أنا الفيل أبو زلومة
زعلان وهلوم عليكوا لومة
لإن تعاليم الإسلام نسيتوها
والمبادئ كمان هدمتوها
وبقيتوا بعيد عن بعض وكمان ضعفاء
وحتى مش عارفين تواجهوا الأعداء
فاكرني لما قلت لااا
لإبرهة وجيشه معاه
إلا الكعبة.إلا الكعبة
دي بيت الله
قام ربنا أرسل عليهم طير أبابيل
أصل الكعبة بناها ابراهيم واسماعيل
ابراهيم طول عمره قوي ونبيل
لما عمل موقف جليل
كسر لقومه كل التماثيل
وقام حاطط الفاس على تمثال منهم
ليكون أكبر شاهد ودليل
على إنهم حجر وكمان ضعفا
ولا حتى يعرفوا يشفوا عليل
قاموا قومه رامينه في نار كبيرة
كانت نار عالية خالص وخطيرة
ربنا قال للنار كوني سلام
قامت النار خلصت في ثواني
وسيدنا ابراهيم خرج من تاني
وخرج كمان بسلام
وفي يوم من الأيام
شاف إبراهيم في المنام
إنه بيدبح ابنه
ولما قام من النوم نداه
قاله ياأبت نفذ أوامر الله
لكن ربنا نجاه
وبكبش كبير وفداه
إبراهيم قال وفرحتاه
الشكر لك يارباه
عليك السلام سيدنا إبراهيم
ياخليل الله