● القاهرة عام ( ١٩٧٠ )

• تسمحيلى بالرقصه دى يا هانم
• بصتله بااستغراب _ وانت تعرفنى عشان ترقص معايا؟!
• نتعرف؟
• لا طبعاً
• قولت بصوت غير مسموع _ شوية مجانين

• في ايه يا جميله متضايقه ليه ؟
• الراجل المجنون اللى هناك ده جاى يقولى تسمحيلي بالرقصه دي يا هانم وعايزني اتعرف عليه كمان
• ياخبر للدرجه دى - ده راجل وقح بصحيح
• طب يلا نمشى
• يلا

• بس تعرفى يا فاتن .. الراجل ده غريب جداً
• ليه يا جميله
• راجل بطول وعرض و زى القمر.. ليه يطلب منى انى ارقص معاه مع ان في بنات كتير في الحفله احلى مني
• اكيد انتِ اللى خطفتى قلبه اول ما شافك
• تفتكرى ؟
• افتكر جداً
• تفتكرى ممكن يرجع تانى ؟
• ممكن ليه لا .. بس لو رجع كلمك هتوافقى ؟
• هفكر
• هتوافقى
• قولتلك هفكر
• انا عارفه انك هتوافقي
• وجايبة الثقه دى منين بقي يا ست فاتن !
• من عقلك المشغول بيه
• بس انا عقلى مش مشغول بيه
• لو مش مشغول مش هتفكرى هو هيرجع تانى ولا لا
• لا لا مفيش حاجه من اللى بتقوليها دى صحيحه يا فاتن - هو بس لفت نظرى مش اكتر
• يمكن
• طب يلا ننام بقى عشان عندنا مدرسه الصبح
• يلا

• فاتن .. قومى يا فاتن بقى عشان كدا هنتأخر على المدرسه
• حاضر يا جميله قايمه اهو

• تفتكرى يا فاتن لو قابلت الراجل ده تانى وحب يتقدم ليا.. بابا هيوافق ؟
• مفتكرش بابا هيوافق
• ليه بقى ؟
• عشان انتِ لسة صغيره
• انا فى تالته ثانوى وكلها اقل من سنه وهبقى في أولى جامعه.. يعني مش صغيره
• لا احنا صغيرين على الكلام ده يا جميله
• طب بس بس اسكتي.. انتِ اللى صغيره مش انا
• ضحكت _ طب يلا امشي بسرعه عشان منتأخرش

• انسه جميله
• ايه ده .. انت ايه جابك هنا وعرفت اسمي ازاي ؟
• ده كله مش مهم
• امُال ايه المهم ؟!
• المهم انى عايز اتكلم معاكِ شوية
• بصفتك ايه
• بصفتى الراجل اللي هيتجوزك
• هتجوزك ازاى وانا معرفش انت مين
•هتعرفينى
• وهتجوزك ازاى وانا مش بحبك
• هتحبينى
• انت واثق كدا ازاى وازاى بتكلمنى كدا
• انا مش بقول حاجه غير لما اكون واثق منها
• للدرجه دى
• واكتر كمان _ ممكن تديني فرصة واحده ونتكلم
... •
• اتمنى انك توافقي ..
• موافقة
• تحبى نقعد فين ؟
• فى اى مكان قريب من هنا
• فى مطعم فى اخر الشارع تعالى نقعد فيه
• ماشى

• انا أسمى أنس.. لسه متخرج من كليه الطب .. عندى ٢٥ سنه .. حالياً بشتغل فى مستشفى وبحضر عشان افتح عياده
اول مرة شوفتك لما كنا فى الحفله .. انتِ الوحيده اللى لفتى نظرى وخطفتينى من اول ما شوفتك .. مشيت وراكِ وراقبتك وعرفت بيتك وشوفتك انتِ واختك رايحين المدرسه وسألت عليكِ فى المدرسه وعرفت اسمك .. بس كدا ...
• يا خبر .. عملت كل ده عشانى
• واعمل اكتر من كدا كمان
• ليه بتعمل كل ده!
• عشان معجب بيكِ
• معجب بيا انا !
• اه معجب بيكِ انتِ .. مستغربة ليه !
• عشان عمرى ما حد اعُجب بيا قبل كدا ولا حد قالى الكلام ده
• انا بقولك اللى جوايا واللى حاسس بيه
• يا خبر .. الوقت عدى بسرعه اوى .. انا لازم امشي
• طب استني بس .. ممكن رقم تليفونك
• بس انا مش عندي تليفون في اوضتي .. التليفون في اوضة ماما وبابا بس
• طب خدى رقمى وكلميني انتِ وقت ما هتعرفى تكلميني
• حاضر

• قابلته تانى يا فاتن قابلته
• هو مين ؟
• الراجل اللى كان فى الحفله
• بجد ! طب احكيلي حصل ايه
• جه عند المدرسه وقالى انه مشى ورانا يوم الحفله والنهارده مشى ورانا لحد المدرسه ودخل سأل عليا جوا وعرف اسمي و وقفني وانا خارجه من المدرسه وقالي انه عايز يتكلم معايا و روحنا قعدنا في مطعم وقالي انه اسمه أنس واتخرج من كليه الطب وعنده ٢٥ سنه
• وبعدين ؟
• بس واداني رقم تليفونه عشان ابقي اكلمه
• هتكلميه من تليفون ماما وبابا !
• اه
• انتِ كدة هتعملى مشكله لنفسك .. افرض حد سمعك
• ياستي ان شاء الله مش هيحصل حاجه .. انا مبسوطه اوي يا فاتن اوي حاسه قلبي بيرقص من الفرحه .. عارفه لما قعدت معاه وبصيت فى ملامحه لقيتها حلوة اوى يا فاتن.. عيونه بنى فاتح وبشرته قمحيه وملامحه مسمسمه .. حلو بشكل يخبل
• طب بصى يا جميله يا حبيبتي.. اللى بتعمليه ده غلط
• هو الحب غلط ؟
• الحب مش غلط .. بس غلط لما ييجي بالطريقه دي
• غلط ليه ؟
• بصى يا جميله احنا في الوقت ده يعتبر فى سن مراهقه يعني فى مشاعر بنبقي محتاجين ليها ومجرد ما نلاقى حد يدينا المشاعر دى بننجذب له وبنبقي فاكرين اننا بنحبه وان هو ده الحب اللى ميتعوضش بس مع الوقت يااما الشخص ده هيمشي بعد ما هتكونى اتعلقتِ بيه فعلاً يا اما انتِ هتحسى انك مش بتحبيه
• بس انا منجذبه له جداً ومش مستعده انى اسيبه

• هتتعبى فى الاخر
• ان شاء الله مش هتعب
بس يا فاتن بقى سبيني مبسوطه شوية يا شيخه حرام عليكِ
• يا حبيبتي انا نفسى اشوفك مبسوطه طول العمر بس انا خايفه عليكِ انا توأمك .. لو انا مش هخاف عليكِ مين هيخاف عليكِ يعني !
• عارفه والله بس متخافيش انا حاسه انى مش هتعب ولا هيحصل اي حاجه من الكلام ده وربنا هيسترها ان شاء الله
• ان شاء الله

• ايه ده يا خبر .. أنس!! .. انا انزل له حالاً

• أنس.. انت واقف ليه كدا
• عشان اشوفك وانتِ بتسقي الورد

• يا أنس متهزرش وامشي قبل ما بابا ييجي و ياخد باله
• مش همشى غير لما تيجي تتمشى معايا شوية
• يا خبر.. ده لو بابا عرف هيموتنى
• خلاص يبقي مش همشي
• طب خلاص خلاص يلا بس مش عايزه اتأخر
ثواني هروح اقول ل فاتن واجي

• انتِ رايحه فين يا جميله؟
• نازله بس خمس دقايق وجايه
• يعني رايحه فين ؟
• هنزل ل أنس تحت خمس دقايق بس واطلع
• بلاش يا جميله عشان لو بابا وماما جُم
• متقلقيش مش هتأخر والله ولو سألوا عليا قولي لهم اني بشتري حاجه وجايه
• يا جميله بلاش عشان ميحصلش مشكله
• متقلقيش بقي يا فتونه يا قمر .. يلا باي

• كل ده عشان تنزلي!
• كنت بقنع فاتن انى انزل
• وحشتيني
• اتكسفت _ امممم
• امممم ايه بقولك وحشتيني يعني تقوليلي وانت كمان ولا انا موحشتكيش بقي
• لا طبعاً وحشتني
• ضحك _ ايوا كدا
احكيلي عن نفسك شوية يا جميله _ حابب اعرفك اكتر
• عايز تعرف ايه ؟
• يعني بتحبي ايه .. بتكرهي ايه .. عندك هدف ولا لا ولو عندك ايه هو هدفك ده.. كدا يعني
• بص يا سيدي انا اكتر حاجه بحبها في حياتي هو الهزار والضحك واختي فاتن واكتر حاجه بكرهها هي الحزن .. وهدفي هو اني ابقي محاميه كبيره .. ابقي اكبر محاميه في البلد واشطر محاميه
• بس كدا !
• اه
• هى دى الحاجات اللى بتحبيها بس
• اه
• طيب مين اكتر ناس بتحبيهم
• فاتن وماما وبابا وسُريا صاحبتى
• وانا ؟
• انت ايه ؟
• بتحبينى ؟
• وشى احمر _ بلاش الاسئله دى يا أنس بقي
• لا قوليلي دلوقتي.. بتحبيني ؟
• اتكسفت _ اه
• اه ايه ؟
• اه بحبك
• يااااه اخيراً ده انتِ تعبتيني اوى عقبال ما قولتيها
• تعبتك ايه انا لسه عرفاك من اسبوعين بس
• اسبوعين بس متتخيليش عملتِ فيا ايه فيهم
• اسكت بقي عشان انت كسفتنى اوى
• انا كمان بحبك اوى يا جميله.. احنا مش عارفين بعض من زمان بس حقيقي حبيتك اوي و بتمني اني كنت اقابلك من زمان
• حقيقي يا أنس.. حبتني؟
• جداً
• يا خبر .. انا اتأخرت اوي .. لازم امشي
• طب استني بس .. هشوفك تانى امتا ؟
• مش عارفه .. هبقي اكلمك .. يلا سلام
• سلام

عدى ٦ شهور ، كل يوم بنتكلم في التليفون او نتقابل _ اول مره احس انى مبسوطه اوى كدا _ اول مرة حد يهتم بيا بالطريقه دى .. مهتم بكل تفصيلة _ دايما بيسمعني وعايز يشوفني _ دايما يقولى انا محتاج اشوفك يا جميله _ لما بكون متضايقه مش بلاقي غيره اروح له _ بيسمعنى ويسندنى ويفضل معايا لحد ما ابقي مبسوطه
اوقات بنتخانق سوا عشان هو يعرف بنات غيري ، انا من حقي اتضايق واغير ماهو مش سهل عليا الاقيه يعرف حد غيري وكل دا تحت مُسمي الصداقه ، وانا مش هعرف اقبل بكدا ، بس برضو هو حياته كدا من زمان واكيد هياخد وقت عقبال ما يتغير وانا واثقه انه هيتغير عشاني

التليفون بيرن :_
• الو ، مين ؟
• انا أنس
• اييييه ، مش قولتلك قبل كدا متتصلش غير لما انا اتصل بيك يا أنس
• معلش بس انا عايزك في موضوع مهم ، لازم نتقابل دلوقتي
• بس انا مش هعرف انزل دلوقتي
• معلش يا جميله حاولي ، الموضوع مهم فعلا
• حاضر ، الساعه كام ؟
• قابليني الساعه ٥
• حاضر

بعد ساعتين :_
• في ايه يا أنس قلقتني
• تعالي اقعدي بس
• اديني قعدت ، قول بقي وقعت قلبي
• بصى انا مش عارف اجبهالك ازاي بس انا ..
انا مش حاسس اني علي راحتي يا جميله
• مش علي راحتك ازاي ؟
• يعني مش عارف اعيش حياتي زي الاول ، انا بحاول دايما ارضيكِ بس مش عارف ، يعني الاول كنت بتعامل مع اصحابي البنات عادي بس دلوقتي ببقي خايف علي زعلك ، كنت بسافر معاهم وأخرج واعمل كل حاجه بس دلوقتي لا ، حاسس انك حكمانى وانا مش متعود على كدا ، حتي بخاف اعمل اي حاجه من وراكِ عشان عامل حسابك بس لما حاولت ابعد عن كل ده معرفتش ، انا مش عايز اغير حياتي وفي نفس الوقت عايزك
• خلصت؟
• اه
• طيب يا أنس انا هسهل عليك كل ده واقولك اننا مش هنكمل وياسيدي انا اللي عايزه كدا
• بس انا مكنتش اقصد كدا يا جميله
• أنس انت لو بتحبني هتبعد عن كل ده عشاني .. بس انت محبتنيش
• يا جميله لا خالص كل اللي محتاجه منك بس انك تديني مساحتي واعيش براحتي وبالطريقه اللي انا عايزها
• وانت كمان اديني مساحتي وخليني اعيش بالطريقه اللي انا حباها .. وبعدين ماانا اهو هسيبك تعيش براحتك من غير ما اضايقك
• يعني ايه يا جميله !
• يعني انا هسيبك تعيش براحتك يا أنس
• يا جميله انا ...
• انا همشي عشان اتأخرت
• يعني انتِ مش متضايقه !
• ابتسمت _ هتضايق ليه يا أنس عادي احنا متفقناش مفيش مشكله

انا اه اتأثرت بكلام أنس وبعده عني وجعني بس مكانش ينفع أبين له اني اتأثرت ، كنت لازم اقعد اكلمه والابتسامه علي شفايفي واحسسه اني متأثرتش ، بس الحقيقه هي ان أنس هو اكتر شخص أثر فيا وبعده عنى اثر فيا اكتر من اي حاجه ، عرف يعلقني بيه كويس ، عرف يضحك عليا ويحسسني اني اول اهتماماته ، عرف يخليني ابقي مبسوطه معاه هو بس ، مكنتش متوقعه ان دي تبقي نهاية حكايتنا ...

• هتفضلي كدا لحد امتا يا جميله؟
• كدا ازاي !
• من ساعت ما سابك وانتِ علطول قاعده لوحدك ومش مركزه في حاجه خالص ، دايما سرحانه وبتعيطي بالليل لوحدك ، حالك اتبدل يا جميله ، بعد ما كنتِ جميله اللي دايماً تضحكي بقيتِ دايما تعيطي والضحكه مش بتظهر علي وشك ، عدى سنتين وانتِ لسة زي ما انتِ ، هتفوقي امتا يا جميله
• انا نسيته يا فاتن خلاص ومش بفكر فيه ، عدى وقت كبير والوقت كافى انه ينسي اي حد
• لو نسيتِ مش هتقعدي سرحانه بالساعات كدا
• مش لازم لما اسرح اكون بفكر فيه
• طب بطلى تفكرى فيه
• مش بفكر فى حد
• غيره ، مش بتفكرى في حد غيره يا جميله
• ازاي هنسي كل ده بسرعه كدا يا فاتن ! ده أنس يا فاتن أنس ، أنس الوحيد اللي كان بيسمعني ويقف جنبي ، لو متضايقه كنت مش بلاقي غيره جنبي يطبطب عليا ويطمني
عيطت _ ازاي بتقوليلي ابطل افكر فيه وانساه بالسهوله دي ازاي يا فاتن!
• طب خلاص يا حبيبتي اهدي
• حضنتني _ محدش حاسس باللي جوايا ، محدش حاسس انا موجوعه قد ايه يا فاتن
كل اللي بيشوفوه اني بقيت نكديه ، طب حد حاول يشوف انا بقيت كدا ليه او ايه هي الحاجه اللي وصلتني لكدا واثرت عليا بالشكل دا ! محدش حاول يا فاتن ولا حد هيحاول ، محدش حتي حاول يبقي جنبي
• خلاص يا حبيبتي حقك عليا انا
• انا حتي مش عارفه اكرهه يا فاتن رغم اللي هو عمله فيا ، انا لسه بحبه ومش عارفه أنساه
• والله يا جميله عارفه انه صعب ، صعب يكون في شخص مشاركك يومك كله وبيتطمن عليكِ دايما ويسمعك من غير ما يمل او يزهق ويطبطب عليكِ وقت حُزنك وفجأه تكتشفي انه مش بيحبك ويختفي بس يا جميله حاولي تتجاوزيه يا حبيبتي حاولي متفكريش كتير فيه اشغلي يومك بحاجه تانيه العبي رياضه او اشتغلي المهم تعملي حاجه تملى بيها يومك
• مهما عملت مش هقدر اتجاوزه يا فاتن
• هتعرفي يا حبيبتي وهتقدرى وانا جنبك ومش هسيبك

يمكن اصعب حاجه في الدنيا انك تكون بتحب شخص وبيشاركك كل حاجه في حياتك ، فرحك ، زعلك ، ضحكك ، همومك ، خوفك .. كل حاجه وكل التفاصيل ، وفجأه يختفي ويسيبك تايه ، مش عارف تعمل ايه من بعده وتعيش حياتك ازاي ، كأنه اخد جزء من روحك ومشي وساب فيك علامه هتفضل موجوده العمر كله ، جرح مش هيتقفل وسايب معاه شوية ذكريات يصحوا الجرح اكتر وكل ما تحاول تقفله تلاقي الذكريات بتفتحه تانى ، حتى لو اشتغلت ومليت يومك برضو هتيجي فى اخر اليوم وتحتويك وحدتك ، اللحظه اللي بتهلكك نفسياً وحتى لو كل الناس حواليك محدش هيقدر يملى مكان الشخص ده ..

كل دااا كان ليہ • لما شوفت عينيه
حن قلبے إليہ • وانشغلت عليه
كل دااا كان ليه كان ليه ، ليييييه

• هتفضلي قاعده تسمعي نفس الاغنيه كتير كدا !
• بسمعها عادي عالفكره
• ولا عشان بتوصف حالك
• يمكن
• يعني لسه بتفكرى
• مبفكرش
• امُال بتسمعي الاغنيه دى ليه
• قولتلك عادي يا فاتن

• جميله
• نعم يا ماما
• عايزاكِ فى موضوع
• موضوع ايه ؟
• فى عريس متقدم لك
• مش موافقه يا ماما
• هو كل ما ييجي لك عريس تقولي كدا من غير ما تشوفيه
• عشان انا مش عايزه يا ماما مش عايزه
• طيب يا حبيبتي معلش اقعدي مع ده بس ولو مرتاحتيش خلاص متوافقيش
• حاضر يا ماما حاضر
• نقوله ييجي امتا ؟
• فى اى وقت يا ماما مش هتفرق
• ماشي يا حبيبتي ربنا يكتبلك الخير يارب
• يارب

عدى يومين ، كانوا اصعب يومين عدوا عليا في الفتره دي ، ازاي هقعد مع واحد غيره ، ازاي نصيبي ممكن يكون مع واحد تاني ، ازاي هعيش مع واحد تاني فى بيت واحد وانا بحبه هو ، ازاي حد تاني غيره هيدخل حياتي
النهارده المقابله ، قلبي واجعنى اوي ، ياريت كل ده ما حصل ، ياريتني متوجعتش الوجع ده كله وكنت اعيش حياتى طبيعيه زي اي بنت

مهتمتش اني البس أروع فستان عندى ولا انى احط ميكب ، مش شايفه قدامى غيره ، نفسي انفجر فيهم كلهم عشان يحسوا باللي جوايا ، وحتى لو دا حصل مش هيحسوا ، محدش بيحس بوجع حد غير الشخص نفسه

• تعالي يا جميله سلمي علي عريسك ، الاستاذ أنس عبد الرحمن
الصدمه بانت على وشى ، يا خبر ! معقول أنس هو العريس
طب ازاي!
جوايا مشاعر كتير ملخبطه ، متضايقه منه بس واحشني ، بحبه بس مش عايزاه ، ازاي جاي لحد هنا بعد ما وجعني الوجع دا كله ، رجع ليه تاني وهو مش بيحبني

• تسمحلى بس يا عمى اقعد مع جميله شوية
• طبعاً يا ابني اتفضلوا
خرجوا وسابوني معاه لوحدى ..

ضربات قلبي سريعه ، رعشه ايدي زادت وانا بقول ..

• انت ايه اللي جابك ؟
• عشان بحبك
• كداب
• حقك تقولي اكتر من كدا بس انا مش كداب يا جميله
• لا كداب ، انت مش مكفيك اللي عملته فيا وجاي تزوده ، ليك عين تيجي تاني
• جميله انا لو كداب زي ما بتقولي ولو مش بحبك مش هاجي من الباب ومش هاجى اصلا ، انا مش زي ما انتِ فاكره يا جميله انا مش بعرف اكدب ولما سيبنا بعض من سنتين انا كنت ساعتها مش عايز اسيبك وكنت فعلا بقولك اللي جوايا ويمكن وقتها كنت مش متأكد من مشاعرى بس دلوقتي انا متأكد من مشاعرى
انتِ متستاهليش الشخص اللي كنتِ تعرفيه من سنتين يا جميله ، انتِ انضف من كدا بكتير ، وانا احلفلك انى بعدت عن كل حاجه انتِ مش بتحبيها ، عن البنات والسجاير وكل حاجه انتِ بتضايقي منها ، بعدت عشانك يا جميله
صدقيني يا جميله انا مش بكدب ، عدى سنتين بس انتِ مش بتخرجي من دماغى ، تفكيري كله فيكِ ، مش عارف أكمل من غيرك ، انا اسف يا جميله ، اسف علي اي حاجه وحشه كنت سبب في انها تحصل ليكِ ، اسف علي كل وجع كنت سبب فيه ، حياتي وحشه اوي من غيرك ، حياتى ناقصه من غيرك ومش هتكمل غير بوجودك
انا همشى دلوقتي ومستنى ردك ، اتمنى انك توافقي .. مع السلامه

• هتعملى ايه يا جميله ؟
• مش عارفه يا فاتن ، حقيقي مش عارفه
طب انتِ لو مكانى هتعملى ايه ؟
• هفكر في الموضوع من ناحيه تانيه
يعني مثلا هقول هو لو مش بيحبني ونسيني فعلا هييجي تاني ليه! او لو هو غرضه يقضي وقت وخلاص هيدخل من الباب ليه وييجي بطريقه رسميه
• يعني هو بيحبني ؟
• ده اللي انا شايفاه يا جميله ، هو لو مش بيحبك مش هيرجع تاني بالطريقه دي ، انا المره دي متأكدة انه بيحبك فعلا
• بجد! يعني اوافق يا فاتن ؟
• وافقي يا جميله
• خايفه اندم
• مش هتندمي
سكتت _ ازاي ارجع لنفس الشخص تاني ، نفس الشخص اللى وجعنى ، الشخص اللي كان سبب في اني طول الوقت بسأل نفسي هو سابني ليه ؟ يمكن عشان انا وحشه! ولا انا مستاهلش انى اتحب!
ازااااى ارجع اثق فيه تاني ، ازاي اضمن انه ميوجعنيش ، ازاي اضمن انه بيحبني
بس هو لو مش بيحبني ، رجع ليه!

قررت اسمع نصيحه فاتن و اوافق ، قررت اديله فرصه تانيه ، الخذلان من نفس الشخص مرتين هيبقي صعب اوي ، بس هحاول ابص للجانب الكويس في الحكاية ، يمكن اتغير فعلا ، يمكن بقي كويس عشاني ، يمكن يبقي لينا حكاية تعوضني عن كل اللي فات

وافقت واتخطبنا وجه اليوم اللى طول عمرى بتمناه ، يوم كتب كتابى على اكتر شخص حبيته في حياتي ، والوحيد اللي حبيته ونفسي اكمل معاه حياتي كلها
كان بيبص ليا وكأنى أعظم انتصاراته، بصته ليا عمرى ما هنساها، الفرحه اللى ظاهره في عينيه عمرى ما هنساها

مكنتش بقتنع بالفرصه التانيه ، بس مش كل الأشخاص هنتطبق عليهم القانون ده ، في اشخاص يستحقوا الفرصة التانيه فعلا ، ناس تستاهل اننا نحاول نتجاوز مخاوفنا وقلقنا عشانهم ، أنس اتغير كتير ، اختار انه يسيب كل حاجه بتضايقنى عشاني ، اختارني انا ، لقى سعادته معايا مش مع اى حاجه تانيه
اختاروا ناس تحبكم وتضحي بأي حاجه عشانكم ناس تبقي مبسوطه بيكم ، ناس عايزه تعمل اي حاجه عشان تبقوا بس مبسوطين ..

بارك الله لكما وبارك عليكما وجمع بينكما في خير..

• تسمحيلي بالرقصه دي يا هانم
بصيت له بكل حب ، بصه بتعبر عن كل ذرة حب وشوق ليه جوايا
• اسمح طبعا ..
#هاجر_محمود● القاهرة عام ( ١٩٧٠ )

• تسمحيلى بالرقصه دى يا هانم
• بصتله بااستغراب _ وانت تعرفنى عشان ترقص معايا؟!
• نتعرف؟
• لا طبعاً
• قولت بصوت غير مسموع _ شوية مجانين

• في ايه يا جميله متضايقه ليه ؟
• الراجل المجنون اللى هناك ده جاى يقولى تسمحيلي بالرقصه دي يا هانم وعايزني اتعرف عليه كمان
• ياخبر للدرجه دى - ده راجل وقح بصحيح
• طب يلا نمشى
• يلا

• بس تعرفى يا فاتن .. الراجل ده غريب جداً
• ليه يا جميله
• راجل بطول وعرض و زى القمر.. ليه يطلب منى انى ارقص معاه مع ان في بنات كتير في الحفله احلى مني
• اكيد انتِ اللى خطفتى قلبه اول ما شافك
• تفتكرى ؟
• افتكر جداً
• تفتكرى ممكن يرجع تانى ؟
• ممكن ليه لا .. بس لو رجع كلمك هتوافقى ؟
• هفكر
• هتوافقى
• قولتلك هفكر
• انا عارفه انك هتوافقي
• وجايبة الثقه دى منين بقي يا ست فاتن !
• من عقلك المشغول بيه
• بس انا عقلى مش مشغول بيه
• لو مش مشغول مش هتفكرى هو هيرجع تانى ولا لا
• لا لا مفيش حاجه من اللى بتقوليها دى صحيحه يا فاتن - هو بس لفت نظرى مش اكتر
• يمكن
• طب يلا ننام بقى عشان عندنا مدرسه الصبح
• يلا

• فاتن .. قومى يا فاتن بقى عشان كدا هنتأخر على المدرسه
• حاضر يا جميله قايمه اهو

• تفتكرى يا فاتن لو قابلت الراجل ده تانى وحب يتقدم ليا.. بابا هيوافق ؟
• مفتكرش بابا هيوافق
• ليه بقى ؟
• عشان انتِ لسة صغيره
• انا فى تالته ثانوى وكلها اقل من سنه وهبقى في أولى جامعه.. يعني مش صغيره
• لا احنا صغيرين على الكلام ده يا جميله
• طب بس بس اسكتي.. انتِ اللى صغيره مش انا
• ضحكت _ طب يلا امشي بسرعه عشان منتأخرش

• انسه جميله
• ايه ده .. انت ايه جابك هنا وعرفت اسمي ازاي ؟
• ده كله مش مهم
• امُال ايه المهم ؟!
• المهم انى عايز اتكلم معاكِ شوية
• بصفتك ايه
• بصفتى الراجل اللي هيتجوزك
• هتجوزك ازاى وانا معرفش انت مين
•هتعرفينى
• وهتجوزك ازاى وانا مش بحبك
• هتحبينى
• انت واثق كدا ازاى وازاى بتكلمنى كدا
• انا مش بقول حاجه غير لما اكون واثق منها
• للدرجه دى
• واكتر كمان _ ممكن تديني فرصة واحده ونتكلم
... •
• اتمنى انك توافقي ..
• موافقة
• تحبى نقعد فين ؟
• فى اى مكان قريب من هنا
• فى مطعم فى اخر الشارع تعالى نقعد فيه
• ماشى

• انا أسمى أنس.. لسه متخرج من كليه الطب .. عندى ٢٥ سنه .. حالياً بشتغل فى مستشفى وبحضر عشان افتح عياده
اول مرة شوفتك لما كنا فى الحفله .. انتِ الوحيده اللى لفتى نظرى وخطفتينى من اول ما شوفتك .. مشيت وراكِ وراقبتك وعرفت بيتك وشوفتك انتِ واختك رايحين المدرسه وسألت عليكِ فى المدرسه وعرفت اسمك .. بس كدا ...
• يا خبر .. عملت كل ده عشانى
• واعمل اكتر من كدا كمان
• ليه بتعمل كل ده!
• عشان معجب بيكِ
• معجب بيا انا !
• اه معجب بيكِ انتِ .. مستغربة ليه !
• عشان عمرى ما حد اعُجب بيا قبل كدا ولا حد قالى الكلام ده
• انا بقولك اللى جوايا واللى حاسس بيه
• يا خبر .. الوقت عدى بسرعه اوى .. انا لازم امشي
• طب استني بس .. ممكن رقم تليفونك
• بس انا مش عندي تليفون في اوضتي .. التليفون في اوضة ماما وبابا بس
• طب خدى رقمى وكلميني انتِ وقت ما هتعرفى تكلميني
• حاضر

• قابلته تانى يا فاتن قابلته
• هو مين ؟
• الراجل اللى كان فى الحفله
• بجد ! طب احكيلي حصل ايه
• جه عند المدرسه وقالى انه مشى ورانا يوم الحفله والنهارده مشى ورانا لحد المدرسه ودخل سأل عليا جوا وعرف اسمي و وقفني وانا خارجه من المدرسه وقالي انه عايز يتكلم معايا و روحنا قعدنا في مطعم وقالي انه اسمه أنس واتخرج من كليه الطب وعنده ٢٥ سنه
• وبعدين ؟
• بس واداني رقم تليفونه عشان ابقي اكلمه
• هتكلميه من تليفون ماما وبابا !
• اه
• انتِ كدة هتعملى مشكله لنفسك .. افرض حد سمعك
• ياستي ان شاء الله مش هيحصل حاجه .. انا مبسوطه اوي يا فاتن اوي حاسه قلبي بيرقص من الفرحه .. عارفه لما قعدت معاه وبصيت فى ملامحه لقيتها حلوة اوى يا فاتن.. عيونه بنى فاتح وبشرته قمحيه وملامحه مسمسمه .. حلو بشكل يخبل
• طب بصى يا جميله يا حبيبتي.. اللى بتعمليه ده غلط
• هو الحب غلط ؟
• الحب مش غلط .. بس غلط لما ييجي بالطريقه دي
• غلط ليه ؟
• بصى يا جميله احنا في الوقت ده يعتبر فى سن مراهقه يعني فى مشاعر بنبقي محتاجين ليها ومجرد ما نلاقى حد يدينا المشاعر دى بننجذب له وبنبقي فاكرين اننا بنحبه وان هو ده الحب اللى ميتعوضش بس مع الوقت يااما الشخص ده هيمشي بعد ما هتكونى اتعلقتِ بيه فعلاً يا اما انتِ هتحسى انك مش بتحبيه
• بس انا منجذبه له جداً ومش مستعده انى اسيبه

• هتتعبى فى الاخر
• ان شاء الله مش هتعب
بس يا فاتن بقى سبيني مبسوطه شوية يا شيخه حرام عليكِ
• يا حبيبتي انا نفسى اشوفك مبسوطه طول العمر بس انا خايفه عليكِ انا توأمك .. لو انا مش هخاف عليكِ مين هيخاف عليكِ يعني !
• عارفه والله بس متخافيش انا حاسه انى مش هتعب ولا هيحصل اي حاجه من الكلام ده وربنا هيسترها ان شاء الله
• ان شاء الله

• ايه ده يا خبر .. أنس!! .. انا انزل له حالاً

• أنس.. انت واقف ليه كدا
• عشان اشوفك وانتِ بتسقي الورد

• يا أنس متهزرش وامشي قبل ما بابا ييجي و ياخد باله
• مش همشى غير لما تيجي تتمشى معايا شوية
• يا خبر.. ده لو بابا عرف هيموتنى
• خلاص يبقي مش همشي
• طب خلاص خلاص يلا بس مش عايزه اتأخر
ثواني هروح اقول ل فاتن واجي

• انتِ رايحه فين يا جميله؟
• نازله بس خمس دقايق وجايه
• يعني رايحه فين ؟
• هنزل ل أنس تحت خمس دقايق بس واطلع
• بلاش يا جميله عشان لو بابا وماما جُم
• متقلقيش مش هتأخر والله ولو سألوا عليا قولي لهم اني بشتري حاجه وجايه
• يا جميله بلاش عشان ميحصلش مشكله
• متقلقيش بقي يا فتونه يا قمر .. يلا باي

• كل ده عشان تنزلي!
• كنت بقنع فاتن انى انزل
• وحشتيني
• اتكسفت _ امممم
• امممم ايه بقولك وحشتيني يعني تقوليلي وانت كمان ولا انا موحشتكيش بقي
• لا طبعاً وحشتني
• ضحك _ ايوا كدا
احكيلي عن نفسك شوية يا جميله _ حابب اعرفك اكتر
• عايز تعرف ايه ؟
• يعني بتحبي ايه .. بتكرهي ايه .. عندك هدف ولا لا ولو عندك ايه هو هدفك ده.. كدا يعني
• بص يا سيدي انا اكتر حاجه بحبها في حياتي هو الهزار والضحك واختي فاتن واكتر حاجه بكرهها هي الحزن .. وهدفي هو اني ابقي محاميه كبيره .. ابقي اكبر محاميه في البلد واشطر محاميه
• بس كدا !
• اه
• هى دى الحاجات اللى بتحبيها بس
• اه
• طيب مين اكتر ناس بتحبيهم
• فاتن وماما وبابا وسُريا صاحبتى
• وانا ؟
• انت ايه ؟
• بتحبينى ؟
• وشى احمر _ بلاش الاسئله دى يا أنس بقي
• لا قوليلي دلوقتي.. بتحبيني ؟
• اتكسفت _ اه
• اه ايه ؟
• اه بحبك
• يااااه اخيراً ده انتِ تعبتيني اوى عقبال ما قولتيها
• تعبتك ايه انا لسه عرفاك من اسبوعين بس
• اسبوعين بس متتخيليش عملتِ فيا ايه فيهم
• اسكت بقي عشان انت كسفتنى اوى
• انا كمان بحبك اوى يا جميله.. احنا مش عارفين بعض من زمان بس حقيقي حبيتك اوي و بتمني اني كنت اقابلك من زمان
• حقيقي يا أنس.. حبتني؟
• جداً
• يا خبر .. انا اتأخرت اوي .. لازم امشي
• طب استني بس .. هشوفك تانى امتا ؟
• مش عارفه .. هبقي اكلمك .. يلا سلام
• سلام

عدى ٦ شهور ، كل يوم بنتكلم في التليفون او نتقابل _ اول مره احس انى مبسوطه اوى كدا _ اول مرة حد يهتم بيا بالطريقه دى .. مهتم بكل تفصيلة _ دايما بيسمعني وعايز يشوفني _ دايما يقولى انا محتاج اشوفك يا جميله _ لما بكون متضايقه مش بلاقي غيره اروح له _ بيسمعنى ويسندنى ويفضل معايا لحد ما ابقي مبسوطه
اوقات بنتخانق سوا عشان هو يعرف بنات غيري ، انا من حقي اتضايق واغير ماهو مش سهل عليا الاقيه يعرف حد غيري وكل دا تحت مُسمي الصداقه ، وانا مش هعرف اقبل بكدا ، بس برضو هو حياته كدا من زمان واكيد هياخد وقت عقبال ما يتغير وانا واثقه انه هيتغير عشاني

التليفون بيرن :_
• الو ، مين ؟
• انا أنس
• اييييه ، مش قولتلك قبل كدا متتصلش غير لما انا اتصل بيك يا أنس
• معلش بس انا عايزك في موضوع مهم ، لازم نتقابل دلوقتي
• بس انا مش هعرف انزل دلوقتي
• معلش يا جميله حاولي ، الموضوع مهم فعلا
• حاضر ، الساعه كام ؟
• قابليني الساعه ٥
• حاضر

بعد ساعتين :_
• في ايه يا أنس قلقتني
• تعالي اقعدي بس
• اديني قعدت ، قول بقي وقعت قلبي
• بصى انا مش عارف اجبهالك ازاي بس انا ..
انا مش حاسس اني علي راحتي يا جميله
• مش علي راحتك ازاي ؟
• يعني مش عارف اعيش حياتي زي الاول ، انا بحاول دايما ارضيكِ بس مش عارف ، يعني الاول كنت بتعامل مع اصحابي البنات عادي بس دلوقتي ببقي خايف علي زعلك ، كنت بسافر معاهم وأخرج واعمل كل حاجه بس دلوقتي لا ، حاسس انك حكمانى وانا مش متعود على كدا ، حتي بخاف اعمل اي حاجه من وراكِ عشان عامل حسابك بس لما حاولت ابعد عن كل ده معرفتش ، انا مش عايز اغير حياتي وفي نفس الوقت عايزك
• خلصت؟
• اه
• طيب يا أنس انا هسهل عليك كل ده واقولك اننا مش هنكمل وياسيدي انا اللي عايزه كدا
• بس انا مكنتش اقصد كدا يا جميله
• أنس انت لو بتحبني هتبعد عن كل ده عشاني .. بس انت محبتنيش
• يا جميله لا خالص كل اللي محتاجه منك بس انك تديني مساحتي واعيش براحتي وبالطريقه اللي انا عايزها
• وانت كمان اديني مساحتي وخليني اعيش بالطريقه اللي انا حباها .. وبعدين ماانا اهو هسيبك تعيش براحتك من غير ما اضايقك
• يعني ايه يا جميله !
• يعني انا هسيبك تعيش براحتك يا أنس
• يا جميله انا ...
• انا همشي عشان اتأخرت
• يعني انتِ مش متضايقه !
• ابتسمت _ هتضايق ليه يا أنس عادي احنا متفقناش مفيش مشكله

انا اه اتأثرت بكلام أنس وبعده عني وجعني بس مكانش ينفع أبين له اني اتأثرت ، كنت لازم اقعد اكلمه والابتسامه علي شفايفي واحسسه اني متأثرتش ، بس الحقيقه هي ان أنس هو اكتر شخص أثر فيا وبعده عنى اثر فيا اكتر من اي حاجه ، عرف يعلقني بيه كويس ، عرف يضحك عليا ويحسسني اني اول اهتماماته ، عرف يخليني ابقي مبسوطه معاه هو بس ، مكنتش متوقعه ان دي تبقي نهاية حكايتنا ...

• هتفضلي كدا لحد امتا يا جميله؟
• كدا ازاي !
• من ساعت ما سابك وانتِ علطول قاعده لوحدك ومش مركزه في حاجه خالص ، دايما سرحانه وبتعيطي بالليل لوحدك ، حالك اتبدل يا جميله ، بعد ما كنتِ جميله اللي دايماً تضحكي بقيتِ دايما تعيطي والضحكه مش بتظهر علي وشك ، عدى سنتين وانتِ لسة زي ما انتِ ، هتفوقي امتا يا جميله
• انا نسيته يا فاتن خلاص ومش بفكر فيه ، عدى وقت كبير والوقت كافى انه ينسي اي حد
• لو نسيتِ مش هتقعدي سرحانه بالساعات كدا
• مش لازم لما اسرح اكون بفكر فيه
• طب بطلى تفكرى فيه
• مش بفكر فى حد
• غيره ، مش بتفكرى في حد غيره يا جميله
• ازاي هنسي كل ده بسرعه كدا يا فاتن ! ده أنس يا فاتن أنس ، أنس الوحيد اللي كان بيسمعني ويقف جنبي ، لو متضايقه كنت مش بلاقي غيره جنبي يطبطب عليا ويطمني
عيطت _ ازاي بتقوليلي ابطل افكر فيه وانساه بالسهوله دي ازاي يا فاتن!
• طب خلاص يا حبيبتي اهدي
• حضنتني _ محدش حاسس باللي جوايا ، محدش حاسس انا موجوعه قد ايه يا فاتن
كل اللي بيشوفوه اني بقيت نكديه ، طب حد حاول يشوف انا بقيت كدا ليه او ايه هي الحاجه اللي وصلتني لكدا واثرت عليا بالشكل دا ! محدش حاول يا فاتن ولا حد هيحاول ، محدش حتي حاول يبقي جنبي
• خلاص يا حبيبتي حقك عليا انا
• انا حتي مش عارفه اكرهه يا فاتن رغم اللي هو عمله فيا ، انا لسه بحبه ومش عارفه أنساه
• والله يا جميله عارفه انه صعب ، صعب يكون في شخص مشاركك يومك كله وبيتطمن عليكِ دايما ويسمعك من غير ما يمل او يزهق ويطبطب عليكِ وقت حُزنك وفجأه تكتشفي انه مش بيحبك ويختفي بس يا جميله حاولي تتجاوزيه يا حبيبتي حاولي متفكريش كتير فيه اشغلي يومك بحاجه تانيه العبي رياضه او اشتغلي المهم تعملي حاجه تملى بيها يومك
• مهما عملت مش هقدر اتجاوزه يا فاتن
• هتعرفي يا حبيبتي وهتقدرى وانا جنبك ومش هسيبك

يمكن اصعب حاجه في الدنيا انك تكون بتحب شخص وبيشاركك كل حاجه في حياتك ، فرحك ، زعلك ، ضحكك ، همومك ، خوفك .. كل حاجه وكل التفاصيل ، وفجأه يختفي ويسيبك تايه ، مش عارف تعمل ايه من بعده وتعيش حياتك ازاي ، كأنه اخد جزء من روحك ومشي وساب فيك علامه هتفضل موجوده العمر كله ، جرح مش هيتقفل وسايب معاه شوية ذكريات يصحوا الجرح اكتر وكل ما تحاول تقفله تلاقي الذكريات بتفتحه تانى ، حتى لو اشتغلت ومليت يومك برضو هتيجي فى اخر اليوم وتحتويك وحدتك ، اللحظه اللي بتهلكك نفسياً وحتى لو كل الناس حواليك محدش هيقدر يملى مكان الشخص ده ..

كل دااا كان ليہ • لما شوفت عينيه
حن قلبے إليہ • وانشغلت عليه
كل دااا كان ليه كان ليه ، ليييييه

• هتفضلي قاعده تسمعي نفس الاغنيه كتير كدا !
• بسمعها عادي عالفكره
• ولا عشان بتوصف حالك
• يمكن
• يعني لسه بتفكرى
• مبفكرش
• امُال بتسمعي الاغنيه دى ليه
• قولتلك عادي يا فاتن

• جميله
• نعم يا ماما
• عايزاكِ فى موضوع
• موضوع ايه ؟
• فى عريس متقدم لك
• مش موافقه يا ماما
• هو كل ما ييجي لك عريس تقولي كدا من غير ما تشوفيه
• عشان انا مش عايزه يا ماما مش عايزه
• طيب يا حبيبتي معلش اقعدي مع ده بس ولو مرتاحتيش خلاص متوافقيش
• حاضر يا ماما حاضر
• نقوله ييجي امتا ؟
• فى اى وقت يا ماما مش هتفرق
• ماشي يا حبيبتي ربنا يكتبلك الخير يارب
• يارب

عدى يومين ، كانوا اصعب يومين عدوا عليا في الفتره دي ، ازاي هقعد مع واحد غيره ، ازاي نصيبي ممكن يكون مع واحد تاني ، ازاي هعيش مع واحد تاني فى بيت واحد وانا بحبه هو ، ازاي حد تاني غيره هيدخل حياتي
النهارده المقابله ، قلبي واجعنى اوي ، ياريت كل ده ما حصل ، ياريتني متوجعتش الوجع ده كله وكنت اعيش حياتى طبيعيه زي اي بنت

مهتمتش اني البس أروع فستان عندى ولا انى احط ميكب ، مش شايفه قدامى غيره ، نفسي انفجر فيهم كلهم عشان يحسوا باللي جوايا ، وحتى لو دا حصل مش هيحسوا ، محدش بيحس بوجع حد غير الشخص نفسه

• تعالي يا جميله سلمي علي عريسك ، الاستاذ أنس عبد الرحمن
الصدمه بانت على وشى ، يا خبر ! معقول أنس هو العريس
طب ازاي!
جوايا مشاعر كتير ملخبطه ، متضايقه منه بس واحشني ، بحبه بس مش عايزاه ، ازاي جاي لحد هنا بعد ما وجعني الوجع دا كله ، رجع ليه تاني وهو مش بيحبني

• تسمحلى بس يا عمى اقعد مع جميله شوية
• طبعاً يا ابني اتفضلوا
خرجوا وسابوني معاه لوحدى ..

ضربات قلبي سريعه ، رعشه ايدي زادت وانا بقول ..

• انت ايه اللي جابك ؟
• عشان بحبك
• كداب
• حقك تقولي اكتر من كدا بس انا مش كداب يا جميله
• لا كداب ، انت مش مكفيك اللي عملته فيا وجاي تزوده ، ليك عين تيجي تاني
• جميله انا لو كداب زي ما بتقولي ولو مش بحبك مش هاجي من الباب ومش هاجى اصلا ، انا مش زي ما انتِ فاكره يا جميله انا مش بعرف اكدب ولما سيبنا بعض من سنتين انا كنت ساعتها مش عايز اسيبك وكنت فعلا بقولك اللي جوايا ويمكن وقتها كنت مش متأكد من مشاعرى بس دلوقتي انا متأكد من مشاعرى
انتِ متستاهليش الشخص اللي كنتِ تعرفيه من سنتين يا جميله ، انتِ انضف من كدا بكتير ، وانا احلفلك انى بعدت عن كل حاجه انتِ مش بتحبيها ، عن البنات والسجاير وكل حاجه انتِ بتضايقي منها ، بعدت عشانك يا جميله
صدقيني يا جميله انا مش بكدب ، عدى سنتين بس انتِ مش بتخرجي من دماغى ، تفكيري كله فيكِ ، مش عارف أكمل من غيرك ، انا اسف يا جميله ، اسف علي اي حاجه وحشه كنت سبب في انها تحصل ليكِ ، اسف علي كل وجع كنت سبب فيه ، حياتي وحشه اوي من غيرك ، حياتى ناقصه من غيرك ومش هتكمل غير بوجودك
انا همشى دلوقتي ومستنى ردك ، اتمنى انك توافقي .. مع السلامه

• هتعملى ايه يا جميله ؟
• مش عارفه يا فاتن ، حقيقي مش عارفه
طب انتِ لو مكانى هتعملى ايه ؟
• هفكر في الموضوع من ناحيه تانيه
يعني مثلا هقول هو لو مش بيحبني ونسيني فعلا هييجي تاني ليه! او لو هو غرضه يقضي وقت وخلاص هيدخل من الباب ليه وييجي بطريقه رسميه
• يعني هو بيحبني ؟
• ده اللي انا شايفاه يا جميله ، هو لو مش بيحبك مش هيرجع تاني بالطريقه دي ، انا المره دي متأكدة انه بيحبك فعلا
• بجد! يعني اوافق يا فاتن ؟
• وافقي يا جميله
• خايفه اندم
• مش هتندمي
سكتت _ ازاي ارجع لنفس الشخص تاني ، نفس الشخص اللى وجعنى ، الشخص اللي كان سبب في اني طول الوقت بسأل نفسي هو سابني ليه ؟ يمكن عشان انا وحشه! ولا انا مستاهلش انى اتحب!
ازااااى ارجع اثق فيه تاني ، ازاي اضمن انه ميوجعنيش ، ازاي اضمن انه بيحبني
بس هو لو مش بيحبني ، رجع ليه!

قررت اسمع نصيحه فاتن و اوافق ، قررت اديله فرصه تانيه ، الخذلان من نفس الشخص مرتين هيبقي صعب اوي ، بس هحاول ابص للجانب الكويس في الحكاية ، يمكن اتغير فعلا ، يمكن بقي كويس عشاني ، يمكن يبقي لينا حكاية تعوضني عن كل اللي فات

وافقت واتخطبنا وجه اليوم اللى طول عمرى بتمناه ، يوم كتب كتابى على اكتر شخص حبيته في حياتي ، والوحيد اللي حبيته ونفسي اكمل معاه حياتي كلها
كان بيبص ليا وكأنى أعظم انتصاراته، بصته ليا عمرى ما هنساها، الفرحه اللى ظاهره في عينيه عمرى ما هنساها

مكنتش بقتنع بالفرصه التانيه ، بس مش كل الأشخاص هنتطبق عليهم القانون ده ، في اشخاص يستحقوا الفرصة التانيه فعلا ، ناس تستاهل اننا نحاول نتجاوز مخاوفنا وقلقنا عشانهم ، أنس اتغير كتير ، اختار انه يسيب كل حاجه بتضايقنى عشاني ، اختارني انا ، لقى سعادته معايا مش مع اى حاجه تانيه
اختاروا ناس تحبكم وتضحي بأي حاجه عشانكم ناس تبقي مبسوطه بيكم ، ناس عايزه تعمل اي حاجه عشان تبقوا بس مبسوطين ..

بارك الله لكما وبارك عليكما وجمع بينكما في خير..

• تسمحيلي بالرقصه دي يا هانم
بصيت له بكل حب ، بصه بتعبر عن كل ذرة حب وشوق ليه جوايا
• اسمح طبعا ..