يابو اللبايش يا قصب
يا حلو من بعد التعب
عودك يا بت أحلى عود
والخوخ جناين عـ الخدود
وأنا لسه واقف عـ الحدود
مستني يفتحلي العجب
يا اللي الجميل من قسمتِك
إزاي عيدانه حبتِك
ولا أكيد دي ضحكتِك
هي اللي كانت السبب
الشوق معدي القنطرة
يا مهلبية يا سُكَّرة
لو جوه قلبي ينقرا
أرخص ما يقروه الدهب
طار الحمام حط الحمام
يرمي على الحلوة السلام
ويقولها كل الغرام
اللي على قلبي انكتب
الدنيا موسم عندنا
والفرحة زارت أرضنا
مين اللي فالح زينا
جاب المواسم بالنسب
يابو اللبايش يا قصب
يا حلو من بعد التعب