فيلم الجزيرة الجزء الأول ، أول مانزل في السينما . دخلته حفلة 3 في سينما الزعيم ، في الهرم 2007 .. كنت لوحدي .. 

شفت اوّل ربع ساعة وبعدين سندت دماغي على ضهر الكرسي و نمت 

وصحيت على موسيقى النهاية 

بعد كده الفيلم ابتدى يتعرض على الفضائيات في سهرات .. 

ماكنتش بكمله برضو ، وبنام و اصحى على موسيقى النهاية .. 

اتكرر الموضوع كذا مرة ، لدرجة كرهت الفيلم .. 

مرّت سنين وانا مش عارفة إيه الموضوع .. بس الحمدلله .. العقدة اتحلّت في يوم من الأيام وشفته كامل .. و النهارده بحتفل بذكرى مرور 17 سنة على الساعتين اللي نمتهم في السينما