: واحد مجنون وبيعالج مجانين اسمه حسن
وحيد: حسن شيزوفرينيا!! ده حبيبى
طب خلاص احنا طلعنا معرفة اهو ..هاه
قررتى ولا لسه ؟
جيلان: قررت ايه بس (ماسكة نفسها من الضحك)
وحيد: نهاجر سوا من البلد دى
جيلان: هههههههههههه
وحيد: خلاص مش هما بيقولو السكوت علامة الرضا
انا بالنسبة لى الضحك علامة الموافقه
جيلان: بقولك ايه م تقوم تمشى من هنا وتسيبنى ف الى انا فيه
وحيد: لأ مانا قاعد
جيلان: انت ايه يابنى ؟!
وحيد: انا وحيد
جيلان: لأ مش بسألك اسمك ايه انا بقولك تطلع ايه بس وجيتلى منين
وحيد: اطلع ايه! اطلع فين انا مش طالع دلوقت
وبعدين جيتلك منين ده ايه
جيتلك من عاليمين من هنا
جيلان: ههههههههه الله يخرب عقلك يا حسن
وحيد: وحيييييييد مش حسن ركزى
رقمك كام بقى
زيرو كام
جيلان: (بصاله وبتضحك)
وحيد: ايه زيرو ضحكة يعنى ؟ مفيش شركة اتصالات بالكود ده
يلا انجزى وخلصينى
جيلان: انت تهمة ..
وحيد: عارف..يلا بس
زيرو كام
جيلان: ليه؟
وحيد: عشان نشهيص بعض عالواتس ونتفق عالخلعون سوا
جيلان: مصمم!
وحيد: ايون
جيلان: ربنا يبليك يا حسن زى م بليتنى ..اتفضل ياسيدى
(مسكت فونه وكتبت الرقم)
وحيد: كده تمااااااااام اوى..بقولك ايه المرة الجاية متجيش حلوة اوى كده
هبتدى اغير عليكى
جيلان: طب امشى بقى من هنا صدعتنى
وحيد: حاضر .. ع مسجات بقى
جيلان: هههههههههههه
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"ومعرفش لاقتنى بديله الرقم كده من غير م افكر.."
حسن: متخافيش وحيد كويس..ولو عمللك حاجة اعلقهولك
جيلان: بس فصلنى ضحك يخربيته ..بس عارف غيرت جو شوية هناك
وشكلى كده هروح كتير
حسن: اعملى اى حاجة عايزاها وتريحك..من غير م تأذيكى
فاهمة؟
اى حاجة من غير م تأذيكى
جيلان: خلاص مبقتش تفرق ياحسن..اكتر من الى اتأذيته هشوف ايه
حسن: اه صحيح اخبار ماجى معاكى
جيلان: قرفانى..وبدأت المح انى عرفت انها هى الى وصت فالمستشفى ان الممرضة تديله حقنه هوا فالوريد وهى الى موتته
ومن ساعتها عايزة تغلوش عالموضوع
اما بالنسبة للعريس فهى عاملته اسوأ معاملة خلته يمشى بلا رجعه
حسن: وابن جوزك؟
جيلان: لسه معايا..بس انا خلاص هسيبه لاهله واتنازل عن وصايته
هى صحيح وصية جوزى
لكن انا لازم اعيش حياتى الى اتدفنت من بدرى دى
مش انت الى بتقول كده
حسن: ايوة انا الى بقول..وفرحان اوى عشان بسمع كده منك
(جاله فون )
ثوانى يا جيجي
الو..
الدكتورة فايزة : ازيك يا دكتور؟
حسن: اهلا يا دكتورة ..اخبار حضرتك
الدكتورة فايزة: بقالك اسبوع مش بتيجى المستشفى يا حسن..انت ناسى ان عندك حالة ولا ايه
ولازم تتابع علاجها
حسن: وده جزء من علاجى ليها يا دكتورة ..وانا عارف انا بعمل ايه
الدكتورة فايزة : اوك يا حسن..بس اتمنى انك تهتم بشغلك فالمستشفى اكتر من كده
حسن:(عوج بوقه يعنى الكلام مش عاجبه) حاضر يا دكتورة ان شاء الله
الدكتورة فايزة: اوك مع السلامة
حسن: يا سااااااااااااااتر
جيلان: ايه فيه حاجة
حسن: دى مديرة المستشفى الى انا بشتغل فيها، لكن مقولكيش برميل رخامه ياساتر
جيلان: هههههههههه
حسن: جيجي انتى اتحسنتى اوى عن الاول..هنوقف الدوا
وع فكرة عايزك تعملى صداقات جديدة.. ومتخافيش من وحيد
ولا من هرتلته
اوك
جيلان: اوك..اشوفك الجلسة الجاية بقى
حسن: تمام ..
مشيت جيلان ودخلت سمر..
سمر: جلسة مدام عاليا
حسن: اوك 5 دقايق ودخليها ..
سمر: ماشى يا دكتور
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
وبعد يوم طويييييل ..كانت بقت القاعدة الاساسية ل حسن وتقى
السلم
يقعدوا ويحكو ويتكلمو سوا..عن يومهم كله بالتفصيل
حسن: بس ياستى ايه رأيك
تقى: اهم حاجة انت مبسوط؟
حسن: انا بحب ابسطها هى
تقى: بس انت كمان شكلك مبسوط
حسن: هى بتفرح بأقل حجات بعملهالها..ومش طالبة منى حاجة
تقى: لكن مش حاسس بأى شقشقه فقلبك كده ولاكده
حسن: شقشقة يا شقيه ..(ابتسم جامد) الحب مش الحاجة الساهلة الى بتيجى بين يوم وليلة يا تقى
تقى: مانا عارفه (سرحت)
حسن: يا واد يالى عارف انت ..بقينا خبرة اهو وعارفين الحب واحواله
قوليلى
مافيش واد موز كده هناك
بعيون زرقه وشعر اصفر شبه ليوناردو ديكابرو
شقشقك فقلبك ياقمر انت (بيلعب فشعرها)
تقى: انا !! لأ..لأ خالص
حسن: وليه لأ خالص هو عيب..دى فطرة جوانا ومش بنتحكم فيها كمان
تقى: بس انا يوم م احب مش هحب واحد اجنبى وامريكى كمان
هحس بأن حبنا بارد بصراحه
حسن: ياواد يا وطنى ..ياللى بتشجع منتجات بلدك
تقى: ههههههه
وهما بيتكلمو جه الديلفرى مان .. واستغرب قعدتهم
الدليفرى: لو سمحتو مش دى شقة 11
حسن: اه انا الى طالبه..ثوانى
خليك ياتكتوك هنا
تقى: ماشى
حسن دخل شقته ودفع الحساب وخد الاكل
حسن: يلا عشان ناكل
تقى: وهناكل عالسلم!! ههههههه
حسن: ياستى عاااااااادى اى حاجة تطلع فدماغك اعمليها من غير تردد
يلا عالبسطة دى
وخلى البساط احمدى
تقى: طب تعالى ناكل فشقتى ، مش منظر يعنى
حسن: لا مينفعش يا تكتوك..انتى مبقتيش تكتوكة بتاعت زمان
بقيتى آنسة محترمة
وممكن تحلوة فعنيا بتى شيرت كات وومن الى انتى لابساه ده
تقى: هههههههه طويب
حسن: يلا انا جبت بيتزا بسطرمة وبيتزا خضار عشان انتى بتحبيها
يلا بسم الله
تقى: مجبتش بيبسى ؟
حسن: لا فيه يا حبيبى ..ثانية واحدة
نزل جاب كانزين من تلاجته وجه
حسن: انت تؤمر ياقمر
تقى ابتدت تاكل ..
تقى: حاسة ان الاكل طعمه متغير
حسن: لا بالعكس ده جميل جدآ..
تقى: بس معرفش ريحه البسطرمة وجعت بطنى (بطلت تاكل)
حسن: يابنتى م تاكلى ولا لازم أكلك انا فبوقك (قطع حته بأيده وحطها فبوقها)
تقى: (مسكت بطنها) اه!! اوعى يا حسن
طلعت جرى ع شقتها وفتحت الباب وجريت عالجمام وطلع وراها حسن بيجرى
حسن: فيه ايه ؟؟ يا تقى (بيخبط عالباب وهى مش بترد)
دخل مرة واحدة
طب قومى قومى مالك
غسل بأيده وشها ورفعلها شعرها وشالها ع دراعه ودخلها سريره
حسن: مالك يابت! متقلقنيش عليكى
تقى: مش عارفة ..بطنى وجعتنى مرة واحدة
حسن: بس الاكل كويس..انتى شكلك عندك برد فمعدتك
تقى: ممكن..
حسن: بتاخدينى ع اد عقلى ولا ايه يابت..انتى عيانة فيكى حاجة
نطلع ع دكتور دلوقت
تقى: لالالا مش محتاجه دكاترة..اقولك الحق ولا تقرف
حسن: لا قولى
تقى: اصل..اصل شوفت صرصار عالسلم فقرفت
حسن: صرصار!! ههههههه انتى هتعملى زى شيرين فالمتزوجون
الصوريصاااار
تقى: هههههه متتريقش بقى انا قرفت منه
حسن: وقعتى قلبى عليكى يا شيخه (حضنها زى بيبى صغير)
اوعى تخضينى تانى
تقى: حاضر
حسن: وخلاص بقى هنيئآ لاونكل صورصار بالعشوة متهنيناش بيها
هنزل ارميها
تقى: هههههههههه معلش بقى
حسن: اضحكى ..انا نازل..تصبحى ع خير ياتكتك
تقى: تكتك فعينك
حسن: ماشاء الله ع تربيتى زى الزفت
تقى: هههه شكرآ يا ابيه
حسن: برضو ابيه (خبطها بالمخده) طب يلا اتخمدى
اتخمدى
تصبحى ع خير يابتاعت الصوريصار
مشى وخارج من باب شقتها وقالها كلمتين
" خدى بالك من نفسك ياتقى ماشى .."
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
يومين وكان مقرر حسن يروح لحبيبة يشوفها وصلت لفين
لانه بيرتب فدماغه طريقة لعلاجها هو بس الى عارف ازاى..واول م دخل اوضتها
لقاها جايبة تورتة وشموع
وحاطة ميكاب وجميلة جدآ
حسن: ايه ده ؟ جيبتى الحجات دى منين؟
حبيبة: ليا طرقى الخاصة هنا..واى حاجة عايزاها بجيبها
حسن: وانتى عندك عيد ميلاد بقى
حبيبة: اه طبعآ عندى ..بس مرضتش اعزم حد
وبعدين انت جيت ليه؟
انت بقالك كتير مش بتيجى
حسن: قولت اريحك منى شوية..واسيبك تتفننى فقتلى براحتك
حبيبة: لا ازاى ..تعرف انى برتاح لما بشوفك؟
حسن: بجد!
حبيبة: لأ مش اوى
حسن: طيب
حبيبة: اقعد انت مش محتاج عزومة
حسن: يعنى انا معزوم عالعيد ميلاد ده ..طب ياستى شكرآ لكرم اخلاقك
حبيبة: ايه رأيك فيا ؟ شكلى حلو عشان المناسبة دى
حسن: انتى ع طول حلوة
حبيبة: عارف التورتة والاحتفال دول ليه ؟
حسن: لأ بصراحه..كنت لسه هسألك
حبيبة: انهاردة عيد ميلادى ...(عيونها فثانيه بقت بحر دموع رافضة النزول) انا زى انهاردة قتلت بنتى!
(ابتسمت مع نزول الدمعه ع خدها)
ح٨
حبيبة: عارف التورتة والاحتفال دول ليه ؟
حسن: لأ بصراحه..كنت لسه هسألك
حبيبة: انهاردة عيد ميلادى ...(عيونها فثانيه بقت بحر دموع رافضة النزول) انا زى انهاردة قتلت بنتى!
(ابتسمت مع نزول الدمعه ع خدها)
حسن بيسمعها وهو ساكت ومعلقش ع كلامها
حبيبة: مرددتش ورايا زى عادتك يعنى ؟
وقولتلى بنتك!
حسن: انا مستنى تكملى ..افضل تحكى كل حاجة براحتك من غير م اقاطعك
حبيبة: قولى يا حسن؟ هو انا وحشة
حسن: شكلا ولا اخلاقآ يعنى
حبيبة: الاتنين
حسن: انا اخلاقآ متعاملتش معاكى المعاملة الى اعرف بيها اخلاقك، شكلك بقى
فأقدر اجاوبك انك جميلة جدآ
حبيبة: عارف..لو كانت عاشت
كانت هتبقى احلى منى.. (سرحت وقامت من عالسرير) شيلتها جوايا هنا
(شاورت ع بطنها)
فرحت بمجيها اوى
وفرحت اكتر لما عرفت انها بنت ..بس ع اد م فرحت بمجيتها
اختارتلها الموت عشان احسنلها بكتير
ع انها تيجى دنيا كل حاجة فيها كدب وخداع
تتوه زى مانا توهت وتكره كل حاجة حبيتها فيوم من الايام
حسن: كنتى متجوزة؟
حبيبة: اومال يعنى بنتى من حرام! ايوة كنت متجوزة
ايه مستغرب؟
حسن: اصل سنك صغير متخيلتش انك متزوجه يعنى
حبيبة: انا الى اختارت ،اتجوز
وانا الى قررت اتجوز جوزى ده
زى م قررت اموت بنتى يوم عيد ميلادى الى فات
معرفش ان كنت كل حاجة بقررها صح ..ولا كل شئ بحس انه صح بيطلع فالنهاية غلط..
حسن: وبعدين
حبيبة: عارف..احيانآ بنضحك ع حجات بتثبت مع الوقت هبلنا ولا طيبتنا
مش عارفه
المهم انك بتعرف فالنهاية انك كنت حمار كبييييييير اوى
حسن: حبيبة انتى قولتى قبل كده ليا انك جيتى برجلك هنا
ولما حطتيلى السم قولتى انك عايزانا نتجوز..ازاى وانتى متجوزة
وازاى جيتى هنا..وجوزك فين كل المدة دى
حبيبة: انت كل حاجة عايز تعرفها فيوم عيد ميلادى ..مش تسيبنى اطفى الشمع ومفتكرش غير انى فرقت بينى وبين بنتى فيوم زى انهاردة
وكفاية عليا الشعور ده دلوقتى
حسن: طيب انا هسيبك براحتك..بس ياريت مدام بعد كل العناء الى عانيته معاكى ده
تتكلمى معايا فكل مرة اجيلك فيها
اوك
حبيبة: لا مانا هحكى..اصلى حبيتك (ابتسمت وعيونها حمرا من الدموع)
حسن: اتمنى انك مش تحبينى يا حبيبة، ع أد انك تأمنى لى وتعرفى انى هقدر اطلعك من الى فيه ده
حبيبة: انا مش عايزة اطلع يا حسن..
حسن: يعنى مبسوطة بوجودك هنا كده؟
حبيبة: بص...انا الى اختارت الاوضة الضلمة اقعد فيها بقية حياتى..عشان نور الشمس هيعمينى لو طلعتله وشوفته
حسن فتح الباب يخرج وآخر كلمات حبيبة قودانه مع آخر نظرة بيبص عليها فيها
ماسكة عروسة وبتقولها اطفى الشمع مع مامى ..!
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"فرايز رقم 38"
ويتر معدر بأوردر لتربيزة جمب تربيزة قاعدة فيها ضحى واصحابها ..
صديقة ضحى: حسن!! حسن دكتور المجانين
حسن شزوفرينيا
ضحى: ايوة مالو حسن
صاحبتها: مالو ده ايه ؟ ده دكتور اولا معتوه ثانيآ نسونجى درجه اولى
وليه قصص بنت لذين مع البنات..ومن الاخر راجل مقرف وقليل الادب
وسكير وصاحب كوباية ووو
ضحى: عارفة!! وحياة ربنا عارفة
صاحبتها: وبترمى نفسك فالنار ليه يا ضحى ؟ مفيش غيره فالدنيا
ضحى: انا لمست جوه حسن حاجة حلوة..حاجة نضيفه لسه متلوثتش
عايزة بس حد يبقى معاه
صاحبتها: انتى متخلفه يابنتى! حتة نضيفة ايه
بقولك شخصية زبالة من الاخر
تعرفى قصة البنت الى اتجوزها عرفى وحملت ولما اتعرف الموضوع اهلها الصعايدة خدوها ودبحوها
ضحى: حسن عمل كده!!
صاحبتها: ايوة ياختى سى حسن بتاعك.. ده مفيش شئ مقرف الاوعمله
بتعملى فنفسك كده ليه انا مش فاهمة
ضحى: انا بحبه
صاحبها: طلعى قلبك ياماما وافرميه فالكبه زى البصل وانسيه نهائى
الراجل ده اخرته وحشه
ضحى: مش بأيدى.. انا احلى ايام حياتى هى الى بقضيها معاه حاليآ
خروجاتنا وكلامنا
كل حاجة
صاحبتها: اظن هتقوليلى بيحبك هو كمان..يا ماما ده مش بيحب حد
ضحى: لا ياستى مش بيحبنى ..لكن بيسعدنى
واكتر حاجة مكبراه فعينى انه مش بيخدعنى
صاحبتها: واخرة العلاقة الفاشلة دى ايه
ضحى: معرفش.. انا معرفش غير انى بحبه وبس
وعايزة افضل معاه كده لاخر يوم فعمرى
صاحبتها: اه تقضيها معاه سنكحه يعنى ،وتفنى الى جاى فعمرك عشان الهلفوت الصايع ده
ولما يزهق منك ترجعى لاكتئابك وانعزالك عن العالم
ومش بعيد تنتحرى
ضحى: لا مش هنعزل ولا هكتئب ، انا قولتهاله وهقولهالك
يكفينى دقيقتين غنالى فيهم قدام الناس
بعمرى كله اقعد عليهم ومش عايزة حاجة منه
وهما بيتكلمو جه حسن بعربيته تحت وبيرنلها وبيديها كلكسااات..
ضحى: (بتبص جنبها من الازاز شافته وشاورتله) طيب انا هنزله بقى
حسن: انتى قايلاله انك هنا!! يعنى مش هنقضى اليوم سوا
ضحى: طيب بذمتك اقضيه معاكى ولا مع حبيبى
صاحبتها: لا ازاى اقضيه مع حبيبك الى هيديكى ع دماغك ان شاءالله
ضحى شاورتلها ونزلت جرى لحسن بلهفه جامدة واول م نزلت
ضحى: حبيبى
حسن: متأخرتش يدوب خلصت كام حاجة ورايا وجيتلك
ضحى: ولو اتأخرت كنت برضو هستناك
حسن: هتستنى اد ايه
ضحى: العمر كله لو حبيبت
حسن ابتسم ونزل نضارة الشمس ع عينه
حسن: طب يلا كفايه كلام فالشارع ..اركبى
فالطريق...
حسن: هتروحى فين؟
ضحى: اطلع عالمرسم بتاعى
حسن: فين ده
ضحى: هقولك..
طلعو ع هناك واول م دخل .. بخطوات هادية وعيون بتلف المكان وبتبص ع كل ركن فيه
بانبهار شديد
حسن: المكان ده تحففه! بتاعك
ضحى: ايوة ..الاول كنت مأجراه وبعدين اشتريته
ايه رأيك ؟
حسن: بقولك تحففه.. (خد لوحه عالارض) تسمحيلى اتفرج عليهم
ضحى: المكان تحت امرك
حسن ابتدى يتفرج بأعجاب شديد ووقف عند لوحة منهم لمدة دقيقتين ..وبعدين اتكلم
حسن: اللوحة الاصلية من الرسمة دى عندى فالعيادة
ضحى: مانا شوفتها..حاطتها بعرض الحيطه برة فالاستقبال
حسن: بس انتى راسماها طبق الاصل..شكلك كنتى طالبة شاطرة فكلية الفنون
ضحى: انا رسمتها بعد م انت اشتريتها
حسن لف ضهره ببطئ متفاجئ من ردها
حسن: وعرفتى انا متى اشتريتها ازى؟
ضحى: انا قولتلك انى كنت متبعاك لحظة لحظة.. اليوم الى انت كنت فيه فالمزاد بيع اللوحات والحجات الانتيكة الفخمة
انا كنت هناك
وكنت متابعه انت هتشترى ايه بالظبط عشان يكون عندى زيه
والحمدلله
اختارت حاجة فمجالى .. تانى يوم جبت اللوحة والالوان وصممت ارسمها
حسن: ليه كل ده ياضحى ؟
ضحى: عشان بحبك
حسن: خايف اكون الانسان الى ميستاهلش حبك..وميعرفش يقدره
او انا بالفعل كده
ضحى: مش مهم..انا
حسن: (قاطعها وحط ايده من بعيد ع بُقها) انتىقولتى متبعانى لحظة لحظة..يعنى اكيد عارفة انا حياتى ماشية ازاى ومع مين
ضحى: ايوة
حسن: ومع ذلك بتحبينى؟! انتى غريبة اوى
ضحى: عشان تفرق يا حسن
حسن: تفرق ف ايه ؟
ضحى: انت ممكن تكون حياتك غلط وطريقتك فيها كمان..بس مش معناها انك انسان غلط
وبعدين م كلنا بنغلط
ماحنا مش ملايكة عالارض
الملايكة فوق فالسما
حسن: ومش خايفة منى
ضحى: انا سلمتلتك قلبى وانا متطمنالك
حسن ضمها لقلبه اووى فالكلمة دى..وبعدها بص فوشها عن قرب
حسن: خايف تندمى
ضحى: انا الى اختارتك .. ومش زعلانة من النهاية اى ان كانت
لو فصالحى هبقى اسعد واحدة فالدنيا
ولو ضدى
يبقى انا مش طماعه..يكفى كام يوم قضيتهم فمنتهى السعادة
حسن: نفسى اقولك بحبك ..تكون اد الحب الى فقلبك
بس انا واحد لايصلح للحب او لاى حاجة ياضحى..انتى جايز عرفتى حجات كتير عنى
بس مش كل حاجة
ضحى: يكفينى انك رحبت بحبى ليك ومكسرتش خاطرى..حتى لو بتعمل ده من واجبك فعلاجى ك دكتور
ف دى احلى فترة علاج مريت بيها فحياتى
وياريت كل الامراض الى فالدنيا تكون انت
ويارتنى متشفيش من عيا انت سببه ياحسن
حسن: طيب انا عايزة اقولك انى بجد عمرى فحياتى م سمعت كلام احلى من كلامك
مش عشان حلو وبس
ولكن عشان بجد صادق وحسيت بيه
ضحى: ممكن اطلب منك طلب ومش ترفض
حسن: انتى تؤمرى
ضحى: ممكن ارسمك بسرعه هنا ..متخافش انا ايدى سريعه
حسن: والايد السريعه دى هتاخد اد ايه ..خلصينى ورايا مشاغل
مفيش غير ضحى ولا ايه !
ضحى: ههههههههه متخافش 3 او 4 سعات بس
حسن: والله!! لا كده يا مسهل
اقعد فين؟
ضحى: هنا
حسن: طيب بسرعة ماشى ..حتى هتشلفطينى
ضحى: اشلفطك ازاى وانت قمر اصلا
حسن: عارفة لو بوظتى خلقتى..هشلفطك انا
ضحى: هههههه متخافش انا بعتلك قبل كده
وشوفت عمايل ايدى
حسن: عمايل ايدك ايه ياضحى ..هو انا قاعد ف
cbc
سفرة ولا ايه
ضحى: هههههههه
حسن: يلا بقى هنقضيها ضحك
ضحى: طيب خلاص خلاص
حسن: بس ايه رأيك ..شوفتينى فالشر
ضحى: قمر فكل حاجة يا حسن..يلا اثبت بقى
وهنبتدى
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
جيلان فأوضتها ..منسجمة الى حد ما فالكلام فالفون
مع وحيد..
جيلان: وليه اختارتنى انا بالذات يا وحيد الى تسيب البلد معاها
وحيد: مش عارف بس حسيت انك مخنوقه زيي كده
وطالع عينك فالدنيا والبلد
ونفسك تهجى بس مش لاقيه ال يوجهك
جيلان: وانت جيت كده اتكلمت معايا..ومش عارف حاجة عنى ولا تفاصيل حياتى
وحيد: بصى انتى بس توافقى ..وبعد كده امور ساهلة
جيلان: ولما اوافق هيحص ايه
وحيد: انا ماشى فموضوع الهجرة ده من زمان..وفاضللى كام نقطة واكمل الاستمارة
وتيجينى الهجرة
بس لازم املا نقط خانه الحالة الاجتماعيه
ولو مليتها بمتزوج هتجينى الهجرة..لان ضايع منى نقط فحجات تانية
ومش عارف اعوضهم
جيلان: يااااه هو الموضوع صعب اوى كده
وحيد: اه بقى تقولى ايه..البلد بنت الايه دى ماسكة فينا عشان تذلنا بأيديها وسنانها ومش عارف ع ايه
حتى فالهجرة عذاب السنين
جيلان: وعايزنى اسيب اهلى وبلدى واصحابى ونروح مكان منعرفش فيه حد
وناس مش شبههنا ولا عيشتهم زى عيشتنا اصلا
وحيد: وعملولك ايه الناس الى انتى منهم! لما تعبتى كانو جنبك
كانو بيخففو عنك
مش بعيد يكونو اول ناس هو الى اذوكى
جيلان: وعرفت بقى منين انى مسيحية! مش يمكن كنت خبطت فواحدة مسلمة وكان هيبقى شكلك وحش
وحيد: يعنى هو انا اعمى.. انا شوفتك حاطة العدرا فسلسلة رقبتك
وماسكة ميدالية دهب عليها الصليب
جيلان: وخدت بالك منى اوى كده
وحيد: من اول م دخلتى وحياتك.. شكلك وارتباكك قولت دى اول مرة تيجى هنا
ادخل عليها حامى ورا بعض
جيلان: هههههههه انت جيت فوقت كنت جايبة اخرى من كل حاجة
عشان كده طاوعتك وادتلك رقمى عشان اخلص من الوش الى عملتهولى
وحيد: ياستى وانا مش هزعل من كلمتنيك الى زى الدبش دول..ولو كنتى جيبتى اخرك من كل حاجة
مع بعض هنجيب من الاول وع اقل من مهلنا
جيلان: وخلتنا مع بعض حالا كده
وحيد: هنبقى ومتأكد..مش بقولك صليت فيوم العدرا فيه سمعتنى
جيلان: ربنا كريم
وحيد: اوى ع فكرة
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"عادى بتحصل يعنى بتبقى نتيجة توتر او اى حاجة "
تقى: اصلى اتخضيت يعنى مش متعودة تتأخر كده
سلمى: لا عادى..تلاقى تغيير جو ولا حاجة متحطيش فبالك
المهم
كملى وبعد م شوفتى الصرصار
تقى: ههههه انا اصلا ماشوفتش صرصار ولا حاجة، بس بطنى وجعتنى موت لما شميت ريحة البسطرمة
ومش حبيت اقرفه
وهو كان جعان
سلمى: مممم بس بقيتى كويسة دلوقتى
تقى: لا انا بقيت تمام الحمدلله..خدت دول للمغص وخلاص
سلمى: اه صحيح عايزة اقولك رسالة توصليها له، قوليله
اسأل ع اختك يا ندل
تقى: بصى هو اليومين دول مش فموده نهائى ..
سلمى: ليه بقى
تقى: هقولك ومش تقوليله
سلمى: قولي
تقى: بيحب..او بصى مش بيحب يعنى بيحب
بس هو اليومين دول ف واحدة شاغلة باله
سلمى: مم قولتيلى .. بس اعتقد ان حسن بعد الموضوع اياه ده وهو ..
تقى: كملى..موضوع ايه؟ وهو ايه
ماتتكلمى ع طول يا سلمى
سلمى: يابنتى مفيش موضوع كده زمان كان معاه..المهم حلوة البنت دى
تقى: مش شوفتها بس هو مبسوط معاها
سلمى: هياخد يومين ويقلبها وابقى شوفى
تقى: ياااه..هو ابيه ممكن يعمل كده فعلا
سلمى: حسن هوائى جدآ..وبعدين مبقاش يوقف ع حد من ساعة موضوعه القديم ده
تقى: طيب م تخليكى جدعة وتحكيلى الموضوع ده
سلمى: لا ياختى هو يحكيهولك.. لكن انا لا
وبعدين انا عرفته صدفه
هو مش بيقول حاجة لحد
وكونه بيحكيلك اليومين دول تبوسى ايدك وش وضهر
تقى: انا اصلا بقيت استنى السهرة بتاعتنا اليومية عالسلم
يحكيلى واحكيله
ولما يتأخر ارنله اشوفه فين
سلمى: بس حسن بيرجع الصبح ..بتستنيه للصبح
تقى: انتى عارفه انى بنام الصبح ..وهو سعات بييجى بدرى يعنى
سلمى: مممم تمام بس برضو متنسيش تقوليله انه ندل
تقى: اوك..انا همشى بقى
سلمى: يابنتى استنى هنتعشى سوا
تقى: لا عشان الحق اروح
سلمى: طيب خدى بالك من نفسك اوك..برضو مش هتروحى لمامتك
تقى : لا..باى يا سلمى
سلمى: باى
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
سمر بتخبط الباب ع حسن فالعيادة..
سمر: اخر جلسه انهاردة دكتور حسن ..الاستاذ عبدالقادر
حسن: ده اول جلسة مش كده ؟
سمر: اه ..حجزتله ع انهاردة
حسن: اوك خليه يدخل
سمر: استاذ عبدالقادر اتفضل
دخل عبدالقادر.وماهذا العبدالقادر!!
رجل ضخم البنيه بشرته سمرا ومايله للسواد شويه..عيونه جاحظة
ممكن سنه يتراوح بين 48 و ال 50
لابس بدلة كويسة ومعاه شنطة صغيرة
قام حسن مادد ايده يلسم
حسن: اهلا استاذ عبدالقادر
عبدالقادر: (ممدش ايده وقعد ع طول ورد بقلة ذوق) اهلا يا سيدى !
حسن استغرب..لم ايده وقعد عالمكتب وساكت، لكن هو شغال يبص ع اوضته ويتفحص كل حتة فيها
عبدالقادر: انت بقى دكتور حسن !
حسن: حضرتك جاى لمين..ولا خدت العنوان غلط
عبدالقادر: لا ازاى اخده غلط ودى تيجى... قولى بقى انت بتعمل ايه فالمخروبة دى
حسن: مخروبة!! ابدآ يا ريس بييجو شوية عالم مهافيف نفسيتهم تعبانة شافو اشكال مش ولابد فحياتهم
بيحكولى عشان يستريحو
عبدالقادر: وبتريحهم بقى يا دك!
حسن: مش فاهم قصد حضرتك
عبدالقادر: اقصد بيطلعو من عندك تمام يعنى
حسن: ان شاء الله..اتفضل انا سامعك
عبدالقادر: لا ما حنا هنحكى كتير ..هنحكى كتير اوى (قام وقعد عالشيزلونج)
وده الى بتصطاد عليه الحريم بتوعك صح
حسن: حريم بتوعى !
قام بعصبية وراح ناحيته ومسكه من ياقته ووقفه بعنف !
حسن: واضح انك جاى تستعبط ولا تتريق عليا..ولا جاى تكشف ولا حاجة
ولاحظتك من اول م دخلت ومطول بالى عليك
عبدالقادر: (رمى ايد حسن بعيد) نزل ايدك ..نزل!
حسن: انت جاى ليه ؟ ومين انت اساسآ
عبدالقادر: (طلع مسدس من جيبه وصوبه ع دماغ حسن) انا جاى اخد روحك
نفسك فايه قبل م تموت
حسن: (اتخض لكن مسك نفسه وكان ثابت) جاى تاخد روحى انا ... اتفضل خدها
(فتح دراعاته)
عبدالقادر بيدوس عالزناد
1
2
3
ح٩
حسن: انت جاى ليه ؟ ومين انت اساسآ
عبدالقادر: (طلع مسدس من جيبه وصوبه ع دماغ حسن) انا جاى اخد روحك
نفسك فايه قبل م تموت
حسن: (اتخض لكن مسك نفسه وكان ثابت) جاى تاخد روحى انا ... اتفضل خدها
(فتح دراعاته)
عبدالقادر بيدوس عالزناد
1
2
3
خبطت سمر ودخلت!!
سمر: القهوة يا دكتور..ايه ده!
يالهووووووووووى ..الحقونا يانااااااااس
حسن: (بهدوء شديد وباصص لعبدالقادر)اقفلى الباب ياسمر واطلعى برة
سمر: يا دكتور ..(بخوف) ده مطلع مسدس ده
هيموتك
انا هطلب البوليس
حسن: قولتلك اطلعى برة يلا..يلا يا سمر
طلعت سمر وهى خايفه اووى ..بس فضلت واقفه جمب الباب مرعوبة وقافلة ودانها لحسن تسمع طلقه نار فأى لحظة.
لكن فالموقف نفسه.حسن واقف ثابت جدآ ومتهزش قدام عبدالقادر وعينيهم قصاد بعض
حسن: اتفضل اقتلنى..انا قدامك اهو
عبدالقادر: مانا هقتلك ومش هتاخد ثانية فموتك زى م كون بفعص ناموسه بايدى
وده الى انا عايزه من زمان
حسن: وانا مش هعمل اى مقاومة قدامك ..بس انت قولتلى اطلب طلب قبل م اموت مش كده
عبدالقادر: ايوة
حسن: طلبى اعرف عايز تقتلنى ليه؟ اظن انه من حقى
وبعدين لك حق ان تفعل ماشئت!
عبدالقادر: عايز تعرف ..هقولك
انت خربت بيتى
وشردت اسرتى
وباعدت بينى وبين ولادى ومراتى عشرة عمرى
حسن: بس انا لو اقسملك لا اعرف مراتك ولا..
عبدالقادر: لا تعرفها ..مراتى مدام زهراء الشايب
الى كانت بتتعالج عندك من سنة ونص
فاكرها
حسن: (سكت شوية وافتكر) ايوة افتكرتها
عبدالقادر: دى مراتى ..عبدالقادر الشايب الملياردير المعروف
حسن: بس اعتقد انى كنت بمارس مهنتى كطبيب..مش خربتش بيت حد
عبدالقادر: لا يا استاذ! الهانم كانت بتتعالج عندك من غير م تقولى ولا تقول لجنس مخلوق عشان شكلها فالمجتمعات الراقية
وعرفت متأخر
وعايزك تفتكر هى كانت جايالك ليه ؟ وانت قولتلها تعمل ايه بالظبط
حسن: (فثوانى استعمل ذكائه) بص..انا قدامك
حتى وسيلتى ف انقاذى من ايد مش عايزها
انا واحد بايع الدنيا ومش ماسك فيها..بس عايز افهم الاول
ومش حهرب منك فحتة ..ممكن تحط المسدس فجيبك وتيجى نتكلم سوا وتقولى فيه بالظبط
ممكن!!
عبدالقادر كلام حسن دخل دماغه وهدى ..دخل المسدس جيبه
ومن ايده حسن اخده
وقعده ع كرسي قدامه عالمكتب
وابتدى عبدالقادر يتكلم....
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
وعالفون كان حسن بيكمل الحكاية ل ضحى ..
حسن: بس ياستى ، كانت مراته بتتعالج عندى
ولما بتيجى كانت بتلبس نضارة وايشارب وحالتها حالة
ضحى: اها
حسن: كانت بتتعالج من فرض سطوته عليها وع حياتها ..ببساطة ومطولش عليكى كان مطلع عنيها
انسان سدى
ومتسلط اللسان
وكل حاجة بالاوامر
وايده طويله..يكن قصاد كده بيحبها بجنووون
ضحى: ازاى بيحبها وبيعمل كده ؟ ده مجنون ده ولا ايه
حسن: بصى حفهمك..عبدالقادر عنده مرض معين كده درسناه فعلم النفس
هبسطلك معناه عشان تفهميه
اسمه حب الامتلاك والسيكرة بدافع الحب
بيبقى الانسان مطلع عين الحاجة الى تحت ايده..قصاد كده متروحش من ايده ابدآ
فهمتى
ضحى: وبعدين
حسن: ابدآ، كانت وصلت لمرحلة انها عايزة تنتحر
ورغم كده عنده ولاد بسم الله ماشاء الله قمرات
حاولت كتير معاها تشيل الافكار دى من دماغها
وبعد مرحلة علاج طويلة ..وصلت لحل
ضحى: اكيد الحل الى كان السبب فانه جاى يقتلك
حسن: بالظبط..سألتها سؤال
تعرفى تعيشى بعيد عنه
قالت اه
تعرفى تقومى بحياتك واولادك 24 قيراط من غيره
قالت اه
قولتلها يبقى تطلقى ..قالتلى مش هيرضى
بقالى سنين طالبه الطلاق
قولتلها تخلعيه..
فكرت شوية وانا عارف بتفكر ف ايه فشكلها
وشكل ولادها
وهتبقى قضيه الموسم
ناس معروفه وواصله
مدتهاش فرصة تفكر قولتلها كلمة واحدة
متفكريش يا مدام زهراء كتير ..الفرصة بتيجى مرة واحدة
ريحى نفسك ومتدوريش عالناس والقيل والقال
ف مثل كان بيتقال زمان .. " الصباع الى يوجعك متعالجوش..اقطعه!!"
وانتى حاولتى علاج كتيييييير وباءت بالفشل
يبقى تقطعيه
ضحى: وقطعته ..وكنت انت الضحية يا حسن
حسن: وطلع هو الى كان بيهددنى فالمسجات..وبعت حد يضربنى بالمطوة وحوارات
ضحى: وعرف منين ان انت السبب
حسن: السيدة الفاضلة قالتله بعد الجلسة فلحظة عصبيه
ومن ساعتها وهىو بيلف عليا عايز ينتقم
لانه ببساطة مش عارف يعيش من غيرها..ده غير الفضيحه الى اتسببتله
ضحى: بس ماشاء الله عليك يا حين..ازاى كنت بالثبات ده
قدام واحد هيقتلك خلاص ومجنون ويعملها
حسن: بصى يا ضحى..لو خوفت كان هيموتنى فعلا
وانا كده كده ميت
قولت اعمل فكرة نفعت كان بها ..منفعتش يبقى خلاص اوت
وتقرى ع روحى الفاتحه
ضحى: بعدالشر عنك يا حسن
حسن: تخيلى مش بس مقتلنيش..لاواقنعته انه يبتدى علاج عندى
عشان يعرف يرجع مراته
تانى ويبقى كويس فمعاملتها
ضحى: هههههه بعشق دكتور شاطر بقى
حسن: لا حاسبى احنا تقال اوى
ضحى: هههههه
ضحى وحسن سكتو ثوانى ..
حسن: ساكته ليه ؟
ضحى: مافيش..عندى شوية اسئلة كده عايزة اعرف اجابتها منك
وخايفه
حسن: مخافيش..الى عايزة تسألى فيه قولى ع طول
ضحى: حسن..انا عارفة انك زير نساء ومقضيها وبتشرب وكده
حسن: زير نساء ههههههههه
ضحى: بس كنت هسألك فحاجة واحدة بس..انت اتجوزت بنت صعدية عرفى
واهلها عرفو وموتوها ؟
حسن: مين قالك القصة دى ؟
ضحى: يعنى هى بجد
حسن: لا مش بجد..انا بس مش عارف ليه الناس بتحكى فالمحكى
عالعموم
هجاوبك
البنت دى انا م اتجوزتهاش..صاحبتها بس كانت بتحبنى لكن انا لا زيي انا و
(قطع كلامه ومكملش)
ضحى: فاهمة ..زيي انا وانت كده
حسن: مش قصدى ..آسف
ضحى: كمل..انا سمعاك
حسن: مفيش..كانت هبلة شوية
مستعدة تعمل اى حاجة عشان تلزقنى فيها وخلاص
ضحى: ممممم
حسن: وبعدين حبت تورطنى فجوازة ..وااتدعت انى عملت فيها حاجة وانا شارب وطبعا ده محصلش
ضحى: وانت كنت بتقعد معاها وانت شارب
حسن: انا بشرب 24 ساعة اصلا، دى متخلفه
شكلها بتشوف افلام كتير
ضحى: وبعد م ألفت قصة
حسن: كانت بتحفر قبرها بإيدها..معرفش مين سمع وطلعت سمعه ع نفسها
اهلها جم خدوها وقتى
واختفت
لكن متقتلتش!
ضحى: وانت عرفت منين انها متقتلتش؟
حسن: لانى كلمتها كان موبايلها مقفول..برضو خوفت عليها ليكونو عملولها حاجة
كلمتنى هى من رقم غريب وقالولى هيجوزوها غصب عنها
وبس..وتلاقيها خلفت 15 عيل دلوقت
ضحى: ههههههههه 15 مرة واحدة!
حسن: اصله موضوع قديم اوى..انا معرفش الناس لسه بتحكى فيه
ضحى: وعرفتها منين؟
حسن: كانت طالبة فالجامعه ومغتربة
وعرفتها فكافيه لانا صاحبتى برضو
ضحى: ههههه كل صحباتك بنات بنات كده مفيش شباب
حسن: لا فيه فرقتى ..باسم وسمير ويارا
ضحى: يارا دى ولد!
حسن: لا بنت الى بتعزف كمانجا
ضحى: ورجعنا للبنات تانى
حسن: ههههههه هما فاكهة الدنيا يابنتى ..هقولك ايه يعنى
ضحى: طيب م تتجوز
حسن: لا انا متجوزش!
ضحى: ليه ؟
حسن: صلاحيتى منتهية هههههههههه
ضحى: انا بتكلم جد
حسن: طيب خلى المكالمة للاخر حلوة..وبلاش الموضوع ده
ضحى: اوك..بس كان عندى سؤال تانى ممكن
حسن: قلبناها حصة تساؤلات..اتفضلى يا آنسه ضحى
ضحى: انا مستغرباك اوى..سعات بتبقى احن الناس زى لما غنتلى كده
ورومانسى اوى
وسعات شخصيتك قوية زى م اتصرفت مع الراجل الى كان هيموتك
وسعات خجول ووشك بيحمر لما بقولك انا بحبك مع ان العكس هو الى لازم يحصل
واوقات عنيك بجحة وبتقول كلام يكسفنى جدآآ وبتبقى بتحكى عادى
وبتشرب..وبتسكر
وليك علاقات مشبوهه وبتصلى وبتطلع صدقات وعاااااقل جدآ فمواقف وحكيم
واكتر حد يفهم البنت ،ومع ذلك مش عاوز تتجوز
تقدر تفهمنى انت مين ؟
حسن:هههه انا مين ؟ انا ياستى الواطى والجدع.الشهم والندل
التدين الى بيصلى الفرض بفرضه وينام بليل وهو عامل مصيبه !انا واحد مش عارف أخره من أوله..بس فاهم الدنيا كويس ومش عايز حاجة منها
وببساطة..انا حسن بلا حسن!
ضحى: ياااااااه ياحسن،كلام كبير وتقيل اوى
حسن: عشان دى الحقيقة ،حقيقتى ياضحى
ضحى: وبعد كل الى قولته برضو بحبك
حسن: عشان انتى مجنونة ..لو بتفكرى صح
متربطيش نفسك بيا
ضحى: ودى كمان من اكتر الحجات الى مخليانى متمسكه بيك..حتى انك تضحك عليا وتمثل الحب
مش بتعملها
حسن سكت ومش عارف يرد ع ضحى بإيه..لكن هى انهت كل الكلام
ضحى: تقريبآ كفايانى انهاردة كده..انت جاى من يوم صعب ومع ذلك منستش مكالمتى
هسيبك تنام
وتستريح..بس متنساش
حسن: منساش ايه؟
ضحى: تجينى فأحلامى♥
حسن: اوعدك لو جيت فأحلامك..هجيلك بصورة انقى من الى انا عليها
عشان تتمنى طول عمرك تشوفينى حلم..ومش حقيقه
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
وتانى يوم ...
كانت تقى لسه بتروح فالنوم الساعة 9 الصبح.والباب خبط
تقى قامت تفتح
مامت تقى: يعنى لازم اجى بنفسى واشوفك بعد كل السنين دى ياتقى؟!
تقى واقفة مستغربة وعندها برود فمشاعرها رهييب..مخليها واقفه مكانها من غير ولا حركة
الام: حتى السلام والحضن مستخسراهم فيا
حضنتها من غير احساس ولا مشاعر..ودخلتها وقفلت الباب
كان فالوقت ده..حسن بيخبط باب حبيبة فالمستشفى
حسن: (باصص من ورا الباب) صباح الخير..ممكن ادخل
حبيبة: ادخل..ولا اقولك لا
حسن دخل خطوتين ووقف متردد
حبيبة: لا خلاص تعالى
حسن: عاملة ايه انهاردة
ضحى: وانت مالك
حسن: رجعنا تانى لطريقة الكلام دى ..م كنا كويسين وابتديتى تتكلمى
فيه ايه بقى ؟
حبيبة: انا اتكلمت معاك انت ! انت
حسن: ايه انت انت..اه اتكلمتى معايا انا
انا
فيه ايه
حبيبة: وقولتلك ايه؟
حسن: حبيبة..بليز متطلعيش روحى، انتى لازم انهاردة تقوليلى الى جابك هنا
وليه
وجوزك فين
وقتلتى بنتك ليه
لان خلاص صبرى نفذ
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"راجعه بعد ده كله عايزة ايه؟"
الام: فيه بنت تكلم امها بالطريقة دى
تقى: لما تكون ام اصلا
الام: ايه ده ياتقى ! ازاى تتكلمى معايا كده
تقى: عايزانى اتكلم ازاى يا ماما..بأنهى اسلوب
مانا معرفش
واحدة عمرها م قعدت معايا ..ولا اكلتنى ولا شربتنى ولا لبستنى ولا خدتنى تفسحنى
كل ده كانت طنط مامت حين هى الى بتعمله
وحضرتك كنتى فاضيه بس لجوزك الاستاذ الى سيبتينى عشانه
الام: بس!
تقى: لا مش بس، انا عارفة كل حاجة، عارفة اد ايه انتى انانية وسيبتينى وانا محتاجالك
واتطلقتى من بابا واتجوزتى حبيبك ومش مهم سمعة بنتك بعد م تكبر
الام: سمعتى ايه ، انتى اكيد اتجننتى
تقى: اتجننت انى بقول الحقيقة
كنتى تعرفيه وبتتقابلو من ورا بابا..ولما عرف طلقك
وخدنى وسافر بيا عشان مكبرش ففضسحتك والناس تعايرنى بيها
انتى عارفة انا هناك عيشت ازاى؟
كنت بعمل ايه
كنت محتاجه ايه
هو كان مشغول طول الوقت بشغله ومش مهم تقى بتعمل ايه ولا فين
اهم حاجة انها نايمة فسريريها فأوضتها بليل
وانتى مش بتتصلى غير كل فين وفين من باب انى منساش صوتك
الام: تقى ، ازاى تكونى قاسية كده
انا امك
تقى: وانتى مفتكرتيش انى بنتك
انتى عارفة انا عملت ايه..عارفة انا ممكن يكون حصلى ايه فالسنين دى وانتى وبابا بعيد عنى
تقى قالت كده وبحر دموع غرق وشها ..
الام: تقى فيه ايه اتكلمى!
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
حبيبة: انت مين ادالك الحق انك تكلمنى كده
حسن: انا الدكتور بتاعك ولازم اعالجك وتطلعى من هنا..انتى تعبتينى
(مسكها من ايديها بعنف)
لازم تتكلمى ولازم تقولى عملتى ليه كده..خلينى اساعدك
حبيبة(فكت ايدها وزقته) لا طبعآ مش هتكلم ومش عايزة اطلع من هنا
واتفضل اخرج برة
حسن: جوزك مش بيجيلك ليه يا حبيبة؟
حبيبة: (بتقفل ودانها) بس!
حسن:(بيقرب عليها) بنتك موتتيها ليه ؟ليه
حبيبة: بس..بس اخرس!
حسن: انتى هنا ليه ..اتكلمى (بزعيق)
حبيبة: (زقته جامد من عالسرير) عشان واحد متخلف وغبى وتافه وحيوان من جنسك اسمه راجل
انا بكرهكم
وبكرهك وبكرهه
حسن: (واقع عارض وبيبتدى يقوم) اكيد انتى السبب ف انه يبقى متخلف وتافه وحيوان
ماهو الى يتجوز واحدة زيك لازم يبقى كده
حبيبة: (نطت عليه بقت فوقه وماسكاه من ياقته) هموتك! انت فاهم هموتك
هو مبقاش حيوان عشان اتجوزنى ..هو حيوان عشان مقدرش نعمة ربنا ادهاله اسمها انا
نضفته وعليته هو والجربانة صاحبتى
وفالاخر خانونى سوا..خانونى سوا فأوضه نومى
سامع فين!
سامع انا شوفت ايه منه
عرفت ليه بقولك حيواااااااااااااااااااااان
حسن: (سكت وفهم كلامها بس كل ده وهى فوقه زى الاسد لما ينقض ع فريسه) طب قومى يا حبيبة لانه وضع غير الائق الى انتى عاملاهولى ده
وفجأة..
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
تقى : (بعياط ونرفزة) مش هتكلم ولو هتكلم يبقى موش ليكى ..ولو سمحتى انا مش عايزاكى هنا
ومش تيجى تانى لانى مش هقابلك
الام: انا هقدر انك زعلانة منى
تقى: انا مش زعلانة ..انا مش عايزة اشوفك
الام: اوك ياتقى ، هسيبك دلوقت
خرجت الام وقفلت الباب بقوة تقى ...وقعدت وراه تعيط
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
وائل: الله الله..عشان كده
سيبهالى..انا جنتل
عايز الحالة عشان كده يا حسن!
حبيبة قامت ببطئ وقام حسن ينفض هدومه
حسن: الموضوع مش زى م انت فاكر
وائل: لا انا مش فاكر...انا شوفت كل حاجة
وعينى عينك كده فأول النهار
طب اكتبلها ع خروج وخدها مُكنه من حتتك الزبالة
حبيبة: (عيونها بحلقت) الواطى ده بيقول ايه؟؟!
حسن: اهدى انتى يا حبيبة ..
وائل: لاوحياتك متهديهاش..خليكو زى م انتو
وانا هطلع دلوقتى ع مكتب الدكتورة فايزة احكيلها ع اللى حصل..اقولها الدكتور حسن بيستخدم حالاته ف شهواته الدنيئة جوه المستشفى
حسن: وائل! انت اتهبلت فنفوخك انا وحبيبة كنا بنتكلم
وائل: بالمنظر ده ! ده نوع جلسات جديد بقى
استنى عليا (خارج مسكه من دراعه )
حسن: اهدى وافهم الموضوع ..مافيش حاجة من الى انتى متصورها
وائل: يابنى انت كده كده مرفود مرفود، دكتورة فايزة قرفانة منك ومن عمايلك وبلاويك وسمعتك الى مسمعه
وعايزة تمشيك بأى طريقة ده غير اهمالك
ده انت جيت ع حجرى
ابقى قابلنى لو كملت هنا..ياااااااه من زمان نفسى فالفرصة دى واهى جاتلى
حبيبة فلمح البصر وهما بيتكلمو ..مسكت أزازة الدوا بتاعتها كسرتها فالسرير ونطت ع وائل ومسكته من هدومه وحطت الازازة المكسورة ع رقبته
حبيبة: لو خليت حسن يمشى ..هموتك
انت فاهم!
وائل: ايه ده (ضحكة خوف)قولها ياحسن تعقل
حبيبة:سامع ولا طرشت! مش هاخد فيك يوم ادبحك وارميك هنا وانت اد الجاموسه كده.ها قولت ايه؟؟!
ح١٠
وائل: ايه ده (ضحكة خوف) قولها يا حسن تعقل
حبيبة:سامع ولاطرشت!مش هاخد فيك يوم ادبحك وارميك هناوانت اد الجاموسه كده ..ها قولت ايه ؟
وائل: انتى بتهددينى! طب والله لوريكم
والله لوريكم
حبيبة: هتورى مين وامتى لما انا هموتك دلوقتى
وائل: (بصوت عالى) يا دكتورة فاااايزة! يا دكتورة
صوته العالى سمع بنات النضافه جريت واحدة منهم ع مكتب الدكتورة فايزة وجبتها وجت ع طول
الدكتورة فايزة مستغربة المنظر الى شايفاه
الدكتورة فايزة: ايه ده ؟ ايه التهريج الى بيحصل هنا
فيه ايه يا حسن
حسن: يا دكتورة فايزة حضرتك انا كنت فجلسة عادى انا وحبيبة ووائل دخل
وائل: عادى برضو..عادى ايه يابو عادى
حبيبة: يعنى برضو مصمم..طب اتشاهد ع روحك
الدكتورة فايزة: ايه ده (بخضه) قولها ترمى الازاز يا حسن دلوقتى حالا
حسن: حبيبة سيبيه..(ماسك ايديها بهدوء) سيبيه
حبيبة: هموته واصلا انا كده كده مجنونة ومافيش ضررعليا
الدكتورة فايزة: مجنونة ايه بقى وانتى فاهمة كل حاجة اهو، ارجوك يا حسن تنهى المهزلة دى فورآ
حسن: حبيبة سيبيه، ارجوكى انتى كده بتزوديها
حبيبة: مش قبل م اخد وعد انك متمشيش من هنا
وائل: شوفتى يا دكتورة ، جالك كلامى
خايفة لا حبيب القلب يمشى من هنا
حسن: يااخى اسكت بقى يعنى اسيبها تموتك عشان ترتاح
حبيبة: ها قولتى ايه يا دكتورة
الدكتورة فايزة: وانا همشى حسن ليه يا حبيبة
حبيبة: عشان هتسمعى كلام الدوغف ده ! وهتصدقيه
حسن: (بهدوء ع ودن وائل) شوفت هى كمان بتقولك يا دوغف يعنى مش انا بس
وائل: اه ومالو حقك ،ماهى هتموتنى عشان خاطرك
فايزة: سيبيه يا حبيبة واوعدك مهما سمعت هحكم عقلى فقرارى
حبيبة: حسن مايمشيش(طريقه تهديد)
فايزة: طيب خلاص سيبيه دلوقت
حبيبة بصت لحسن وسابته بهدوء واول م فلت من ايدها وقف جمب الدكتورة وهو خايف
وائل: يا دكتورة فايزة، انا شوفتهم فوضع سئ لسمعه المستشفى وسمعه حضرتك
ومش طريقة جلسه خالص
الدكتورة فايزة: وضع سئ ازاى يعنى
حسن: والله كنا بنتكلم، بس انا استفزيت حبيبة عشان تتكلم معايا لانها نشفت ريقى
وهى من تهورها زقتنى عالارض
وائل: زقتك بس
الدكتورة فايزة: خلاص! خلاص..حسن اعتقد ان انت هنا فمكان شغل
واى حاجة هتعملها هتعود عليا قبلك لانها المستشفى بتاعتى
حسن: يافندم حضرتك انا فاهم كل الكلام ده ..حبيبة اهيه اسأليها
وائل: غراب ضمن حدايه!
فايزة: وائل! انا مش هسأل حد بس انا هعتبره انذار ، ومن هنا ورايح فيه كاميرات مراقبة هتتحط فأوضه حبيبة وهشرف عليها بنفسى
ده اذا كنت عاوز انت الى تكمل معاها؟
حسن: اوك وانا معنديش مانع
مشيت فايزة من غير م يتحقق هدف وائل ان حسن يسيب المستشفى لانه اشطر منه، بس كان فيه استغراب من حسن ع الى عملته حبيبة عشانه
برغم موقفها الى مش فصالحه...
حسن:ليه عملتى كده عشانى ؟
حبيبة:متسألنيش
حسن:ليه
حبيبة :عشان معنديش اجابة
حسن:ليه كل حاجه مش عايزة تريحينى فيها ،انا مش عايز غيرك انى اساعدك
حبيبة:ريح روحك، وكفاية عليك الى عرفته انهاردة
حسن:اوك يا حبيبة هسيبك براحتك،بس هقولك كلمتين بعد الى قولتيه انهاردة
وبعد م اتحدانى وائل انى افضل هنا عشان اعالجك
انا مش هستسلم..والمرة الجاية استعدى لجلسة مش مستعد انى اطلع منها مهزوم
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"تحبي تسمعى ايه ؟"
ضحى: اسمعك انت
حسن: مممم اوك هغنيلك حتة من اغنية جسار الجديدة
سمعتيها
ضحى: احب اسمعها اول مرة من صوتك
حسن: طيب ..احم احم احم
ضحى: ايه كل ده
حسن: بستعد
ضحى: هههههههههه
حسن: الحب فقلبنا درجات ،تفرق من واحد للتانى
الحب يقربنا ساعات
وحب بيتقال فاغانى..فى حب يفرق الاخوات
كلنا بنحب وبنعانى ..
وهو ماشى بعربيته لمح حاجه وقفته مرة واحدة
ضحى: وقفت ليه
حسن: (باصص من الشباك ومركز) ثوانى وجاى
حسن نزل راح لحد بنت شحاته قاعده..لابسه عباية سودا
شعرها كيرلى بس لوحده من غير تصفيف،عيونها جميلة جدآ..بس عاميه!
حسن:(ادالها مبلغ فأيدها) ممكن اقولك حاجة
البنت: قول
حسن: اسمك ايه؟
البنت: (ضحكت ضحكة بسيطة) انت الى جيت من كام يوم وحطيت فلوس فأيدى واستنيت شوية وبعدها مشيت
حسن: وعرفتى منين؟ وانتى...انا آسف مش بتشوفى
البنت: ريحتك..مميزة مشمتهاش قبل كده
حسن: مش هتقولى اسمك ايه
البنت: جميلة
حسن: وانتى فعلا جميلة..اسف فسؤالى
حاجة جوايا قالتلى اعمل كده
جميلة: ميهمكش..انت سألت ع اسمى
هو انت خدت حتة منى يعنى
حسن: انتى هنا ع طول؟
جميلة: اه
حسن: مش محتاجه اى حاجه
جميلة: لا كتر خيرك
حسن: ماشى
حسن قام ومشى وكل ده وضحى متبعاه لحد م جه وركب عربيته من تانى
وقبل م تتكلم
حسن: متستغربيش من الى حصل..انا نفسى معرفش عملت كده ليه
ضحى:وانا مكنتش هسألك
حسن:اوك (متوتر) تحبى نروح مكان ع ذوقك ولا ذوقى
ضحى: لازى م انت تحب
وهو ماشى فالطريق كان ماشى ساكت خالص من برة
ومن جوه
دوششششه!
"مالى فيا ايه؟وليه عملت كده..بلاش دى يا حسن
بلاش تدخل دايرتك ومتاهتك انت متعرفهاش بس حاجة شدتك ليها متنكرش.تفتكر كل مرة تشوفها بتبقى صدفه!
دماغى بنت اللذين دى مدام اتحطت فيها حاجة لايمكن ترجع عنها،وبعدييييين
.بلاش تبقى اذى لكل الى حواليك ياحسن"
ومرة واحدة اتخض من صوت ضحى !!!!!
ضحى: حاسب يا حسن!
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"يعنى لازم نعزمك زى الاغراب عشان تيجى ياحسن
حسن: طيب تخيلى انى كنت هعمل حادثة وانا جاى من كتر مانا جاى ع نار،وحشتونى اعمل ايه
محمد: من قلبك الكلام ده ؟
حسن: هو انت مش هتغير موقفك ابدآ من ناحيتى يا محمد..ع طول واقفلى كده
عنان: يوووه هو جاى يتعشا معانا ولا تضايقه بالكلام يا محمد
حسن: قوليلو والنبي
محمد: وايه اخر اخبارك، مش ناوى تتلم وتتجوز ويبقالك بيت
حسن: لا
عنان: ههههههههه
محمد: تعرف احسن برضو تظلم بنت الناس معاك
حسن: مين دى
محمد: الى هتتجوزها
حسن: اه ده لو اتجوزت
عنان: بس بجد ياحسن ..انا سمعت ان في حاجة حلوة قريب
حسن: حاجة حلوة ايه ؟ قصدك ام على الى انتى عاملاها دى!
اه تحففه
عنان: شوف الى بياخد الكلام الجد هزار..بقصد البنت الى شاغلاك اليويمن دول
حسن: بنت شغلانى! مين قال كده
محمد: وانتى تصدقى سلمى..اكيد واحدة جديدة فشلته هو ده يعرف الارتباط ده
حسن: سلمى!! وايه الى دخل سلمى فالحوار
عنان: هى الى قالتلى..اصلا تقى جارتك هى الى قالتلها
حسن: اه قولتيلى ..تقى مااااشى
عنان: قول بقى وفرحنا..هتخطب قريب
حسن: وهى اى حاجة تقى تقولها لسلمى تيجى تقولهالك تصدقيها!
محمد:سيبك منه، ده اصلا مالوش ماسكه
ومش هتعرفى تاخدى منه معلومة واحدة
حسن:انا مش عارف انتى شاغله بالك بيا ليه ياعنان
عنان: عايزة افرح بيك ياحسن
حسن: تفرحى بيا..ياستى هاتى ولى العهد بالسلامة وابقى افرحى بيه براحتك
عنان:ههههه كده ياحسن
جاله فون
حسن: طب عن اذنكم .. الو
مامت تقى: الو ..انا مامت تقى ياحسن
انا خدت رقمك من سلمى
حسن: اه اهلا ياطنط ازى حضرتك
مامت تقى: كويسة الحمدلله، اسفه لو ازعجتك بإتصالى
حسن: لا ابدآمافيش ازعاج ولا حاجه
مامت تقى: من غير لف ولا دوران ياحسن انا هدخل فالموضوع ع طول.،تقى ياحسن
رافضة اى تعامل بينا او اى تواصل
ومش معتبرة انى امها
انا عارفه انها بتعزكم..م انتو اخواتها الكبار
انا كلمت سلمى وكلمتك..ياريت تشوفلى حل معاها
وقولها مدام نويتى تعيشى هنا ع طول..يبقى من الواجب متقاطعيش مامتك
حسن: حاضر يا طنط حاضر..انا هكلمها متقلقيش
مامت تقى: اوك ياحسن شكرآ ،وآسفه تانى مرة
مع السلامة
حسن وقف وفكر لثوانى وبيدور عالطريقة الى يدخل لتقى بيها لانه عارف ان دماغها ناشفه
نسخه منه ..ماهى تربيته
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"ههههه يخرب عقلك ياحسن بقعد معاك بتفصلنى ضحك"
حسن: اه طبعا تضحكى..تسيحيلى عند سلمى وسلمى تقول للحجة عنان،وعنان عاملالى فيها الخاطبة نونا
وقال ايه عايزة تطمن عليا
كأنى اختها العانس الى فاتها القطر ومصدقوا جالها عريس
تقى: هههههه والله م سيحت هى الى سألت وكانت بتقررنى
حسن: وانتى مع اول قلم تعترفى ع طول كده
تقى: ههههه يابنى كلام بنات رغى عادى ،فكك بكرة ينسوا
حسن: يابنى! المهم بقى ممكن تقوليلى فيه بينك وبين مامتك
تقى: مالها ماما
حسن: مش عايزة تروحيلها..مش بتردى ع تليفوناتها،فيه ايه
دى مامتك ياتقى
تقى: مامتى امتى يعنى ؟لما اول م اتولدت لحد م مشيت وانا عندكم
وطنط الله يرحمها كان متوليه امورى
هى امتى كانت ماما
واتجوزت وسابتنى ..وسابتنى مع بابا اسافر بلد غريبة معرفهاش
من غير قلبها مايوجعها ع بنتها الوحيدة
واختارت البيه الى معاها والمهم نفسها..يبقى ماما امتى
حسن: احنا متخلقناش نحاسبهم ياتقى
تقى: لا نحاسبهم،لما اقع فمصايب وهما ولا داريين كل واحد وماشى فحاله
يبقى ميجوش دلوقتى يعملو عليا اب وام
حسن: دماغك حجر يابت انتى (زقها فدماغها)
تقى: انا تربيتك..وزيك
تقدر انت تسامح حد جه عليك وخلى حياتك جحيم لمجرد صلة دم!
حسن: مش عارف اقولك ايه ..وجبتى الكلام ده منين بس
بقى دى تقى الى كانت تاكل وتوقع ع نفسها الاكل
تقى: ههههه يوووه بقى
حسن: لا بجد عايزك تفكرى فموضوعها تانى..مش جايز عايزة تكفر عن ذنبها القديم
تقى: ممم تكفر
حسن: وبعدين فعلا،مدام هتعيشى هنا خلاص
ايه حياة البؤس الى انتى فيها يومك بيتعاد زى ماهو
تقى: عايزنى اعمل ايه يعنى
حسن: ممممم اشتغلى ..انتى درستى ايه؟
تقى: الترجمة
حسن: خلاص قدمى السى فى بتاعك فأى شركة سياحه واشتغلى تور جايد
شغل جميل ومناسب وفيه تغيير جو
ايه رأيك
تقى: هبقى افكر
حسن: كل حاجة هبقى افكر..هشوف
مش بتدينى عقاد نافع ابدآ
تقى: طب هقولك ايه مش بفكر الاول
حسن: متتعصبيش يابت لانفخك
تقى: ههههه طيب
حسن: جربى تغيرى المود..اخرجى
وقابلى وحبى واعرفى ناس كتير وجديدة
تقى: اخرج ماشى..لكن احب لا
حسن: ده ليه ان شاء الله
تقى: مش عايزة احب ..ببساطة بخاف اوسخ قلبي بتفاهات
حسن: اوسخ قلبي! ايه الكلام ده ياتقى؟؟ ياماما الحب مش زى م انتى فاكرة
تقى: م تقول لنفسك
حسن: (ارتبك) اقول ايه
تقى: ماانت مش عايز تحب ولا تتجوز
حسن: انا غيرك..انتى مينفعش تقعدى كده .حتترهبنى يعنى؟
تقى: ليه مينفعش اقعد كده..عمر م الارتباط ولا الجواز هيحلولى مشكله
ده بالعكس هزود همومى براجل اهبل كل الى همه يجعر ويزعق ويثبت انه راجل وخلاص
حسن: (رفع حاجب استغراب) يجعر! ماشاء الله كل يوم بتفرحينى بيكى الحقيقة
تقى: ثم اتجوز ليه اساسآ، انا مش ناقصنى حاجة عشان ييجى راجل يكملهالى
حسن: وهى الفرخة بتحتاج الديك ليه
تقى: ليه؟
حسن: عشان تبيض..وتبقى ام
تقى: وانا بقى مش مستعدة اكون فرخه لمجرد انى ابيض واعمل عشه فاشله
حسن: ياساتر يارب..بكلم قاسم السماوى
ايه كمية الحجات والمفاهيم الزبالة دى
تقى: ياعم انت تاعب نفسك بيا ليه
حسن: عم..من شوية يابنى ودلوقتى ياعم
يلا يابت روحى نامى
تقى: اه صحيح..هو ايه حكاية البت اياها؟!
حسن:جميلة!
تقى: جميلة مين ؟ هو لسه فيها جميلة
حسن: هو انا محكتش عنها ليكى
تقى: لأ
حسن: اوك ابقى اقولك، مين بقى البنت اياها
تقى:لالالالا وحياتك م هسيبك ، مين جميلة دى وبسرعه وبعدين نشوف حكاية البنت
حسن:اه انتى فضيالى يافوزية
تقى:ايوة فاضية ومش هتمشى غير لما تقول مبحبش حد يعلقنى والا هعملك نشرة عند عنان وسلمى واخليهم المرة دى يحسبوك اتجوزت عرفى
حسن:يعنى علقة وشبطتى فالكلمة، طب اقولها ايه دى
مانا الى فتحت ع نفسى الفاتحه
هى مش حكاية ولا حاجة يا رغاية
تقى:حتى لو مش حاجة اصلا،عايزة اعرف عايزة اعرف عايزة اعررررررف
حسن:طب بس يخربيت زنننك ، بصى دى بنت شحاته
تقى:(قاطعته وقالت بقرف) شحاته !!!
حسن: طب اكمل
تقى:خلاص خرتك الشحاتين ياحسن
حسن:يابت استنى
تقى:خلاص اللسعان وصل معاك للشحاتين والمتسولين
حسن:يعنى اقتلها دى ولا اعمل ايه ،اكمل يا جزمة
تقى:تكمل ايه ماهى بانت،ياحسن متخليش اهوائك وشهواتك تقودك لاشياء سافلة
حسن:تقودنى لاشياء سافله!! قومى يابت من هنا الله يحرق شكلك
تقى:اه طبعا عايز تقومنى لما كشفت حقيقتك، بتغرر ببنات الشوارع
حسن:بنات شوارع ايه يا حيوانة من الحيوانات ،هو انا لسه كملت
تقى:هتقول ايه يعنى
حسن:لا مش هقول يلا قومى امشى
تقى:لاخلاص والله هسكت بس قول
حسن:لامش قايل وفصلتينى يلا روحى نامى
تقى:خلص يا سونسون حبيبى
حسن:سونسون حبيبك ،حبك برص
تقى:خلاص بقى قول (باسته فخده) باين فعيونك عايز تحكى اهو اهو
حسن:جاتك القرف،هتكلم ومتقاطعنيش لاخنفك
تقى:لاخلاص مش هتكلم
حسن:بنت شحاته..عامية بس زى القمر
شوفتها مرتين تلاته ،وفكل مرة بشوفها بتحصللى حاجه كنت متمنيها من ربنا
اول مرة شوفتها ادتها الى فيه النصيب،وبعدها بليل كنت متفق ع مكان جديد هنقل العيادة فيه اكبر وفمكان ارقى
والحمدلله اتوفقت ويوم م شوفته صاحب المكان وافق
تانى مرة بقى الى مش هنساها وعلقت معايا اوى، شوفتها وادتها برضو الصدقه
وكل مرة بديلها بتبسملى ابتسامة حلوة اوى تحسسك انها شايفانى
دى بقى المرة الى منسهاش..كنت سهران ف..
تقى:فيه ايه كمل
حسن:لامش مهم مكان وخلاص
تقى:مش النايت كلوب!سلمى قالتلى
حسن:اه خالتى اللتاتة اتلمت ع عمتى الرغاية وقطعو ففروتى،المهم ياستى كنت هناك وحصلت حاجة بقالى سنين اتمنيت من ربنا تحصل
تقى:ايه الحاجة ايه ايه
حسن:خد حق بقالى سنييييين عايز اخده ع طبق من دهب وسبحان الله من غير ترتيب ولا سابق مواعيد
يااااااه يومها فرحت فرح غير عادى مع انى مبحبش الشماته
تقى:طب ايه الموضوع قوله ربنا يخليك
حسن:(عمل نفسه مش سامع) وبس ياستى وانهاردة شوفتها اه كنت هعمل حادثة بس عرفت ان عنان حامل وهبقى عمووو فبقيت اتفائل بوشها جدآ
وحاسس انها بننوتة الحظ بتاعتى
تقى:طب ايه الكلفته الى كلفتهالى دى وبرضو مقولتش ايه الموضوع الى خدت حقك فيه
حسن:وبس ياستى ،ايه بقى البنت اياها الى بتقولى عليها دى
تقى:ياحسن بلاش الطناش زى مااكون نكرة قدامك ايه ده
حسن:متتنرفزيش يابت..اصلى مش هقول ريحى نفسك
قولى بقى ايه حكاية البت دى
تقى:ماشى ياحسن ..انت الى عارف قول انت مين البنت اياها دى الى ليك معاها حكاية تشيب
حسن:حكاية تشيب!مين دى
تقى: البنت (بتغمزله)
حسن: فهمت انا ايه من الغمزة دى
تقى: بص، انا بقول لسلمى انك فقصة حب يعنى قالتلى استحاله حسن يحب بعد قصة البنت اياها
بقولها ايه هى القصة قالتلى هو يقولك
حسن: مممم سلمى..سلمى دى شغاله تحدف فكلام شمال ويمين وانا بتكعبل فيه
قوليلها بطلى كلام يالى مش وراكى غير الحكاوى
تقى: سيبك من سلمى وقول بقى
حسن: معنديش قصص يا بنتى ولا اياها ولا بتاع
تقى: اومال مش عايز تحب ليه بقى؟انت عندك سر ياحسن وهتخبيه ع تكتوكة حبيبتك
حسن: زى سرك بالظبط..ووقت م تقولى سرك
هقولك سرى
تقى اتوترت وسكتت
تقى: كده يعنى ..طب انا هقوم انام
حسن: اوك..بقولك ايه صحيح فكرى فموضوع الشغل
وموضوع مامتك
تقى: ماشى
حسن: وغيرى لون شعرك ده ..شبه المتحولون بالظبط
تقى: يا سخيف ههههههههه
باى يا واد
حسن: من ابيه لواد..ضاعت الهيبة والكرامة
اطلعى فوق وغورى نامى
تقى: ماشى سلام ههههههه
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
جيلان فشغلها ..وجه الساعى ليها بطلب
الساعى: استاذة جيلان المدير عايزك
جيلان: اوك
جيلان قامت راحت للمدير ..وهى راجعه
زميلها: انتى ليه يا جيلان مبطلتيش شغل
جيلان: وهبطل شغل ليه
زميلها: عادى..احنا عرفنا انك ورثتى مبلغ وقدره من جوزك،يعنى مش محتاجه لشغلك خالص
جيلان: ياسلام! لا طبعآ مش مبدأ يعنى ورثت اضيعه بقى وخلاص
ثم الورث ده لمستقبلى انما الشغل عشان اشغل نفسى
زميلتها:طيب وحكاية ابن جوزك دى يا جيلان خلاص هتتفرغى لتربيته ومش هتتجوزى
جيلان:لا هوديه لاهله ،لكن جواز مبفكرش
زميلتها:ليه
جيلان:يعنى مافيش لسه شخص مناسب
زميلها:بس وشك المنور والابتسامة الى مش بتفارقك دى سببها اكيد حب جديد
جيلان:لاجديد ولاقديم،شيلونى من دماغكم بقى
وهما بيتكلمو سمعوا حد بيتكلم فمايكرفون برة مبنى الشغل وبيقول
" استاذة جيلان! ياجيلان
جيلان عبدالنور
زميليتها: فيه حد بينادى عليكى يا جيلان
جيلان قامت من مكانها تبص من الشباك مع زمايلها ..والناحية التانية من المبنى برضو
لاقت وحيد ماسك مايكرفون وبصوت عالى تحت المبنى
" جيلان عبدالنور..فرحك الخميس الجاى فقاعة زمردة
عليا انا وحيد زمانى
اوعى تتأخرى ماشى "
جيلان واقفه مستغربة وزمايلها بيضحكو
وحيد" انا نسيت اقولك ..الفستان والحجات هتجيلك بليل ع عنوان بيتك..اوعى تتأخرى انا بقولك اهو
لحسن ادور ع عروسة تانيه،متتخضيش
لازم نتجنن عشان نحس طعم اى حاجة حتى الفرحة
ها فاضية يوم الخميس؟
جيلان واقفه والابتسامة والاستغراب وكل التعابير دى ع وشها سوا وزمايلها بيهنوها
زميلتها: مبروك يا جيلان هتتجوزى، اه ياسوسه كنتى هتخبي
زميلهاالتانى:لا وقال ايه لسه مافيش حد مناسب..مكنتيش عايزة تعزمينا ولا ايه
زميلتها:اهو عريسك جه وكشفك ههههههوطلع اجدع منك
الف مبروك ياجيجي
زميلها: ايوة كده بقالك كتير فحداد عالمرحوم
الساعى: والله مفجأة حلوة يا استاذة جيلان
وجيلان فسرها:مجنون!! الله يخرب عقلك يا وحيد كده ع طول قدام الناس من غير ولا انذار
فضحتنى
بس عندك حق، لازم نتعلم الجنان عشان نحس بطعم الحاجه
زميلتها:ردى عليه الراجل واقف فالشمس
جيلان بإبتسامة عريضة...
فاضية يا وحيد زمانك
لفت وهى بتتلقى تهنئه زمايلها ودماغها فيها كلام
"مش معرفه حسن، يلا جنان بجنان خدناايه من العقل غير وجع القلب!"
♦♦♦♦♦♦♦
هبة سامي علي
دينا سعيد عاصم
د. راقية جلال محمد الدويك
د. محمد عبد الوهاب المتولي بدر
محمد محمد جاد محسن
سهر محمد رمضان صيام
هند حمدي عبد الكريم السيد
محاسن علي عبد الرحيم أحمد (مقلد)
خالد عبد الرحيم خضير العامري
د. سمر ابراهيم ابراهيم السيد
د. نهله عبد الحكم احمد عبد الباقي 
زينب حمدي 
د. عبد الوهاب المتولي بدر 
ياسر محمود سلمي 
د. نهى فؤاد محمد رشاد 
د. شيماء أحمد عمارة 
م. اشرف عبد الصبور الكرم 
حنان صلاح الدين محمد أبو العنين