تختلف الاسامي والقلوب واحدة

 بنحب بضمير لحد ما نقابل قلوب جاحدة 

نشوف بعيون الحب فيهم كل جميل 

ونسامح كتير

 لحد منتعب مع ناس مبتحسش وبتدور ع المادة 

انا معنوياتي عدادها ضرب اصل حياتي عايشاها غصب 

كل يوم بيعدي بتقع معاه ناس من عنيا وف بير الخيانة بتصب 

والحل اي يا ايوب مع حب مش قادرين نعيش بيه ولا عارفين نبطل دوب 

الصبر معاهم بيقسي قلوبهم اكتر ولما بنبعد بيشوفوا البديل بالاكتر 

لا نافع معاهم احساس ولا حتي سايبينا نعيش من غيرهم وسط الناس 

قربونا ليهم ليه اذا كانوا مش عايزين فرحتنا 

حسسونا بالأمان ف كلامهم واكتشفنا ف أفعالهم غربتنا 

توهة خدتنا وبقينا ضايعين 

نفس المكان بنروحوا مرات وبردو بيزيد الحنين 

دلوقتي العذاب طريق لاخترناه نعدي منه ولا كان معانا واحنا ماشينه الحب رفيق 

ارحموا حبيبا ذل ارحموا يمكن ف يوم تلف دايرة الزمن وتتمنوا تلاقوا ليكم اللي بس يحن 

وتتمنوا تلاقوا ليكم اللي بس يحن .