ياقلمي اللي موجوع
بتنزف حروفك
فواصل أسى
ياخطي ال تايه
في صورة وملامح
ما عاد احتمال
بتصرخ سطورك
خلاص اكتفى
يا صمت الكلام
يا توهة وحيرة
يا كلمة ف خيالي
وصوت انهزام
يا قهر وبكا
يا كل الآلام
يا قلمي اللي موجوع
تجف الدموع
ويفضل نحيبك
سكات؛ مسموع
يا سن اتبرى
ماعادت حروفك
بتطلق رصاص
بأمر وإشارة
وضغطة زناد
يقولك خلاص
كلام وانحذف
يا سيف اتلوى
جراحك شجن
ضاعت حياتك
بكلمة ومعنى
وحرف اتسجن
ويفضل كلامك
مهما كتبت
حبر في كفن