مرة في رمضان كنت بصلي التروايح في مسجد ... و بعد ما خلصنا الصلاة رحت مكان ما بنسيب الجذم عشان امشي ... ملقتش جذمتي ... قعدت ادور مكان ما كنت سيباها مفيش ... في أماكن تانية مفيش .. و شايفة كل واحدة تيجي تبص و تاخد جذمتها بسهولة و تمشي ... بدأت اقلق لا مالاقيش الجذمة و مش عارفة اروح ازاي ... فضلت لحد ما المسجد فضي و مبقاش فاضل غير جذمة واحدة مش بتاعتي ... قولت استنى شوية يمكن صاحبتها اتلخبطت مع بتاعتي و ترجع تاني ... يمر الوقت و مفيش حد بيظهر ... كت مترددة و متضايقة جدا اني مضطرة امشي بجذمة مش بتاعتي ... بس اعمل ايه ... قولت اروح بيها و بعدين ارجعها تاني ... طبعا كل دا خد وقت ووصلت البيت متأخرة ... بيسألوني اتأخرت اوي كده ليه.... حكيت لهم اللي حصل ... بصو ع الجذمة ... و قالولي ما هي دي جذمتك يا نهله ...