الحلقه الواحد والعشرون
خارجين من قاعة المحكمة كلهم ،بعد م خدوا ام عصام تانى ورجعوها عالحجز
عصام خارج على طول مش شايف قدامه غير دينا ،كانه مغلول وعاوز يتفش
عصام: يعنى هو حد كان وكلك تفتشى فاللى فات فقضية اتقفلت اصلا
دينا : اتقفلت ظلم ياعصام ،وبسببها فى واحدة اتحرمت من بنتها وبيتها
ماليكا واقفه وسامعاهم
عصام: ماهو ممكن كان مات ،هى مش بتضربه قاصدة تموته برضو
دينا: لا بتضربه تدافع عن نفسها ولما وقع خافت وجريت ،لكن الى بيقصد
يموت ده بيضرب كذا ضربه
زى الست الوالدة كده م عملت
عصام: انتى كده اثبتى انك محاميه شاطرة يعنى ؟
دينا: انا كده رجعت لصاحبة عمرى حقها ، واظن ان الحق ميزعلش حد
عصام بص لدينا بحقد وواخد هنا ومشى ،كانت وقفته ماليكا وحضنت هنا اوى
هنا: ماما انتى وحشتينى اوى
ماليكا: قريب يا قلب ماما هتكونى فحضنى ( بتبوسها جامد )
عصام: ممكن امشى لانى مش مستحمل
ماليكا: طيب خليها معايا انهاردة وتعالى بليل خدها من عند ماما
عصام: ياستى متستعجليش، قريب هتبقى فحضنك للابد
اخد هنا بعنف ومشى وكالعادة عياط هنا بصوت يقطع القلب فكل مرة
يحرموها فيها من امها ...
رجعت ماليكا وفى دموع فعيونها
دينا: متعيطيش قريب هتبقى فحضنك
ماليكا: انا اسفه يا دينا
دينا: على ايه
ماليكا: على ان بقضيتى دى ، فركشت الى كان بينك وبين عصام
دينا : وانا كان ايه بينى وبين عصام اصلا ( بسخريه)
ماليكا( باستفهام) هو انتو مش كان فيه بينكم حوار ارتباط وجواز ؟!
دينا( ضحكة كبيرة) جواز ! اتجوز مين
انتى هبلة يابت ولا ايه
جايبه الكلام ده منين
ماليكا: انا عرفت وخلاص
دينا: لا طبعا مستحيل ،انا عصام بطيق اكلمه عشان اعرف اخبار هنا
عشان اخرجها
لكن انا عمرى م هنسى الى عمله فيكى
تقوليلى ارتبط بيه!
حتى لو مثلا هو حد كويس ،ده كان جوز اختى وصاحبتى
يعنى اخويا
ايه القرف الى بتقوليه ده ،مين ممكن يفكر كده
ماليكا ابتسمت وحضنتها اوى ،اما دينا مرضيتش تستفهم او تلح
هى جابت الكلام ده منين
بيكفى انها واثقه فنفسها وواثقه فصاحبتها جدا وان مهما حصل
مفيش حاجه هتفرقهم ..
ووسط الاحضان صافيه المشاعر دى ،قرب عليهم عمر ومنة
عمر : وفروا الاحضان دى والفرحة الكبيرة لليوم الى هترجع هنا فيه لحضنك من تانى
منة : اه ويتحكم عالحيزبون دى الى طلعت عنيكى
ماليكا ضحكت هى ودينا
ماليكا: عاملة ايه يامنة بقالى كتير ماشوفتكيش
منة( مبتسمه) اهو عايشه ،الاستاذ راشد بلال مطلع عنينا فالمكتب
دينا: لاااا بعد مرافعه انهاردة الى كاتبهالى النابغه عمر وكمان
مخمخ معايا فيها
انتو تعملوا لكم مكتب وحدكم
ماشاء الله عليك يابنى اسد ( سلمت ع عمر بالكف)
عمر: ان شاء الله بفكر والله ،بس صعبان عليا عشرة الاستاذ راشد كل
السنين دى
منة : م خلاص بقى ، هتطلع من عشرته بحاجه حلوة ( بتقصد نفسها)
دينا: لا منقولوش! هنسمع حاجه حلوة قريب
منة ابتسمت هى وعمر ،وبالرغم من ابتسامته اخد باله
من صدمة ماليكا الى كانت مبتسمه وكشرت
ودورت وشها بعيد فثوان تبعد دمعتها الى نزلت فجأة عن نظرهم !!
ورجعت بصتلهم تانى بعد م استجمعت قواها انها تحاول تبان عادى لان ده
المفروض
ماليكا: بجد !!
منة : ياجماعة فيه ايه ،انا بس بحب اغلس عليه من وقت للتانى
ماليكا( بتحاول تبان طبيعيه) وحتى لو بجد ،ده بالنسبة لى خبر
زى كل خبر حلو سمعته انهاردة
الف الف مبروك
عمر باصص لها وحاسس بحزنها من جوة ،اما هى فحاولت على اد م تقدر تبقى ممثله
شاطرة وتخبي للاخر
او عالاقل لحد م يختفوا من قدامها
وهما بيتكلموا جم عليهم مامت ماليكا ومعاوية ،نظراتهم لماليكا كلها
بتشيل عبارات اسف
بس مش عارفين ينطقوا
ام ماليكا: حبيبتى ، الف مبروك براءتك
ماليكا: يبارك فيكى ياماما( باستها)
معاوية: ماليكا انا هروح معاكى ،نجيب حاجتك وتعالى البيت
منة ودينا وعمر ساكتين وباصين لرد فعل ماليكا،الى بصت لاخوها باسى
زى م تكون بتقوله
بعد ايه ؟!
ماليكا: لا يا معاوية خلاص،انا خدت ع طنطا واجوائها
وارتبطت بشغل ... وناس هناك
قالت الكلمة ومش قاصدة خالص ترد الغيظ لعمر او مثلا ترد الموقف
كانت بجد بتقصد يونس
لكن عمر الكلمة ضايقته شوية وكان نفسه يفهم معناها ،لكن ماليكا كملت كلامها
عادى
وقطعت عليه استفهامه
ماليكا: حتى هنا لما ان شاء اللهترجعلى ،هقدملها ع مدرسة عندى
خلاص اتعودت اكون هناك
معاوية : ( اتحرج) الى يريحك ...انا قولت انك افضل تكونى هنا معانا
ماليكا( بسخرية) بعد البراءة صح ! لكن الاول مكانش ينفع
الجو بدأ يتوتر حبت تخففه دينا
دينا: طيب ياجماعة بما ان هبقى انا صاحبة قضية الموسم ،والقضايا
هتنزل ع مكتبي ترف
انا عازماكم ناكل كلنا
ايه رايكم؟
معاوية: لا انا مرتبط بمواعيد ،الف مبروك يا ماليكا( باسها من خدها ومشى)
ام ماليكا: لا اتفسحوا انتو حبايبي انا مقدرش ، استنى يامعاوية خدنى وياك
منة: ممم يبقى يلا احنا ،انا اعرف واحد بتاع مشويات تحفه
عمر: انتى موسوعة اكل متنقله ومع ذلك مسمار ١٠
دينا بتضحك وماليكا بتراقب كل تفصيله بين منة وعمر من بعد الى اتقال
وواضح انها هتمثل اطول وقت ممكن لحد م تمشى من قدامهم ...!
#بقلمى_لنورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
بخطوات حزينه داخل البيت عصام ، بيبص عالحيطان
عالصور
باباه
ومامته
وهو
وهنا
ازاى كان عايش العمر ده كله ، مخدوع ف ام واب
لايصلحوا نهائى انهم يكونوا ام واب !
كان اهون عليه تكون ماليكا الى قتلته ، كان مصدق
انها بتهلوس انه بيغازلها
وان الحقيقه غير كده
زى م يكون كان مصدق البنج الى كان فيه مخلى اعصابه
مش فايقه
لكن الحقيقة هى ان باباه طلع راجل بصباص
وعينه زايغه
وكان طمعان فمرات ابنه
وان مامته ست قاتله وبتعرف تنام وتاكل وتشرب وهى قتلت نفس
بشرية وغيرها اتعاقب علي عملتها هى
وان كل ده هو كان عايش مع اتنين بيمثلوا على بعض وعليه!
عصام اشبه بمدينه كبيييرة ،جت صخرة وقعت فوقها حطمتها
كلها مرة واحدة !
من غير سابق انذار ،وقريب هنا بنته هتروح لامها
وهيبقى وحده جدا وللابد
بيبص ع باب البيت بيرجع لسنين ورا ،لاول يوم خطت فيها
ماليكا البيت ..
فلاااااش باااااك
ام عصام : ياختى خشى برجلك اليمين ،دى شولة ولا ايه
عصام بيضحك وبيدارى كسفة امه ليها ،بيمسك ايدها وبيدخلها
بفستان الفرح
عصام: نورتى ياماليكا
ابو عصام: الله اكبر عالقمر ،ربنا يجعل ايامكم كلها سعادة يابنى
( حضن ماليكا وباسها )
من ايدها اخدها ودخلوا اوضتهم ...ومن برة
ام عصام: انا وابوك رايحين لعمك كام يوم ،يكش تفلح وتتنصف
ابو عصام: ارفع راسنا يا واد ، معاك حتة مهلبيه
جوة عند عصام وماليكا
عصام: متضايقيش من ماما اصل ...
ماليكا: لا عادى مفيش حاجه
عصام: مش هتغيرى فستانك ! الدنيا حر
ماليكا( بكسوف ) حاضر
عصام: انا هغير برة فالحمام ،خليكى على راحتك
اخد هدومه وخرج ،وقفت ماليكا تبص ع الاوضة
وهى مبسوطة
وبتبص على نفسها فالمراية وهى عروسة
بتفتكر لو كانت الاقدار اتبدلت وكان زمانها مع عمر مثلا!
ولابسة فستانها لعمر حبيبها
طردت وساوس دماغها فلحظات ، وقالت ان عصام كويس وبيحبها
دخل عصام مغير هدومه وجايب عصير
عصام: انا قولت اكيد دوختى من هيطة الفرح
ماليكا : اه شوية
عصام: طيب تشربي عصير ،ولانطلع ناكل برة
عالسفرة حاطين العشا
ماليكا: لا عصير بس كفاية ماليش نفس
عصام جه وقعد جمبها ، ومسك ايدها
عصام: انا مش مصدق انك بقيتى فبيتى ومراتى
انابحبك اوى ( مسك كف ايدها باسها)
هى اتكسفت وقامت عند المراية تشيل الطرحه وتفك شعرها
والهيلمان المعمول فيه ..
عصام جالها من ورا
عصام: اساعدك
ماليكا :( بكسوف) لا متتعبش نفسك
عصام بيحاول يفك شعرها معاها ،وقرب منها اوى
وباس رقبتها من ورا من عند شعرها
ماليكا ضعفت ،هو حس ده واخدها بين ايديه
وقفل النور ..
______
بيمسح بطرف صباعه دمعة نزلت على خده وهو بيفتكر ،بيبص
الناحية التانية على اوضتهم ولسه بيفتكر فكل شبر
فيها كان بيحصل ايه
فلااااااش باااااك
ماليكا: ارجوك ياعصام ، انا ممكن اشتغل واساعدك
ونشارك بعض بس نمشى من هنا
عصام: يعنى هو ده كلام ناس عاقلين ! لا طبعا
انا مرتاح فالبيت ومعانا بابا وماما
وقريب من شغلى
ليه عاوزانا نمشى ونترمى فالايجار ؟
ماليكا: انا اتخنقت ومش مرتاحه ...اه( بتتألم من البيبي لانها حامل
فالشهور الاخيرة )
عصام: طيب بس فهمينى ليه ،قوليلى اى سبب
ماليكا: مش مرتاحه وخلاص
عصام: هو انتى اى حاجع تطق فدماغك لازم اعملها انا فورا!
هو مين فينا الراجل
صوتهم على وخبط عالباب باباه
ابو عصام: فيه ايه ياعصام؟
عصام: ادخل يابابا ( متعصب)
ابو غصام: فيه ايه ؟ فيه ايه يا ماليكا
عصام: اسالها ،طالع عليها عفريت اسمه نسيب البيت
ونمشى
ماليكا: كده ياعصام!
عصام: ايه عاوزانى اخبي عليهم ؟!
( خرج وهو متنرفز) دى عيشة بقت تقرف
ابو عصام بيحاول يعمل نفسه بيهدى ماليكا وبيحاوطها بايده
بس بطريقة خبيثه
ابو عصام: ايه بس هو شوية ويهدى
ماليكا اتعصبت وقامت منفوضه من حضنه وسابته
وخرجت ...
______
هنا: بابا ...انت بتعيط ؟
عصام سمع هنا ،ومسكها حضنها اوى ..احساس غريب اتملكه
ان خلاص هى اخر ماتبقى
او انه هيبقى وحيد للابد
او فجاة كل حاجه كان نفسه تحصل راحت ..
بيت وزوجه واولاد ،كل شئ اتدمر بسبب انانية اب
وعدم انسانية ام !
#بقلمى_لنورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"معرفش ايه الى حسيته ساعتها ،بس كأن ابرة بتتغرز
فلحمى ومينفعش اصرخ"
يونس باصصلها بصة ضيق وساكت
ماليكا: رغم فرحتى بكل حاجه ،برائتى
هنا خلاص هتبقى فحضنى
اهلى عرفوا انى بريئة وانهم ظلمونى
هرجع اعيش عادى
لكن لما عرفت ، اتخنقت اوى
كان نفسي اجرى واعيط اعيط اعيط لحد م اقع من طولى
يونس على بصته وهى مكملة كلام ..
ماليكا: رغم انى قعدت اقنع نفسي ان خلاص
عمر
يبقى حبيبى! الفكرة دى بح
عمر خلاص الركن ده مبقاش بتاعه ومش هينفع يبقى
اقبليه زى م هو بقى
زى الوضع الى اتفرض عليكم
لكن كانى كنت بحاول ازق صخر ،( بصت ليونس) عارف احساس
انك توقف عاجز
بتتمنى لشخص الخير من كل قلبك
وفنفس الوقت متغاظ جدا وهتطق وتفرقع
يونس بص بعيد واتنهد بضيقه ،ورجعت تستكمل كلامها
بصلها تانى وهو على عقدة حواجبه مفكهاش
وهى لسه مش ملاحظة ...
ماليكا: هو كان لازم يعيش حياته ،اصل حرام يفضل كده
انا اتجوزت وخلفت واتطلقت وهو لسه
حرام يعنى
هو عقد احتكار مثلا
بس الطريقة الى كانت بتتكلم بيها منة ،زائد ابتسامته
فرسونى
قالولى الموضوع اكبر من ارتباط ... الموضوع موضوع حب
ايوة حب
مفيهاش كلام ...ولا انت ايه رأيك؟
يونس( بتكشيرته) هو انتى سيبتى حاجه تتقال ؟
بتغنى وتردى على روحك
يمكن
لا
طيب جايز
لا استنى
اصل هو ...بس هى
ايييييه
زعلانه ليه ،هو من حقه يعيش حياته
ويعيشها جدا كمان
انتى بنفسك وضحتيلى انكم يستحيل تبقوا لبعض تانى
مع انى معرفش
بس اذا كنتى انتى عارفه ،يبقى المعادلة نتيجتها غلط
انه يفضل راهب للحب الى فات غلط
وان انتى تعيشى وهو لا غلط
وانك تفضلى انانيه فحبه ليكى غلط
ده حب امتلاك ،الى بيحب حد بيتمناله الخير
بيتمنى يشوفه سعيد
ماليكا: ماشى انا عارفه والله ، بس غصب عنى حسيت كده
بفضفض معاك
مفضفضش؟ ايه احكى مع مين يعمى ياونيس الوحدة
اليومية
يونس: لو فضفضه فانا ودانى كبيييرة اهو وصدرى اوسع
من بحر الكاريبي
لكن لو حاجه تانيه ....
ماليكا: حاجه ايه؟
يونس( بنظرة حزينه) تكونى لسه بتحبيه حتى لو مينفعش
ترجعوا سوا؟
ماليكا سرحت فكلمته ونظرته ،الى عاوزه تقولها كتير
هى مش فاهمة نفسها ،لكن الى فاهماه دلوقت
هو نظرة يونس الى قشعرت جسمها من طرف صباعها
لجدور شعرها فوق!
ماليكا: لسه بحبه ؟ تصدق يايونس
لو كنت عرفت على غفلة انه اتجوز
مكنتش حسيت الى حسيته ده وانا شيفاهم بيهزروا ويضحكوا سوا
يونس: يبقى انتى غيرانه على حبه الى هيتحول لواحدة تانيه
مش غيرانه عليه
تبقى انانية ياماليكا
انانية اوى
وكده مينفعش
لو القلوب بيكتب ليها عقود احتكار،مكانش حد عاش
ومكانش حد كمل يعيش ...????
ماليكا: يعنى ايه
يونس: يعنى انتى كده شبه اسراء ،وانتى روحك ارقى وانقى منها
هى كانت انانية ان حياتى تمشى فجاة من غيرها
وانى اكمل وحدى طريق مش بتاعها
وانتى اهو بتعملى زيها بس بطريقه تانيه
ماليكا: لا بالعكس، انا نفسي اشوفه سعيد
يونس: يبقى تتمنيله السعادة وبس ،والى فاات خلاص مات
ماليكا : عندك حق
يونس:خلى القديم وراكى ذكرى حلوة ،وامشى باصة لقدام
عشان تعرفى تشوفى ( بص لعيونها اوى من جواهم) عشان
تعرفى تفهمى ...حايزعدت عليكى كتير حجات وانتى مش فاهماها
شكة قلب حستها ماليكا بلحظة ! وفضلت متنحه له وهو بيتكلم
بعيونه قبل لسانه
عيونه الى من يوم ماشافتهم وهى بتستغربهم
وبتستغرب نظرتهم ..
يونس: اييه انتى معايا؟
ماليكا هزت راسها ب اه
يونس: فهمتينى
ماليكا : فهمتك ...وربنا يستر
#بقلمى_لنورإسماعيل
"
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"
الدكتور : اتفضلى يا مدام عالكرسى ...
قعدت اسراء عالكرسى وقعد قدامها جوزها مستنى هيقول ايه الدكتور
الدكتور: هى سليمه مفيش اى حاجه
جوزها: طيب والهلاوس الى بتشوفها ،انا بحس انها بتكلم
حد وبتعاتبه
واوقات بتنفجر فالعياط مبعرفش اوقفها ومن غير م حد يعملها حاجه
الدكتور:بس الكشف المبدئى يقول ان قواها العقليه ممتازة
واعصابها كمان
مفيش اى حاجه
اسراء: انا عملت الى انت عاوزه اهو وجيت ،ممكن نمشى
جوزها: اوك ،متشكر جدا
مشيت اسراء والدكتور شاور لجوزها يرجعله
الدكتور: ده كارت لدكتور نفسي هايل ،ممكن تكون مشكله نفسيه
روحله
جوزها : تمام ....شكرا جدا
اخدها وخرج ،وركبوا العربية سوا
اسراء: تقريبا سمعت انى كويسة
جوزها: اومال الجنان الى انتى معايشانى فيه ده ايه ؟
اسراء: انا معايشاك فجنان ؟ مالك فيه ايه
جوزها: طب ممكن نتكلم برواقه وتقوليلى لما بتكونى وحدك بتكلمى مين
اسراء: متعلقلى كاميرات احسن ،انت لسه هتسالنى
جوزها: انا شكلى هعمل كده فعلا ،لان فالغالب هطلع انا الى تعبان مش انتى
دور العربية جوزها وطلع بسرعه من الغل الى هو فيه ، وهى ساكته
ومش بتنطق
وشوية ووقف عند هايبر ماركت
جوزها: تعالى نجيب الى ناقصك وقولتيلى عليه فالبيت
اسراء( ببرود) ايه ناقصنى ؟ انا مقولتش حاجه
جوزها: يابنتى لحقتى تنسى ،انتى مش قولتى فيه حجات فالبيت
ناقصاكى وعاوزاها
اسراء: انا قولت كده !!
جوزها: هو ده كمان كان بيتهيألى !! ( نفخ واتنفس بالراحه عشان يهدى)
اسراء
سوسو حبيبتى
الى بيكدب بيدخل النار، والى بيقول الحق بيروح الجنة
مش انتى قولتي انك عاوزة تشترى حجات ناقصاكى ؟
اسراء( اتعصبت) جنة ! متجبش الاسم الزفت ده على لسانك
سامع
انا بكره الاسم ده
جوزها اتضايق من اسلوبها الى مش فاهمه ورجع دور العربية ومشى
اما هى فراحت مع اسم جنة الى عمرها م هتنساه
فلاااااش بااااك
قاعدة كبيرة فالمشغل ،وكل بنت عاملة سندوتش او طبق جايباه
وبيتغدوا فالساعة الراحه كلهم سوا
البنات ورئيستهم ،والعمال ويونس ...
فوزية : تسلم ايد الى عاملة المسقعه ،مين يابنات
بنت: انا ياابله ،عجبتك
فوزية: اه يابت ييجى منك
بنت٢: طب انا دوقى المحشى الكرنب والنبي
فوزية: استنى ابلع الاول
يونس: لاهو بصراحه شوية الكشرى الى مالهمش حل( بيبص ل جنة فالخباثه)
جنة مش معبراه وبتاكل وساكته
بنت من زمايلها ميلت توشوشها فودنها
بنت: يابختك يامضروبة ،شكل الواد ده عينه منك
جنة: كلى وانتى ساكته
حد من برة
عامل: يونس ...فيه حد عايزك بره
يونس: حد عايزنى انا ! حاضر
قام وجنة متبعاه بالنظر من تحت لتحت،طلع لقى اسراء واقفه
يونس: ايه ده ؟ ايه الى جابك هنا
وعرفتى مكانى منين
اسراء: والله البنت لما تحط حاجه فدماغها بتعرف تجيبها
متسالش عرفت اجيلك ازاى
يونس: وعايزة ايه ( بنفاذ صبر)
اسراء: حلو اوى البهدلة الى انت فيها دى ، اموت واعرف ايه سببها
يونس: ياستى هو انتى مأمنه عليا ! هو انا تلاجة عندك ولاعربية
انا بشر والله وله تصرفاته
انا حر
عاوز اتبهدل هنا بمزاجى
محدش دخلك
طلعت بنت من البنات فالمشغل وشافته واقف مع بنت لبسها شيك
ولابسة نضارة وحاطه ميكاب حلو شكلها من طبقه عاليه
بنت: شالو الاكل يا يونس ،بس انا خليت لك طبق كشرى بتاع جنة ياعم( غمزتله)
واسراء سمعت اسم جنة وكأن اتملكها عفريت
اسراء: جنة! مين جنة دى
يونس: جنة الى بتعمل السمنه ،انتى مبتطبخيش ولا ايه
اسراء: بطل استهبال يايونس
يونس: انا الى مش فاهم عاوزة ايه منى
اسراء: اه انت بتكمل دور الاستعباط للاخر بقى ! اوك ماشى
انا هوريك انا عاوزة ايه ان شاء الله
سابته ومشيت ،ويونس بيخبط كف على كف وبيقول لاحول ولاقوة الا بالله
لانه لافاهم لاعارف هى عاوزة ايه ...
#بقلمى_لنورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"
على ارضية الفراندا بتاعت ماليكا ،كانوا قاعدين الاتنين ،ساندين ضهرهم للحيط
وبيتكلموا سوا...
يونس: يعنى انتى لما سالك معاوية ليه مش هتسيبي طنطا قولتى انك مرتبطه بناس هناك
ماليكا( مبتسمه وباصه للموبايل) قولت بشغل وحياه وناس ،متحورش يايونس
يونس: ايوة ماشى عارف انا كل ده ،المهم لما قالك مرتبطة ب ايه قولتى ناس
( قرب لوشها بغلاسه تضحك) هيييييح
مين الناااااس
ماليكا( بصتله ب قرف يضحك برضو ورجعت بصت للموبايل) الراجل الى بشترى منه
الحجات بتاع السوبر ماركت
يونس: اه تصدقى عشرة برضو ،لازم تقعدى عشانه
ده بيعملك اوفر حتى
٤ اكياس مكرونه عليهم كيس كاتشب هدية
ضربته فكتفه وضحك
يونس: م تخلصى انتى ومتحوريش وقولى انك قاعدة عشانى ( عدل ياقة قميصه
وبيسبل عنيه)
ماليكا: تعرف تقعد ساكت شوية،ولاتروح شقتك احسن
يونس: تؤ
نوهائى
كل الناس اصلهم طين ،الا انا اصلى راديو
ماليكا ضحكت ومكمله ففونها ،وهو باصص عليها وعنيه جت عالتاتو
الى باسم ايزيس ع معصم ايدها
يونس: ايزيس ( قالها وهو بيتنهد)
ماليكا: مالها ؟
يونس: مفيش ...اصل مستغرب
تتسمى مرة ايزيس وانتى اسمك ماليكا
وفالاصل ميليقش عليكى غير ملايكة
باصص لها بمنتهى الحنية الى فالدنيا ،هى المرة دى خافت ضعفها وظروفها يخلوها
تستسلم
جايز تكون مجرد احاسيس عادية وهتروح لحالها
ويمكن عشان وحدتها
المهم قررت تقطع العرق ويسيح دمه وخلاص
ماليكا: قوم ياض يانشال ياض،انا غلطانه انى بعطف عليك
تيجى تقعد معايا بدل قعدتك زى الكاسيت الخربان وحدك
بتقومه وبتطلعه لبره
يونس: هههههه ده انتى زعلك وحش اوى ،طب استنى طيب
طب هقعد مؤدب
ماليكا: ولانص كلمة( طلعته وهتقفل الباب فوشه بضحك)
يونس: طب استنى بس ،استنى ياملايكة
ماليكا: اسمى ماليكا ع فكرة
يونس: بس انا بشوفك ملايكه ،هو سؤال واحد بس وهمشى والله
ماليكا: اخلص اتسائل
يونس: ليه ايزيس سابت اوزوريس ؟
ماليكا( اتنهدت) عشان كل الناس شافت ان ايزيس واوزوريس كانوا
قصة حب
لكن الحقيقة الى متعرفهاش
لو ترجع لكتب التاريخ
ان ايزيس واوزوريس كانوا اخوات !
يونس: ( بمفجأة وعيون مبرئه) ايه !!! عيدى ام الكلام تانى
ماليكا: ايوة ايزيس اخت اوزوريس
اتنهدت وبصت للارض وبعدين رفعت وشها وقالتله
ماليكا: وكأنه لما سمانى ايزيس ...كان بيقرا الطالع الى مكناش نعرفه ..؛!
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
الحلقه الثانيه والعشرون
.¸.•'´¯'*•.¸¸.¸.•'´
يونس: ليه ايزيس سابت اوزوريس ؟
ماليكا( اتنهدت) عشان كل الناس شافت ان ايزيس واوزوريس كانوا
قصة حب
لكن الحقيقة الى متعرفهاش
لو ترجع لكتب التاريخ
ان ايزيس واوزوريس كانوا اخوات !
يونس: ( بمفجأة وعيون مبرئه) ايه !!! عيدى ام الكلام تانى
ماليكا: ايوة ايزيس اخت اوزوريس
اتنهدت وبصت للارض وبعدين رفعت وشها وقالتله
ماليكا: وكأنه لما سمانى ايزيس ...كان بيقرا الطالع الى مكناش نعرفه ..؛!
يونس واقف متنح ليها
يونس: انتى بتتكلمى جد ؟ انتى وعمر اخوات
ولابتحكى مجازاً
ماليكا: لا اخوات يايونس
قالت جملتها بحزن وهو باصص عليها ومستغرب
يونس: ينفع اعرف الحكاية دى جت ازاى؟ يعنى مين كان متجوز مين فابهاتكم
ولما انتو اخوات
وصلتوا للجواز ومحدش قالكم ليه
ولاحد من اهلكم عارف وقال
ماليكا: سبحان الله ،جه موت خديجة وعطل كل حاجه
عشان تكون إشارة ان حرام نتجمع انا وهو تحت سقف واحد
يونس: وبعدين؟
فلاااااااش بااااااك
عمر : انتى انهاردة احسن ياحبيبتى الحمدلله
بتشيل مامت ماليكا الاكل من قدامها ورايحه المطبخ
معاوية : الحمدلله بدأت تفوق وتتعامل معانا وتاكل وتشرب
عمر( بيطبطب عليها) ان شاء الله هتبقى كويسة وزى الفل فاقرب وقت
معاوية : طب انا هشوف ماما اذا كانت تعملك حاجه تشربها
قام معاوية وسابهم وحدهم ،عمر قرب من ماليكا فقاعدتها
واخد راسها على صدره بحنيه
عمر: مش عاوزة اى حاجه اعملهالك ...اى حاجه
ماليكا ( بحزن ولابسة اسود طبعا) لا عادى مبقتش تفرق
عمر: تيجى نخرج طيب ،نغير جو
ماليكا: اخرج واغير جو ونصى تحت الارض! ( عيونها دمعت) تحرم عليا
اى فرحة من بعدها
عمر سكت وهو مقدر كم حزنها العميق ومستحمل ، مسك كف ايدها وباسه
عمر( اتنهد) كنت عاوز اقولك ان الشقة ....
ماليكا( قاطعته) الشقه دى متحرمه عليا ! بكل الى فيها
مش عاوزة اشوفه
ومش عاوزة فحياتى ادخلها ولارجلى تخطيها
عمر: حاضر ...بس اهدى
كل الى انتى عاوزاه هيحصل
دخلت الام ومعاوية ومعاهم عصاير وقعدوا وياهم
عمر: انا هستاأذن عشان اشوف ورايا ايه ( باس دماغ ماليكا) هكلمك ياحبيبتى
الام: يابنى اشرب العصير
عمر: مش هقدر والله
معاوية: طب استنى اوصلك..
مشى عمر وروح على بيتهم عادى ،الحزن الى فقلب ماليكا
فقلبه اضعاف
فرحته مكملتش
وكمان مش عارف هيكملها امتى ،الانتظار صعب
بالذات انه مقدر ان ماليكا مش عارفه تطلع من الحالة الى هى فيها
عشان موت توأمتها!
حتى انه يفاتح فموضوع فرح او كده صعب ،عالاقل خالص لسه قدامه سنه
لحد م يفتح موضوع
قاعد فاوضته سرحان ف حزنه الى مالوش اخر
نجوى : عمر ! هنفضل قاعدين كده كتير
تعالى اقعد معانا برة
بلاش قعدتك وحدك دى
عمر: مخنوق شوية والله يانجوى
نجوى: عارفه وعشان كده بقولك تعالى اقعد معانا
قعد عمر معاهم ،بس بنص دماغ
شوية وخبط الباب
جريت ايمان تفتح ،وكانت ست عجوزة كده
ام عمر: مين يا ايمان؟
ايمان: ست ياتيته
خرجت ام عمر واخته ،فوجئوا بانها الست " بركة"
الست الى ماشوفهاش من مدة طويييله ، جايالهم انهاردة تعزمهم على فرح بنتها
" الست بركة" حكايتها حكاية
الست دى انقذت حياة عمر وهو عنده يومين !
كان لسه مولود ، وكان فالحضانه ورافض انه يرضع من والدته لبن طبيعى
ولاحتى الصناعى بيشربه وبيرجع
وكان خلاص مفيش حاجه عايش عليها غير السوايل ،داخو بيه لكذا دكتور
وفالحضانه اصلا كانوا حاسين انه هيموت
مفيش حاجه بتغذية اطلاقا،ده غير انه مولود ضعيف
فالحضانه بقى ،ممرضة هناك دلتهم على عنوان الست بركة جارتها الى جاية من اسوان
تعيش فالقاهرة
كانت والدة جديد وبتشتغل مرضعه لحالتها المادية الصعبه !
بسرعة طلعوا عليها وودوا عمر ليها واتفقوا تيجيلهم بمواعيد رضاعه عمر
وفضل عالحال ده لحد م اتفطم ..
خدتكم فحكاية عمر ورضاعته ،ونسينا الست بركة الى جاية تعزمهم على فرح بنتها
ام عمر: يااهلا وسهلا ،يااااه ياحجه بركة انتى فين
بركة: اهو جينا نشوفكم عشان وحشتونا
عمر سمع صوتها ،قام بسرعة رحب بيها وسلم عليها
قعدت وابتدت تقولهم على انها جاية تعزمهم على فرح بنتها وعاوزاهم كلهم يشرفوها
عمر: دى الى جت بعدى مش الى رضعتينى وياها
بركة: لا التانية سمر الى كنت والداها ساعة م رضعتك وياها
نجوى: نورتينا ياحجه بركة ويارب يتمم على خير
ام عمر( بتتكلم باسى) اهو ياست بركة ،سبحان الله
فرح عمر كان زمانه عدى من شهرين
بس النصيب
بركة: الله اكبر ....عمر هيتجوز
طب وابنى يتجوز ومحدش يعزمنى ؟
نجوى: اهى جت كده معلش ياست بركة فبالنا والله
ام عمر: هو عاد فيه فرح ،م حصل الى حصل خلاص
ربنا يوقف جمبهم فمحنتهم
بركة : خير ياام عمر قلقتينى
ام عمر: نقول ايه بس ،انا لله وانا اليه راجعون
اخت العروسة اتوفت قبل الفرح بيومين والله
لما كانت مفجأة
بركة: لاحول ولاقوة الا بالله ، ( طبطبت على عمر) ربنا يخفف جرحهم
ويلهمهم الصبر
وانت يابنى متزعلش
ان شاء الله ربنا يهون عليهم ... وبعدين اتفقوا على ميعاد تانى
نجوى: هى المشكله كمان انها توأم العروسة ،يعنى الجرح مش سهل
خالص
هياخدوا فترة على بال م ينسوا
السكوت عم عالمكان كله بعد اخر كلمتين قالتهم اخت عمر ، بترفع عيونها
لفوق بركة لاقت صورة عمر مع ماليكا فكتب الكتاب فبرواز عالحيط وجميله
اوى
بركة: هى صورتكم دى ! الله اكبر الله اكبر
نجوى : استنى اجبلك الالبوم من جوه
دخلت نجوى جابت البوم كتب كتاب عمر وماليكا تتفرج عليه بركة
بركة: حلوة والله ، وتحسى انها بتحبه اوى
نجوى: دول بيموتوا فبعض
بركة ( بتكلم عمر) متزعلش بكرة جرحهم يلم والله وتتم كل حاجه
وربنا يجمعك بيها
هى اسمها ايه ؟
نجوى: ماليكا
الست بركة سكتت لما سمعت الاسم وبصت للصورة
بركة: اسم ماليكا ده انا سمعته مرة واحدة زمان ،من ساعتها فدماغى
كان نفسي اسميه لبنتى الى بدعيكم لفرحها دى
وبعدين قالولى تقيل
عمر: هى اسمها تستغربيه فعلا ،جديد وغريب
هى كانت زميلتى فالجامعه
اول م سمعت اسمها مكنتش اعرف شكلها
قالو ماليكا يعقوب
كنت مفكرها مسيحيه ومثلا مولودة برة
لاقتها مسلمة
فاستغربت جدا ،جابو الاسم ده منين
بركة اتخطفت مرة واحدة !
بركة: اسمها ماليكا يعقوب ؟ واختها التوأم اسمها ايه؟
نجوى: خديجة ...بتسالى ليه ياحجه بركة
بركة: مفيش غيرهم بنتين توام ومعاهم ولد اخوهم تالت
صح
ام عمر: اه ...انتى تعرفيهم ؟
بركة : انا مصادفتش الاسم ده غيرها مرة زمان وفضل فدماغى
هى ... أنا متأكدة
ام عمر: هى ايه ياحجه م تقولى
بركة: ماليكا وعمر راضعين سوا ،وانا الى رضعتهم !
دول اخوات مينفعوش
عمر قام واقف مخضوض
عمر: ايه؟
______
يونس: يعنى انتو اخوات فالرضاعه
وبعدين ثوانى
هو مش كان اكبر منك فالجامعه ،انتى قولتى انه عايد سنه
ماليكا: لا ، اصل فتالته ثانوى ليا ولخديجة طبعا
خديجة جاتها حمى لازمتها طول فترة الامتحان ومراحتش
وانا مكنتش بقدر اسيبها عشان زعلانه عشانها
ولما كانوا بالعافيه بيطلعونى لامتحانى
كنت بروح مكتبش حاجه
فسقطنا احنا الاتنين وعيدنا السنه سوا ،فبالتالى دخلت اصغر سنة فالكلية
يعنى دفعتى بتاعت عمر
ولما عمر سقط بسبب الحادثه بتاعت رجله
نزل لدفعتى
يونس: كانت ايه حادثه رجله ؟
ماليكا: كان راكب موتوسيكل مع واحد صاحبه ، وكان سايق على اقصى سرعة
شباب وفرحانين
الموتوسيكل من سرعته خبطوا فالرصيف وقعوا
والموتوسيكل بتقله كله نزل على رجل عمر بالعكس!
ده كويس انها متبترتش
اعرج وبس وبيمشى كده وملحوظة...
يونس: تمام كملى
ماليكا: لما قالت طنط بركة الكلام ده ،عمر وام عمر اخدوها وجم عندنا يستفهموا
الموضوع
وكانوا لاخر لحظة شاكين ان فيه لبس
هو الدنيا صغيرة كده
اتاريها فعلا صغيرة
وطلعت هى فعلا رضعتنى ،لانى اتولدت عندى ارتجاع
اللبن مش بيستقر فمعدتى
راحو لكذا دكتور ،واتحجزت فالحضانه عشان كان عندى كمان نقص كالسيوم
وهى نفس الحضانه الى فيها عمر وطبعا محدش يعرف حد
وكانت نفس الممرضة الى قالتلهم يجربوا المرضعه دى الست بركة
احسن لى من اللبن الصناعى
وراحو
ورضعت مع عمر وبنتها
يعنى احنا التلاته اخوات
وعمر كده متحرم على بنات الست بركة لانه اخوهم ، وعليا انا
واحنا منعرفش
لان فالشرع
لما يرضع طفل مع طفل
بيبقوا الاخوات
وده الى حصل
يونس: يعنى لولا موت خديجة ،كان زمانك مراته ؟
ماليكا: ( بحزن) كان زمان هنا دى بنته هو
فلااااااااش باااااااك
المأذون : بطاقتك يابنى ...لاحول ولاقوة الا بالله
عمر بيديله بطاقته وعيونه فالارض ومنكس راسه من الحزن، انهاردة هيطلق حبيبة قلبه
وعمره كله غصب عنه
متحرمه عليه تفضل معاه ثانيه ك حبيبه
الفرحة بتاعتهم بدات تنقص يوم عن يوم ،لحد م فيوم اختفت!!
المأذون بيتتم اجراءات الطلاق ،وماليكا دموعها بتجرى جرى على خدودها
مش مبطله ودينا بتطبطب عليها وحضناها ومش سايباها ...
خلصت الإجراءات،مضت ماليكا ومضى عمر عالقسيمة ومضوا الشهود
وخلصت حكاية ايزيس للابد...????
وخرج عمر من حياة ماليكا ك حبيب ، لكن موجود فيها ك اخ للابد
عشان كده القدر كان بيهون عليهم
انهم هيفضلوا سوا مهما حصل ..
________
دمعت ماليكا ،قام يونس وحضنها تلقائى وهو بيطبطب عليها
يونس: انا اسف ...والله اسف
مكنتش عاوز افكرك
ماليكا: ولايهمك يايونس ...
يونس: طيب دموعك دى صعبه عليا بتجرحنى على فكرة ( بيمسح لها دموعها)
ماليكا: انا هقوم اشوف منديل
يونس: خدى كمى امسحى فيه( مبتسم)
ماليكا بصتله بابتسامه ورموشها مبلولة شكلها حلو ، من غير تردد يونس
باسها فدماغها اوووى يمكن كأنه بيطبع شفايفه على جبهتها
وبعدها بص ليها اوى وهو مقرب منها ...عيونه قصاد عيونها
يونس: حزنك بيقتلنى يا ملايكه ...والله بيقتلنى
ماليكا حاسة بنظرته الى محتوياها كلها على بعضها فالوقت ده ،وكانه فعلا شايلها فعينه
بصتله بامتنان على كل شعور بيمنحه له من وقت للتانى ،هى فعلا محتاجاه ..
#بقلمى_نورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"
وبعد فترة ، كان جه معاد جلسة ام عصام خلاص وحضرتها دينا
الى الحكم فيه هو فرحة كبيرة وطبعا اللهم لا شماته
لكن الست ام عصام هى الى عملت كده فنفسها
كان وقت م نطق القاضى بالحكم وقال احالة اوراقها الى المفتى ... وحالة من الزقططه
مسكت دينا
على عكس عصام الى بكى بالدموع عند قفص الاتهام ،وده منظر خلى دينا يصعب
عليها وتوقف تواسيه لكن هو ولاسامعها
هو خلاص عارف بعدين هيحصل ايه ،هنا تروح لامها
واتحكم عليه بوحدته للابد ،وباسرته الى ضاعت واحد ورا التانى مرة واحدة!
منة : مبروك ياعمر الف مبروك ،انت فعلا حضرة المحامى
عمر : الحمدلله ..انا مبسوط اوى انى فعلا خلاص
بقيت بمسك قضايا مهمة وتنجح
منة: انت لازم تعملك مكتب بقى وتستقل لوحدك ،الناس بس
هتعرف انك كنت تلميذ الاستاذ راشد
هيوقفوا بالطوابير
فما بالك بكم القضايا الهائل الناجح بتاعك ده
اساسى يابنى هتنجح
عمر: هنجح وانتى معايا على فكرة
قالها بابتسامه حلوة اوى خلت منه قلبها يدق بسرعه والكلام
يوقف على شفايفها مش عارفه تنطق
عمر: منة ...كنت عاوزك تاخديلى ميعاد مع اهلك
منة : ميعاد مع اهلى ! هتيجى وو لولولولولولولولولولولولولوولولوى
هى تزغرد لنفسها والمكتب يتلم حوالين عمر الى منة خلت شكله
حكاية
وفضيحه ...بس محدش ينكر ان فضيحه الحب حلوة
وان فرحتة احلى ..????
#بقلمى_نورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"
دينا: والله زى م بقولك كده ،عاوزة الحلاوة
ماليكا: ان شاء الله ياقلبي، وكمان لما ترجع هنا لحضنى
ساعتها يا دينا الى تطلبيه نافذ
دينا: قوليلى بقى كنتى بتعملى ايه لحد م كلمتك
ماليكا: كنت قاعدة بحكى انا ويونس ( بصلها يونس مبتسم)
دينا: يااادى يونس، انا ابتديت اشك فحجات
ماليكا : لامتشكش يا اونكل دبوس ،عادى يابت متخليش دماغك تروح لبعيد
دينا: ولاتروح ،ده حتى يتدرب من دلوقتى على هلاوسك وحياتك
وانه هيبقى بابا لهنا قريب وكده يعنى( بتضحك)
ماليكا( اتكسفت) انتى هتسكتى ولا اقفل فوشك يابت انتى
دينا: لا خلاص خلاص هههههه ،روحى ياحبيبتى ليونس فبلاد الشوق
وسلميلى عليه
قفلت وماليكا بتضحك ، وبصت ليونس
ماليكا: بتسلم عليك دينا
يونس: الله يسلمك ويسلمها، ايه مبسوطة يعنى
ماليكا: الحمدلله حقى خلاص رجعلى ، وبنتى قريب هاخدها
الحمدلله يارب
يونس: اتارى اخينا سيادة الروح عبدالصبور كان جاى لحقك قبل حقه ،ولية
بنت كلب
يلا جهنم وبئس المصير هما الاتنين
ماليكا: ياااه خلاص هنا هترجعلى ، وممكن كمان ارجع اروح عند ماما ومعاويه انا وهنا و..
يونس( بحزن) وعايزة تمشى من هنا خلاص؟
ماليكا : انا تعبت من وحدتى يايونس وكمان ...
يونس: طيب مانا معاكى
ماليكا: انا حتى معرفش انت محبوس فالشقه دى ليه ،ولا انت بتقولى حاجه
سافرت معايا اسيوط ومرضتش تيجى معايا المحكمة
مش فاهمة
هو انت عليك حكم وهربان؟
يونس سرحان وعلى وشه الزعل ومش بيتكلم
ماليكا: فيه ايه ؟ يونس فك تكشيرتك والنبي
يونس( بنظرة حب) عاوزة تسيبينى تانى؟
ماليكا: انا اول مرة احس انى مامتك ! وكانى هسيب ابنى هنا مثلا وهمشى
يونس: اكتر من ام وابنها ياملايكه ، روحك من روحى
والله العظيم روحى من روحك مش مصدقه ليه
ماليكا: انا متفهمه انك اتعلقت بيا وانا كمان والله ،احنا بقالنا فترة كبيرة سوا
وعدينا بحجات كتيرة ويا بعض
بنتكلم كل يوم وكل وقت تقريبا
و
وهى بتتكلم يونس قاطعها مرة واحدة كعادته فرمى افعاله واقواله تلقائية
يونس: انا بحبك!
ماليكا بطلت كلام وبصتله مبرئة
يونس: والله بحبك ..ومش عارف يعنى ايه تسيبينى
وتمشى خلاص
وكان مجيتك لهنا كانت نجدة ليا
بحبك حب بحلاوة حبي لجنة
وبجمال اول مرة حسيته لاسراء
وبروعة تعلقى بيكى ...انتى ياملايكه
ملايكة الجنة ...جنتى ❤
ماليكا متنحه له حرفيا ،هى حاسه بكلمه الى نطقته كالعادة عيونه قبل م تسمعهم منه
كل حرف كان له معنى جواها
خايفه تكون هى كمان واقعه فنفس المشكله معاه ،ووقعت فغرامه من غير م تحس
ماليكا بعد كل الى حصلها بقت تخاف على كل احساس تحسه
لايكون مجرد احساس
او تعلق وخلاص
او وحدة
او فراغ
ولذلك قطعت كل هواجسها وهى بصاله كده ، وحبت تغير الموضوع
ماليكا: انت هتاخدنى ف دوكا ولا ايه
مش هتكملى حكايتك مع جنة واسراء
حتى عالاقل اعرف وصلت لايه مع جنة ...وعلى اساسه هى مش معاك دلوقت
وانك حبتنى
يونس ابتسم وهز راسه وبصلها تانى مبتسم
يونس: فاجئتينى انتى وغفلتينى انك وعمر اخوات ،وخبطيها فوشى خبط لزق كده
وكانت مفجأتى فحكايتكم بصراحه
وانا كمان كانت لسه مفجأتى فحكايتى مع جنة ...اننا اتجوزنا
ماليكا( رافعه حواجبها) ايه؟!
فلاااااااااش باااااااك
يونس: عمى ...انا بصراحه وعلى طول
من غير لخبطة فالكلام واقعد ابلعلك فريقى ،انا عاوز جنة ...تكون مراتى فحلال ربنا
ابو جنة بصصله متفاجئ
يونس: هى مفجأة عارف ، وكمان انت هتقول فنفسك انى مش جاهز
لكن باذن الله قريب هجيب لها كل حاجه
انا بدات افرش الاوضة
وكمان لما الدنيا تروق ،هاحر لها شقه من بابها
ونفرشها سوا
بس ارجوك متحرمنيش من انى اسمع موافقتك وموافقتها
ابو جنة بعد م سمعه وفكر دقايق
ابو جنة: يابنى انت متتعيبش ،وبما يرضى الله بقالك فترة معانا
الحتة كلها بتشهد باخلاقك وحسن ادبك
وانك خدوم
ومع الكل سداد
وانا عن نفسي اديهالك وانا مغمض عينى عشان انت راجل يا يونس
بس المهم عندى هى موافقه جنة
يونس بينه وبين نفسه خايف ،حاسس برفضها اكتر من قبولها
وعارف ان محدش هيضغط عليها
يونس: وانا مستنى ...
ابو جنة عرض على جنة الامر ،الى خلى ام جنة اول م سمعت كشرت ،قالت انه مش جاهز
ومش مستريح وخايفه على بنتها معاه تتعب
على عكس كلام ابوها الى مصمم انه راجل وصاحب مسؤليه ويقدر يفتح بيت ويقدر يحسن مستواه
وانها معاه مش هيخاف عليها ابدا
ومابين شد وجذب
جنة حسمت الامر الى سمعاه كله من اوله لاخره
جنة : هصلى استخارة الاول ،وابقى ارد عليك يابابا
وخدت اسبوع استخارة ،واسبوع تفكير
ومحدش بيضغط عليها خالص
يونس حاطط ايده على قلبه كانه على باب نتيجة ثانوية عامه ، لكن الاجابة كانت افضل مما توقع
جنة واخيرا
وافقت !
واشترطت أن يكون كتب كتاب على طول خوفا من فتنة نفسها بيه وهما لابسين دبل بس
لانها هى كمان بتعانى حلاوة حبه بس مخبيه
عن كل الناس ...حتى عنه وعن نفسها !
الشارع كله فرح لهم ، وكلهم بمحبتهم لجنة وليونس ساهموا فالجهاز بتاع العروسين
يونس قدر يوفر حق اوضة نوم على ادها ، وفيه الى اشترك مع غيرة وجاب كرسيين وكنبه
والى جاب مفارش ارض
والى جابت لها غساله ، وامها وباباها كانوا محوشبن مبلغ جابو تلاجه وبوتوجاز
والاوضتين بالمطبخ والحمام اتفرشوا ،مؤقتا على وعد انه هيجيب افضل
وابو جنة واثق فيه ..
والليلة الكبيرة جه اوانها
يوم كتب الكتاب ...الناس اقترحت يكون دخله بالمرة
مفيش داعى يستنوا ...وكان بها
كل ده وجنة منطقتش بحاجه معاه حتى وبتعامله بهدووء شديد هيفرسه رغم ان جواها عاوصف
قايمه على عشقه
ابو جنة عمل زى الاسلام م بيقول ، مغلاش فالمهر
فجاب يونس دبله وخاتم وباباها اعتبر شبكتهم هدية ،وانهم بيشتروا راجل وستر لبنتهم
اذا كان اداله بنته حته منه
هيكون شوية خشب ودهب اغلى !
الشارع اتفرش نشارة خشب وصوان ،والكل بيجامل بالاكل مشاركة مع ام جنة
والاجهزة للاغانى
وكل البنات حضروا ،حتى الى كانوا عينهم منه ههههه
فوق فبشقة ابو جنة كانت هيصة الستات
وتحت الشباب والرجاله ، كانت امورة جنة فطقم هادى روز بالخمار الابيض الى كانت لابساه
مكانش بمقدورهم تاجر فستان فرح لغلو السعر ،لكن يونس اشترالها الطقم ده وكانت حلوة فيه
وميكياج خفيف عملته ليها صاحبتها
عليت الميكروفونات فالجامع بكتب الكتاب ،ودقات القلب بتتسابق عند الاتنين
والفرحة مالية قلوب كل الى فالمكان مش بس العرسان
وبعد كتب الكتاب اشتغلت الهيصة والرقص عند البنات ،وتحت التهانى والفرحة
المرسومة عالوشوش والمجاملات
جنة بطبعها الهادى كانت بتسقف بس للى تقوم ترقص مع ابتسامه حلوة ، لكن متشاركش
كانوا اصحابها متغاظين منها انها مش هترقص ففرحة زى دى
العريس طلع عند العروسة يهيصوا له شوية ، والى تقوم ترقص والى تزغرد
وبعدين قوموها بالعافيه
مش عارفه ترقص وخايفه
مامتها كانت اشجع منها رقصت ومسكت ايدها ،وجه العريس من وسط الزحمة مسك ايدها
ودى احمرت ووشها جاب الوان
اتكسفت اوى
يونس بيشجعها ترقص وياه والبنات بيزوقوها ،من فرحتها وضحكتها الخلوة عملت حركتين
بايدها كده وخلاص وتهز كتافها
انما هو كان فرحته باينه عليه اكتر منها ..
خلصت الليلة ،ان الاوان العصفورة تدخل القفص
طلعوا لهم العشا
مع زغاريد عالسلم وزحمة ناس بتسلم عليهم
وطلعوهم وشربوهم اللبن العادة المصرية المعروفة
وهنوهم ومشيوا ، جنة بتكتك من الرعب بس مش مبينه
لكن عيونها فضحاها
يونس اخد باله وحب يشيل عنها الحرج
يونس: تاكلى ...انا واقع
قعد جمبها وجاب الاكل وسمى بالله ،كل م يقرب تبعد هى لورا عالكنبة
يونس: ايه هو احنا فسبق ،متقلقيش بقى
جنة: لاعادى مش قلقانه
يونس: ( بياكل) الله ...دوقى كده تسلم ايد ام عبدالرحمن
جنة بصاله وبتتهز من التوتر
يونس:طب غيرى حتى ياحبيبتى
جنة : لا انا كدة كويسة
يونس ساب الاكل الى فايده وبصلها
يونس: هو انتى حد غصبك صح ،انتى مكنتيش عايزانى
مش كدة؟
جنة : لا انا وافقت عليك
يونس( بعيون فيها رجاء) اومال مالك ،لسه قافشه منى ليه وبتتعاملى كده
والله انا واحد غلبان وحبك
خدتيه من ايده كده ( مسك ايدها) وودتيه لبر الامان
عرفتيه يعنى ايه دنيا نضيفه
عيونها ابتدت تبتسم وابتدت تهدا
يونس: وعاوزك وشاريكى وبحبك وبحب الى جابوكى
جنة: الى جابونى يايونس
يونس: يالاهوى ع كلمة يونس ...قوليها تانى
جنة( مبتسمه) يونس
يونس: الله ،بادين النبي
انا اسمى حلو كده ولامحلياه شفايفك
جنة: انت بتحب تستعبط على فكرة ( قايمه من جنبه تهرب)
يونس: رايحه فين ،ودينى م انتى ماشية الا لما اتاكد
جنة: من ايه ؟
يونس: هى شفايفك عليهم سكر يطلع الكلام حلو كده
فغفله خطف بوسة وهى لا ارادى ضربته بالقلم!
يونس: تضربي جوزك ! هو ده الى قال عليه الدين
عمل نفسه زعلان وقعد ،قعدت جمبه فعلا مكسوفه من الى عملته
جنة: يونس ...بص مش قصدى
انا اسفه
اصل
يونس: اصل ايه
جنة: انت عملت كده بصراحه ،مش مؤدب
يونس قام وشالها مرة واحدة
يونس: طب ماهو ده صحيح انا مشوفتش ريحة التربية !!!
}}}قبل الاخيرة }}}}}
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
" طلبت تقابلنى ليه ياعصام ؟"
عصام: اقعدى يا ماليكا ،فيه كلام كتير عاوز اقولهولك
قعدت ماليكا قدامه فالتربيزة الى حجزها لمقابلتها فكافيه شيك ..
عصام: ماليكا ،انا عارف انك دلوقتى بتبصيلى بصة احتقار
انى بمجرد م اثبتوا انك مدانه و انا طلقتك وقتها ومسمعتكيش
واتخليت عنك
شايفانى شخص ندل وندمانه على كل وقت قربتى فيه منه
وكنتى بتشيلى اسمه
يمكن كمان تكونى ندمانه ان هنا حاجه موجودة بتجمعك بيا لحد الموت
وبتفضل بينا رابط ...
انا عارف كل ده ومقدره
وحقك تبقى كرهانى دلوقتى ومش طايقه الوقت الى بيعدى وانا قدامك
بس انا اتصلت وطلبت اقابلك لسبب مهم
ماليكا ( بخنقه) خير ياعصام ؟
عصام: انا بعتذرلك بحق الايام الى قعدتيها فالسجن مكان امى !
وبحق كل وقت مر عليكى وحدك ومحدش واقف فيه جمبك
بس انا والله معذور
المفروض انك اعترفتى بانك قتلتى ابويا
وده ابويا ياماليكا ...فاهمة يعنى ايه
فاهمة يعنى ايه توحسى صورته قدام المحكمة وتقولى انه كان بيبصلك وكان عينه
منك وعاوزك تسيبينى وبيحبك!
شخص زيي يستحمل ده ازاى
زائد نكبتى الكبيرة لما عرفت بموضوع برشام المهدئ الى بيخليكى تهلوسى
كل ده حاصل وانا معرفش عنه حاجه
وانا جوزك ،الى المفروض يكون معاه سرك
ماليكا: من نهاية الموضوع ياعصام عشان ابتديت اتضايق ، انا لما بفتكر اى حاجه من الى فات
وخصوصا حادثه ابوك
وظلمى وحبسى ٣ سنين
زائد انى كنت واحدة منتظرة الموت وكل يوم بتموت فعلا اكتر من الى قبله مستنيه
وامك برة بتاكل وتشرب
وبتنام وكويسه
ولا كانها عملت حاجه
لما بقى كل ده ييجى فبالك ، بقرف وببقى عاوزة امسح دماغى باستيكة
عاوزة تجينى غيبوبة انساه وانسى تفاصيله
متجيش انت دلوقت تفكرنى بكل الأرف ده
لاخر مرة ...عاوز ايه يا عصام؟
عصام متضايق وكلامها موجع اكتر من موقفه دلوقت
عصام( بتوسل ) انتى خلاص كرهتينى ياماليكا؟
ماليكا: انت عاوزنى اكن لك انهى مشاعر ياعصام واجبها منين ؟
اكرهك ولا احبك
انت مبتحتلش اى شعور فيهم لانك برة دماغى
جاى ليه دلوقت ياعصام عشان هقوم امشى بجد
عصام: انا دنيتى فضيت ياماليكا ، وبقيت وحدى
حتى هنا هتاخديها
انا بتوسلك لو ...
ماليكا: متقولش نرجع عشان ماخدش بعضى دلوقتى وامشى
عصام( برجاء) فيوم كان بينا مشاعر ياماليكا وعشرة
ماليكا: ومعملتش حسابها المشاعر دى ليه فالمحكمة وانت بتذلنى
وانت بتعاقبنى بغياب بنتى عنى وبعدها
وانت بتبهدلنى فكل مرة بقرب فيها لهنا
انل من يوم خروجى من السجن وانا وحدى ...كنت حسيت بيا؟
كنت اصلا فكرت فحالى
ودلوثت عاوزنا نرجع لان دنيتك فضيت عليك
لانك بقيت وحدك
يااخى ايه الانانية والسلبية دى ...
بنرفزة ثامت وخدت شنطة ايدها
ماليكا: انا ماشية ...
#بقلمى_لنوراسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
عمر ...ومامته
واخته وايمان بنتها ،عند منة كلهم
جابين لاجمل مناسية تحىى روح عمر من تانى
وترجع قلبه للدنيا
وتحقق حلم منة الى بقاله سنين ...
اتقدم عمر وطلب ايدها ، كان خايف لحسن مش يقبلوه بسبب اعاقه رجله
لكن اهل منة كانوا ناس بتقدر وفاهمة انه ميتعاقبش
على حاجه ربنا كتبها عليه ومحدش بعيد عن قدره والى مكتوب له.
فحوار بسيط فهمهم ظروفه وفى استطاعته ايه يعمله عشان منة
اما عن الجو العام كان ظريف ولذيذ وخفيف عالقلب اوى ...
منة بابسط حاجه ،موافقتها كانت مرسومة على وشها
هى شخص عاوز حد بيحبه وشاريه بكل ظروفه
اى ان كانت
المهم
اتفقوا ،وكان فيه قبول من الطرفين
واتقرت الفاتحه
وقريب هيكتبوا الكتاب ويعلوا الجواب عشان بعدها يدخلوا العش السعيد ...
وبقوا مخطوبين رسمى ،والفرخة دخلت قلوبهم رسمى
مش جوازة تقليديه
جوازة اتفق عليها العقل والقلب !!
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
اما عن دينا
فمامت ماليكا كانت عازماها عندها عالغدا ،تشكرها على كل حاجه عملتها مع ماليكا
وقفتها جمبها فعز م الكل سابها
حبها ووافائها ليها ويمكن تعويضها فقدان توأمتها الى حد ما
وكمان عشان اثبات براءتها ،ومحاربتها فرحوع هنا لحضنها وحقها من تانى ..
دينا قبلت الدعوة بترحاب وكانت مبسوطه بجو اسرى مابينهم كلهم فيوم اجازة
ليها
ولمعاوية
عشان الجمع يتجمع كله مرة واحدة ...
دينا: تسلم ايدك ياطنط ،اجمل محشى وبط ممكن اكلهم فحياتى هما عندك
ام ماليكا : ياحبيبتى عشان انتى بس بنوتة زى السكر
دينا : ياطنط ربنا يخليكى
معاوية : لا بجد يا دينا ،انتى بعد كل حاجه عملتيها مع ماليكا
اثبتتى ان فيه ناس
تستحق تضاف على قيد العيله حتى لو مكانوش منها
دينا( بابتسامه) غلاوتكم عندى كبيرة يامعاوية وربنا العالم ،وماليكا بالذات مش صاحبتى
دى اختى
ام ماليكا: عارفين يابنتى والله
ربنا يديم حبكم لبعض
كملوا دردشة لطيفه ،وخلصوا اكل وشالت الام الاطباق ودينا
ساعدتها
وبعد كده عملوا الشاى ،فحب تشربوه دينا فالبلكونة عشان المنظر الحلو الى بتطل عليه
النيل !
جه معاوية من جوة ماسك المج بتاعه ووقف جمبها
معاوية : عملتوا ايه فقضية هنا ؟
دينا: مش هتاخد وقت وهتبقى معاها ،متقلقش انا مش ساكته
معاوية : طيب حاولى بقى تقنعيها انها ترجع تعيش هنا هى وبنتها
وبلاش طنطا
دينا: هى مجروحه منكم يامعاوية
معاوية: طب م انتى عارفه يادينا انها فكل مرة بتغلط ونسامحها بتغلط بعده غلط اكبر
ماليكا كانت لازم تتحمل نتايج اخطائها
دينا: بس مش بالطريقة دى يا معاوية ،كنتوا قاسيين اوى عليها
وهى عمرها م هتنسى ولاتسامح فالى حصل ده
معاوية سكت وسرح وبص قدامه
دينا: ان شاء الله مسير الايام تداوى الى مابينكم وترجعوا احسن من الاول
معاوية: يارب
دينا: عرفت ان عمر خطب !
قالتها بابتسامه وانبساط ليهم ،خلت معاوية ينبسط على انباسطها
معاوية: والله! مين
دينا: منة زميلته فالمكتب ،الاتنين عاملين زى العصافير
الله اكبر عليهم
معاوية: كويس ،هى كان لازماله الخطوة دة
ومن زمان كمان
ربنا يتمم له ع خير يارب
دينا: يارب ،عقبالك
يلا حصله انت كمان خلى طنط تستريح بقى شوية هههههه
معاوية( مبتسم) طيب م هو انا ناوة ان شاء الله ،وبقالى فترة
كان باصص لها بطريقه جديدة عليها هى حست فيها تلميح لحاجه
دينا: ربنا يوفقك للخير الى تستحقه
معاوية : طالما دعيتى الدعوة دى ييقى هيوفقنى لان هى فعلا خير وتستاهل كل خير
لكن بدعى ربنا اكون استحقها
لانى شايفها انها كتيرة على اى حد
دينا الشك بدأ يزيد عندها وده خلاها تسكت وهى مبتسمه زى م هى ومكمله شرب الشاى
معاوية: مش هتقولى امين
دينا بصاله بابتسامه مشرقه وحلوة اوى
دينا: امين ...
#بقلمى_لنورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
ماسك صوابعها بيلعب فيهم وهو بيتكلم ...
يونس: انا مبسوط انك رفضتى عرض عصام
ماليكا: هو كان فيه شك للقبول ! لا طبعا
يونس: بس تعرفى صعب عليا ، يعنى فجاة دنيته فضيت فعلا ومش عارف ازاى
يعيش
ولايبتدى منين
ماليكا: ياسيدى الرجاله مش بتضيع وقت ،يروح يتجوز
ويخلف عادى
الى مبيعرفش ينسى وبيموت هو احنا يا ستات
لكن انتو
فظرف ايام جرحكم يتبدل ويتحط عليه وردة وتبقوا زى الفل
وعندكم استطاعه انكم تحبوا تانى وتالت
وتفتحوا قلوبكم تانى وتالت
وعصام مش هيغلب يعنى ، زى عمر م خطب منه كده
وزيك
يونس: زيي ازاى؟
ماليكا: المفروض انك طول م بتحكيلى عن قصتك مع اسراء فالاول
كنت بحس بانها قصة رائعه وتحففه ومحصلتش
وبعدين الايقاع وقع
وفكيتك منها وعنيك زاغت على غيرها
وحبيت جنة! مقولتش حاجه ممكن يكون اسراء مش حب
حقيقى
وفعلا جنة حقيقى
كل حرف وانت بتتكلم عن حبك ليها
وعن علاقتكم سوا
كان بيهزنى من اول شعر راسى فوق لاخر جزء فيا
وبعدين فجاة القصة مكملتش معرفش ايه السبب
وتقولى انك بتحبنى ...شوفت ازاى انتوا بتنسوا
وجرحكم بيلم بسرعة!
يونس: متحكميش كده وخلاص ، وتتسرعى امجرد استنتاجات فدماغك وبس
اسراء انا كنت فاكر انى بحبها
ومتعلق بيها
لما بقيت اكتشف انانيتها
وحبها لنفسها
واساليبها المؤرفه
بدا قلبي يبعد عنها ،ومكنتش شوفت جنة اصلا
ولما شوفت جنة
اتخطفت خطفه عمرى م حسيتها
خطفة صدفه ممكن تحصل مرة واحدة فحياتك !
وعشقت النفس الى بتتنفسه جنة مش حبيت بس
وفعلا بقول وبفخر انا حبيت جنة بقلبي وبعقلى وبكل مافيا
ماليكا: اومال هى فين ؟ ...وحبتنى انا ازاى
اذا كان بطريقتك دى تقول ان جنة اخدت كل حاجه ومش فاضل عندك حاجه تديها لحد
يونس دور وشه الناحية التانيه بحزن شايفاه ماليكا
فلاااااااش باااااااك
ايديه الاتنين بتتمشى على ضهرها وهى واقفه تلبس مخدات السرير مفارشها وحامل وبطنها عاليه شوية
لانها فشهورها الى فالنص
جنة: ( مبتسمه) عاوز ايه ،سيبنى اخلص الى ورايا
يونس ( بيتنفس فشعرها) وحشتينى
جنة: بطل دلع طيب ومتعطلنيش
يونس دورها له وشال من ايدها الى بتعمله ورماه
جنة: يووووه ينفع كده ،سيبنى اخلص ورايا حجات كتير
يونس ( مقرب مناخيره على مناخيرها وبيتكلم) بحبك
جنة( ارتيكت خالص زى م تكون اول مرة) انت ...انت بتحب تدلع وانا مش رايقالك
فكت ايده من حوالين وسطها ومشيت مسكها من دراعها
يونس( مبتسم) هتبقى ام ابنى ،ولسه بتتكسفى منى
جنة بصاله بحب
يونس( ضمها له تانى بس ضمه حنان) بموت فيكى ياجنتى
جنة ( فحضنه) انت الى جنتى وحبيبى وحياتى ...( رفعت وشها له) يا الى حليت حياتى
ربنا م يحرمنى منك يارب
يونس بيبوسها على دماغها
يونس: بحب ربنا اوى الى خلاكى تحبينى كده ،رغم كرهك ليا فالاول
جنة: انا عمرى م كرهتك ،انا بس كنت مستغليه جسمك ع نار جهنم
كنت عاوزاك تروح لربنا نضيف
انا كنت بدعيلك كتير فصلاتى ربنا يثبتك فالتوبه
من غير م تعرف ولاحتى تفتكر انك فدماغى او بتشغلها
ربنا سامحك يايونس وحبب فيك خلقه ،هكون انا ايه عشان مسامحكش
ربنا قبل توبتك
وبعدها انا قبلتك فقلبي بالرتبة الاولى والاخيره
يونس كان بيسمعها ومنسجم اوى ،كلامها مفرح قلبه
عبر بده ببوسة رقيقه فكف ايدها من جوه
يونس: ورينى هتعملى ايه ؟ خلينى اساعدك
جنة: مش مستاهل ،انزل انت شوف وراك ايه
يونس: لاطبعا مستاهل ، انتى تعبانه من الحمل والبيت
وكمان شغلك
كتر خيرك
ورينى اساعدك ف ايه
جنة بصاله بحب ،جريت عليه واترمت فحضنه بعفويه وباست صدره على اد م طالت
وهو حضنها اوى
فرحانه انه بيحس بيها وبتعبها ،رغم انه هو كمان بيشتغل وتعبان وشقيان
لكن مش بيحب ابدا يشوفها تعبانه
ساعدها بالنص فالى وراها من شغل ،وهما بيتبادلوا كل الكلام الى يفرح القلب
ويهون عالواحد
ويحسسهم ان بينهم حياه ...وعيشة..وفكر مشترك ..
وبعدها بيومين ...
جنة طالعة من شغلها ، وماشية بالراحه
وقفتها اسراء !
اسراء: ازيك ياجنة
جنة بتبصلها متعرفهاش
اسراء: انتى متعرفنيش ،بس انا اعرفك
اصل هو حكالى عنك
جنة: هو مين
اسراء: يونس...جوزك
جنة متلخبطه ومش فاهمة حاجه ،مين دى؟
اسراء: انا عارفه انك مش فاهمة حاجه وبتسالى نفسك مين دى
وعاوزة ايه
انا حفهمك كل حاجه
ممكن تيجى معايا بس نتكلم فحتة
جنة: انا معرفكيش ...ثم انى مبروحش حتة من غير م استأذن جوزى الاول
وانا مبروحش حتت
انا من شغلى لبيتى
اسراء: ربع ساعة ،مش هعطلك كتير
انا بس هفطمك على حجات يمكن انتى متعرفيهاش
ويمكن لما تعرفيها
تفتح عينك عن حجات انتى غفلانه عنها
او مثلا...يونس بيستغفلك فيها
جنة سمعت كلمته ف ان يونس بيستغفلها ،زائد كلمة يونس حكالى عنك
والنار اشتعلت جواها
ست وبتغير ومن حقها
حتى لو مليون كانت عاقله وبتفكر باتزان
جنة.: انتى عاوزة ايه ؟
اسراء: ربع ساعة بس ،مش هأخرك كتير
بش صدقينى
المشوار ده مهم عشانك اوى
وهيفتح عينك المغمضة دى
جنة استفزها حدثها تفهم فيه ايه ،فعلا استأذنت يونس انها رايحه
تشترى شوية حجات للبيت وراجعه
كانت اول مرة تكدب عليه
بس كل ده بسبب الشيطان اسراء هى الى وزتها تقول كده
راحت بيها لمكان يقعدوا فسه،على طريق سريع
زى كافيه ترانزيت كده للناس الى عالطريق
بعيد عن منطقتهم بشوية،والمهم ان اشراء ابتدت تبخ سمها
ل جنة
اسراء بتطلع ورقة جوازهم العرفى
جنة: ايه دى
اسراء: اقريها
جنة مسكتها وقرتها ، دى ورقة جواز عرفى مابينهم !
عيونها وسعت اوى واتخضت
اسراء: انتى ازاى مش فاكرانى،انا الى سرقت المحل معاه
وساعتها شافك هناك وعمل شويتين الدراما دول عليكى
انا كنت معاه فكل حاجه ،وكنا بنقسم بينا كل حاجه
يونس كان معايا بحب يوصل لدرجة متتخيلهاش
واتمنى كتير نتجوز
بس انا مكنتش مستعده للخطوة دى
جنة: ايه الهبل الى بتقوليه ده ، انا مالى بكل ده
بصى يا انسة
مدام قبلى ماليش احاسبه على اى حاجه ،هو حر
لكن بعد م دخلت حياته بساعة هو مسؤل قدامى
اسراء: بس بس متاخديش فنفسك مقلب
يونس لسه ع علاقه بيا لحد دلوقتي
اومال بقولك حكالى عنك ازاى
جنة :انتى كظابة ،وبنى ادمه مش محترمه
يونس جوزى لسه بشم منه ريحة النضافه وانا جوه حضنه
يستحيل هينقض عهده مع ربنا عشان واحدة زيك
قامت جنة بسرعة نمشى ،قامت وراها اسراء زى المجنونة
ومسكتها جامد من دراعها
اسراء: انتى لو فاكرة انك خلاص اخدتيه منى تبقى غلطانه
وهو لو فاكر انى فحياته دورى انتهى يبقى حمار
عمرى م هسيبكم تتهوا و انا قاعدة كده
جنة: انتى مجنونة ...اوعى
اسراء: استنى هنا
اسراء ماسكه دراعات جنة بعنف وجنة بتتخلص منها عشان تمشى ،بحركة مجنونة
وكان عقلها طار فاللحظة دى
رمت اسراء جنة قدام عربية كبيرة من بتاعت نقل البضايع دى كانت جاية سريعه
وبالفعل جنة وقعت وجت العربية دهستها!!
الناس هتبتدى تاخد بالها وتصرخ ،كانت اسراء وقفت تاكسى بسرعة
_____
ماليكا( بصرخه وصوت عالى متفاجئ ) جنة ماتت !!! جنة وابنك
موتتهم اسراء؟
يلاهوى
يخربيت شرها
يخربيتها
يونس كانت دموعه سابقه الكلام وجريانها كتير خلتها محفورة على وشه
ماليكا: وانت عرفت منين الى حصل
طب الشرطة قبضت عليها ولا ايه
طيب جيت طنطا ليه تستخبي ،هو انت موتت اسراء؟
ومستخبي هنا
ولا ايه رد عليا
يونس باصصلها بجرح عميق اوى ،وهيكمل كلامه
فلااااااااش باااااااك
يونس: دى مرجعتش ياعمى والساعة ١١
وموبايلها مقفول
انا قلقان
ابو جنة: تعالى يابنى نروح السوق الى جمب المشغل ،ولا نسال اصحابها عليها جايز معاهم
ام جنة: يارب جيب العواقب سليمه يارب
خرجوا يدوروا ع جنة ،كانت جت الاسعاف من بدرى وشالو جثتها ونضفوا الطريق من الدم
ومفيش اى حاجه معاها تثبت هى مين غير بطاقتها
الموبايل لما وقعت واتدهست اتكسر ومش عليه بيانات لحد
يعرفوا يوصلوا له
المكان الى ماتت فيه جنة صعب هما يوصلوا له ، دوروا مش لاقينها ايدا
ولاحتى مع اصحابها
ولافحتة اما كان برج فدماغهم هيطير
لحد الصبح يونس وابوها وامها صاحيين ،النوم طاير من عنيهم
ومش عارفين يناموا
مش متطمنين وخايفين
لحد م رن موبايل يونس الصبح ، برقم اسراء!
يونس: انتى عاوزة ايه م تسيبنى فحالى دلوقتى
اسراء: انت بتدور ع جنة؟
يونس اتعدل واهتم
يونس: تعرفيها فين؟ هى معاكى
اسراء: هقولك هى فين ،تعالى ع عنوان هبعتهولك مسج
مسافه الطريق تكون هناك وتعالى خدها
يونس: وليه ده كله يعنى
اسراء: فى حساب لازم يتصفى يايونس ،تعالى نتقابل وبعدين خدها
هى هناك
يونس مكدبش خبر وقام لبس يروح العنوان الى ميعرفوش ده
ولاحتى البلد
طنطا!!
راح وبعد تعب وصل ،استقبلته اسراء وفتحت له الباب
يونس: فين جنة ؟
اسراء: استنى بس خد نفسك ،مش قولتلك فى تصفيه حساب الاول
يونس: خفى ام الهرى ده ،انا عاوز مراتى
اسراء: ياسللم ! مش قادر على بعدها
لكن قدرت على بعدى
قدؤت على جرحى
قدرت تسيبنى فنص الطريق ضايعه،مش عارفه اكمل اى حاجه
ولا عارفه اعيش زى م كنت
جيتلك وبقولك ادمنتك
رمتنى بطول دراعك كانى كنت جزمة فيوم فرجلك وقلعتها
انت ايه يااخى
يونس مسك اسراء من شعرها بنفاذ صبر جامد وبغل
يونس: انتى لو مقولتيش فين جنة كمان دقيقتين ،هكسر ام دماغك دى
اسراء ( بتزوقه) اوعى! وكمان بتتشطر عليا
يعنى بتتشطر عليا زمان ودلوقت
يونس: انا مضحكتش عليكى
اسراء: لا ضحكت ،قولتلى انك بتحبنى وعاوز تتجوزنى
ولمستنى وخلتنى كلى ادمنك ومعرفش اتصرف فنفسى كانى مفتاحى معاك
وفجأة سيبتنى
يونس: انا مسبتكيش فجاة ،انا قولتلك
اسراء: كأنك بتعلمنى مش كده ،تحصيل حاصل
انا حاجه اى كلام فحياتك
شوفت الهانم ووقعت فحبها وانت بتوهمنى انك بتحبنى انا
عاوز تسيبنى تايهه وضايعه عشان تمثل عليها هى دور الشيخ
وكانك مش ادمان ليا ولك اعراض انسحاب بتقطعنى
يونس( مسكها تانى من شعرها بعصبيه) انتى عاوزة ايييه ،فهمينى عاوزة ايه
بدأ يلطش فيها اقلام ع وشها وراسها ورا بعض
ووقعها عالارض ،قامت خربشته بضوافرها فوشه وهى ناطه عليه زى الحيوان المفترس
وقعها تانى وكان بيضربها برجله اوى
يونس: انطقى هخلص عليكى،مراتى فين يابنت الكلب
اسراء: مراتك الى ضحكت عليها وعلياااا
ازاى كنت قادر تخدعنى
كنت ازلى تلعب اللعبة دى
قولى اازاااى كنت بتحي اتنين وبتوعد اتنين وعاوز تتجوز اتنين
( مسكت شنطتها وحطت ايدها فيها وطلعتها ماسكه سكينه وهى اصلا لابسه جونتى ففردة يمين بس)
اسراء: قولى اازااى
وجت جرى عليه فغفله منه مش متوقعها ،وضربته ضربة فنص صدره
مرة واحدة !!!
ووقفت بعيد
اسراء: دوق يعنى ايه جرح ،دووووق
يونس واقف مسبهل لجرحه وبيبص له وبيبص لها ،ووقع مرة واحدة عالارض
جريت عليه وخدته فحضنها وبعياط ودموع كانن نازله ع وشه هو الى مغمض عنبه
ومفارق خلاص الحياه
اسراء: قوم يايونس، يونس انا كنت عاوزة اعرفك انى بحبك اكتر منها
يونس قوم يايونس
يونس قوووووم ( بتعيط وبتبوس فايده)
قوووم عشان خاطرى
_____
ماليكا بتسمعله وعيونه جا مبرئه ،جسمها بدأ يرتعش وقلبها بيدأ بنفضه
لسعه برد مسكتها كلها
كان صوت عواصف مخيف جمب ودنها شغال بصوت مرعب
ويونس واقف قصادها ،بدأت دايره الدم تظهر فنص صدره
والدم ينزل منها
ماليكا ( بذهول ) انت ازااااى ميت ! انت ميت زى كل الارواح الى شوفتها؟
يعنى ايه
انت روح يايونس ( بتعيط ) انت ميت
جرى عليها وجريت عليه حضنها وحضنته اوووى
ماليكا: بس ازاى وانا لامساك كده؟
ازاى وانا حضنتك
ازاى وانت خرجت معايا
ازاى وانت كنت بتحرك معايا حجات بيتى !!
انا هتجنن
يونس: فاكرة اما كنت بقولك ان روحك من روحى ،وانى كانى كنت معاكى من زمان
بس سيبتك فترة
ورجعنا
ولما كنتى هتمشى قولتلك عاوزة تسيبنى تانى
ولما قولتلك ان روحك من روحى
ماليكا: طبعا فاكرة ،فاكرة كل حاجه
يونس: انا مكنتش بكدب ياماليكا ، انا فعلا بقصد كل حرف من دول
وانى بجد بحبك
وبالذات لما كنت بقولك انك شبه جنة
وسميتك ملايكة الجنة !
ماليكا مرة واحدة حست برعشه فجسمعا واطرافها وفيها كلها كانها هترجع
او هتولد
فيها حاجه فيها هتطلع
ومرة واحدة كان كان جواها حاجه واتاخدت ،خرجت منها روح جنة ووقفت معاهم!
ماليكا: مين دى ! وكانت سكنانى
يونس مدمع وباصص لجنة الى بصاله وساكته
يونس: دى جنة ،كانت بتسكن روحك طول م انتى هنا قدامى
وكنت بشوفها فيكى
وحبيتك زى م حبتها عشان انتو الاتنين واحد
ملايكة الجنة
ماليكا : لا انا اكيد مش صاحية ،انت روح يايونس
وعاوزنى اخدلك حقك برصو ؟
من اسراء
يونس: حقى انا مش عاوزة ، انا عاوز افضل وياكى
لو جبتى حقى هرتاح وامشى
وانا مرتاح كده
اما بالنسبة لسؤالك انك حضنتينى ولمستنى ،فالى كانت بتحصن وتلمس هى جنة الى جواكى
عشان روح زيي
حتى لما كنتى مش شايفه جرح موتى
دى عيون جنة
الى عمرها م شافتنى مقتول ولاعاوزة تشوفنى كده
ماليكا: حركت معايا الحجات،وجيت معايا اسيوط
يونس: ماليكا انتى فيكى قوة كبيرة ،بس مستهترة بنفسك
واظن انا قولتلك كده كتير
انتى كنت بتحركى الحجات وحدك وشايفانى قدامك عشان عاوزة كده
بس انا كنت واقف لانى مقدرش اعمل كده
ولاعمرى حركت
ولا اكلت
ولاشربت
انتى كنتى بتصنعى عالم بينى وبينك وانا كنت شايف ده وحاسس
ان روح جنة الى جواكى
هى الى شايفه اننا لسه زى زمان
ولما سافرتى ،روحى لازمت روحك
لكن محدش شافها غيرك
ماليكا: وانت خلاص هتبقى مع جنة ؟ وهتسيبنى
بعد ...
بعد م حبيتك
جنة دخلت فيها تانى وحست بالرعشة والرحفه والخوف ،حضنها يونس قبل م توقع
ماليكا: ايشمعنا جنة الى سكنتنى روحها!
يونس: جنة سكنتك عشانى ،عاوزة حقها
لكن عاوزانى
ولو جه حقها هتسيبنى
وانا عاوز افضل هنا
ماليكا : هتفضل معايا ؟ طب ازاى
وانا بنى ادم وانت روح!
انا حاسة انى مش عايشة وانى بيتهيألى ! وانى فغيبوبة وبشوف كل الحجات دى من بعيد
يونس: لا كل ده بجد ياماليكا وحقيقي
وانا بحبك
بحبك اوى يا ملايكة
ماليكا : هو ليه بيحصل كده يايونس ( بتعيط)
ليه
يونس: بيحصل ايه يا حبيبتى
ماليكا: ليه احنا عايشين وروخنا بتتسحب مننا
ومش عارفين ايه عملناه غلط عشان الى بيحصل لنا ده
انك تكون قدام الناس واحد ومتقسم لتلاته
( دموعها نازله وبيمسحها ليها يونس)
قلبك مع واحد ...وجسمك كان لواحد
....وروحك اتوهبت لواحد تانى خالص!
حضنوا بعض هما الاتنين بقلة حيله،جاتها فكرة. رفعت وشها له مرة واحدة
ماليكا يونس ..انا لاول مرة هقرر قرار يفرق فحياتى كلها
انا مش عايزة من كل حياتى غيرك
يونس: هتعملى ايه ( بخضه)
قامت وجابت سكينه من المطبخ ورجعتله
ماليكا: اختارتك انت يايونس
وهتفضل روحى متعلقه بروحك للابد
يونس: هتعملى ايه يا مجنونه، وبنتك؟
ماليكا: هتعيش مع اهلى
يونس: وحياتك
ماليكا: حياتى معاك ...انا بحبك يايونس
يونس: انتى كده هتخسرى كل حاجه
ماليكا: بس هكسبك انت للابد ...
اتماسكت وغمضت عيونها،وبكل قوة وثرار ناف مفيهوش رجوع
قطعت شاريينها!!!
نفر الدم منها ،ووقعت هزلانه عالارض مرة واحدة ،وضمها عليه فحضنه
وعيونها غمضت للابد ..
}}}الاخيرة }}}}}
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
كانت صدمة !
لما اتصلوا بيها كتير ومعرفتش ترد ،لانها ماتت !
وجم على ملا وشهم جرى لطنطا لاقوها واقعه عالارض والدم الى نزفاه حواليها وميته .
ماليكا ماتت ، غمضت عيونها للابد بعد كل الى شافته فحياتها
سابت بنتها
واهلها
وحياتها
وصاحبتها ،،.. واختارت يونس..!
اتقام العزا لتالت مرة فنفس البيت ،بعد موت الاب وخديجة ثم ماليكا تباعاً.
محدش كان عنده اى تفسير ،هى ليه انتحرت؟
بعد م خلاص كل حاجه اتحلت
وبنتها رجعت لها
وبانت برائتها
حتى الى غلطوا فحقها طلبوا السماح ، لكن ليه عملت كده ؟
فعزاها دموع دينا كانت نازله على خدودها ،وجوه عقلها ماشى استفهام
هى انتحرت بسبب الارواح ؟
ولا فيه روح اذتها
وفين يونس الى حكتلها عنه ؟ لما سالوا البواب قال ان الشقه مهجورة من سنين ومحدش فيها
دينا الشك هيموتها
ليه صاحبة عمرها الى كانت شفا حفرة الموت وربنا نجاها عملت كده فنفسها
بعد م خلاص كل حاجه اتحلت ..
دى حتى مفكرتش فيها وقت م ماتت توأمتها
ولا وقت م انفصلت عن حب عمرها
ولاحتى وهى فالسجن بتدوق ظلم حاجه معملتهاش ...ايه السبب انها تختار الموت .
يمكن كتر التفكير قرب يقودها للجنون
اما عن عصام ،بعد م سمع بوفاة ماليكا
قرر يرجع هنا لاهل والدتها من غير محاكم ولاقضايا ،،ويسافر!
يسافر ويبعد برة مصر
برة بلد شافت خيبته وفقد اماله
قرر يبتدى حياه جديدة فبلد ميعرفش فيها حد ولاحد عارف عنه حاجه ...
يمكن كمان تحوز على اعجابه اى بنت او ست بسرعة زى ماهو بيقيس مشاعره بسرعة
وبتروح لاى حد بسرعه
ومبيبقاش عارف هل هو ده حب ولاتعلق ولانزوة ولا مسكن لاوجاعه
المهم انه يرمى نفسه فحضن اى واحدة والسلام!
اما عن عمر ...
فكانت بالنسبة له اشبه بنزول سيل مطر على دماغه مرة واحدة لماسمع الخبر ..
اجل فرحه وكل حاجه ،برضو هى كانت فيوم على ذمته شرعى
وكانت ساكنة قلبه سنين طويله
واتحط فالاعتبار ،انها اخته !
يبقى كل الصلات ويعمل فرح له
ماليكا بانانيتها ،خيمت الحزن عليهم كلهم وعلى بنتها الى انكتب تعيش يتيمه ام واب
كانت زى م كل مرة يوصفها معاوية
طول الوقت بتفكر بتسرع وعفوية واستهتار ،وتطلغ من غلط لغلط اكبر
هى فاكرة ان بانتحارها هتبقى مع يونس
لكن بانتحارها ،روحها فحتة
وروح يونس فحته تانيه خالص
لكن عمى حبها فصل عقلها عن التفكير ومبقتش شايفه قدامها حاجه خالص
وللابد ..
#بقلمى_لنورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
"اه هى لازم تتحول لمصحه وضرورى "
جوز اسراء: ليه يا دكتور ،هو حالتها سيئة للدرجة دى
الدكتور : سيئة! انا اسف حضرتك ،دى حالتها ميئوس منها
دى بتتكلم مع ناس وكانهم فعلا قصادها
وتزعق وتعيط بهسيتريا
جوزها: ايوة ،زى م انا وضحت لحضرتك
صدقتنى
الدكتور : انا شوفت ،دى مفصولة خالص عن عالمنا
والى عرفنته كمان من متابعتها المستمرة والدوريات الى كنت بعملها فجلساتة
وقت م كنت اسيبها شوية لوحدها
الكاميرات اظهرت انها كل مرة بتجسد مشهد غريب
ان حد مات قدامها
وبتعيط
او مثلا حد بيستنجد بيها
ودايما مفيش على لسانها غير اسم واحد
حتى غالبا بتغلط ف اسم حضرتك
وتقوله
جوزها:( بروح تعبانه) يونس...عارف
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
جوز اسراء ،قرر يبعد عن المصحات والدكاترة النفسيين
ويحاول هو معاها بطريقته
فكر كتير بذكاء ،وفالاخر وصل لحل
اسراء: انت عاوز ايه منى
جوزها: بصى ياحبيبتى ،مش عاوز حاجه
انا بس كنت عاوز اخدك فحضنى
اسراء بانفعال
اسراء: انا مش عاوزة حضن من حد
قايمه ماشية
جوزها: حتى لو قولتلك انى هجيبلك يونس
لفت اسراء ووشها فرحان وبعدين رجعت ركزت وكشرت تانى
اسراء: يونس مين ؟ انا معرفش حد بالاسم ده
جوزها: ازاى متعرفيهوش،انتى مالكيش سيرة غيره
ده حتى هو كمان مالوش سيرة غيرك
اسراء( باندفاع من غير م تحسب كلامها) سيرة ازاى وهو اصلا ميت !
جوزها فضل باصص لها
اسراء: بتبص لى ليه
جوزها: لا عادى مانا عارف انه ميت
اسراء: اومال ازاى بتقول انه بيجيب سيرتى
جوزها: انتى قولتيلى
اسراء: انت هتجننى ؟ انا مقولتش حاجه
جوزها: لا قولتى ،للدكتور فالجلسه
وهو قالى
انك بتشوفيه وبتتكلمى معاه
اسراء: ايوة ولسه بيحبنى وفضل يحبنى لحد م مات
جوزها: ايوة طبعا هو انا قولت غير كده
( بيناولها عصير)
اشربي العصير ده واهدى واحكيلى الحكاية بالتفصيل
اسراء بتشرب العصير وقعدت عالكنبه
جوزها : كان بيحبك ازاى بقى
اسراء: انت مش غيران عليا ؟ بقولك كان بيحبنى
جوزها: لاهو انتى تتحبي يا سوسو ،كملى حصل ايه
اسراء: انت شايف انى اتحب
اومال هو بطل يحبنى ليه ( سرحت)
جوزها: لا مبطلش فضل يحبك برضو
اسراء قامت منفوضة من جنبه
اسراء: لا مفضلش ،يونس خاين وباعنى
واشترى واحدة تانيه
عشان قال مش حراميه زيه
ولا زيي
بس هو الى كان بيخطط كل حاجه
هو الى علمنى اكتر من كل الى كنت عارفاه
جوزها مستغرب لكن بيكتم دهشته
جوزها: كنتى حرامية يااسراء
اسراء: لا ،هو بس
وكان بيموت عليا عشان يتجوزنى
بس انا نفضتله
واتجوزتك انت
انت متعرفش عنى حاجه ،وحبتنى من اول نظرة
من لبسى وشكلى وشياكتى
وانت اصلا متعرفش انى بشترى كل ده من الفلوس الى كنت بسرقها
جوزها: طب كملى ،بس وانتى بتشربي العصير
شربت اسراء وكملت
جوزها: يعنى هو سابك عشان واحدة تانيه مش حراميه
اسراء: اه ، بس انا مسبتهاش تتهنى بيه
موتتها!
جوزها مش متفاجئ...لالالا جوزها من هول الكلام الى بينزل على ودنه
عاوز يصرخ
بس متماسك للاخر عشان يعرف ويفهم كل حاجه
جوزها: وبعد م موتيها ؟ عندك حق دى خدت حبيبك
اسراء: مش صح كده والنبي،هو نفسه مفهمش ده
مفهمش انى بحافظ عليه ليا
راح ضربنى وقالى هموتك
كان عاوز يموتنى عشانها
وانا بكلامه جرحى عمال يوسع
روحت موتته هو كمان
وراحت فكريزة ضحك مفصلتش منها ، وبعدين داخت
اسراء: انا دايخه خالص
جوزها : لا مفيش حاجه ،كملى بعد م قتلتيه
اسراء: سيبته بقى ومشيت ومحدش عرف
ابتدت تغيب عن الوعى بسبب المنوم الى حطهولها جوزها فالعصير
ومرة واحدة وقعت على جنبهاعالكنبه نايمه !
جوزها وقف وهو باصص لها باحتقار ، اتصل بالدكتور ييجى ياخدها
للمصحه
بعد م سجل كل الى قالته وعرف الى كانت مخبياه
والقرار ان لو فعلا عندها تعب فقواها العقليه ،هتعيش سجينه مستشفى
الامراض النفسية والعصبيه
ولو كانت بتمثل
فهتتسجن وتتحاكم.
كل ظالم له نهاية ،ودى كانت نهاية اسراء الى ظلمت روحيت وقتلتهم بدون
وجه حق
فليله واحدة كشفت مستورها بانها حراميه وقتاله قتله
ولو كانت فاكرة ان الى عملته مالوش ديل يتتبعه ويتاخد حق الناس دى
ففى فديننا معروف ان داين تدان
والى زرعته فيوم ...لازم تحصده .
#نورإسماعيل
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
مرت سنتين،،،
وبعدها اتجوز معاوية دينا ،واخدوا هنا عندهم يربوها هما ويعتنوا بيها ..
اما عمر فكان اتجوز خلاص منه من كام شهر
وهى حامل حاليا
وكانوا متفقين سوا ان لو بنوتة تتسمى ماليكا ..
منة مكانش عندها مانع ،وحست احياء لاسمها مش اكتر
وانها بقت له ذكرى واخت
وانها حبيبته وبس..
الرواية دى مش دعوة للانتحار ،ولا الايمان بالارواح ووجودهم بعد الموت
حوالينا
ولا حكايات عن العالم الاخر
الرواية دى اتكتبت عن ناس حقيقين ،بس بادوار مختلفه
ناس موجودة فعلا فالواقع
لكل واحد منهم تجربه بدلناها مع التانى ..
زائد كتييير من الاستعانه بنسج خيالى من المؤلفه ،الى لسه بتحط رجليها على
اول الطريق
مسعاها الاول والاخير توصيل وفاء الرساله
والاخلاص فالحب لابعد حد
وان فيه حب يتولد من نظرة ،وحب يتولد من كلمه
وحب يتولد اصلا من قبل م احنا نتولد ❤
وان اى حاجه ممكن تعملها ،هييجى يوم وتتردلك
الخير خير
والشر شر
واننا منحكمش عالناس من مجرد رؤيتهم عالوضع الى شوفناهم فيه
ممكن العابد الناسك فالمسجد كان اصله عاصى
وممكن بنت الليل الى باعت نفسها لشيطانها يكون اساسها ومنشئها
بيت ملتزم بقواعد دينه ..
متحكمش على حد انه غلط لفعل الغلط ده وتفتكر انك انت الصح ،لا جرب تتحط
فغلطته الى وقع فيها وشوف
هتعملها ولا لا ...!
وساعتها اعرف انت مين ..
كلنا ناس وكلنا بشر ،ومحدش مننا إله عشان نبقى اوصياء على افعال غيرنا
كلٌ ميسر لما خُلق له
وفالنهاية كلنا اوامر ماشية عالارض من صاحب الامر وحده ...
≥تمت≥
.•'´¯'•.¸¸.¸.• .¸.•'´¯'•.¸¸.¸.•'´ .•'´¯'•.¸¸.¸.• .¸.•'´¯'•.¸¸.¸.•'´
ماسك الكتاب وبيتصفحه بعد م اتطبع كاتب من الكتاب
الكبار ،وطلعت نسخه كمان وهيبتدى التوزيع
بغلافه المميز
بعنوان
ايزيس ????
للكاتبه ...ايمان كريم .
موجودين فمكتب صاحب دار النشر ،ومعاهم الكاتبه طبعا
الكاتب: رائعه ياايمان هايل، بجد رائع
انتى جبتى التفكير ده منين
ايمان قاعدة ومبتسمه
صاحب دار النشر: ايمان فظرف خمس سنين هتبقى اسم
مميز من وسط كتير من كتاب الساحه
ايمان: يارب حضرتك ،اتمنى
الكاتب: بس عندى ليكى تساؤل ،ليه خليتى ماليكا تتنحر
ايمان: عشان تفضل مع يونس
الكاتب: بس دى دعوة للموت عن كفر
ايمان: لا بالعكس ،انا ببين مساوئ الى بيمشى ومش بيحسب
لها
وهى وقعت فكذا حفرة ومطب بسبب افكارها دى
وفالنهاية
ماتت كافرة !
صاحب الدار: كان نفس تعليقى وقتها ،حتى النهاية كانت صعبه
حزينه
ايمان: النهايات السعيدة بقت محفوظة ،والنهايات المفتوحه بقوا يرفضوها
القراءلانها بتحيرهم
فقررت اقفلها كده ،مع العلم انها مش حزينه
كل شخص بقاله شريك حياه
وبقا متكيف كده
حتى ماليكا لما اختارت روح يونس للابد
الكاتب قام وسلم عليها بحرارة ،،ووقفت تسلم عليهم وهى مبسوطة جدا
الكاتب: اهنيكى من كل قلبي ياايمان حقيقي
ايمان: اشكرك يافندم ده شرف ليا
هيخرجوا من المكتب،وقفها سؤال صاحب الدار
صاحب الدار: بس صحيح انتى كاتبه ان اصحاب القصة اشخاص
حقيقية مع تبديل الادوار
ايمان: اه
الكاتب( باندهاش مثير) ايه المعنى ؟
ايمان ( مبتسمه) عشان هى كده ،وده سر احب احتفظ بيه
عن اذن حضراتكم
خرجت ايمان فرحانه والدنيا مش سيعالها
وان اخيرا هتبقى كاتبه
ولها اسم فالسوق ومعارض الكتب
زائد ان روايتها الى بتحبها الى جمعت افكارها على مدى سنين ،خلاص كل الناس هتقراها
والفصل يرجع لله ثم لتشجيع عمر
حبيبها ????
مش خالها !
عمر : مبروك ياحبيبتى
ايمان: مبسووووطة ياعمر اوى اوى
عمر : ان شاء الله هنفرح اكتر يوم حفل التوقيع ،بس عالله منتنسيش
ايمان: ازاى بقى ! اذا كنت اسمك من اول اسماء فالرواية
عمر : ياقلبي تسلميلى ،انا فرحان بيكى اوى اوى
ايمان: انا وصلت عشان انت جنبي
عمر : طب يلا عشان اوصلك ولما تروحى كلمينى ..
وصلها للبيت ومشى ،بتخبط عالباب فتحت لها ماليكا اختها الكبيرة
ماليكا: حماتك بتحبك ،لسه بحضر السفرة وهحط الاكل
ايمان: واااو لوكتى ياقلبي هغير واجيلك
ماليكا: طيب يلا بسرعة ،لحسن يونس ميت من الجوع وبيتحايل عليا من بدرى احط الاكل
وانا بقول نستناكى
يونس طالع من الاوضة شايل جنة بنته هو وماليكا
يونس: اخيرا شرفتى ياحلاوتهم ،هبييض من الجوع
ايمان: م خلاص يا ابيه اهو هغير وجايه
يونس: طب خدى شيلى جنة عشان بس اشوف الماتش بدا ولا لسه
ماليكا: يووونس!
يونس: هاتى البت هاتى البت
ايمان: هههههههههههه
اتحط الاكل واكلوا ، وقعدوا قدام التى فى
ماليكا: هدخل اعمل كيك الفراوله عشان الى جايين دول ،يلا ياايمى عشان تساعدينى
ايمان: عيووونى
عملوا الكيك والمشروبات ،هما كل خميس متعودين يقضوا الاجازة فبيت حد منهم
وكالعادة بيتجمعوا كلهم فبيت حد منهم
وانهاردة الدور على بيت ماليكا
جاية خديجة ودينا اخوات يونس وازواجهم محمد ،ومعاوية
والبنوتة الامورة هنا
بنت خديجة ومحمد ...وعصام ابن دينا ومعاوية
الجمع اتجمع ،وجايبين الحجات وللعب
بيحبوا يحسوا باليوم ده مرة فالاسبوع زى ايام زمان قبل التكنولوجيا
جايبين فيلم جديد
محضرين اللب والحاجه الساقعه والذى منه ،بتتقفل الموبايلات والنت واى حاجه تعزلهم
عن بعض طول القاعدة دى
زائد مش بتقتصر القاعدة ع كده وبس
ده فيه كوتشينه وسلم وتعبان
وبيتفرجوا ويتكلموا ويحكوا ويهزروا ويقضوا ليله لذيذة بيستنوها من اسبوع لاسبوع.
محمد كان عليه يختار الفيلم بعناية للسهرة ،وكان اختياره موفق الحقيقه
كانوا مستمتعين بمشاهدته جدا
وباحداثه
واول م خلص الفيلم اتدورت ايمان ليهم وقالت
ايمان: قريب اوى هتتعمل روايتى فيلم زى كده ،وتترجم لكذا لغه
وهتكسر الدنيا كلها
ماليكا جاية وجايبه فاكهة
ماليكا: ايوووه احكيلنا بقى عبارة عن ايه الرواية دى
خديجة: معقوله يالوكا ،اختها وفنفس البيت ومتعرفيش روايتها الى قرفتنا بيها
ماليكا: دى جزمة ،ولاحاجه بتقولها ولابتنطق بيها
وكل م اقول حاجه
واسالها تقولى خليها مفجاة
ايمان: انا قرفتك بيها يا ديجا ! طب الله يسامحك
ده انا حتى مدياكى دور هايل فالقصة
وانتى كمان ياماليكا يالى بتتريقى عليا
يونس: اومال انا مفيش ! وانا الى طالع عينى معاكى اشوفلك دار نشر كويسه
ومصحح وبتاع
ايمان: عيب يا ابيه ده انت الجامد الى فيهم ،اسم البطل ع اسمك
دينا: لالالا لازم تحكى
ايمان: مش هينفع احكى ،اقروها احسن
معاوية: يابنتى اخلصى هو سر
ايمان: اهو بسبب معاملتك دى يا ابيه معاوية اديتك دور خشن شبهك
سبحان الله كل واحظ ومحبته فقلبي وزعت شكل دوره
حتى البنات اسراء ورشا الى معايا فالحامعه ابى مش بحبهم
سميت على اسمائهم شخصيات رخمه شبههم ياساتر
يونس: طب يلا قولى بتحكى عن ايه
ايمان : بصوا بقى ،صلوا عالنبي
كلهم: عليه الصلاة والسلام
ايمان: انا بقالى سنين ،بجمع فيها
فكرة هنا
فكرة هنا
القطها جرى
سمعت قصة حقيقية لناس قرايب واحدة صاحبتى اتجوزوا وهما اخوات فالرضاعه
ومش عارفين
كلهم اسبهلوا معاها وعيونهم برئت
ايمان( بتضحك) استنوا استنوا ، ده ولسه
كنت برضو فمرة صادفت خبر صحفى فمجله عن راجل كبير بيشوف ارواح
وبيكلمهم ويكلموه
ماليكا: ارواح
ايمان: ده غير انى صادفت جزئية كده من فيلم اجنبي ،بسكون روح جسد حد حى
وتخرج وتدخل جواها عادى
فشدتنى الفكرة رغم انها خيال علمى
خديجة: قولى قولى ده انتى طلعتى مصيبه
ايمان: طنط مرات البواب بقا ،بتعامل مرات ابنها معاملة وحشة
عشان خلفه البنات
ورايحة جاية تشتمها وتهينها
دى كمان اتحطت فالليست
دينا: وايه كمان ياسوسه
ايمان: اما بالنسبة لعم عبدالصبور البصباص ابو عيون زايغه
رغم كبر سنه
سواق الباص الى بياخد هنا للمدرسة
كان مشرف معانا بهيئته وشكله العكر
دينا: هههههههه حتى سواق الباص الى بتحكيلنا عنه خديجة منسيتهوش ياقردة
ايمان: ده حتى ميرفت الى بتيجى تنضفلك البيت وابنها جمال كان
ليهم دور غير الحقيقه خااالص
يونس: لا استنى ،انا بطل ازاة والنبي
ايمان: هههههه هقولكم اصبروا ، اسمها الى ع اسمك بطل يا ابيه ده كان حرامى وتاب
وحب واتجوز واتقتل فالاخر ياعينى
خديجة حطت كف ايدها ع دماغ ايمان
خديجة: البت دى سخنه ياجماعة ،الى بتقولوا مش طبيعى
ايمان: ولاسخنه ولا حاجه لما تقروها حتفهموا
اصلا انا جايبة كذا قضية لفتونى فالفترة الاخيرة سواء سمعت عنهم
او عايشت منهم
تار بيتاخد من بنت
وقتل الاطفال والتجارة باعضائهم
والفرط ف اخد برشام المهدئات
كذا حاجه يعنى ،وموظفه كل حاجه وكل قضية فمكانها
ايمان: طيب م اى رواية فيها جزء كبييير خيال وفيها حقيقه ،روايتى انا استخدمت
اسمائكم
وبدلت الادوار
يعنى مش زى م احنا كده عالحقيقه
وخليت بقى ماليكا اخت خديجة ومعاوية
وتبقى تؤام خديجة
بس خديجة ماتت فحادث
لاقتهم بلموا ليها مش فاهمين
ايمان: هههههه ممم مش فاهمين ،طيب هنبدا من الاول
كان ياما كان ياسادة ياكرام ومايحلى الكلام الا بذكر النبي عليه الصلاة والسلام
كلهم: عليه الصلاة والسلام
ايمان : انابدات روايتى بالسجن والضلمة والوحدة
والبطلة لابسة جلابيه الاعدام الحمرا ومستنيه الموت
كلهم اذان صاغيه معاها: هاااه
ايمان: بتكون دى ماليكا ...و بعدين بتجيلها صاحبة عمرها
دينا وو
وشكل الليله هتطول للصبح وهى بتحكيلهم الرواية، لكن احنا ليلتنا انتهت لهنا
لاننا عارفين الرواية بجد ????
القصة مش قصة حب
القصة قصة روح
روح تحبها ،وروح تعشقها
وروح توهبها روحك
وروح تلاقاها وتتعايش معاها وتقراها من قبل حتى مايتقابلوا أصحابها!
كلنا لو قارينا الى قدمنا من جواه ،اكيد حنفهمه صح
اكيد هنقراه صح
مش لازم شكله ،ولاهيئته
مش لازم طريقة كلامه
مش لازم وضعه الاجتماعى ولا المادى ولا الفكرى
اهم حاجه تقرا كتالوج روحه بجد وتعيش جواها
وقتها هتقدر منه كل فعل وكل رد فعل
هتقدر هى ليه حبت الانسان ده !
وهو ليه اختار الانسانه دى
وليه دول واقفين جمب بعض فالمحنات والزنقات
وليه دول فالشدة والفرح متماسكين ...حاول تغمض عيونك
وتخلى روحك تشوف قبل عينك وقلبك
صدقنى ...هتعيش صح،هتعيش مرتاح اكتر
ووقتها بس هتعذر ، الى انقسمت منه روحه واتفات وبقى لوحده
اى ان كانت ايه الطريقة الى اتكتب قدره فيها ساعتها
انه من هنا ابتدت وحدته
هو ليه مش عارف يكمل
هو ليه مش عارف يعيش
عشان اقتناعه بان الى فك طلاسم روحه ده لسه موجود وممشيش
او يحضر لحياته من تانى باى طريقة ❤
تمت بحمد الله رواية
هبة سامي علي
دينا سعيد عاصم
د. راقية جلال محمد الدويك
د. محمد عبد الوهاب المتولي بدر
محمد محمد جاد محسن
سهر محمد رمضان صيام
هند حمدي عبد الكريم السيد
محاسن علي عبد الرحيم أحمد (مقلد)
خالد عبد الرحيم خضير العامري
د. سمر ابراهيم ابراهيم السيد
د. نهله عبد الحكم احمد عبد الباقي 
زينب حمدي 
د. عبد الوهاب المتولي بدر 
ياسر محمود سلمي 
د. نهى فؤاد محمد رشاد 
د. شيماء أحمد عمارة 
م. اشرف عبد الصبور الكرم 
حنان صلاح الدين محمد أبو العنين