*عيب يا جماعة الهجمة الشرسة غير المهنية دي على الفنان محمد صبحي.

*اللي له حق ياخده بالقانون...مرمطوه في المحاكم ...لكن بالأدب يا مؤدبين.

*بلاش إذا خاصمنا نفجر.

*عيب الردح الإعلامي.. علشان ايه؟ 

مش كل ما بسلامته هيزعل نزعل وراه ونجيب ناس تزعل معاه.

محمد صبحي يتعمل فيه كده؟ 

*محمد صبحي (أبناء الصمت) ونصر اكتوبر ...محمد صبحي (وجهة نظر).... محمد صبحي (ونيس) محمد صبحي (الهمجي) محمد صبحي (فارس بلا جواد).

*ده تاريخ يا جماعة في المسرح والتليفزيون ورجل كبير محترم وتنويري...حتى لو غلط....لو

*عيب نعمل كده ف رموزنا...شكلنا وحش اوووي.

*عيب نبقى خالتي فرنسا اللي يقول لنا بسسك عليه نروح (باردون يعني) نردح له ونلبسه أي بلوة.

*عمل ايه محمد صبحي؟ على فرض انه غلط ... نمرمطه كده؟

*كيف تأكلون بنفس الفم الذي يخرج هذا القرف.

* الراجل يموت بقهرته.... بلاش كده أرجوكم...بلاش تخلوا الدنيا كده..

*بالذمة ده مانشيت؟ ده مانشيت يليق باسم ( الوطن)؟؟ ده مانشيت فيه ريحة المهنية أو الإنصاف أو الاحترام؟

(حاربني عشان قلت لأ !! )

إخجلوا...بلدي اوي الكلام ده..وعيب اوي.الكلام المكتوب ده