بنعيش حياتنا كلها وكل يوم بيعدى علينا بنتعلم فيه
بنتعلم مين اللى بيحبنا بجد .. مين الصديق اللى بجد
مين الناس اللى لازم نقولها أننا بنحبهم
يحيى حافضل طول عمرى أقول أنى مبسوطة وبشكر
ربنا على أن فى حياتى صديق زيك ..
يحيى أكتر حد ممكن اذا حس بس من بوست حطيته
أنى زعلانة ممكن يسيب كل حاجة فى الدنيا ويفضى نفسه
علشان يخليني أنسى أنا زعلانة من ايه .. عمرى ما أحتاجت
أنى أتكلم معاه أو أخد رأيه فى حاجة أو حتى لو متضايقة فا
أطلع مضايقتى معاه غير ولقيته موجود .. حتى لو اتصلت بيه
فى الفجر ..
يحيى أنا فعلا لما بفكر أنك موجود جانبى يا صديقى بجد
بأطمن بقول مهما حصل يعنى فى الدنيا اول حد حافكر فيه
يحيى ..
مش حاقدر انسى يوم ما الشقة عندى غرقت الساعة 3 ص وأتصلت بيك وقولتلى أنزلى وحاحجزلك فى فندق لحد الصبح وقولتلى انا مستني وحافضل سهران على القهوة لحد ما تقوليلى
ان خلاص الدنيا أتحلت واذا عايزانى اجيلك حاجى ...
حاجات كتيرة أوى ومواقف كتيرة أوى يا يحيى حافضل طول
عمرى فاكراها ..
أنت من أجمل وأجدع وأطيب واحن الناس اللى ممكن الإنسان يقابلهم فى حياته ..
شكرا أنك صديقى وشكرا على كل حاجة حلوة
لازم نقول للناس اللى بنحبهم أننا بنحبهم ..
لازم نقول للناس الحلوة اللى فى حياتنا أنهم ناس حلوة