مفيش حاجة اذت البشرية اخر 10 سنين اد جو التنمية البشرية الملزق بتاع الحب.غير  المشروط والعطاء الغير مشروط وجو الفيديوهات المتعومقة اللي ملت الفيسبوك و التيكتوك يلموا ريتش ع حساب حشو دماغكم بكم من العبط الامتناهي يقنعك ازاي انك تكون كائن هلامي بترفرف بجناحين بيحترق ويولع في صمت علشان ينور شخص اناني بيستمتع بايذائك واستنزافك وطاقة الاخد منك بلا اي مقابل علشان انت مصدرله قفاك وفاكر ان ده عطاء و محبة 

ده ربك وهو الغني عنك شرط عليك الشكر مقابل زيادة النعمة شرط عليك الحمد مقابل النعمة يعني ربنا وهو الغني عننا وعن شكرنا وعن اي شعور مننا جعل شرط ومقابل للنعمة علشان مبدأ ان لكل عطاء مقابل ولو بالامتنان والشكر "ولئن شكرتكم لازيدنكم" فمنين جايبين شوية الهبل الاجتماعي اللي بتنشروه في كل حتة عن الحب الغير مشروط اللي بيقنعوك بيه وان كده سم الله عليك بقيت انسان بوعي ارقي ونسخة افضل؟!

الحب.مشروط بالاهتمام والتقدير والعطاء مشروط بالتبادل ..الحب بالحب السؤال بالسؤال الاهتمام بالاهتمام وكله بالميزان الخطوة بالخطوة ومتمدش خطوتك الا لو اللي قصادك مد خطوته ليك ..والاحترام اجباري مش ع حسب المزاج والمود والشخص الوحيد اللي لازم تحبه قبل اي شخص هو نفسك ..ويوم ماتدي زيادة فده من باب كرمك مش فرض عليك ويوم ماتاخد فمن باب الاستحقاق مش من باب الاحتياج