بسم الله الرحمن الرحيم

بمناسبة الوظيفة الجديدة الى كل المنتدي عرف بيها وعنده خبر عنها (طبعا لاني ما بتتبلش في بقي فولة) دا مثل قديم مع اني ما اعرفش ايه معناه بالضبط
المهم ندخل فى المضوع,,,,,,,,,,,,,,
كان مطلوب مني اوراق اصول الشهادات الى حصلت عليها ,كشف طبي , صورة بطاقة , كارنية النقابة , صور شخصي (ربنا ما يوريكم) ,ما يفيد اني اديت الخدمة العامة , الخ,,,,,,,,,الى اهم ورقة فى الموضوع
الصحيفة الجنائية ( الفيش والتشبيه)
عند دي ووقفت وقف طويل جدا ( مش لاني عندي سوابق لا سمح الله ودا طبعا اول شيء هيجي على بال اي واحد منك بيقرا الوضوع )
لكن انا وقفت لسبب تاني خالص
الصحيف الجنائي دي ورقة بياخدوا فيها البصمات (بغض النظر عن العسكرى الي كان مستمتع بانه يمسك ايدي ويبصمني كانى مش هعرف ابصم دا لوحده كان شكلة نرفزتني) وبيتم الكشف عن سيادتك اذا كان لك سوابق ا لا (على قدر معلوماتى عنها)
فكرت ساعتها فى صحيفة جنائي تاني خالص غير الى قدامي انا ابصم عليها
لحظة,,,,,,,,,,,
وسمعت
اسمي دعاء ..........(مش الكروان طبعا)
السن ..................
اسم الام ..............
اسم الاب.............
الحالة الاجتماعية ...................
الوظيفة ........................
الاولاد .........................
عشتي كام سنة ؟
45
يعني متي وعندك 45 سنه
حسانتك فى السنين دي ايه؟
مش فاكرة
طيب والذنوب الى عملتيها قد ايه؟
مش عارفة
طيب كنتي بتربي اولادك ازاي؟
وكنتي بتعاملى جوزك ازاي؟
وامك؟
وابوكى؟
واخواتك؟
وقرايبك؟
وشغلك؟
وبتقضي وقتك فى ايه؟
طيب وصلاتك وصيامك؟
وايه الحسنات الى كنتي بتعمليها؟
وايه الذنب الى عملتيه وخايفة ان ربنا ما يغفرهوش؟
وايه ؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟
مليون سؤال وانا المفروض اجاوب
ايه ده انا فين وانت مين وبتسألنى ليه؟
وبعدين انت بتسال ليه؟
صوت اجش فظيع
عشان انا بعملك ورق صحيفة جنائية
ليه

؟

انت ما تساليش انت تجاوبى وبس
انت تجاوبي وبس
ويتلاشي الصوت تدريجيا
حتي يسود الصمت
يا بشمهندسة , بشمهندسة
الورق دي عليها رقم 302 حضرتك هتيجي كمان يومين تستلمي الفيش والتشبيه بتاعك
اه نعم
حاضر
وطبعا اخدت الورق وخرجت دون شعور
امال انا كنت فين
انا سرحت
اه لو ده حقيقي
صحيفة جنائية للذنوب
ما كنش حد فلت منها بالساهل
كنا كلنا هناخد عقوبة كل واحد بقدر ذنوبة الي جنحة والى جناية ,,,,

تفتكروا ليه ما فيش حد مننا بيحاسب نفسه
ليه ما نعملش لنفسنا صحيفة (مش عارفة اسميها ايه ) بس المهم اننا نحاسب نفسنا ونراجع اعمالنا كل فترة
ايه رايكم بمناسب الشهر الكريم
كل واحد يقف مع نفسه وقفة ويراجع اعماله سواء خير او غير ذلك
نعمل لنفسنا صحيفة جنائية ونشوف احنا مطلوب مننا نستغفر ونذود الحسنات شوية والا نلعب ونجري ونكمل ذنوبنا
لا تاخذوا هذا على انه نصيحة فانا صحيفتي ملئت بالذنوب ربنا يغفرلنا جميعا
ولكن لا مانع من التذكرة
وشكرا