ملخص صغنن كده ع وضع الابراج الفترة دي

الجوزاء و العذراء كانوا متكحرتين وعندهم رغبة في عدم التواصل وامورهم ملخبطة او متعطلة بسبب تراجع عطارد اللي استقام النهاردة وامورهم هتبدا تضبط

السرطان و الجدي مش طايقين نفسهم ولا طايقين غيرهم بسبب وجود المريخ في السرطان في معارضة الجدي وده مخليهم عصبيين واقل حاجة فعليا ممكن تخليهم يبكوا او ينفجروا فابعدوا عن وشهم لاخر الشهر لحد مالمريخ يخرج من #السرطان

القوس المريخ في بيتهم الثامن وده اسوا مكان للسرطان في بيت المخاوف ومنتحس وضعهم الصحي والنفسي والعاطفي مش حلو والبعض عنده خساير مالية او فقد شخص عزيز خلال الشهرين دول وبرضه يصبروا لاخر الشهر

الحوت والعذراء لاء قلبي معاكم بقي انتوا سنتين ونص زحل هيعمل منكم زعافة الكوكب والكواكب المجاورة اجمدوا شوية وافهموا الدروس وخليكم جد وامشوا عدل علشان زحل بيكافئ المؤدبين 

الاسد زحل مشي من وشكم بعد سنتين ونص دخل مكانه بلوتو بس برضه اسد يالا في ايه انتوا ملوك الكوكب ياجدع

العقارب حسبي الله ونعم الوكيل عادي انتوا ولاد حلال وتستاهلوا كل خير بقي????

الميزان بطلوا برطمة علشان انتوا لسه هتبرطموا من اول يوليو بجد لما كيتو هيحل عليكم سنة ونص بس برضه هيرجعلكم شوية كارما حلوين ..الخير بالخير والشر بالشر وهتبقي سنة تحول مهم ليكم

الثور ..منسمعش صوتكم بتشتكوا لمدة سنة كوكب الحظ داخلكم سنة كاملة ياولاد المحظوظة

الدلو لاء مليش مزاج اكتبلكم حاجة????