مستبده
لما بعشق
ببقى واحده مستبده
عايزه كل الأهتمام
والمشاعر والغرام
مش مجرد كلمه حلوه
يقولها قلبك والسلام
عايزه وقتك كله ليا
وعينك ماتشوفش إلا بيا
ولو عيونك لحظه تغفل
ابقا عايشه جوه حلمك
وتصحى ودور عليه
وتبقى زي طفل تاه
وفجاه يلقى حضن أمه
عايزه منك
كل يوم الصبح بدري تسقى ورد الخد منك
ولما ترجع بعد وقت المغربيه
ألقى لهفه حاضنه قلبي
عايزه إيدك ماسكه كافي
لو هاتوعد ليا توفي
وإن في يوم قلبك خالفني
تعتذرلي وتبدي ليا كل ندمك
مستبده أه يجوز
لجل قلبي يكون حبيبي لك لواحدك
وبحناني راح تفوز