بالنسبة للمقولة المتخلفة بتاعت " محدش بيعمل فلوس فاضي يعلمك ازاي تعمل فلوس "
دي بتمثل ال
Gap
الكبيرة بين الشخص اللي عنده معتقد ان الفلوس لازم تتعمل بطلوع الروح و الشخص اللي فهم فلوس و طالع يفهمهالك بس انت جموسة مبتفهمش
فأسهل تطلعه مبيعملش فلوس
كل رجال الأعمال بيطلعوا و بيقولوا ازاي تعمل فلوس … بس ازاي نصدقهم !
ناس بتفرجك على أرقام و بترد على تساؤلاتك كلها ….. بس ازاي نقتنع و نطبق !
ناس قاعدة في مكاتبهم و بتعمل الفلوس و هي بتكلمك كمان لو شايف ان الموضوع محتاج وقت فراغ كبير مع انه مش محتاج ولا حاجة …. بس إزاي ! لازم أتكلم عنهم معملش زيهم
كل دي ميكانيزمات دفاع نفسية بتعملها لأنك متخيل ان طالما معرفتش تعمل زيهم تبقى فاشل …. فإزاي أبقى فاشل ! انا أطلعهم هما كذابين
—————
الدنيا بسيطة جداً و عمل الفلوس مش الحوار المستحيل ولا اللي محتاج مجهود خذعبلي و طرق عملها متعددة و في منها السهل و في منها المحتاج مجهود
لكن الأكيد ان كل واحد بيسعى بالشكل و الستايل المناسب له
فلو اللي بيقولهولك فلان ده مش مناسب ليك …. متتكلمش بعجرفة و تتهمه إنه بيقول ما لا يفعل.