مسلسل الحشاشين محتاج اللي بيركز وعنده قدر من المعرفة بالتاريخ مش هاقول دارس وملم بكل جوانبه بس على الاقل عارف الخطوط العريضة .....والمسلسل هيخليك عايز تكتشف مناطق جديده وتدور عليها بنفسك وده ميزه كبيره مش عيب :) 

مش كل حاجه لازم تجيلك سهلة زي ما متعودين في زمانا ده ..احنا بقينا نكسل نركز ونفكر وندور ورا المعلومه ..والسوشيال ميديا برمجت مخنا على ده وانت مش حاسس 

 المسلسل ده اولا هيكشف حاجات كتير غلط فينا ...زي اننا اتعودنا على السهل والمباشر وعدم التركيز او التفكير.....او البحث عموما

ثانيا: مش هيعجب "فئات" معينه لان المسلسل بيدوس على الجرح :) 

المسلسل اكتر من رائع ...هيعمل نقلة في الدراما المصرية ...مش لازم نكون حافظين ان الدراما التاريخية لازم تكون بالفصحى مش بالعامية.....لا بالعامية افضل كتير ...

لو مش عايز تطور من فكرك او من ثقافتك ...بسيطة ماتتفرجش ...وفيه مسلسلات تانيه كتير ممكن تسليك 

.لكن الحمد لله ان اخيرا اتعملت الدراما اللي تخليك تفكر وتزود ثقافتك ....مش تلقنك معلومات من غير ما تفكر 

يارب التجربة تتكرر كتير في اعمال قادمة :)