لا متصالح على نفسي

ولا قادر أسيبها وأغيب

راهنت على حصان خايب

وفي الملعب لقتني بخيب

مليتها بوهم صدقته

وكدبت اللي حاسس بيه

لقيت قلبي اللي كان عايق

ده مش لايق على اللي ماليه

 زرعت غيطان بكدب وزيف

بقت تطرح مواسم هيش

وعشت بوهمي حلم طويل

صحيت م الحلم ملقتنيش

ومش زعلان ومش مجروح

ومش بحزن ولا بشتاق

ومش مستني حد يقول

مسير كل البشر لفراق

حقايق واضحة محيناها

وكدب بنينا في قصوره

ومهما تطول القصة

بطلها هيمشي مع دوره