بيقولوا العين

متعلاش عن الحاجب

قولت الكلام دا كان زمان

العين دلوقتى

عليت عن الحاجب

وكلت الوش كله كمان

العين دلوقتى 

قويه عن اللازم

وفتحت أوى عن زمان

زمان لو كان حد بيغلط 

كان بيتحاسب ويتهان

دلوقتى السايب ف السايب

والعمليه سلطه وبتنجان

الصغير ف الكبير بيبجح

وعامل راسه براسه كمان

والغلطان مبيعتذرش وبيقبح

ويسب بفلان وابن فلان

الكبير معدلوش احترام

الاحترام مات من زمان

علوا للواطى مقامه

والاصيل للأسف متهان

الغلطان عينه جامده وقويه

وليه مؤيدين كمان

زمان كان فيه أخلاق وتربيه

دلوقتى ارحمنا يا رحمن