في مرة من المرات كان عندي حلم وفضلت ادعي ربنا بإصرار انه يتحقق وبذلت اقصي ما عندي من جهد عشان يتحقق .. بقيت بناجي ربنا كل ليلة انه يتحقق للاسف متحققش .. وكمان شوفته بيروح لغيري وقتها انهرت انا عملت الي عليا .. انا مقصرتش .. يارب انا كنت عايزة الحلم دا .. وابتدا الشيطان يلعب في دماغي هو انا كل حاجه بتمناها مبتحصلش .. الدنيا ماشية عكس ما انا عايزة ...
ولكن لما فكرت شوية لقيت اني عمري ما طلبت من ربنا اي طلب الا وتحقق ممكن ميكونش ف نفس الوقت الي بتمناه ولكن بيكون ف التوقيت المناسب ليا والي ربنا اعلم بيه .. اكتشفت ان الي كل وصلت ليه في الوقت الحاضر .. كان دعوات زمان ... انا صحيح لسه معرفتش الحكمة من ضياع الحلم .. بس عندي يقين تام ان ربنا كتبلي الاحسن او يمكن كتبلي الحلم دا بس مش دلوقت ...
من وقتها بقيت بعدي ربنا بحاجة واحدة بس اللهم قدر لي الخير حيث كان وراضني به ❤