ساعات بخيالي بسرح

واحلم بطيفك وافرح

الاقيكي جايه تناديني

شوقك غالب حنيني

وعنيكي بتواسيني

وايديك تاخد ايديا

ع الفرحة اللي حلمت بيها

أفتح عنيا وأعود من تاني

أتوه في بحر أحزاني

والفرحة تنساني

ألاقيني مش جنبك

بدوّر على قلبك

عيني على صورتك

مش شايف غير ملامحك

مش عارف أداوي جرحك

ياريتني ما افتكرتك

ولا سرحت بخيالي

ياريتني أعرف أنسى

وألاقي لجراحي مرسا

لكن ده الصعب إني

بنساكي وأداوي قلبي

ألاقيني وغصب عني

بفتكرك من همسة