الحياة مش مشاركة …. 

الحياة فيها حد مسؤول عن حد 

فيها راع و فيها رعية

فيوم ما تتنحرري و تدفعي في إستثمارات و تقولي آهو كله لولادنا …. 

براحتك أكيد

لكن لو إتجوز غيرك و خلف منها فبقى كله لولاده مش لولادكوا بس 

و براحته بردو

—————-

فاللي يطلع من ذمتك مالياً كأنثى 

١- تكوني مسامحة فيه تماماً ( في ديننا )  

٢- أو تكتبوه ( في ديننا )  

٣- أو تحتفظي بذمتك المالية منفصلة ( في ديننا )  

إنما مشاركة … 

يعني نلاغي بعض و نتناقش راس براس في كل صغيرة و كبيرة 

مشاركة يعني يستأذنك في حريته الشخصية و لو مأذنتيش ميقدرش يخالفك 

مشاركة يبقى إنتي إتخليتي عن جزء من رجولته هيدور عليه مع أنثى تانية حتى لو من وراكي عشان ميخسرش إمتيازات المشاركة و هتبقى انتي شاركتي في الوضع ده 

—————-

١- في حالة لو قالك يا تصرفي يا تبطلي شغل … إعملي إختيارك المناسب ليكي انتي و بس، إنتي أدرى بأولوياتك 

٢- متفرحيش بسيطرتك بالمال … لأن مفيش راجل بيتربط بالمال

٣- متتكسفيش تكتبي او تفصلي ذمتك المالية لأن ربنا مكرمكيش و حفظك عشان انتي تهيني نفسك

————-

في المجمل الحياة الزوجية 

Win win

أو 

Loss loss 

إنما مفيهاش 

Win - lose 

يعني اللي نيته يخسرك … هيخسر حجات قصادها 

و اللي نيته يكسبك … هيكسب حجات قصادها 

مفيهاش أبداً حد كسبان كل حاجة و التاني خسران كل حاجة مهما شغلتوا دماغكوا

ببساطة