أنت مسئول نص ورديه 

والنص التاني مش بتاعك 

فيه ناس شايلة مسئوليه 

وفى الآخر بيصب كله لحالك 

وطالما أرتضيت الباشويه 

يبقى خلى الألقاب توعالك 

وألا المكافأة تقيلة شويه 

وأنت بتحللها بطريقتك وتحلالك 

وياترى فيه هناك مشغوليه 

والناس كانت عاملة إيه فى غيابك 

جنود مجهولة شايفة شغلها 

بلاش تحبطها دايما بسئوالك 

لو شالت هم فوق همها 

هتنفجر فى وشك وأنت مش واخد بالك 

خلى حبل الوداد ممدود 

وأضحك كده وهدى أعصابك 

مش مستهاله تبقى مشدود 

دول في الآخر زمايلك وأصحابك 

وألا هى فرعنة وجينات 

فى العروق وكبارة فى ذاتك 

أنقل الصورة صح والكاميرات 

بتسجل الحدث عليك واللى قصادك 

وعليه بتاخد مميزات 

والباب العالى عارف وساكت 

والرضا والعدالة أموات 

تبقى الرءوس كلها اتساوت .