يا عم يا دكتور

الاقيش معاك برشام

يخلي قلبي صبور

تعبت م الاوهام

احلامي صبحت بور

و تعبت م الايام

لا يا سيدي متلاقيش

الصبر دة محتاج همة

امشي بقى متعطلنيش

ورايا انا اشغال هامة

كل مرة اقول مفيش

بقى دة كلام بالذمة

طب حقنة يا ابني الله يخليك

تخلي حالي متيسر

اخدمني بس الله يهديك

انا نفسي جيبي يتعمر

و ساعتها راح اشوف معاليك

هفتحلك دكان ف البندر

لو كانت معايا دي الحقنة

كنت قبلك اخدتها

نفسي ارتاح من دي السحنة

مش عايز اشوفك وقتها

و هعمل ايه بس اهي محنة

و جيت انت و كملتها

طيب اي حاجة من جوة

تخليني ارجع شباب

شبابي ضاع كدة على سهوة

و حالي بعده صبح هباب

نفسي اشوف ايام حلوة

ايامي اسود م الربراب

يا سيدي انا اعملك ايه

قالولك يعني انا ساحر

كل يوم بتجيني ليه

موراكش غيري .. يا ساتر

خلاص انا هجيب ضلفها

و ههج و اطفش م الاخر