هو يعنى الحب كلمة
يعنى ايه كلمة بحبك
يعنى روحى جوة قلبك
وانت روحك جوة قلبى
انت روحى وانا قلبك
شايفه دمك سامعه نبضك
يعنى روح هايمة فى حبك
سامعه نبضى ينطق اسمك
صوت نبضك ينطق اسمى
لا دا شكلى هو رسمك
واسمى كان يبدا باسمك
يعنى روحى هايمة فيك
سامعه قلبى بيناديك
ان غبت يوم اسال عليك
لما توحشنى عنيك
انت روحى ودايبه فيك
حتى عينى عاشقة عنيك
ترد روحى بلمسة ايديك
وينتهى اسمى باسمك
لا.لا دا شكلك هو شكلى
حتى رسمك هو رسمى
يعنى توام بجسمين
انا وانت قلب واحد
شكل واحد روح واحدة
قلب واحد فى جسمين
احنا واحد مش اتنين