السلام عليكم ورحمه الله

فى الفترة الأخيرة سمعت شكوى سيدات كثيرة من انها تعانى من صدأ المشابك على الغسيل
ولاأُعفى نفسى من المسئولية فكثيرا ماتسببت فى انتهاء عمر الملابس من قبل ان يبدأ .. وعادة يكون فى فترة المصايف .. لأنى لاأعرف هل كل السيدات مثلى أم لا
بالنسبة لى أول شئ يوضع فى تحضير شنطة السفر هى المشابك:) .. تخوفا من أن يكون المكان غير مجهز للأمور الحياتية اليومية.. وعادة يقوموا بشراء الملابس الجديدة فى هذه الفترة لأنها الأجازة السنوية ويريدون الأستمتاع بالتنزهه وماالى ذلك
وكنت استعملها عند شرائها مباشرة .. ولاأتبع خطوات تجهيزها
لأنى لا آخذ مشابك البيت معى ....المجهزة مسبقا
وتكون النتيجة عند أول غسلة لها .. تترك المشابك الصدأ .. ونصاب بوابل من اللعنات
حرام عليكى بوظتى الهدوم الجديدة :).. لن أرتديها وبها صدأ ..وقطعا أنا لن أوافق على ارتدائها بهذا المنظر

وتعانى سيدات المناطق الساحليه كثيرا من الرطوبة التى تتسبب فى صدأ حديد المشبك .. طوال السنة وخصوصا فى فترة الشتاء ...ويصبح هذا المشبك اللعين هو السبب فى المشاكل الزوجية .. وخصوصا قمصان الزوج ..( دى فيها تأنيب يمكن شهرين :))

وتفاديا لهذه المشاكل .. وايضا لمتانه المشبك .. لابد ان تُنقع المشابك يوم كامل فى الماء

هنا لسه بفكها من الورق على النقع مباشرة









شوفى بعد ساعتين الميه لونها ايه؟
نغير الميه كل ساعتين

تانى يوم توضع فى الشرفة فى الشمس على قطعه قماش لمدة يومين . مع تقليبها على الوجهين لتجف تماما .. أو ضعى قطعه القماش على الأحبال وشبكى فيها المشابك واتركيها
فائدة هذه الطريقة غير انها بتنقذ الملابس .. المشبك لما يتشرب الماء بيتقل .. ويتماسك
ولو انتى مابتوقعيش المشابك زيى فى كل نشره .. :)هيعيشوا معاكى زمن
لأن المناشر الداخليه لاتسعفك فى النشر .. وايضا المشابك البلاستيكية مهما ظهر منها من أشكال .. والوان .. واحجام
لكن يظل المشبك الخشبى هو الأصل لو استعملناه بطريقة صحيحة

وتنشرى به بطاطين وانتى مطمئنه لأنه متين.. فى حاله عدم نقعه غير ترك الصدأ ( بيفك من بعضه فى أول استعمال.. وترميه على دماغ اى حد ماشى فى الشارع من غيظك )
:)

وممكن من اى شئ موجود عندك فى البيت تعملى سبت للمشابك


مثلا باسكت عجلة الأطفال وهم صغار .. متنى ومكسر مش مهم .. ممكن نأيفو
:)
ببنظلون قديم .. أفتحى الخياطات .. ومن غير ماكينة ..الزقيه بمسدس الشمع
.. واى قطعه دانتيل ...الموجود عندك