العقيق الاحمر من اقوي وافضل الاحجار الكريمة بالنسبالي لانه حجر قوي جدا للي بيعانوا من ضعف الشخصية وللتحصين من الاعداء وبيدي ثقة بالنفس وهيبة لصاحبه وله طاقة رهيبة لعلاج الضعف والخوف وله اسرار تانية بس مش هقولها علشان بتوع الدجل ميستغلوهاش غلط مشكلته انه زي الدواء بالضبط لا يصرف الا بروشته يعني مينفعش اي حد يلبسه نهائي بدون راي خبير لانه قوي جدا لكنه يتحول لنحس وممكن يسبب مشاكل حسب خريطتك الفلكية  

الاحجار الكريمة كانت بتستخدم للعلاج ولاغراض روحانية في كل الحضارات القديمة لكن حاليا للاسف اغلب اللي بيتعاملوا بيها بيعتبروها زينة وساعات اشوف ناس بقي حبت تعلي الموضوع فتقول اختار حجر ع حسب برجك وده كلام فارغ تماما يعني مثلا الذهب بينصحوا بيه لبرج الاسد لكن في بعض الخريط الفلكية وحسب موقع الشمس ممكن يسبب زيادة التعرض للمرض او الخساير المالية وناس كتير حللت معيا بمجرد ماشفت وضع الشمس عندهم وعرفت انهم بيلبسوا الدهب او حتي بيشيلوه للاستثمار قلتلهم انه مسببلهم خساير او امور معينة وفعلا ده اللي كان بيحصل معاهم ومش فاهمين سببه ولما شالوه وبعدوا عنه اتحسنت طاقتهم بشكل واضح

الاحجار والمعادن الثمينة لها اسرار وعلم عظيم بس زي اي علم في الدنيا هو مش عشوائي وكل علم له خبير ومتخصص وبرضه في الدجالين والمدعين و بتوع الكوبي بيست انقل والزق وسمي نفسك خبير