في وقت من الاوقات ليس بالبعيد .. 

ظهرت صورة للفنان محمد صبحي بجوار الرئيس السابق حسني مبارك في افتتاح مكان ما وغالبا كان مستشفي قد ايه محمد صبحي فرحان بوضع حجر الاساس .

بعدها بفترة وتحديدا بعد الثورة وفترة حكم ناس معينين ظهر محمد صبحي في صورة وكان بردو افتتاح وغالبا بردو كان مستشفي وواقف ورا الوزير ونفس الفرحة مرسومة علي وشه علشان وضع حجر الاساس... 

انا فاكرة كمية الانتقادات الي اتوجهت ليه في الفترة دي وقد ايه هو منافق وقد ايه هو بيطل لأي نظام ومعندوش انتماء و....... .

من وجهة نظري المتواضعة ويمكن الناس تختلف معايا او تتفق ... الانسان المجتهد والشاطر الي بيجب الشغل هيفضل متواجد علي الساحة اياً كان مين الي موجود حتي لو مختلف معاه حتي لو هو ضده ولكن هو بيقوم بدوره وبيعمل الي عليه .... 

والكلام مش مقتصر علي السياسة فقط لا علي كل حاجه في الحياة مش عشان الي قدامي مش عجبني او سياسته انا مختلف معاها هسحب ايدي واركن علي جنب بحجة ان انا مش متفق معاه او ان شايف ان تصرفه غلط ..

خلاصة الكلام ....

طالما هدفك او نيتك العمل نفسه من منظور بقي ان العمل عباده او خدمة البلد او خدمة الناس او ايا كان مش هيفرق معاك مين موجود على الساحة .. انت مركز في الي بتعمله وبس ????