وهيفضل لحد 4 يوليو  فيه و كمان هيقترن بالمشتري والزهرة طيب ده تاثيره ايه علينا  ؟

وجود #كوكب_المريخ الفترة  اللي فاتت في برج #الحوت المائي كان تاثيره سلبي شوية ع طاقتنا البدنية والجسدية واكيد الكل ملاحظ ان اغلبنا  بيشتكي من الكسل والاجهاد  لان المريخ كوكب بيحكم طاقتنا الجسدية وبياثر بشكل خاص ع الذكور وطاقتهم الجنسية فأي حد كان عنده مشكلة الفترة اللي فاتت فانتوا كويسين متقلقوش دي كواكب بتتآمر عليكم????

وجود #المريخ في بيته مع كواكب سعيدة هيفعل طاقة المبادرات والبدايات لامور كتير ..هيكون وقت مناسب جدا لبداية اي مشروع وهيكون شهر حافل بالارتباطات العاطفية الجديدة او الجواز بشكل مفاجئ  وشهرة ونجاح وفرص شغل جديدة بعد ركود طويل  للمحظوظين من المثلثة النارية تحديدا وده ع حسب وجود بيت الحمل في الخريطة الفلكية لكل شخص وطالعه السنوي واقترانات الكواكب دي في العبور

 

دخول #المريخ للحمل هيرجع لنا بنسبة كبيرة طاقتنا وحيويتنا وهينشط المثلثة النارية كلها في الحركة لكن هو ليه عيب صغنن وتافه انه بيزود للاسف طاقة النار والحرايق فياريت نخلي بالنا طول شهر مايو ويونيو من اي مصدر نار او كهربا لان الحوادث بتزيد خاصة لما المريخ يقترن بالمشتري الي بيضخم طاقة اي كوكب بيقترن بيه

ع المستوي العالمي اقتران كوكب الحرب بالمشتري  ربما يكون له اثر سلبي ع توتر الاحداث في الاماكن اللي فيها صراعات مسلحة وحروب وربما نشوف احداث عنف مسلح في اماكن متفرقة في العالم وكشف عن اسلحة جديدة

هتلاحظوا ارتفاع درجات الحرارة بشكل قوي ومفاجئ وهنبتدي نشوف موجات حارة محترمة

لحد اول #يوليو هيكون فترة مناسبة للناس اللي عايزة تروح جيم او تلعب رياضة جديدة 

خلي بالكم بس ع راسكم علشان عادة بيبقي شهر اصابات في الراس تحديدا للاطفال من الابراج النارية

ممكن يحصل زيادة كبيرة في اسعار بعد المعادن وتحديدا الحديد

لاحظت ان دايما وقت دخول المريخ مثلثة مائية او خروجه منها لمثلثة تانية بيحصل حوادث تخص السفن او البحار 

طاقة #المريخ فيها عنف وتهور  دايما فربما نشوف حوادث عنف زوجي واسري كتير غير ان وجوده في #الحمل بيزود الطاقة الجنسية عند الذكور فربما تزيد حوادث التحرش والعنف الجنسي بشكل واضح فخلي بالكم ومش اي حد يقولكم اشربوا حاجة اصفرة تشربوها

#نشرة_اخبار_الكواكب