حقيقة تأكدت منها بعد هجرتي لمصر، الرجال المصريين يهتمون بمظهرهم وبالفاشون أكتر من السيدات..

مش بيقولوا نلبس بمزاجنا ومش مهم الموضة مثلهن. مش بيهاجموها ويسخروا منها مثلهن، معندهمش معتقدات راسخة وخاطئة زي مثلا منقوش مع منقوش مينفعش مثلهن. عارفين ان الموضة بتتغير وبيحبوا يواكبوا الجديد فيها بجرأة عكسهن، مش بيغلطوا كتير في مظهرهم مثلهن..

مثالين على كلامي: 

الرجال اول ما البنطلون الرجالي ال Slim دخل الفاشون لبسوه علطول في الافراح. بالرغم من ان خطوط الموضة الرجالي ثابتة أكتر من الحريمي في العالم.

انما البنطلون الحريمي ال Liggen ال Skinny او "الاستريتش" أصبح Anti Trend من 3 سنين في العالم لكن لسه السيدات المصريات بيلبسوه.

الرجال بيغلطوا بسيط في تريند الأحذية مع الشرابات، أحب اوضح لهم:

 دلوقت التريند الشبشب ممكن مع شراب، بس مش ممكن حذاء كلاسيك مع شراب ابيض زي تريند مايكل جاكسون.. الصح للشاطئ شبشب و Moccasin من غير شراب. في داخل المدينة الصح شراب قصير، بلاش بدون شراب..

مع الفورمال والحفلات بلاش شراب قصير أو Ultrafashion او بدون.. الصح شراب طويل ميظهرش الرجل لو في وضع رجل على رجل، وخصوصا في الحفلات علشان الاحفاد ميضحكوش على المنظر..

أهم أنواع الأحذية الرجالي:

1- ا Derbi

2- ا Oxford 

3- ا Loafer

4- ا Moccasin - Espadrille

5- ا Chelsea

6 - ا Desert

7- ا Slippers

في الصور أمثلة لكل نوع وآخر Trends لها وطريقة لبسها لأفضل براندات منها في العالم.

ربما يكون سبب ظهور اهتمام الرجال بالفاشون اكتر من السيدات في مصر هو اهتمام الزوجات بأزواجهن أكتر من أنفسهن..