إكتشفت من فترة بالصدفة كده إن الـ " مارون جلاسيه " هو تحويل الكستناء " أبو فروة " إلى نوع من الحَلوى مثير للشفقة !
واستغربت إزاى فى حد جاله قلب يشوّه الجمال ده .. حتى لو قام بتحويله إلى شيىء بيقولوا عليه " فاخر وغالى " !
أولاً ماعجبنيش خالص .. لا شكله ولا طعمه ولا لونه .. ناهيك عن تعرضه للتعذيب ، فى رحلة ومراحل غير مشوقة بالمرة ..
" أبو فروة "
أحب أسميه " ثمرة الحب " .. لإن فى حضوره ، أكيد أكيد هاتبقى في لمّه حلوة .. و معاكسات و ضحك كتيـــــــــــــر ، وخناقات طبعا واحنا بنخطفه من أيادى بعض .. و طبعا لا يجتمع الصبر وأبو فروة فى مكان واحد .. فـ ممكن جداً ناكله وهو ناقص سِوا عادى جداً .. وعلى فكرة ، هايبقى طعمه حلو برضـــــــو ...
وأحلى أحلى حاجة بأة صوابعنا لما بتتلسع بدل المرة عشرة ، واحنا بنحاول نقشره وهو سخن نار ...
الإستمتاع بأى شيىء وهو على طبيعته " فن " و " نعمة " ..
بلاش نحوّل الحاجة الحلــــــــــوة الى شيىء بشع ، ونقول عليـــــه :
ده " مارون جلاسيــــــه " .
نجلاء لطفي محمد السيد
حنان صلاح الدين محمد أبو العنين
مي حمدي منصور عبد الرحيم
د. سمر ابراهيم ابراهيم السيد
محمد حماده رزق السيد الشافعي
أيمن موسي أحمد موسي
شريف ابراهيم حسن خليل
عبير عبد الرحيم عبد الحميد السيد
ياسمين أحمد محمد فتحي رحمي
زينب حمدي 
د. عبد الوهاب المتولي بدر 
د. نهله عبد الحكم احمد عبد الباقي 
د. محمد عبد الوهاب المتولي بدر 
ياسر محمود سلمي 
م. اشرف عبد الصبور الكرم 
د. نهى فؤاد محمد رشاد 
د. شيماء أحمد عمارة