أنا جيت من غربه لغربه أشد
بعد ماوزعت باقه من الحب
وباقات م الورد
وساقيت مشاعركم بعواطفي
مارجعتش غير دمعي معايا
وقلبي جوايا نووره مطفي
وكوم م الأحزان
وقلبي متعبي ومتألم
واللون بهتان
بتحمل حرمان الفرحه
قاسيه قلوبكم
مشاعركم ليه جافه وجارحه
أنا يمكن اداري الحزن صحيح
وأبان للعالم بملامح كلها تفاريح
مش كل الكدب حقيقي حرام
بنكدب ونقول إن إحنا تمام
وندارى دموع وجروح وألام
ربي يصربنا على المكتوب
ويبدل أحزنا بفرحه
الحزن دا كله في أصله ذنوب
محتاج ركعه
وحياة أيام كانت بينا
فرقونا نعيش إللي باقلنا
طيبة قلبنا هدت حيلنا
بكفايه بجد وجعتونا
ليه كل الورد اللي زرعته يبقى نصيبكم
والشوك في طريقنا يكون منكم
الله يجزيكو بأفعالكم
ياللي بالحزن بتبلونا