بنحلم ليه..بنحلم ليه 

ونِفسى اعرف بنحلم ليه 

هو احنا ملناش نِفس

فى اللى احنا نِفسنا فيه  

أحلامنا ليه بالعكس 

عكس اللى نحلم بيه 

نحلم بالراحة..نتألم 

وعِند وصبر..بنسلم

ونحلم صمت..نتكلم

ونِفسى اعرف بنحلم ليه 

....................................

بنحلم ليه مدام 

معكوسة أحلامنا 

يا العند م الأيام 

يا العيب فى أوهامنا

وفى الحالتين عذاب 

حلمك ضاع ولّا غاب

أحلام كلام سراب

نحكيها فى كلامنا

بنحلم ليه..بنحلم ليه 

ونِفسى اعرف بنحلم ليه 

اسلام ابو علم