أنا خايفة 

من ايه؟

من اني اكون عليكي تقيلة

انتي حزينة؟

بصراحة أوي جدًا

أنا قصة قصيرة صفحاتها تاهت وسط الزحمة

انتي مريضة؟

معترفة أكيد ومرضي الغيرة 

بتغيري..إزاي؟

من ضحكة وهمسة لصاحبة غيري ليكي قريبة

بتحبيني؟

ده سؤال مقدرش على إجابته لأن مشاعري اكبر من كلمة 

بس أنا هبعد..

عارفة وموجوعة

ندمتي..؟

ندمت اني في يوم كنت بعيدة 

وسبتك في الدنيا وحيدة

اتاخرتي..

غلطة وهدفع

تمنها دمعة حزينة

هتنسيني؟

إزاي وانتي عنوان روايتي الجاية

طب وصفك ليا هيكون ازاي؟!

ضايعة.. وموزونة

وعيون تمس القلب 

وجمال الروح اللي ملوش زي

عارفة الضي اللي بيخطف ويخلينا نبني الوطن بيوت من نثر 

انتي الأنقى 

انتى البسمة اللي تنور جوا رواية ويكون ليها مليون عنوان

أنتي البطلة اللي في يوم ما تقرر تبعد هتموت وياها كل الأبطال..