أنا الباني سدود م الخوف
وأعود أعبرها كالملهوف
سؤال....
ربطوا في علامته حروف
فعاش معزول جوه كهوف
قتل فيها الكلام الصمت
إجابة ضريرة مش بتشوف
في كل سطورها كلمة ذنب
وقعة شاطر فيها ألوف
ضاع منه حروف العطف
في الحرب.... أنا الهربان
وفي اللعبة.... أنا خسران
نجاح يكبير ومن غير فرح
وجع ينزف ما يعرف جرح
أنا حكاية ماتتكررش
وغلطتها ماتتصلحش
بُكى محبوس فيه الدمع
صراخ مكتوم يسد السمع
يقف مصدوم
عاجز يمشي طريق مهجور
سكت مذعور
وبص للسما مقهور
كأنه عاصي من غير ذنب
هزم روحه في عز الحرب
ونام مكشوف في عز البرد
أمان زايف
صبح خايف
فقام يبني سدود الخوف
يعود يمشيها كالملهوف
ويعزل نفسه جوه كهوف
لا يتكلم ولابيشوف