أكتر حاجة بحس أنى عايزة أكون فيها

أنى أبقى كائن من كائنات النور اللى موجودة حوالينا وربنا مخليها 

لخدمتنا ومساعدتنا

عايزة أبقى كائن نور طائر فى كل حتة فى الأرض 

إذا لقيت حد زعلان أفرحه .. وإذا لقيت حد محتاج حاجة أجيبهاله

وإذا لقيت أتنين متخاصمين أصالحهم .. إذا لقيت ظلام فى مكان 

أحوله لنور .. إذا لقيت حزن فى مكان أحوله بهجة وفرحة .. 

عايزة أحول العالم كله يبقى بيحب بعضه .. عايزة أمحى من الكون 

ومن البشر الحقد والغل والكره والصراعات 

كلنا رسالتنا فى الحياة اللى ربنا نزلنا الأرض علشان نأديها 

أننا نساعد بعض .. نحب بعض .. نحب بعض .. نحب بعض

هى دى رسالتنا اذا كلنا نفذناها حانلاقى عالم مختلف حانلاقى الحياة

كلها نور وبهجة وفرح وسعادة .. ربنا ما خلقناش للصراع ولا للكره ولا

للحقد 

ربنا خلقنا للحب .. للحب وبس .. خلقنا نساعد بعض .. نخاف على بعض

ربنا خلقنا لرسالة أعظم بكتير أوى من اللى أحنا عايشينه 

"الله محبة" "الخير محبة" " النور محبة"