اولاً انا بحييك على انك لسه محافظ على طيبتك برغم كل الي بتمر بيه من خذلان وغدر وقلة أصل  .. لكن حابة الفت انتباهك لشوية حاجات كده انت يمكن مش واخد بالك منها ...

اوقات بتكون ضحية واوقات انت الي بتسهل كونك ضحية .. العالم مش بالحلو الي انت شايفه هو اسوء من توقعاتك حتى ... كل الي حواليك بيحاولو استغلالك بطريقة او بأخرى بس اوقات انت بتديهم مفتاح استغلالك بخيبتك الزايدة اقصد بطيبتك الزايدة 

لو حد حاسس بالذنب انه وصلك لشعور معين بيحاول يوهم نفسه انه انت كمان وصلتني لنفس الشعور وانت بتصدق ويبقث الشعور عندك مضاعف شعور انك اتخذلت من الشخص وكمان وشعور انك كنت سبب ف الم الشخص الي قصادك 😁 ) انا كدبت عليك مهو بسببك .. انا وقت بينك وبين ف فلان مهو بسببك بردو )😂🤝

طب الحل ايه ؟ ... كان نفسي اقولك تبطل طيبة يا عزيزي ولكن للاسف مش هتقدر لكن كل الي اقدر اقولهولك انك قبل ما تبذل مجهود مع شخص وتديله مساحة اتأكد من نضجه العاطفي .. متحرقش بنزين على الفاضي ... وقتها بس هتقدر يا تبذل مجهود وانت مبسوط ومتقدر ... يا هتفعل وضع توفير الطاقة 

طب والناس الي انا بقيت سئ في روايتهم هناك دول .. بص هو انت مش هتعرف تكون الكويس او الطيب او الجدع بالرغم من كل التضحيات الي قدمتها لان هما عايزينك في المحطة دي وصدقني انت لو مكنتش حتي قدمت كل التنازلات دي وهما عايزينك الطيب كنت هتبقي الطيب ف خليك السئ وخلاص لحد ما يجيلك الي يقدرك