امحى الأثر .. و انبش قبور
ابني فمدن وحواليها حط الف سور
صحي اللي مات
و امسح ماضينا و اسحقه زي الرفات
و اللي اتبنى ف الفين سنة
ف يوم تهده.. مش شهور
دمر مآذن و اهدم قبب
.. و ازرع مكانها أعمدة طوال من حديد
و ايه السبب ؟
اهو دة سؤال ملهوش إجابة و مش جديد
ايه يعني دول حبة ترب دول مش قصور
شيل الآيات فوق الحيطان
و ارميها ع الأرض الحزينة
اللي ف يوم كانت بتضحك
للجدار ابو آية زينة
امحي الأثر و انبش قبور
و صحي اللي مات
اما اللي عايش .. الف رحمة عليه و نور