صباح الخير على عيونك
ياست الحسن
يا وردة شاردة بتتمايل
من غصن لغصن
صباح الخير على خدودك
يا ساحرة الكل بوجودك
تغيب الفرحة في غيابك
وترجع بس في حضورك
لمحت البدر في تمامه
واقف جنبك وبيشورك
أغيب ليلة ياست الحسن ؟
وتنوري الدنيا بنورك
******
وصباح الخير على عيونك
ياست الحسن
ياوردة شاردة بتتمايل
من غصن لغصن
صباح الخير
على البسمة اللي تحييني
صباح الخير
على النظرة اللي تشفيني
في وقت الشدة وآلامي بتكويني
النظرة منك تواسيني
صباح الخير على شعورك
وسحر الطلة وعطورك
*******
صباح الخير على الهمسة
على دلالك
على الرقة
على اللمسة
يا شط هوايا والمرسا
انا فاكر ومش هنسى
شفايفك لما تناديني
وأنا عطشان وترويني
شفايف مش بتتكلم
ده طير بيغني يشجيني
*********
صباح الخير على الطلة
وانتي من بعيد هلة
يطير قلبي بغير جناحين
وبين ايديكي يستنى
يادوب نظرة بطرف عنيكي
أعيش بيها واتهنى
صباح الخير ويحلالي
أقولها واعيدها من تاني
وطول الليل أكون جنبك
تونسني دقة قلبك
تنامي الليل وأنا سهران
بملي عيوني بملامحك
وأقضّي طول الليل صاحي
تستنى عيني تشوف النور
لما تفتح أحلى عيون
وأسمع معاها طيور الكون
صابحة تفتح على نورك
صباح الخير ...ماتحرمني
يارب منها كل صباح
أمتّع عيني بجمالك
وأعيش دايما أقولهالك
صباح الخير على عيونك
يااااااااا ست الحسن
د. زينب عبد السلام محمد أبو الفضل 
ياسر محمود سلمي
محمد حماده رزق السيد الشافعي
د. سمير عبد الله حماد
محمد سعد الدين محمد شاهين
ريهام عبد النبي خميس أحمد
د. نهله فتحي بيومي حموده
علا محمد ابو السعادات
داليا فاروق بدر بدر ابراهيم
د. عبد الوهاب المتولي بدر 
حنان صلاح الدين محمد أبو العنين 
د. شيماء أحمد عمارة 
د. محمد عبد الوهاب المتولي بدر 
د. عزة محمد بركة 
حاتم ابراهيم محمد سلامة 
زينب حمدي 
فيروز أكرم القطلبي