في عيونك البيت
واللمة والسترة
كلامك الدافي
سرى كما النسمة
نزل كما المطرة
تحضن قلوب وأرواح
وتهادي بالحنة
تفتح لي باب جنة
وأنا الغريبة أنا
والذنب ماليني
نفسي منى عيني
أعيش جوار بابك
أجاور أعتابك
أعيش في دار قلبك
وفي عيونك الحلوة
وأقفل رموشك باب
يحميني م القسوة
م الشر طبع الكون
بحبك أطهر
وبنورك أتوضى
أصلي صلاة جايزة
أنا أصلي مش عايزة
من روحك الحلوة
لا حرير ولا فضة
عايزاك تكون لي وبس...
تكون لروحي الحس
وتكون ونس عمري
تنده لي أجي أجري
وأقولك... أؤمرني
يا فرحتي الصافية
تحويشة الصبار
يا نور مغطيني
بحبه ليل ونهار
يا قلبي ده كله
يا شمسته وضله
يا حمايتي م الغربة
والقسوة والوحدة
سيدي ...
و سيد قلبي
عشقت وإيه ذنبي
وأنا اللي كلي ذنوب
بعشقك أنا ناوية
عن كل ذنب ...أتوب
وأخدك لربي طريق
يطفي في النار
ويهادي بالنوار
يصحبني للجنة
من غير عذاب ولا ضيق
يا طيب كما الأولياء
والقوة فيك إلهام
عشقت نفسك أنا
بعلنها للأيام
وبقولها للعالم
روحي فدا دمعتك
وربنا العالم
خدني من الدنيا
و أأسرني أنا راضية
داوي في قلبي الشوك
وجراح سنين ماضية
وشوشني بالفرحة
بعيد عن عيون الناس
يا قلب طفل جميل
أغلى من الألماس
وأوعاك تهملني
يا بيتي يا سكني
لحد ما تفنى
دي الدنيا وأمورها
وعود الطمع فيها
بالفنا يكون محني.
رانيا ثروت
من وحي قصة عرفات والعايقة
مسلسل جزيرة غمام للكاتب الكبير عبد الرحيم كمال
#جزيرة_غمام
م. اشرف عبد الصبور الكرم
د. نهله فتحي بيومي حموده
أمل أمين محمد الخولي
رحاب محمد السيد منيعم
آية عطية عبد الفتاح الغمري
مني مفرح عبد السلام دبوس
ياسر محمود سلمي
محمد سعد الدين محمد شاهين
سهير محمد محمود حسان عسكر
د. عبد الوهاب المتولي بدر 
د. زينب عبد السلام محمد أبو الفضل 
حنان صلاح الدين محمد أبو العنين 
د. محمد عبد الوهاب المتولي بدر 
د. عزة محمد بركة 
زينب حمدي 
حاتم ابراهيم محمد سلامة 
د. شيماء أحمد عمارة 