غنوتى الجديدة
رميت طوبته
ومش حقبل خلاص توبته
ده خانى كتير سامحته اكتر
ولما إتمادى ف انا سيبته
قرار وأخدته متأخر
يوماتى كان يموتنى
عمايله السودة بتأثر
فى قلبى وحبه سكتنى
كرامتى قالتلى مش ساكتة
وروحى فى نفسها كابتة
لا خاف على زعلى يوم حتى
ودى القشة اللى قطمتنى
وخلتنى خلاص سيبته
رميت طوبته
ومش حقبل خلاص توبته
.........................................
أنا المسئولة على حزنى
عشان أنا جيت على كرامتى
بحس وهو ليه فى حضنى
بإنى بقل من قيمتى
خيانته بشمها فى ريحته
فى صوته فى حتى تلميحته
وياما يارب انا سامحته
محسش حتى يوم غيرتى
يخون تانى ويتمادى
خلاص بقى طبع بقى عادة
ده كان لازم من الأول
محبوش لأ ده يتعادى
قرار وأخدته متأخر
يوماتى كان يموتنى
عمايله السودة بتأثر
فى قلبى وحبه سكتنى
كرامتى قالتلى مش ساكتة
وروحى فى نفسها كابتة
لا خاف على قلبى يوم حتى
ودى القشة اللى قطمتنى
وخلتنى خلاص سيبته
رميت طوبته
ومش حقبل خلاص توبته
اسلام ابو علم