بعد ماتش الذهاب كنت قلق لأن نتيجة ٢-١ متطمنش ١-٠ هناك تخسر البطولة كان بالإمكان نتيجة أفضل والأهلى كان افضل..في مباراة اليوم تمنيت ان نسجل اولا ولكن حدث العكس مكنش فيه رده فعل حتى ربع ساعة من الشوط الثاني الأهلى زفت حسيت انها خلاص راحت وكنت زعلان وقلنا هنبات متنكدين وخاصة أن دى هتبقى تانى مره على التوالى من الوداد وتالت نهائى تخسره منهم هوه ليه الأهلى مخلصش من مصر.. لحد معملها العظيم محمد عبدالمنعم ومش اول مره كان سجل هدف زى ده بالظبط واظن في الوداد برضو من سنتين يمكن وقتها انعادلنا وصعدنا مكنش نهائى. لحظتها قلت خلاص البطولة لينا.. بس ده ميمنعش أن نحن نقول لمحمد شريف شكرا لحد كده وكل عيشك فحتى تانيه !.فلولا هدف عبدالمنعم كانت ضاعت البطولة وانت السبب بالاهداف السهله اللى بتضيعها الأهلى محتاج مهاجم سوبر اللى وصل الأهلى للبطولة بشكل أساسي بيرسى تاو والشحات اللى مكنوش فيومهم النهارده وطبعا قبلهم واهمهم واللى يستحق ياخد مكافآت البطولة ودعوات كل الاهلاويه هو اطهر الطاهر لاعب الهلال السوداني اللى ضيع ضربه الجزاء فى مبارتهم الأخيرة أمام صنداونز فدورى المجموعات..بس بالنهاية الأهلي بطل دوري ابطال افريقيا ٢٠٢٣ وعن جدارة واستحقاق.. مبروووك للأهلى النجمة الحادية عشر.