هل الممثلين والقائمين على الدراما في رمضان مسلمين؟ سؤال حقيقي مش تهكم. طيب واحدة واحدة كده، إيه تبرير إزازة الخمرة اللي موجودة في كل المسلسلات وكإنها مشروب غازي زيه زي البيبسي، والأدهى إن أوقات محدش بيبقى بيشرب منها، جزء من الديكور، المهم الكاميرا تجيبها وتكون محطوطة على الطرابيزة، وجرعة المشاهد دي بتزيد بشكل مضاعف في شهر صيام المسلمين، المفروض شهر العبادات، وعلى فكرة ده بغض النظر عن المسلسل، يعني حتى لو اجتماعي وهادف وكيوت وجميل، لازم برضه الخمور تبقى متبلورة كده في كام مشهد، وكإن المسلسلات برعاية الشيطان، والسؤال هنا هل الناس دي مسلمين؟ ولا ملتهم إيه؟