مش مطلوب من أي حد إنه يحبك، مش لازم كيميتك تكون ظابطة مع كيميا الناس كلها، وفيه ناس مش هتتقبلك من أول نظرة زي ما فيه ناس هتحس إنها عاوزة تبقى جزء من حياتك برضو من أول نظرة، لازم تتقبل ده..

بس المطلوب إن الكل سواء بيحبك أو لاء يحترمك، اللي بيكرهك هناك ده بدون سبب تكون بطنه وجعاه لأنه مش عارف يفقدك احترامك ده ولا عارف يكون زيك،

الناس ملزمة اتجاهك بالاحترام لو مش بمزاجهم فهيبقى غصب عنهم وبالأدب وبكل ثبات نفسي والتزام إنساني.. 

احترام شخصك، اختياراتك، معتقداتك، جنونك طالما مش مؤذي، حدودك اللي أنت حاططهم وراها ومش سامحلهم يعدوها حتى لو غيرهم عداها.. لأن مش كل الناس لها نفس الحدود وده طبيعي..

كرامتك فوق أي شيء تاني ومفيش مكسب أهم منها