أكيد أنتم كمان عايزين تعرفوا ليه المهندس محسن بيضحك
زى ما انا نفسى أعرف تعالوا بينا نروح نشوف فى ايه
انتظروا المعلم:صلاح رايح يشوف فى ايه
المعلم صلاح:مالك يابشمهندس بتضحك ليه أوى كده أكيد فى
حاجة كبيرة حصلت خلتك تضحك
المهندس محسن:أصل وأنا ماشى قدام المسجد العصر أذن فقلت لما أدخل أصلى فرض ربنا أهو حاجة تتشال من الذنوب
اللى بقت اتقل من الهم على القلب ودخلت أصلى وحطيت
شنطتى قدامى اللى مفيهاش غير شوية ورق ملهمش لزمة
زى ما زوجتى العزيزة بتقول عليهم كده وكان معاهم
موبايل وصليت واستغفر الله بدأت أصلى وأنا عينى
على الشنطة خايف تروح كده ولا كده وفى اخر ركعة
وأنا ساجد على الارض والامام طول شوية ربنا يسامحه
بقى وبعد ما خلصت الصلاة وقفت وأنا فى بالى أول حاجة
أبص عليها الشنطة فضلت أدور على الشنطة فزهلت
وملقتش الشنطة فقلت سبحان الله حتى مساجد ربنا
بيحصل فيها كده وخرجت وأنا بفكر فى شماتة زوجتى
وفرحها اللى هيملا قلبها وروحت للبيت ونظرت زوجتى
لى فلم تجد الشنطة فابتسم وجهها وقالت الحمد لله ربنا تاب
عليك فقلت لها الشنطة اتسرقت بالموبايل
فقالت يلا مش مشكلة كله يهون بس ربنا خلصنا
من شوية الزبالة.فرن جرس الباب فلقيت
البشمهندس احمد زميلى فى الشغل وف أيده
الشنطة فاحمر وجه زوجتى.وقال لى زميلى مش
دى شنطتك برده فقلت له فى لهفة أيوة وأنا نفسى
أخدها منه بسرعة واطمن على الموبايل بس بينى وبينك
وفتحتها وملقتش الموبايل ولكن للاسف
الشديد وجدت الورق بس وشريحة الموبايل ومن ساعتها
عرفت أنى ضحية حرامى متخصص فى الموبايلات بس
ودخلت زوجتى المطبخ وهى تهمهم"يافرحة ما تمت"
أول ما سمع المعلم صلاح الكلام ده ضحك وقال أنا
أعرف يابشمهندس أن المساجد كانت الشباشب اللى
بتتسرق لكن موبايلات جديدة دى
(ياترى ايه اللى هيتسرق تانى فى المساجد اللى من المفروض
أن الناس بتدخلها علشان تقضى فرض ربنا مش تسرق
ولا على رأى المثل"اللى اختشوا ماتوا"
ربنا يستر):confused:
<تمت>