يعني ايه عشق الروح للروح
يعني تحس بيه منين مايروح
عمرك سمعت عن دمعه القلب وقبضه الروح
عمرك حلمت ومابقتش عارف فين تروح
وكتر البعد بينكم ومابقاش يبوح
عمرك فرحت لاحساسك بفرحه
عمرك بكيت لاحساسك بتعبه
وكان نفسك يكون جواه حاجه ليك
عارف يعني ايه تحلم بجد بكل تفاصيله
نظره عنيه
كل الفاظه وتعبيره
تحلم تكونله الحضن والدفي بكل مفاهيمه
تنسي نفسك جوه نفسه
تعشق روحك لانه روحك
تنسي جواه جروحك
تتكلم معاه بالعين
تحس بيه عن غيب
تقابل روحك روحه
في حلم غريب
تصحي وانت اسير
خايف تاخده منك روح
ويقدر جواها يبوح
وانت غريق ياعيني فين هتروح
دعائك هو سلاحك المطروح
وتعمل ايه و ده قدرك المسموح
سلمت امري ليك يامالك الروح