القلب ليه يعشق كل خلق الله
واكمنه لوحده يشاوروا يقولوا تاه
أبسط مافينا قصر مد الاطراف
ولا بنخاف من هلف او حتى شاه
..
الود مصنوع قدامنا ليه لينا
جدعان قوى نقول أحسن منينا
ناقص يقول جدى أحمس او مينا
من صدقنا قلنا زيينا وصدقناه
..
الرحمة بالقلب العيل قوى
مش حمل اوجاع لساه طرى
عامل فارس ويدارى الشديد
لو قلنا حديد يبقى النزف ده صداه
..
جفت منابعكم بعتوا ولا بنبيعكم
سمت الخد ياخلق زيف مدامعكم
صوت الشياطين جواكم منبوح
مصلوبة الروح مابينكم قصة إله
..
نادر ليه يابو قلب ابيض بزمانا
قادر ع الردى لكن ساكتين بلبنا
أصل الشجر ياناس مبنى بلا بنا
مبلى ابن الأصول بأصله خباه
..
والأصل يبان من النظرة
صان حدود الببان ،حد من الكسرة
لو ساكن ف عشة نفسه ك كسرى
ما يقبل الذل لغيره ولا يتهان حداه
..
بالية بلاد الفرسان يزعق ماضيها
باكية ع اللقمة مش عزق راضيها
مات فيها السوى مستوى يراضيها
مش ولى لكن علم يابوى نداه
..
ياما النفس قاتلها الشوق
يوم من نفسه العزة فينا تفوق
تدخل هلوف ألوف تانى الشقوق
الحق فين يا مأذنة حان صوت علاه