يا فـرن بيتنـٕــا الطيـن هنـــــلاقي زيـك فيـن 

كنـا نشـــــوفـك بـس نشبــع ب نظــرة عيـن 

يا زيـر واحشنـا كتيـر يا للـي صباحـــك خير

نمــــلا القـلل م البيــر تمـــلانـا شوق و حنين

هنـا في المشنه عيش و سَبت مـلان قراقيش

و كانـــونـا مابيطفيش متقـاد سنين و سنين

ماكانش فيه بوتوجاز و إبـرة وابـــورنا الجـاز

بتســــلكه لـو عــاز و يســوِّي ف دقيقتين

المغـــــرفه ع الحيـط و الصحـن قلبه غويط

والخير هناك ف الغيط مش محتاجين دكاكين

فوق السطوح البيـض نجمــع كتيــر و يفيض

و نلّونـــه في العيــــد و نمــلا سَبـت و اتنيـن

كان اللبـن في الـدار قشطــة و زبـده كتـار

نبعـت طبـق للجـــار يـرجعلنــــا طبقـــين

كان الحنـــان مــوال و الناس قلوبهـــم عال 

والدنيـــا راحــــة بال طيبـة وبساطة و ليـن 

بيتنا اللي كان مفتوح بالخير حيطانه تفوح

و هـواه يـرد الــروح و حنـانه كان فدادين

بيتنـــا القديــــم النـي ما غابشـي عنه الضـي

ٱه ياخوفنا م اللي جي و قســـوتك يا سنـين